Rhaid ichi benderfynu pa fath o gydberchnogaeth yr hoffech ei chael os ydych yn prynu, yn etifeddu neu’n dod yn ymddiriedolwr eiddo gyda rhywun arall. Rydych yn dweud wrth Gofrestrfa Tir EF am hyn pan fyddwch yn cofrestru’r eiddo . Mae’r canllaw hwn hefyd ar gael yn Saesneg (English) . Gallwch berchen ar eiddo naill ai fel ‘cyd-denantiaid’ neu ‘denantiaid cydradd’. Mae’r math o berchnogaeth yn effeithio ar yr hyn y gallwch ei wneud gyda’r eiddo os yw’ch perthynas â chydberchennog yn chwalu, neu os yw un perchennog yn marw. Gallwch gael cyngor cyfreithiol gan rywun sy’n arbenigo mewn eiddo. Cyd-denantiaid Fel cyd-denantiaid (a elwir weithiau yn ‘gyd-denantiaid llesiannol’): mae hawliau cyfartal gennych i’r eiddo cyfan mae’r eiddo yn mynd yn awtomatig i’r perchnogion eraill os ydych yn marw ni allwch drosglwyddo eich perchnogaeth o’r eiddo yn eich ewyllys Tenantiaid cydradd Fel tenantiaid cydradd: gallwch berchen ar gyfrannau gwahanol o’r eiddo nid yw’r eiddo yn mynd yn awtomatig i’r perchnogion eraill os ydych yn marw gallwch drosglwyddo eich cyfran o’r eiddo yn eich ewyllys Newid eich math o berchnogaeth Gallwch newid o fod naill ai’n: gyd-denantiaid i denantiaid cydradd , ee os ydych yn ysgaru neu’n gwahanu ac am adael eich cyfran o’r eiddo i rywun arall tenantiaid cydradd i gyd-denantiaid , ee os ydych yn priodi ac am gael hawliau cyfartal i’r eiddo cyfan Ni chodir ffi i wneud hyn. Gallwch newid o fod yn unig berchennog i denantiaid cydradd neu gyd-denantiaid hefyd, ee os ydych am ychwanegu eich partner fel cydberchennog. Gelwir hyn yn drosglwyddo perchnogaeth . Gwerthu’r eiddo os yw’r perchennog arall wedi colli gallu meddyliol Bydd yn rhaid ichi wneud cais i’r Llys Gwarchod os ydych am werthu’r eiddo ond mae’r perchennog arall wedi colli ‘gallu meddyliol’.

Gwirio manylion eich perchnogaeth

Mae modd gwybod pa fath o gydberchnogaeth sydd gennych trwy edrych ar ddogfennau megis: trosglwyddiad eiddo prydles eiddo gweithred ymddiried, a elwir hefyd yn ‘ddatganiad ymddiried’ (dogfen sy’n nodi cyfran perchennog mewn eiddo cydberchnogaeth) Gall cyfreithiwr , trawsgludwr neu swyddog gweithredol cyfreithiol eich helpu i weld pa fath o gydberchnogaeth sydd gennych os nad ydych yn siwr. Gall eich math o berchnogaeth newid weithiau heb yn wybod ichi, ee os yw un o’r perchnogion eraill yn mynd yn fethdalwr .

Newid o gyd-denantiaid i denantiaid cydradd

Gelwir hyn yn ‘holltiad cyd-denantiaeth’. Dylech wneud cais am ‘ gyfyngiad Ffurf A ’. Gallwch wneud y newid hwn heb gytundeb y perchnogion eraill. Gall cyfreithiwr , trawsgludwr neu swyddog gweithredol cyfreithiol wneud y cais ichi hefyd. Sut i wneud cais os nad yw’r perchnogion eraill yn cytuno ar y newid Cyflwynwch rybudd ysgrifenedig o’r newid (‘rhybudd holltiad’) ar y perchnogion eraill – gall trawsgludwr eich helpu i wneud hyn. Llwythwch i lawr a llenwch ffurflen SEV i gofrestru cyfyngiad heb gytundeb y perchnogion eraill. Gallwch lenwi ffurflen RX1 hefyd i gofrestru ‘cyfyngiad Ffurf A’ os na allwch ddarparu unrhyw dystiolaeth o opsiynau holltiad a restrir yn ffurflen SEV. Paratowch unrhyw ddogfennau cefnogol y mae angen ichi eu cynnwys. Anfonwch y ffurflen a’r dogfennau cefnogol i Ganolfan Dinasyddion Cofrestrfa Tir EF. Ni chodir ffi. Dogfennau cefnogol Dylech gynnwys copi gwreiddiol neu ardystiedig o’r rhybudd o holltiad wedi’i lofnodi gan yr holl berchnogion. Os na allwch gael llofnodion y perchnogion eraill gallwch anfon llythyr yn lle hynny yn ardystio eich bod wedi gwneud un o’r canlynol gyda’r rhybudd o holltiad: ei roi i’r holl berchnogion eraill ei adael yng nghartref neu gyfeiriad busnes hysbys diwethaf y perchnogion eraill yn y DU ei anfon trwy’r post cofrestredig neu bost cofnodedig i gyfeiriad cartref neu fusnes hysbys diwethaf y perchnogion eraill ac ni chafodd ei ddychwelyd fel post heb ei anfon Sut i wneud cais os yw’r perchnogion eraill yn cytuno ar y newid Llwythwch i lawr a llenwch ffurflen SEV i gofrestru ‘cyfyngiad Ffurf A’ os yw’r holl berchnogion yn cytuno. Anfonwch y ffurflen a’r weithred ymddiried i Ganolfan Dinasyddion Cofrestrfa Tir EF. Ni chodir ffi. Ble i anfon eich cais HM Land Registry Citizen Centre PO Box 74 Gloucester GL14 9BB

Newid o denantiaid cydradd i gyd-denantiaid

Rhaid ichi gael cytundeb yr holl gydberchnogion eraill i newid o fod yn denantiaid cydradd i gyd-denantiaid. Gall cyfreithiwr , trawsgludwr neu swyddog gweithredol cyfreithiol wneud y cais ichi hefyd. Sut i wneud cais Cwblhewch weithred ymddiried newydd neu wedi’i diweddaru – gall trawsgludwr eich helpu i wneud hyn. Llwythwch i lawr a llenwch y ffurflen i ddileu cyfyngiad , os yw un wedi cael ei gofrestru. Paratowch unrhyw ddogfennau cefnogol y mae angen ichi eu cynnwys. Anfonwch y ffurflen a’r dogfennau i Ganolfan Dinasyddion Cofrestrfa Tir EF. Ni chodir ffi. Dogfennau cefnogol Rhaid ichi gynnwys un o’r canlynol: copi gwreiddiol neu ardystiedig o’r weithred ymddiried newydd neu wedi’i diweddaru wedi’i lofnodi gan yr holl berchnogion copi ardystiedig o drosglwyddiad yn dangos bod yr holl berchnogion sydd â chyfrannau unigol o’r eiddo wedi trosglwyddo’r rhain i’r holl gyd-denantiaid llesiannol tystysgrif gan eich trawsgludwr yn cadarnhau bod yr holl berchnogion sydd â chyfrannau o’r eiddo wedi llofnodi gweithred ymddiried newydd datganiad statudol wedi’i baratoi gan eich trawsgludwr ‘datganiad o wirionedd’ – naill ai un rydych wedi’i baratoi eich hun neu gan ddefnyddio ffurflen ST5 Os ydych yn anfon datganiad statudol neu ddatganiad o wirionedd, rhaid cynnwys copi ardystiedig o’r weithred ymddiried newydd neu’r trosglwyddiad. Rhaid i ddatganiad o wirionedd fod: yn ysgrifenedig a chynnwys y geiriau “Credaf fod y ffeithiau a’r materion sydd wedi’u cynnwys yn y datganiad hwn yn gywir” wedi’i lofnodi gan y sawl sy’n ei wneud Rhaid i’r dogfennau cefnogol brofi pob un o’r canlynol: nid oes gan unrhyw un arall heblaw’r cydberchnogion a enwir gyfrannau’r eiddo nid oes un o’r cydberchnogion yn mynd yn fethdalwr, nid oes unrhyw un â gorchymyn tâl gan gredydwyr neu’n morgeisio ei gyfran o’r eiddo mae’r holl gydberchnogion yn berchen ar yr eiddo gyda’i gilydd erbyn hyn fel cyd-denantiaid llesiannol Ble i anfon eich cais HM Land Registry Citizen Centre PO Box 74 Gloucester GL14 9BB

Gwerthu pan fydd perchennog wedi colli gallu meddyliol

Rhaid ichi wneud cais i’r Llys Gwarchod os yw pob un o’r canlynol yn gymwys: rydych yn un o 2 neu ragor o berchnogion yr eiddo neu’r tir mae un o’r perchnogion wedi colli ‘gallu meddyliol’ rydych am werthu’r eiddo neu’r tir Mae colli gallu meddyliol yn golygu na all rhywun wneud penderfyniad ei hun ar yr adeg pan fydd angen ei wneud. Mae hyn yn golygu: na all y perchennog sydd wedi colli gallu meddyliol lofnodi dogfennau cyfreithiol rhwymol a bod angen cymorth arno i wneud penderfyniadau bydd yn rhaid ichi wneud cais i benodi rhywun i gymryd lle’r perchennog sydd wedi colli gallu er mwyn i’r eiddo gael ei werthu Penodi rhywun i weithredu ar ran perchennog Bydd yn rhaid ichi benodi rhywun i weithredu ar ran y perchennog sydd wedi colli gallu meddyliol hyd yn oed: os ydych eisoes yn gweithredu ar ran perchennog fel ‘ dirprwy ’ os yw’r Cyfreithiwr Swyddogol yn ‘gyfaill cyfreitha’ ar gyfer perchennog Efallai na fydd yn rhaid ichi wneud cais os oes pŵer atwrnai cofrestredig gennych. Darllenwch y cyfarwyddyd ar werthu eiddo cydberchnogaeth (COP GN2) i weld a oes angen ichi wneud cais. Cael y ffurflenni Llwythwch i lawr a llenwch: ffurflen gais (COP1) y Llys Gwarchod er mwyn ichi allu penodi rhywun sy’n gallu delio â gwerthu’r eiddo yr ymrwymiad arbennig gan ymddiriedolwyr (COP12) ffurflen wybodaeth (COP1D) y datganiad tyst (COP24) – defnyddiwch y cyfarwyddyd ar werthu eiddo cydberchnogaeth (COP GN2) i’w lenwi datganiad tyst arall (COP24) fel tystysgrif o addasrwydd (ee geirda) os nad ydych yn penodi eich hun neu eich cyfreithiwr i weithredu ar gyfer y perchennog Ffïoedd Codir ffi o £408 i wneud cais. Efallai y bydd yn rhaid ichi dalu £494 ychwanegol os yw’r llys yn penderfynu bod angen cynnal gwrandawiad. Darllenwch y cyfarwyddyd ffïoedd i wybod pryd na fydd yn rhaid ichi dalu efallai. Ymholiadau Cysylltwch â’r Llys Gwarchod am gymorth ac i wybod a oes yn rhaid ichi lenwi ffurflenni eraill. Y Llys Gwarchod courtofprotectionenquiries@hmcts.gov.uk Ffôn: 0300 456 4600 Dydd Llun i ddydd Gwener, 9am i 5pm Darllenwch ragor am gost galwadau Gallwch ysgrifennu at y Llys Gwarchod hefyd neu fynd i’r cownter cyhoeddus . Ni allwch gael cyngor cyfreithiol gan staff y llys. Anfon eich cais Anfonwch y copi gwreiddiol ac un copi o bob un o’r canlynol i’r Llys Gwarchod: y ffurflen gais datganiad tyst copi o’r cofnodion yng Nghofrestrfa Tir EF os yw’r gwerthiant yn cynnwys unrhyw dir cofrestredig copi o’r trawsgludiad os yw’r eiddo’n ddigofrestredig unrhyw ddogfennau eraill a gwybodaeth y gofynnir amdanynt Court of Protection PO Box 70185 First Avenue House 42-49 High Holborn London WC1A 9JA Dweud wrth bobl am eich cais Bydd y Llys Gwarchod yn anfon copi o’ch ffurflenni cais atoch, wedi’i stampio â dyddiad cyhoeddi, wythnos ar ôl ichi wneud cais. Rhaid ichi ddweud wrth (‘cyflwyno’) unrhyw un a enwir yn eich cais (ee y sawl sydd wedi colli gallu) ynghylch gwneud cais o fewn 14 diwrnod o’r dyddiad cyhoeddi. Darllenwch y cyfarwyddyd (COP1) i wybod pwy i’w hysbysu. Anfonwch y canlynol atynt: rhybudd bod ffurflen gais wedi cael ei chyhoeddi (COP15) ffurflen gydnabod (COP5) er mwyn iddynt allu cadarnhau eu bod wedi cael gwybod am hyn Gallwch ddweud wrthynt: trwy’r post i’w cyfeiriad cartref trwy ffacs yn bersonol Cadarnhau eich bod wedi dweud wrth bobl O fewn 7 diwrnod o gyflwyno’r dogfennau, rhaid ichi lwytho i lawr a llenwi’r ffurflenni (‘tystysgrifau cyflwyno’) yn cadarnhau eich bod wedi dweud wrth: y perchennog sydd wedi colli gallu meddyliol (COP20A) y bobl eraill a enwir yn y cais (COP20B) Anfonwch nhw i gyd gyda’i gilydd i’r Llys Gwarchod – mae’r cyfeiriad i’w weld ar y ffurflenni. Ar ôl gwneud cais Darllenwch y cyfarwyddyd i gael gwybod beth sy’n digwydd os oes rhaid ichi fynd i wrandawiad yn y Llys Gwarchod . Diweddarwch y cofnodion eiddo ar ôl ichi benodi rhywun i weithredu ar gyfer y perchennog sydd wedi colli gallu meddyliol. Os yw’ch cais yn cael ei wrthod ac ni chawsoch wrandawiad Gallwch ofyn i benderfyniad gael ei ailystyried os yw’ch cais yn cael ei wrthod ac ni chawsoch wrandawiad. Llwythwch i lawr a llenwch ffurflen gais COP9 . Anfonwch y gwreiddiol, un copi o’r ffurflen ac unrhyw ddogfennau y gofynnir amdanynt yn y ffurflen i’r cyfeiriad ar y ffurflen. Rhaid ichi wneud cais o fewn 21 diwrnod i’r penderfyniad gael ei wneud. Mae’n rhad ac am ddim. Os yw’ch cais yn cael ei wrthod a chawsoch wrandawiad Gallwch apelio yn erbyn y penderfyniad os yw’ch cais yn cael ei wrthod a chawsoch wrandawiad llafar. Llwythwch i lawr a llenwch hysbysiad apelydd (COP35) . Anfonwch yr hysbysiad ac unrhyw ddogfennau eraill y gofynnir amdanynt yn y ffurflen i’r cyfeiriad ar y ffurflen. Rhaid ichi wneud cais o fewn 21 diwrnod i’r penderfyniad gael ei wneud neu o fewn y terfyn amser a osodwyd gan y barnwr a wrthododd eich cais. Ffïoedd Codir ffi o £257 i wneud cais. Efallai y bydd yn rhaid ichi dalu £494 ychwanegol os yw’r llys yn penderfynu bod angen cynnal gwrandawiad. Darllenwch y cyfarwyddyd ffïoedd i wybod pryd na fydd yn rhaid ichi dalu efallai. Ceisiadau brys Cysylltwch â’r Llys Gwarchod i wneud cais brys , ee i atal rhywun sydd heb y gallu meddyliol rhag cael ei symud o’r lle mae’n byw.

Cydberchnogaeth

Trosolwg

Rhaid ichi benderfynu pa fath o gydberchnogaeth yr hoffech ei chael os ydych yn prynu, yn etifeddu neu’n dod yn ymddiriedolwr eiddo gyda rhywun arall. Rydych yn dweud wrth Gofrestrfa Tir EF am hyn pan fyddwch yn cofrestru’r eiddo.

Mae’r canllaw hwn hefyd ar gael yn Saesneg (English).

Gallwch berchen ar eiddo naill ai fel ‘cyd-denantiaid’ neu ‘denantiaid cydradd’.

Mae’r math o berchnogaeth yn effeithio ar yr hyn y gallwch ei wneud gyda’r eiddo os yw’ch perthynas â chydberchennog yn chwalu, neu os yw un perchennog yn marw.

Gallwch gael cyngor cyfreithiol gan rywun sy’n arbenigo mewn eiddo.

Cyd-denantiaid

Fel cyd-denantiaid (a elwir weithiau yn ‘gyd-denantiaid llesiannol’):

mae hawliau cyfartal gennych i’r eiddo cyfan
mae’r eiddo yn mynd yn awtomatig i’r perchnogion eraill os ydych yn marw
ni allwch drosglwyddo eich perchnogaeth o’r eiddo yn eich ewyllys

Tenantiaid cydradd

Fel tenantiaid cydradd:

gallwch berchen ar gyfrannau gwahanol o’r eiddo
nid yw’r eiddo yn mynd yn awtomatig i’r perchnogion eraill os ydych yn marw
gallwch drosglwyddo eich cyfran o’r eiddo yn eich ewyllys

Newid eich math o berchnogaeth

Gallwch newid o fod naill ai’n:

gyd-denantiaid i denantiaid cydradd, ee os ydych yn ysgaru neu’n gwahanu ac am adael eich cyfran o’r eiddo i rywun arall
tenantiaid cydradd i gyd-denantiaid, ee os ydych yn priodi ac am gael hawliau cyfartal i’r eiddo cyfan

Ni chodir ffi i wneud hyn.

Gallwch newid o fod yn unig berchennog i denantiaid cydradd neu gyd-denantiaid hefyd, ee os ydych am ychwanegu eich partner fel cydberchennog. Gelwir hyn yn drosglwyddo perchnogaeth.

Gwerthu’r eiddo os yw’r perchennog arall wedi colli gallu meddyliol

Bydd yn rhaid ichi wneud cais i’r Llys Gwarchod os ydych am werthu’r eiddo ond mae’r perchennog arall wedi colli ‘gallu meddyliol’.

Gweld fersiwn argraffadwy o'r canllaw cyfan

Cydberchnogaeth

Trosolwg

Cyd-denantiaid

Tenantiaid cydradd

Newid eich math o berchnogaeth

Gwerthu’r eiddo os yw’r perchennog arall wedi colli gallu meddyliol

Is this page useful?

Help us improve GOV.UK

Help us improve GOV.UK

Cookies on GOV.UK

Cydberchnogaeth

Trosolwg

Cyd-denantiaid

Tenantiaid cydradd

Newid eich math o berchnogaeth

Gwerthu’r eiddo os yw’r perchennog arall wedi colli gallu meddyliol

Is this page useful?

Help us improve GOV.UK

Help us improve GOV.UK