Gallwch gynilo’n ddi-dreth gyda Chyfrifon Cynilo Unigol ( ISAs ). Yn y flwyddyn dreth 2024 i 2025, £20,000 yw’r mwyaf gallwch ei gynilo mewn ISA Mae 4 fath o ISA : ISAs arian parod ISAs stociau a chyfranddaliadau ISAs cyllid arloesol ISAs gydol oes (yn agor tudalen Saesneg) Mae’r canllaw hwn hefyd ar gael yn Saesneg (English) . Pwy sy’n cael agor ISA Mae’n rhaid i chi fod yn 18 oed neu’n hŷn i agor ISA . Os ydych yn agor ISA Gydol Oes, mae’n rhaid i chi fod o dan 40 oed. Os cawsoch eich geni rhwng 6 Ebrill 2006 a 5 Ebrill 2008, gallwch agor un ISA arian parod cyn i chi droi’n 18 oed. Mae’n rhaid i chi hefyd fod naill ai: yn preswylio yn y DU aelod o’r lluoedd arfog neu un o weision y Goron (er enghraifft gwasanaeth sifil diplomyddol neu dramor) neu briod neu bartner sifil os nad ydych yn byw yn y DU Does dim modd i chi ddal ISA ar ran rhywun arall. Gallwch gael ISA ar gyfer Plant Iau (yn agor tudalen Saesneg) ar gyfer plant dan 18 oed. Agor a rheoli ISA ar ran rhywun sydd heb y galluedd meddyliol i wneud hyn drosto’i hun Gallwch wneud cais am ISA a’i reoli ar ran rhywun os yw’r canlynol yn wir: rydych yn dal pŵer atwrnai arhosol (LPA) ar ei ran rydych yn ddirprwy materion ariannol ar ei ran I wneud cais i fod yn ddirprwy materion ariannol: yng Nghymru a Lloegr gwneud cais i’r Llys Gwarchod yn yr Alban gwneud cais i Swyddfa’r Gwarcheidwad Cyhoeddus yn yr Alban yng Ngogledd Iwerddon gwneud cais i’r Swyddfa Gofal a Diogelu (yn agor tudalen Saesneg)

Sut mae ISAs yn gweithio

Mae 4 math o Gyfrifon Cynilo Unigol ( ISA ): ISA arian parod ISA stociau a chyfranddaliadau ISA cyllid arloesol ISA gydol oes (yn agor tudalen Saesneg) Nid ydych yn talu treth ar: llog ar arian mewn ISA incwm neu enillion cyfalaf o fuddsoddiadau mewn ISA Os byddwch yn llenwi ffurflen dreth, nid oes angen i chi ddatgan unrhyw log, incwm nac enillion cyfalaf ar yr ISA . Rhoi arian mewn ISA Bob blwyddyn dreth, gallwch gynilo hyd at £20,000 mewn un cyfrif neu rannu’r lwfans ar draws sawl cyfrif. Mae’r flwyddyn dreth yn rhedeg o 6 Ebrill i 5 Ebrill. Dim ond mewn un ISA Gydol Oes y gallwch ei dalu mewn blwyddyn dreth. Yr uchafswm y gallwch ei dalu yw £4,000. Enghraifft Gallech gynilo £15,000 mewn ISA arian parod, £2,000 mewn ISA stociau a chyfranddaliadau a £3,000 mewn ISA cyllid arloesol mewn un flwyddyn dreth. Enghraifft Gallech gynilo £11,000 mewn ISA arian parod, £2,000 mewn ISA stociau a chyfranddaliadau, £3,000 mewn ISA cyllid arloesol a £4,000 mewn ISA Gydol Oes mewn un flwyddyn dreth. Enghraifft Gallech gynilo £10,000 mewn un ISA arian parod, £3,000 mewn ISA arian parod arall a £7,000 mewn stociau ISA a chyfranddaliadau mewn un flwyddyn dreth. Ni fydd eich ISAs yn cau pan fydd y flwyddyn dreth yn dod i ben. Byddwch yn cadw’ch cynilion ar sail ddi-dreth cyhyd â’ch bod yn cadw’r arian yn eich cyfrifon. Beth allwch ei gynnwys yn eich ISAs Gall ISAs arian parod gynnwys: cynilion mewn cyfrifon banc a chymdeithasau adeiladu rhai cynnyrch Cynilion a Buddsoddiadau Cenedlaethol (yn agor tudalen Saesneg) Gall ISAs stociau a chyfranddaliadau gynnwys: cyfranddaliadau mewn cwmnïau ymddiriedolaethau unedol a chronfeydd buddsoddi bondiau corfforaethol bondiau’r llywodraeth Chewch chi ddim trosglwyddo unrhyw gyfranddaliadau nad ydynt yn rhan o ISA rydych chi eisoes yn berchen arnynt i ISA oni eu bod yn dod o gynllun cyfranddaliadau gweithiwr (yn agor tudalen Saesneg) . Gall ISAs Gydol Oes gynnwys naill ai: arian parod stociau a chyfranddaliadau Gall ISAs cyllid arloesol gynnwys: benthyciadau cymar-i-gymar - benthyciadau sy’n cael eu rhoi i bobl neu i fusnesau eraill heb ddefnyddio banc ‘dyledebau cyllido torfol’ - buddsoddi mewn busnes drwy brynu ei ddyled cronfeydd lle mae’r cyfnod rhybudd neu adbrynu yn golygu na ellir eu dal mewn ISA stociau a chyfranddaliadau Ni allwch drosglwyddo unrhyw drefniadau yr ydych eisoes wedi’u gwneud neu fuddsoddiadau sydd gennych eisoes mewn ISA cyllid arloesol. Os oes gennych gwestiynau am y rheolau treth ar gyfer ISAs, gallwch ffonio Llinell Gymorth ISA (yn agor tudalen Saesneg) .

Gallwch gael Cyfrif Cynilo Unigol ( ISA ) gan: banciau cymdeithasau adeiladu undebau credyd cymdeithasau cyfeillgar broceriaid stoc gwasanaethau benthyca cymar-i-gymar cwmnïau cyllido torfol sefydliadau ariannol eraill Cysylltwch â’ch darparwr yn uniongyrchol i gael rhagor o wybodaeth am sut mae agor ISA gyda nhw.

Tynnu’ch arian allan

Gallwch dynnu eich arian o Gyfrif Cynilo Unigol ( ISA ) unrhyw bryd, heb golli unrhyw fuddion treth. Edrychwch ar delerau eich ISA i weld a oes unrhyw reolau neu daliadau am dynnu arian allan. Mae rheolau gwahanol ar gyfer tynnu eich arian allan o ISA Gydol Oes (yn agor tudalen Saesneg) . Os yw eich ISA yn ‘hyblyg’, gallwch dynnu arian allan ac yna ei roi yn ôl i mewn yn ystod yr un flwyddyn dreth heb leihau eich lwfans blwyddyn gyfredol. Bydd eich darparwr yn gallu dweud wrthych a yw eich ISA yn hyblyg. Enghraifft £20,000 yw eich lwfans ac rydych yn rhoi £10,000 mewn ISA yn ystod blwyddyn dreth 2024 i 2025. Rydych chi wedyn yn tynnu £3,000 allan. Dyma faint gallwch ei roi i mewn yn ystod yr un flwyddyn dreth: £13,000 os yw eich ISA yn hyblyg (y lwfans sy’n weddill sef £10,000 a’r £3,000 roeddech wedi’i dynnu allan) £10,000 os nad yw eich ISA yn hyblyg (dim ond y lwfans sy’n weddill)

Gallwch drosglwyddo’r holl arian yn eich Cyfrif Cynilo Unigol ( ISA ), neu ran ohono, o un darparwr i un arall unrhyw bryd. Gallai hyn fod i fath gwahanol o ISA neu i’r un math o ISA . Gall y buddsoddiad fod wedi cael ei wneud eleni neu yn ystod y blynyddoedd blaenorol. Mae cyfyngiadau ar y trosglwyddiadau y gallwch eu gwneud os oes gennych ISA gydol oes (yn agor tudalen Saesneg) neu ISA Iau (yn agor tudalen Saesneg) . Cyfyngiadau ar yr hyn y gallwch ei drosglwyddo Gallwch drosglwyddo arian o’ch ISA cyllid arloesol i ddarparwr arall - ond efallai na fyddwch yn gallu trosglwyddo buddsoddiadau eraill ohono. Holwch eich darparwr am unrhyw gyfyngiadau sydd ganddo ar drosglwyddo ISAs . Efallai y bydd hefyd yn codi ffi arnoch. Sut mae trosglwyddo eich ISA I newid darparwr, cysylltwch â’r darparwr ISA rydych am symud ato a llenwi ffurflen drosglwyddo ISA i symud eich cyfrif. Os byddwch yn tynnu’r arian allan heb wneud hyn, ni fyddwch yn cael ail-fuddsoddi’r rhan honno o’ch lwfans sy’n rhydd o dreth eto . Dyddiadau cau a chwynion Ni ddylai trosglwyddo ISA gymryd mwy na: 15 diwrnod gwaith ar gyfer trosglwyddiadau rhwng ISAs arian 30 diwrnod calendr ar gyfer mathau eraill o drosglwyddo Os ydych eisiau trosglwyddo buddsoddiadau sy’n cael eu dal mewn ISA cyllid arloesol, holwch eich darparwr faint o amser bydd hynny’n ei gymryd. Os bydd y trosglwyddo’n cymryd mwy o amser nag y dylai, cysylltwch â’ch darparwr ISA . Os ydych yn anhapus gyda’r ymateb, gallwch godi’r mater gyda Gwasanaeth yr Ombwdsmon Ariannol. Gwasanaeth yr Ombwdsmon Ariannol Ffôn (ar gyfer llinellau tir): 0800 023 4567 Ffôn (ar gyfer ffonau symudol): 0300 123 9123 Dydd Llun – Dydd Gwener, 08:00 i 20:00 Dydd Sadwrn, 09:00 i 13:00 Dysgwch am gostau galwadau

Os byddwch yn symud dramor

Os byddwch yn agor Cyfrif Cynilo Unigol ( ISA ) yn y DU ac yna’n symud dramor, chewch chi ddim rhoi arian ynddo ar ôl y flwyddyn dreth pan fyddwch yn symud (oni bai eich bod yn un o weithwyr y Goron sy’n gweithio dramor neu’n briod neu bartner sifil i unigolyn o’r fath). Rhaid i chi roi gwybod i ddarparwr eich ISA cyn gynted ag y byddwch yn rhoi’r gorau i breswylio yn y DU. Fodd bynnag, gallwch gadw’ch ISA ar agor a byddwch yn dal i gael rhyddhad treth y DU ar yr arian a’r buddsoddiadau sy’n cael eu dal ynddo. Gallwch drosglwyddo ISA i ddarparwr arall hyd yn oed os nad ydych yn byw yn y DU. Gallwch dalu arian i’ch ISA eto os byddwch yn dychwelyd ac yn breswylydd yn y DU (yn amodol ar y lwfans ISA blynyddol ).

Bydd eich ISA yn dod i ben pan fydd naill ai: eich ysgutor yn ei gau y gwaith o weinyddu eich ystad wedi’i gwblhau Fel arall, bydd eich darparwr ISA yn cau eich ISA 3 blynedd ac 1 diwrnod ar ôl i chi farw. Fydd dim angen talu unrhyw Dreth Incwm na Threth Enillion Cyfalaf hyd at y dyddiad hwnnw, ond bydd buddsoddiadau ISA yn rhan o’ch ystad at ddibenion Treth Etifeddiaeth . ISAs stociau a chyfranddaliadau Gellir cyfarwyddo eich darparwr ISA i naill ai: gwerthu’r buddsoddiadau a thalu’r elw i weinyddwr neu fuddiolwr eich ystad trosglwyddo’r buddsoddiadau i ISA eich priod neu bartner sifil sy’n fyw - dim ond os oes ganddynt yr un darparwr ISA â chi y mae hyn yn bosibl Edrychwch ar delerau ac amodau eich ISA i gael y manylion.

Etifeddu ISA gan eich priod neu bartner sifil

Os bydd eich priod neu’ch partner sifil yn marw gallwch etifeddu eu lwfans ISA . Yn ogystal â’ch lwfans ISA arferol, gallwch ychwanegu swm di-dreth hyd at naill ai: y gwerth a oedd ganddynt yn eu ISA pan fuont farw gwerth eu ISA pan fydd yn cael ei gau Cysylltwch â’ch darparwr ISA neu ddarparwr ISA eich priod neu bartner sifil i gael y manylion. Os bu farw’ch priod neu bartner sifil rhwng 3 Rhagfyr 2014 a 5 Ebrill 2018 Daeth ei ISA i ben ar ddyddiad ei marwolaeth. Bydd buddsoddiadau ISAs yn ffurfio rhan o’i ystâd/hystâd at ddibenion Treth Etifeddiant. Gellir cyfarwyddo ei ddarparwr ISA i werthu’r buddsoddiadau a naill ai: talu’r elw i weinyddwr neu fuddiolwr ei ystâd trosglwyddo’r buddsoddiadau’n uniongyrchol iddyn nhw Gallwch etifeddu ei lwfans ISA . Yn ogystal â’ch lwfans ISA arferol, gallwch ychwanegu swm di-dreth hyd at y gwerth a oedd ganddynt yn ei ISA pan fu farw. Cysylltwch â’ch darparwr ISA neu ddarparwr ISA eich priod neu bartner sifil i gael y manylion.

Cyfrifon Cynilo Unigol (ISAs)

Trosolwg

Gallwch gynilo’n ddi-dreth gyda Chyfrifon Cynilo Unigol (ISAs).

Yn y flwyddyn dreth 2024 i 2025, £20,000 yw’r mwyaf gallwch ei gynilo mewn ISA

Mae 4 fath o ISA:

ISAs arian parod
ISAs stociau a chyfranddaliadau
ISAs cyllid arloesol
ISAs gydol oes (yn agor tudalen Saesneg)

Mae’r canllaw hwn hefyd ar gael yn Saesneg (English).

Pwy sy’n cael agor ISA

Mae’n rhaid i chi fod yn 18 oed neu’n hŷn i agor ISA. Os ydych yn agor ISA Gydol Oes, mae’n rhaid i chi fod o dan 40 oed.

Os cawsoch eich geni rhwng 6 Ebrill 2006 a 5 Ebrill 2008, gallwch agor un ISA arian parod cyn i chi droi’n 18 oed.

Mae’n rhaid i chi hefyd fod naill ai:

yn preswylio yn y DU
aelod o’r lluoedd arfog neu un o weision y Goron (er enghraifft gwasanaeth sifil diplomyddol neu dramor) neu briod neu bartner sifil os nad ydych yn byw yn y DU

Does dim modd i chi ddal ISA ar ran rhywun arall.

Gallwch gael ISA ar gyfer Plant Iau (yn agor tudalen Saesneg) ar gyfer plant dan 18 oed.

Agor a rheoli ISA ar ran rhywun sydd heb y galluedd meddyliol i wneud hyn drosto’i hun

Gallwch wneud cais am ISA a’i reoli ar ran rhywun os yw’r canlynol yn wir:

rydych yn dal pŵer atwrnai arhosol (LPA) ar ei ran
rydych yn ddirprwy materion ariannol ar ei ran

I wneud cais i fod yn ddirprwy materion ariannol:

yng Nghymru a Lloegr gwneud cais i’r Llys Gwarchod
yn yr Alban gwneud cais i Swyddfa’r Gwarcheidwad Cyhoeddus yn yr Alban
yng Ngogledd Iwerddon gwneud cais i’r Swyddfa Gofal a Diogelu (yn agor tudalen Saesneg)

Argraffu'r canllaw cyfan

Cyfrifon Cynilo Unigol (ISAs)

Trosolwg

Pwy sy’n cael agor ISA

Agor a rheoli ISA ar ran rhywun sydd heb y galluedd meddyliol i wneud hyn drosto’i hun

Is this page useful?

Help us improve GOV.UK

Help us improve GOV.UK

Cookies on GOV.UK

Cyfrifon Cynilo Unigol (ISAs)

Trosolwg

Pwy sy’n cael agor ISA

Agor a rheoli ISA ar ran rhywun sydd heb y galluedd meddyliol i wneud hyn drosto’i hun

Is this page useful?

Help us improve GOV.UK

Help us improve GOV.UK