Yr Ysgrifennydd Gwladol yn cael profiad uniongyrchol o’r Aston Martin moethus newydd a fydd yn cael ei adeiladu yng Nghymru
Heddiw, mae Alun Cairns wedi bod yn cael golwg ar ddyluniadau manwl ar gyfer car DBX newydd Aston Martin – a fydd yn cael ei adeiladu yng Nghymru. Dywedodd ei fod yn “bleidlais enfawr o hyder yn sector gweithgynhyrchu Cymru.”
Secretary of State for Wales, Rt Alun Cairns with Aston Martin CEO Dr Andy Palmer
Heddiw, mae Alun Cairns wedi bod yn cael golwg ar ddyluniadau manwl ar gyfer car DBX newydd Aston Martin – a fydd yn cael ei adeiladu yng Nghymru. Dywedodd ei fod yn “bleidlais enfawr o hyder yn sector gweithgynhyrchu Cymru.”
Roedd Ysgrifennydd Gwladol Cymru yn siarad ar ôl cael taith o gwmpas prif swyddfa Aston Martin Lagonda yn Gaydon yn Swydd Warwick.
Gwelodd ddyluniadau diweddaraf ar gyfer car DBX y cwmni, a fydd yn cael ei gynhyrchu yn Sied Fawr Sain Tathan ym Mro Morgannwg.
Ym mis Chwefror eleni, cyhoeddodd Aston Martin Lagonda y byddai’r DBX – cerbyd cyflym bob pwrpas – yn cael ei wneud yn Sain Tathan gan greu 750 o swyddi a 1,000 yn rhagor yn y gadwyn gyflenwi ac ym musnesau lleol. Bydd gwaith ar y ffatri yn dechrau yn 2017, gyda’r cerbyd yn dechrau cael ei gynhyrchu dair blynedd yn ddiweddarach.
Dywedodd Mr Cairns:
Mae penderfyniad Aston Martin Lagonda i ddod i Gymru yn bleidlais enfawr o hyder yn sector gweithgynhyrchu Cymru.
Mae’n dangos bod allforwyr mawr sydd am gael gweithlu medrus a chysylltiadau trafnidiaeth hwylus yn dewis Cymru fel canolfan weithgynhyrchu. Rwy’n falch bod Swyddfa Cymru wedi llwyddo i weithio gyda Llywodraeth Cymru a Llywodraeth y DU i sicrhau bod hyn yn digwydd.
Roedd cael profiad uniongyrchol o’r cerbydau trawiadol hyn a gweld y cynlluniau cyffrous ar y bwrdd lluniadu yn brofiad gwerth chweil.
Lansiodd Aston Martin y car cysyniadol moethus DBX yn 85fed sioe foduron Geneva International yn 2015. Mae’r cerbyd gyriant pedair olwyn yn cyfuno peirianneg arloesol â dyluniad byd-enwog Aston Martin.