Ysgrifennydd Gwladol Cymru yn croesawi buddsoddiad yn rheilffyrdd Cymru
KeolisAmey sydd wedi’i gadarnhau heddiw fel gweithredwr newydd masnachfraint rheilffyrdd Cymru a’r Gororau
KeolisAmey will run the Wales and Borders franchise
Dywedodd Alun Cairns, Ysgrifennydd Gwladol Cymru:
“Llongyfarchiadau i KeolisAmey sydd wedi’i gadarnhau heddiw fel gweithredwr newydd masnachfraint rheilffyrdd Cymru a’r Gororau. Mae’r garreg filltir hon yn dangos y cydweithredu effeithiol sydd wedi digwydd rhwng Llywodraethau’r DU a Chymru a’r diwydiant rheilffyrdd yng Nghymru drwy gydol y broses.
“Mae gwasanaethau sy’n cael eu gweithredu dan fasnachfraint Cymru a’r Gororau’n elfen hanfodol o seilwaith cludiant Cymru gan wasanaethu miloedd o gymudwyr a theithwyr bob dydd.
“Mae’n hanfodol bod gan Gymru gysylltiadau trafnidiaeth o’r radd flaenaf i gludo pobl i’w swyddi, annog buddsoddiad a helpu ein heconomi i dyfu. Yn fwy na hynny, mae’n bwysig bod unrhyw fuddsoddiad yn y dyfodol yn darparu gwelliannau gweladwy ac ymarferol i’r profiad o deithio ar drên ar fasnachfraint sydd â photensial i ddatblygu cysylltiadau trafnidiaeth rhwng Cymru a Lloegr.
“Gyda’r pwerau masnachfraint rydyn ni’n eu datganoli i Lywodraeth Cymru, mae Llywodraeth y DU wedi cyflawni argymhellion allweddol Comisiwn Syr Paul Silk ar Ddatganoli yng Nghymru. Nawr rydyn ni eisiau i Lywodraeth Cymru gyflawni ar ein huchelgais ar y cyd i wella cysylltedd, lleihau amseroedd siwrneiau a chreu seilwaith cludiant sy’n addas ar gyfer y dyfodol.”