Symud o DLA i PIP: newidiadau i gyfraith PIP o 23 Tachwedd 2017
Diweddarwyd 26 Tachwedd 2024
© Hawlfraint y Goron 2024
Mae'r cyhoeddiad hwn wedi'i drwyddedu o dan delerau Trwydded Agored y Llywodraeth v3.0 ac eithrio ble nodir yn wahanol. I weld y drwydded hon, ewch i nationalarchives.gov.uk/doc/open-government-licence/version/3 neu ysgrifennwch at y Tîm Polisi Gwybodaeth, Yr Archifau Gwladol, Kew, Llundain TW9 4DU, neu anfonwch e-bost at: psi@nationalarchives.gov.uk.
Lle byddwn wedi nodi unrhyw wybodaeth am hawlfraint trydydd parti, bydd angen i chi gael caniatâd gan ddeiliaid yr hawlfraint dan sylw.
Mae'r cyhoeddiad hwn ar gael yn https://www.gov.uk/government/publications/personal-independence-payment-changes/4a12e30d-a757-4112-8dd4-903df48c7054
1. Cefndir
Rhedodd yr ymarfer hwn rhwng mis Rhagfyr 2018 a mis Mai 2019.
Os cawsoch Lwfans Byw i’r Anabl (DLA) ac yna gwneud cais am Daliad Annibyniaeth Personol (PIP), fe wnaethoch barhau i gael DLA tan 28 diwrnod ar ôl i’r Adran Gwaith a Phensiynau wneud penderfyniad am eich cais PIP.
Fodd bynnag, gwnaethom atal eich taliadau DLA a’ch hawliad PIP os na wnaethoch:
- fynd i asesiad wyneb yn wyneb pan ofynasom i chi wneud hynny, neu
- dilyn y broses hawlio PIP
2. Newidiadau i gyfraith PIP
Fe wnaethom adfer eich DLA os oeddem ni neu dribiwnlys yn canfod bod gennych ‘reswm da’ i beidio â:
- mynd i asesiad PIP wyneb yn wyneb pan ofynasom ichi wneud hynny, neu
- darparu’r wybodaeth neu’r dystiolaeth y gwnaethom ofyn amdano
Roedd y newid hwn yn berthnasol i benderfyniadau a wnaeth DWP ynghylch pobl yn symud o DLA i PIP o 23 Tachwedd 2017.
3. Beth oedd hyn yn ei olygu i chi
3.1 Os oeddech chi’n cael PIP
Gwnaethom edrych eto ar geisiadau y gwnaethom benderfynu arnynt ar neu ar ôl 23 Tachwedd 2017 tan 17 Rhagfyr 2018 i wirio a oedd y newid hwn yn golygu y gallech fod wedi bod yn gymwys i gael mwy o DLA.
3.2 Os oeddech chi’n gwneud cais am PIP
Os cawsoch DLA ac wedi gwneud cais am PIP, fe wnaethoch barhau i gael DLA tan 28 diwrnod ar ôl i’r Adran Gwaith a Phensiynau wneud penderfyniad am eich cais PIP. Roedd yn rhaid i chi gael asesiad wyneb yn wyneb o hyd pe byddem yn gofyn ichi ddilyn y broses hawlio a pharhau i’w dilyn. Fe wnaethom atal eich DLA a’ch hawliad PIP os na aethoch i asesiad wyneb yn wyneb pan ofynasom ichi wneud hynny, neu os na wnaethoch ddilyn y broses hawlio.
Ond fe wnaethom adfer eich DLA os gwnaethom benderfynu derbyn eich rhesymau dros beidio â mynd i asesiad PIP neu beidio â dilyn y broses hawlio PIP.
Gwnaethpwyd y newid hwn o 17 Rhagfyr 2017.
Mae’r newid o ganlyniad i dyfarniad y Tribiwnlys Uchaf.
3.3 Help gyda PIP
Gallwch gysylltu â sefydliad cymorth lleol neu Cyngor ar Bopeth i gael help i ddeall PIP.