Diogelwch a goruchwyliaeth: newidiadau i gyfraith PIP o 9 Mawrth 2017
Diweddarwyd 26 Tachwedd 2024
© Hawlfraint y Goron 2024
Mae'r cyhoeddiad hwn wedi'i drwyddedu o dan delerau Trwydded Agored y Llywodraeth v3.0 ac eithrio ble nodir yn wahanol. I weld y drwydded hon, ewch i nationalarchives.gov.uk/doc/open-government-licence/version/3 neu ysgrifennwch at y Tîm Polisi Gwybodaeth, Yr Archifau Gwladol, Kew, Llundain TW9 4DU, neu anfonwch e-bost at: psi@nationalarchives.gov.uk.
Lle byddwn wedi nodi unrhyw wybodaeth am hawlfraint trydydd parti, bydd angen i chi gael caniatâd gan ddeiliaid yr hawlfraint dan sylw.
Mae'r cyhoeddiad hwn ar gael yn https://www.gov.uk/government/publications/personal-independence-payment-changes/95a84f26-e1ea-4a85-8555-bad11c5d31ca
Cefndir
Wrth i chi wneud cais am PIP, mae’r Adran Gwaith a Phensiynau (DWP) yn asesu’r effaith sydd gan unrhyw anableddau a chyflyrau iechyd ar eich gallu i fyw bywyd annibynnol.
Yn asesiadau PIP, caiff eich gallu ei asesu neu ei fesur yn erbyn nifer o weithgareddau bob dydd ac os ydych yn gallu eu cwblhau:
- yn ddiogel
- i safon dderbyniol
- dro ar ôl tro
- o fewn cyfnod amser rhesymol
Rydym hefyd yn ystyried os oes angen goruchwyliaeth arnoch ar gyfer rhai gweithgareddau.
Newid i gyfraith PIP
O 9 Mawrth 2017, bu newid i’r ffordd y mae DWP yn ystyried a allwch gwblhau gweithgaredd PIP yn ddiogel ac os oes angen goruchwyliaeth arnoch trwy ystyried:
- y tebygrwydd o niwed yn digwydd
- difrifoldeb a natur y niwed a allai ddigwydd
Beth mae hyn yn ei olygu i chi
Rydym yn edrych ar yr holl hawliadau PIP cyfredol i wirio a yw’r newid hwn yn golygu y gallech fod yn gymwys i gael rhagor o gefnogaeth o dan PIP.
Rydym hefyd yn edrych eto ar hawliadau a benderfynwyd gennym ar neu ar ôl 9 Mawrth 2017 lle na wnaethom ddyfarnu PIP.
Ni fyddwn yn edrych ar eich cais PIP eto os ydych wedi bod yn cael y gyfradd well o elfennau bywyd bob dydd a symudedd PIP ers 9 Mawrth 2017.
Unwaith y byddwn wedi edrych ar eich hawliad eto byddwn yn ysgrifennu atoch i roi gwybod i chi am y canlyniad. Oherwydd y nifer fawr o achosion y bydd angen i’r DWP eu hadolygu, efallai y bydd yn cymryd peth amser i chi gael y llythyr hwn.
Efallai na fyddwch yn cael mwy o PIP o dan y newid hwn. Os penderfynwn y dylech gael mwy o PIP, bydd eich dyfarniad fel arfer yn cael ei ôl-ddyddio i 9 Mawrth 2017, neu os gwnaethoch hawlio PIP ar ôl 9 Mawrth 2017, wedi’i ôl-ddyddio i’r dyddiad y dechreuoch gael PIP.
Nid ydym yn bwriadu’ch gwahodd i asesiad wyneb yn wyneb fel rhan o’r adolygiad hwn.
Mae’r newid i sut y mae diogelwch a goruchwyliaeth yn cael ei ystyried o ganlyniad i farn Uwch Dribiwnlys ar ddiogelwch a goruchwyliaeth.
Gallwch wneud cais am PIP eto os credwch y gallech fod yn gymwys erbyn hyn. Bydd y newid i gyfraith PIP yn berthnasol i bob cais newydd.
Help gyda PIP
Gallwch gysylltu â sefydliad cymorth lleol neu Gyngor ar Bopeth i gael help i ddeall PIP.