Apelio yn erbyn penderfyniad iawndal gwaed heintiedig
Apêl yn erbyn penderfyniad iawndal gan yr Awdurdod Iawndal Gwaed Heintiedig (IBCA).
Trosolwg
Gallwch apelio yn erbyn penderfyniad am eich cais cynllun iawndal gwaed heintiedig.
Penderfynir ar apeliadau gan y Tribiwnlys Nawdd Cymdeithasol a Chynnal Plant a gefnogir gan Wasanaeth Llysoedd a Thribiwnlysoedd EF (GLlTEF). Mae’r tribiwnlys yn ddiduedd ac yn annibynnol ar y llywodraeth a’r Awdurdod Iawndal Gwaed Heintiedig (IBCA).
Bydd y tribiwnlys yn gwneud penderfyniad ar ôl adolygu’r holl dystiolaeth a gwrando ar y ddwy ochr.
Cyn i chi apelio
Rhaid i chi ofyn i’r penderfyniad am eich cais gael ei ystyried eto cyn y gallwch apelio - gelwir hyn yn ‘penderfyniad adolygu’. Ar ôl yr adolygiad, bydd hysbysiad o benderfyniad yn cael ei anfon atoch gyda chanlyniad yr adolygiad.
Sut i apelio
Nid yw’n costio arian i apelio yn erbyn penderfyniad gan y Cynllun Iawndal Gwaed Heintiedig.
Rhaid i chi apelio i’r tribiwnlys o fewn un mis calendr i chi gael eich hysbysiad o benderfyniad adolygu. Os yw eich apêl yn hwyrach nag un mis calendr, bydd yn rhaid i chi esbonio pam a bydd y tribiwnlys yn penderfynu a all eich apêl fynd yn ei blaen.
Penderfynir ar eich apêl mewn gwrandawiad tribiwnlys, a gallwch ddewis p’un a ydych am fynd i’r gwrandawiad hwnnw ai peidio.
Cymorth a chyngor
Gallwch gael cymorth a chyngor rhad ac am ddim gan:
-
[Cyngor ar Bopeth](https://www.citizensadvice.org.uk/wales/about-us/contact-us/
Gallwch hefyd ofyn am gyngor gan gynghorydd cyfreithiol neu gyfreithiwr.
Cyflwyno eich apêl
I apelio i’r tribiwnlys bydd arnoch angen:
-
eich cyfeirnod IBCA
-
manylion y cynrychiolydd sy’n eich helpu gyda’ch apêl (os ydych yn defnyddio un)
-
eich hysbysiad o benderfyniad adolygu - bydd hwn yn cael ei anfon atoch ar ôl i chi ofyn i benderfyniad yr IBCA gael ei ailystyried
Dechrau eich apêl
Mewngofnodwch i barhau gydag apêl wedi’i chadw
Apelio drwy’r post
Gwneud cais am ffurflen apêl
I apelio yn erbyn penderfyniad ynghylch iawndal gwaed heintiedig, ffoniwch y rhif perthnasol i ofyn am ffurflen apelio.
Os ydych yn byw yng Nghymru, Lloegr, Gogledd Iwerddon neu dramor
Ffoniwch: 0300 1312850
Dydd Llun i ddydd Gwener, 9am to 4pm
Gwybodaeth am brisiau galwadau
Os ydych yn byw yn yr Alban
Ffoniwch: 0300 790 6234
Dydd Llun i ddydd Gwener, 8:30am to 5pm
Gwybodaeth am brisiau galwadau
Ar gyfer siaradwyr Cymraeg
Ffoniwch: 0300 303 5170
Dydd Llun i ddydd Gwener, 8:30am to 5pm
Gwybodaeth am brisiau galwadau
Cofrestru cynrychiolydd i helpu gyda’ch apêl
Gallwch enwebu rhywun fel ‘cynrychiolydd’ i’ch helpu gyda’ch apêl. Gall cynrychiolydd:
-
eich helpu i gyflwyno eich apêl neu baratoi eich tystiolaeth
-
gweithredu ar eich rhan
-
rhoi cyngor i chi
Gall unrhyw un fod yn gynrychiolydd, gan gynnwys ffrindiau a theulu.
Efallai y byddwch hefyd yn gallu dod o hyd i gynrychiolydd trwy lyfrgell leol neu o sefydliad yn eich ardal sy’n rhoi cyngor ar geisiadau Iawndal Gwaed Heintiedig, megis Cyngor ar Bopeth.
Bydd gan eich cynrychiolydd ganiatâd i weithredu ar eich rhan, er enghraifft i ymateb i lythyrau. Bydd yr holl wybodaeth am eich apêl yn cael ei hanfon atynt, gan gynnwys unrhyw dystiolaeth feddygol.
I gofrestru cynrychiolydd, gallwch naill ai:
-
enwi eich cynrychiolydd pan fyddwch yn cyflwyno eich apêl
-
cofrestru cynrychiolydd ar unrhyw adeg ar ôl i chi gyflwyno eich apêl
Updates to this page
-
New link to an online appeal service added
-
Added translation