Canllawiau

Cadarnhau manylion rhywun sy’n cynrychioli CThEF

Dilyswch fanylion swyddog o Wasanaeth Ymchwilio i Dwyll (FIS) CThEF neu gasglwr CThEF os bydd yn cysylltu â chi yn bersonol.

Gan:
Cyllid a Thollau EF
Cyhoeddwyd
5 September 2023
Diweddarwyd ddiwethaf
29 September 2023 — Gweld pob diweddariad

Bydd unrhyw un sy’n cynrychioli CThEF bob amser yn rhoi gwybod pwy ydyw ac yn egluro pam ei fod yn cysylltu â chi pan fydd yn ymweld â chi.

Gallwch gysylltu â CThEF i wirio ei fanylion a chadarnhau ei fod yn cynrychioli CThEF.

Cadarnhau manylion swyddog FIS CThEF

Os ydych yn cael eich ymweld o ddydd Llun i ddydd Gwener, rhwng 8am a 6pm

  1. Bydd y swyddog yn dangos ei gerdyn adnabod CThEF i chi, a bydd ei enw, llun a rhif cyfresol CThEF arno.
  2. Gwnewch nodyn o’r enw ar y cerdyn.
  3. Ffoniwch CThEF ar 0300 200 3700.
  4. Rhowch yr enw sydd ar y cerdyn adnabod i’r ymgynghorydd, fel y gall gadarnhau bod y person yn cynrychioli CThEF.

Rhagor o wybodaeth am gostau galwadau.

Os ydych yn cael eich ymweld ar unrhyw adeg arall

  1. Bydd y swyddog yn dangos ei gerdyn adnabod CThEF i chi, a bydd ei enw, llun a rhif cyfresol CThEF arno.
  2. Bydd y swyddog hefyd yn rhoi cod mynediad i chi ei ddefnyddio i gadarnhau pwy ydyw.
  3. Gwnewch nodyn o’r enw ar y cerdyn a’r cod mynediad.
  4. Ffoniwch CThEF ar 0300 123 2012 a rhowch y cod mynediad ar unwaith. Nid oes rhaid i chi wrando ar y neges sydd wedi’i recordio cyn nodi’r cod.
  5. Rhowch yr enw sydd ar y cerdyn adnabod i’r ymgynghorydd, fel y gall gadarnhau bod y person yn cynrychioli CThEF.

Dysgwch ragor am gostau galwadau.

Cadarnhau manylion casglwr CThEF

Fel arfer bydd casglwr CThEF yn ymweld â chi rhwng 8am a 6pm, o ddydd Llun i ddydd Gwener.

Os bydd casglwr yn ymweld â chi ar unrhyw adeg arall a’ch bod am gadarnhau ei fanylion, trefnwch apwyntiad ag ef i’w ddychwelyd rhwng 8am a 6pm, o ddydd Llun i ddydd Gwener.

Bydd y casglwr yn dangos ei gerdyn adnabod CThEF i chi a bydd ei enw, llun a rhif cyfresol arno.

  1. Gwnewch nodyn o’r enw a’r rhif cyfresol ar y cerdyn.
  2. Ffoniwch CThEF ar 0300 200 3862.
  3. Rhowch yr enw a’r rhif cyfresol ar y cerdyn i’r ymgynghorydd, fel y gall gadarnhau bod y person yn cynrychioli CThEF.

Dysgwch ragor am gostau galwadau.

Rhagor o wybodaeth

Gallwch wirio rhestr o gysylltiadau dilys CThEF i’ch helpu i benderfynu os yw’r cyswllt rydych wedi ei gael yn dod o CThEF, neu’n sgam gan dwyllwr.

Updates to this page

Cyhoeddwyd ar 5 September 2023
Diweddarwyd ddiwethaf ar 29 September 2023 + show all updates

  1. The phone number to confirm a HMRC FIS officer’s identity if you’re visited Monday to Friday, from 8am to 6pm has been updated.

  2. Welsh translation added.

  3. First published.

Sign up for emails or print this page

Cynnwys