Cofrestru

Gwiriwch a allwch chi neu’ch cleient gofrestru’n gynnar, sut i ddewis y feddalwedd gywir ac awdurdodi asiant treth a meddalwedd.

Cyn cofrestru ar gyfer Troi Treth yn Ddigidol ar gyfer Treth Incwm, bydd angen i chi ddewis meddalwedd sy’n gweithio gyda Throi Treth yn Ddigidol ar gyfer Treth Incwm.

Os oes gennych asiant, bydd angen i’ch asiant hefyd sefydlu’r awdurdodiadau cywir fel y gallant weithredu ar eich rhan.

Gall asiantau gofrestru eu cleientiaid unwaith y byddant yn cael eu caniatâd a’u hawdurdodiad gan ddefnyddio eu cyfrif gwasanaethau asiant. Mae hwn yn wahanol i’r cyfrif gwasanaethau ar-lein CThEF ar gyfer asiantau.

Os oes gennych asiant

Gall unig fasnachwyr a landlordiaid ddefnyddio asiant (fel llyfrifwr neu gyfrifydd) i helpu gyda Throi Treth yn Ddigidol ar gyfer Treth Incwm.

Ar ôl ei awdurdodi, gall asiant helpu gyda phob tasg neu rai tasgau, gan gynnwys:

  • cofrestru busnes eu cleient

  • defnyddio meddalwedd i greu a chadw cofnodion digidol ar gyfer eu cleientiaid

  • anfon diweddariadau chwarterol

  • cyflwyno ffurflen dreth i CThEF ar ôl diwedd y flwyddyn dreth

Ar gyfer unig fasnachwyr a landlordiaid

Os ydych eisoes wedi awdurdodi’ch asiant ar gyfer Hunanasesiad, nid oes angen i chi eu hawdurdodi eto ar gyfer Troi Treth yn Ddigidol ar gyfer Treth Incwm.

Dylech wneud y canlynol:

  • trafod opsiynau Troi Treth yn Ddigidol ar gyfer Treth Incwm a meddalwedd gyda’ch asiant

  • cytuno pwy fydd yn rheoli pob rhan o’r broses a thasgau penodol

  • gwneud yn siŵr bod gan eich asiant y manylion cywir am eich busnesau neu eiddo, gan gynnwys am ffynonellau incwm

Ar gyfer asiantau

I weithredu ar ran eich cleientiaid, bydd angen i chi wneud y canlynol:

  • creu cyfrif gwasanaethau asiant, os nad oes gennych un eisoes

  • cael awdurdodiad gan eich cleient

  • copïo unrhyw awdurdodiadau Hunanasesiad presennol i’ch cyfrif gwasanaethau asiant

Dysgwch ragor am awdurdodiadau gan gleientiaid ar gyfer y cynllun Troi Treth yn Ddigidol ar gyfer Treth Incwm.

Ar ôl cael eich awdurdodi, gallwch gyflwyno Ffurflenni Treth Hunanasesiad ar ran eich cleient. Dylai’ch cleient wirio bod yr wybodaeth ar eu Ffurflen Dreth yn gywir cyn ei gyflwyno.

Dewis meddalwedd sy’n cydweddu

Bydd angen meddalwedd arnoch chi neu’ch asiant sy’n gweithio gyda Throi Treth yn Ddigidol ar gyfer Treth Incwm i gofrestru. Wrth ddewis meddalwedd, ystyriwch y canlynol:

  • anghenion eich busnes

  • os yw wedi’i gynllunio ar gyfer math o fusnes penodol (fel landlordiaid)

  • a ddylid defnyddio un cynnyrch neu sawl cynnyrch gyda’i gilydd

Os ydych am gofrestru ar gyfer y flwyddyn dreth 2025 i 2026, gwiriwch gyda’ch darparwr y bydd y feddalwedd yn gweithio gyda Throi Treth yn Ddigidol ar gyfer Treth Incwm yn ystod y cyfnod hwn.

Dod o hyd i feddalwedd sy’n gweithio gyda Throi Treth yn Ddigidol ar gyfer Treth Incwm.

Cofrestru ar gyfer y gwasanaeth

Ar ôl i chi ddewis meddalwedd, gallwch nawr:

Awdurdodi’ch meddalwedd

Ar ôl i chi gofrestru, mae angen cysylltu’ch meddalwedd sy’n cydweddu â CThEF ar gyfer Troi Treth yn Ddigidol ar gyfer Treth Incwm. I awdurdodi’ch meddalwedd, gwnewch y canlynol:

  1. Nodwch eich Dynodydd Defnyddiwr (ID) a chyfrinair ar gyfer Porth y Llywodraeth i mewn i’ch meddalwedd.

  2. Dilynwch gyfarwyddiadau’r feddalwedd i gwblhau cofrestru.

Mae’n rhaid i chi ddefnyddio’r ID Defnyddiwr ar gyfer Porth y Llywodraeth a defnyddiwyd gennych pan wnaethoch gofrestru ar gyfer y naill neu’r llall o’r canlynol:

  • Hunanasesiad

  • cyfrif gwasanaethau asiant, os ydych yn asiant

Bydd pob cynnyrch yn gweithio’n wahanol yn dibynnu ar faint mae’r darparwr meddalwedd wedi ei ddatblygu.

Bydd angen i chi adnewyddu’r cysylltiad hwn bob 18 mis. Dylai’ch meddalwedd eich atgoffa pryd mae’n bryd ailgysylltu.

Yr hyn i’w wneud nesaf

Dysgwch sut i reoli’ch cyfrif treth ar-lein newydd ar ôl i chi gofrestru.