Cyflwyniad

Ynglŷn â’r cynllun Troi Treth yn Ddigidol ar gyfer Treth Incwm, pwy sydd angen ei ddefnyddio ac erbyn pryd, a beth i’w ddisgwyl ar ôl cofrestru.

Mae’r cynllun Troi Treth yn Ddigidol ar gyfer Treth Incwm yn ffordd newydd i unig fasnachwyr a landlordiaid rhoi gwybod am incwm a threuliau i CThEF.

O 6 Ebrill 2026 ymlaen, mae’n rhaid i rai unig fasnachwyr a landlordiaid ei ddefnyddio, yn seiliedig ar gyfanswm eu hincwm blynyddol o hunangyflogaeth ac eiddo.

Mae angen i chi, neu’ch asiant os oes gennych un, ddefnyddio meddalwedd sy’n gweithio gyda’r cynllun Troi Treth yn Ddigidol ar gyfer Treth Incwm i wneud y canlynol:

  • creu, cadw, a chywiro cofnodion digidol o incwm a threuliau eich busnes

  • anfon eich diweddariadau chwarterol at CThEF

  • cyflwyno’ch Ffurflen Dreth erbyn 31 Ionawr y flwyddyn ganlynol

Pwy sydd angen ei wneud

Bydd angen i unig fasnachwyr a landlordiaid ddefnyddio’r cynllun Troi Treth Ddigidol ar gyfer Treth Incwm, oni bai eu bod wedi’u hesemptio, mae’r canlynol yn berthnasol. Maent:

Incwm cymwys yw’r cyfanswm incwm gros (cyn didynnu treuliau neu drethi) o hunangyflogaeth ac eiddo mewn blwyddyn dreth.

Nid yw ffynonellau incwm eraill fel cyflogaeth (TWE), incwm partneriaeth neu ddifidendau (gan gynnwys y rhai gan eich cwmni’ch hun) wedi’u cynnwys yn yr incwm cymwys.

Pryd fydd angen i chi ddefnyddio Troi Treth yn Ddigidol ar gyfer Treth Incwm

Mae angen i’r rheiny sydd ag incwm cymhwysol sydd:

  • dros £50,000 ddechrau ei ddefnyddio o 6 Ebrill 2026 ymlaen

  • dros £30,000 ddechrau ei ddefnyddio o 6 Ebrill 2027 ymlaen

Mae’r llywodraeth wedi nodi y bydd angen i unig fasnachwyr a landlordiaid sydd ag incwm cymwys dros £20,000 ddefnyddio Troi Treth yn Ddigidol ar gyfer Treth Incwm o 6 Ebrill 2028 ymlaen. Byddwn yn gosod mwy o fanylion yn nes ymlaen.

Yn hwyrach, os bydd eich incwm cymhwysol yn gostwng i £30,000 neu lai am 3 blwyddyn dreth, gallwch optio allan o’r cynllun Troi Treth yn Ddigidol ar gyfer Treth Incwm.

Defnyddiwch ein hofferyn i wirio os oes angen i chi neu’ch cleient gofrestru a phryd.

Os ydych am gofrestru’n gynnar

Gall unig fasnachwyr, landlordiaid, a’u hasiantau gofrestru’n gynnar i brofi’r gwasanaeth cyn iddynt ddefnyddio Troi Treth yn Ddigidol ar gyfer Treth Incwm.

Mae cofrestru’n gynnar hefyd yn golygu y gallwch gael cymorth pwrpasol gan CThEF.

Ni fydd CThEF yn cyhoeddi cosbau am golli dyddiadau cau diweddaru chwarterol yn ystod y cyfnod profi. Darllenwch fwy am cosbau newydd a phryd y maent yn berthnasol (yn agor tudalen Saesneg).

Yr hyn i’w wneud nesaf

Gallwch ddefnyddio’r arweiniad hwn i gael rhagor o wybodaeth am y canlynol:

I wirio a allwch gofrestru’n gynnar a defnyddio Troi Treth yn Ddigidol ar gyfer Treth Incwm, darllenwch gamau pwysig ar gyfer cofrestru. I’r rhai sydd eisoes wedi cofrestru, gwiriwch eich bod wedi cwblhau’r holl gamau sydd eu hangen arnoch i barhau i ddefnyddio’r gwasanaeth os ydych yn un o’r canlynol: