Canllawiau

Sut i gofrestru ar gyfer y cynllun cyflogwr Hyderus o ran Anabledd

Canllawiau ar gofrestru ar gyfer y cynllun Hyderus o ran Anabledd, a sut y gall helpu'ch busnes.

Gan:
Adran Gwaith a Phensiynau
Cyhoeddwyd
14 Gorffennaf 2016
Diweddarwyd ddiwethaf
25 Tachwedd 2019 — Gweld pob diweddariad

Mae’r cynllun Hyderus o ran Anabledd yn cefnogi cyflogwyr i wneud y gorau o’r doniau y gall pobl anabl ddod i’ch gweithle. 

Mae cyflogwyr Hyderus o Ran Anabledd o bob maint yn:

  • herio agweddau tuag at anabledd

  • cynyddu dealltwriaeth o anabledd

  • dileu rhwystrau i bobl anabl a’r rhai â chyflyrau iechyd hirdymor

• sicrhau bod pobl anabl yn cael y cyfleoedd i gyflawni eu potensial a gwireddu eu dyheadau

Mae’r canllaw hwn hefyd ar gael yn ffurf hawdd ei ddarllen.

Cofrestrwch i’r cynllun Hyderus o ran Anabledd

Mae sefydliadau Hyderus o ran Anabledd yn chwarae rhan flaenllaw wrth newid agweddau er gwell. Maent yn newid ymddygiad a diwylliannau yn eu busnesau, rhwydweithiau a chymunedau eu hunain, ac yn elwa ar arferion recriwtio cynhwysol.

Mae cofrestru i fod yn Ymroddedig i Hyderus o ran Anabledd (Lefel 1) yn syml a dim ond ychydig funudau y bydd yn ei gymryd.

Cofrestru i fod yn Hyderus o ran Anabledd

Pam ddylech chi ddod yn Hyderus o ran Anabledd

Gallai bod yn Hyderus o ran Anabledd eich helpu i ddarganfod rhywun nad yw eich busnes yn gallu gwneud hebddynt.

P’un a yw gweithiwr wedi dod yn anabl yn ystod eu bywyd gwaith, neu os ydych yn chwilio am staff newydd, gall bod yn Hyderus o ran Anabledd helpu’ch pobl i gyflawni eu potensial a chyfrannu’n llawn at lwyddiant eich tîm.

Drwy fod yn Hyderus o ran Anabledd, byddwch hefyd yn cael eich ystyried yn arwain y ffordd yn eich sector busnes a thu hwnt, gan helpu i newid agweddau, ymddygiadau a diwylliannau yn gadarnhaol.

Mae Hyderus o ran Anabledd yn helpu busnesau:

  • ddefnyddio’r gronfa dalent ehangaf bosibl

  • cael a chadw staff o ansawdd uchel sy’n fedrus, yn deyrngar ac yn gweithio’n galed

  • arbed amser ac arian ar gostau recriwtio a hyfforddiant drwy leihau trosiant staff

  • cadw sgiliau a phrofiad gwerthfawr

  • lleihau lefelau a chostau absenoldebau salwch

  • gwella morâl ac ymrwymiad gweithwyr trwy ddangos eu bod yn trin pob gweithiwr yn deg

Sut i ddod yn Hyderus o ran Anabledd

Mae gan y cynllun 3 lefel sydd wedi’u cynllunio i’ch cefnogi ar bob cam ar eich taith Hyderus o ran Anabledd. Rhaid i chi gwblhau pob lefel cyn symud ymlaen i’r lefel nesaf.

Mae ein canllawiau yn egluro pa ymrwymiadau y mae’n rhaid i chi gytuno iddynt a pha gamau y mae angen i chi eu cymryd ar bob lefel.

Lefel 1: Hyderus o ran Anabledd

Er mwyn cael eich cydnabod yn Ymroddedig i Hyderus o ran Anabledd, rhaid i chi gytuno i’r ymrwymiadau Hyderus o ran Anabledd a nodi o leiaf un cam gweithredu y byddwch yn ei wneud i wneud gwahaniaeth i bobl anabl.

Yr ymrwymiadau yw:

  • recriwtio cynhwysol a hygyrch

  • cyfathrebu swyddi gwag

  • cynnig cyfweliad i bobl anabl

  • darparu addasiadau rhesymol

• cefnogi gweithwyr presennol

Mae’r gweithgareddau’n cynnwys (rhaid i chi nodi o leiaf un):

  • profiad gwaith

  • treialon gwaith

  • cyflogaeth â thâl

  • prentisiaethau

  • cysgodi swyddi

  • hyfforddeiaethau

  • interniaethau

  • lleoliadau myfyrwyr

  • lleoliadau’r academi gwaith yn seiliedig ar sector

Efallai bod eich busnes eisoes yn gwneud y pethau hyn. Os felly, mae’r cynllun yn ffordd wych o roi gwybod i bawb eich bod o ddifrif am gyfleoedd cyfartal i bobl anabl.

Unwaith y byddwch wedi cofrestru i fod yn Ymroddedig i Hyderus o ran Anabledd byddwch yn derbyn:

  • cadarnhad o’ch aelodaeth a thystysgrif Hyderus o ran Anabledd i gydnabod eich cyflawniad

  • bathodyn sy’n dangos eich bod yn Ymroddedig i Hyderus o ran Anabledd (Lefel 1) y gallwch ei ddefnyddio ar eich deunydd ysgrifennu, cyfryngau cymdeithasol a chyfathrebu busnes am 3 blynedd

  • gwybodaeth i’ch helpu i barhau â’ch taith i fod yn Gyflogwr Hyderus o ran Anabledd

Cofrestrwch i fod yn Ymroddedig i Hyderus o ran Anabledd

Lefel 2: Cyflogwr Hyderus o ran Anabledd

Unwaith y byddwch wedi cofrestru ar gyfer lefel 1 gallwch symud ymlaen i lefel 2, Cyflogwr Hyderus o ran Anabledd, drwy hunanasesu eich sefydliad o gwmpas 2 thema:

  • dod o hyd i’r bobl iawn ar gyfer eich busnes

  • cadw a datblygu eich pobl

Cydnabyddir bod Cyflogwyr Hyderus o ran Anabledd yn mynd y filltir ychwanegol i sicrhau bod pobl anabl yn cael cyfle teg.

Ar ôl cadarnhau eich bod wedi cwblhau eich hunanasesiad ar-lein, byddwch wedi’ch cofrestru fel Cyflogwr Hyderus o ran Anabledd am 3 blynedd. Byddwch yn derbyn:

  • cadarnhad o gwblhau eich hunanasesiad i ddod yn Gyflogwr Hyderus o ran Anabledd

  • tystysgrif i gydnabod eich cyflawniad

  • bathodyn Cyflogwr Hyderus o ran Anabledd (lefel 2) y gallwch ei ddefnyddio ar eich deunydd ysgrifennu, cyfryngau cymdeithasol a chyfathrebiadau busnes am 3 blynedd

  • gwybodaeth am sut i ddod yn Arweinydd Hyderus o ran Anabledd

Diweddarwch eich statws a chadarnhau cwblhau eich hunanasesiad i ddod yn Gyflogwr Hyderus o ran Anabledd

Lefel 3: Arweinydd Hyderus o ran Anabledd

Trwy ddod yn Arweinydd Hyderus o ran Anabledd, byddwch yn gweithredu fel hyrwyddwr yn eich cymunedau lleol a busnes.

I gyrraedd y lefel hon, bydd angen i chi:

  • gael eich hunanasesiad wedi’i ddilysu gan rywun y tu allan i’ch busnes (heb gynnwys gweithwyr DWP mewn canolfannau gwaith)

  • darparu naratif byr i ddangos beth rydych wedi’i wneud neu y byddwch yn ei wneud i gefnogi’ch statws fel Arweinydd Hyderus o ran Anabledd

  • cadarnhau eich bod yn cyflogi pobl anabl

  • adrodd ar anabledd, iechyd meddwl a lles, drwy gyfeirio at y Fframwaith Adrodd Gwirfoddol

Unwaith y byddwch yn cael eich cydnabod yn Ymroddedig i Hyderus o ran Anabledd, byddwch yn derbyn:

  • cadarnhad o gwblhau a dilysu eich hunanasesiad i ddod yn Arweinydd Hyderus o ran Anabledd

  • tystysgrif i gydnabod eich cyflawniad

  • bathodyn Arweinydd Hyderus o ran Anabledd (lefel 3) y gallwch ei ddefnyddio ar eich deunydd ysgrifennu, cyfryngau cymdeithasol a chyfathrebu busnes am 3 blynedd

Diweddarwch eich statws a chadarnhau cwblhau a dilysu eich hunanasesiad i ddod yn Arweinydd Hyderus o ran Anabledd

Cyngor ar gyflogi pobl anabl

Darllenwch ein canllawiau ar gyflogi pobl anabl a phobl â chyflyrau iechyd.

Darganfyddwch y cymorth a’r gefnogaeth i bobl ifanc anabl ddod o hyd i waith ac aros mewn gwaith.

Darllenwch help a chyngor gan ACAS ar gyfer cyflogwyr a gweithwyr ar [wahaniaethu ar sail anabledd] (https://www.acas.org.uk/acas-guide-on-disability-discrimination).

Ceisiwch gyngor ar greu cyfathrebiadau cynhwysol.

Updates to this page

Cyhoeddwyd ar 14 Gorffennaf 2016
Diweddarwyd ddiwethaf ar 25 Tachwedd 2019 + show all updates

  1. Replaced the bullet points in section 'Level 3: Disability Confident Leader' to reflect the updated level 3 requirements.

  2. Added information about workplace adjustments events in March 2018 to the 'Disability Confident activities' section.

  3. Added a new section about Disability Confident activities.

  4. Added Welsh versions of the Disability Confident employer packs for levels 1, 2 and 3.

  5. Added links to level 2 and 3 sign up forms. Updated the PDF employer packs. Added links to lists of service providers and businesses that have signed up.

  6. Published updated versions of the level 1, level 2 and level 3 employer packs.

  7. First published.

Print this page

Cynnwys

Cynnwys cysylltiedig