Rheoli’ch credydau treth
Mae credydau treth yn dod i ben ar 5 Ebrill 2025. Ni fydd taliadau’n cael eu gwneud ar ôl hynny. Caiff llythyr ei anfon atoch yn ystod 2024 os ydych yn gymwys i gael Credyd Cynhwysol neu Gredyd Pensiwn yn lle credydau treth.
Defnyddiwch y gwasanaeth hwn i wneud y canlynol:
-
rhoi gwybod beth yw’ch incwm o hunangyflogaeth gwirioneddol os gwnaethoch ei amcangyfrif wrth i chi adnewyddu (y dyddiad cau yw 31 Ionawr)
-
rhoi gwybod i Gyllid a Thollau EF (CThEF) am newidiadau yn eich amgylchiadau, er enghraifft, os ydych yn priodi neu os yw’ch oriau gwaith yn newid
-
cael gwybod faint a gaiff ei dalu i chi, a phryd
Mae’n haws ac yn gynt rheoli’ch credydau treth ar-lein na thros y ffôn.
Mae’r canllaw hwn hefyd ar gael yn Saesneg.
Cyn i chi ddechrau
Gallwch hefyd reoli’ch credydau treth drwy ap CThEF. Gallwch wylio fideo ynghylch sut i reoli’ch credydau treth gan ddefnyddio’r ap
Bydd angen i chi fewngofnodi er mwyn defnyddio’r gwasanaeth hwn. Os nad oes gennych fanylion mewngofnodi eisoes, byddwch yn gallu eu creu.
Wrth i chi fewngofnodi, cewch wybod a oes angen i chi brofi pwy ydych. Mae hyn er mwyn cadw’ch manylion yn ddiogel ac, fel arfer, bydd angen i chi ddefnyddio ID ffotograffig fel pasbort neu drwydded yrru i wneud hynny.
Bydd mewngofnodi hefyd yn actifadu’ch cyfrif treth personol – gallwch ddefnyddio hwn i wirio a rheoli’ch cofnodion gyda CThEF.
Ni allwch hawlio credydau treth a Chredyd Cynhwysol ar yr un pryd. Bydd eich credydau treth yn dod i ben os byddwch chi neu’ch partner yn gwneud cais am Gredyd Cynhwysol. Gwiriwch sut mae credydau treth a Chredyd Cynhwysol yn effeithio ar ei gilydd (yn agor tudalen Saesneg).
Adnewyddu’ch credydau treth
Ni allwch ddefnyddio’r gwasanaeth hwn mwyach i adnewyddu’ch credydau treth ar gyfer blwyddyn dreth 2023 i 2024. Y dyddiad cau oedd 31 Gorffennaf 2024.