Gall cyflogai neu rywun arall (er enghraifft ymgeisydd am swydd neu undeb llafur) fynd â chi i dribiwnlys cyflogaeth am amryw faterion, gan gynnwys: cyflog diswyddo gwahaniaethu Mae’r cyfarwyddyd hwn hefyd ar gael yn Saesneg (English) . Mae’r tribiwnlys yn annibynnol ar y llywodraeth a bydd yn gwrando arnoch chi (yr ‘atebydd’) a’r parti arall (yr ‘hawlydd’) cyn gwneud penderfyniad. Os byddwch yn colli’r achos, efallai y bydd rhaid ichi dalu iawndal neu ailbenodi’r hawlydd i’w swydd. Datrys yr anghydfod heb wrandawiad Bydd y Gwasanaeth Cynghori, Cymodi a Chyflafareddu ( Acas ) yn cysylltu â chi os bydd rhywun eisiau gwneud hawliad yn eich erbyn. Byddant yn cynnig gweithio gyda chi a’r hawlydd i geisio datrys y broblem heb fynd i dribiwnlys - gelwir hyn yn ‘cymodi’. Ffoniwch Acas i gael cymorth a chyngor. Acas Rhif ffôn: 0300 123 11 00 Ffôn testun: 18001 0300 123 1100 Dydd Llun i ddydd Gwener, 8am i 6pm Gwybodaeth am gost galwadau Ymateb i hawliad Bydd y tribiwnlys yn anfon llythyr atoch (a elwir yn ‘pecyn ymateb’) os bydd hawliad wedi’i wneud yn eich erbyn ac nid yw cymodi wedi gweithio. Cyn i chi ymateb, darllenwch y cyfarwyddyd ar ymateb i hawliad . Wedyn gallwch ymateb un ai: ar-lein drwy gyflwyno ffurflen ymateb ET3 trwy lenwi a dychwelyd y pecyn ymateb a gewch trwy lawrlwytho a llenwi’r ffurflen ymateb a’i hanfon i’r swyddfa tribiwnlys sy’n delio â’r achos Os ydych yn weithiwr proffesiynol ym maes y gyfraith neu’n fath arall o weithiwr proffesiynol a bod yna gyfeirnod 16 digid yn eich pecyn ymateb, gallwch ymateb ar-lein drwy ddefnyddio cyfrif MyHMCTS . Rhaid i chi ymateb i’r hawliad o fewn 28 diwrnod. Efallai byddwch yn gallu cael rhagor o amser i ymateb - holwch y tribiwnlys. Os byddwch yn hwyr yn ymateb neu ddim yn ymateb o gwbl, gall y tribiwnlys wneud penderfyniad yn eich erbyn heb gynnal gwrandawiad. Cynnig iawndal i’r hawlydd Gallwch geisio setlo’r achos unrhyw adeg trwy gynnig talu iawndal i’r hawlydd (a elwir yn ‘ cytundeb setlo ’). Cael cymorth neu gyngor cyfreithiol Efallai byddwch eisiau cael cyngor cyfreithiol os bydd hawliad yn cael ei wneud yn eich erbyn. Ffoniwch linell ymholiadau’r tribiwnlys cyflogaeth i gael arweiniad cyffredinol ar sut mae’r broses yn gweithio. Ni allant roi cyngor cyfreithiol i chi. Canolfan gyswllt cwsmeriaid y Tribiwnlys Cyflogaeth Rhif ffôn: 0300 303 5176 (Llinell Iaith Gymraeg) Rhif ffôn: 0300 123 1024 (Siaradwyr Saesneg yng Nghymru a Lloegr) Rhif ffôn: 0300 790 6234 (Yr Alban) Ffôn testun: 18001 0300 123 1024 (Cymru a Lloegr) Ffôn testun: 18001 0300 790 6234 (Yr Alban) Gwybodaeth am gost galwadau Os ydych yn byw yng Ngogledd Iwerddon Bydd Office of Industrial Tribunals and the Fair Employment Tribunal yn delio â’ch achos.

Byddwch yn cael o leiaf 14 diwrnod o rybudd cyn y gwrandawiad - byddwch yn cael llythyr yn cadarnhau hyn. Rhaid ichi baratoi dogfennau a gwneud trefniadau i dystion fynychu ymlaen llaw. ‘Gwrandawiad Rhagarweiniol’ Efallai gofynnir ichi fynychu gwrandawiad cychwynnol (a elwir yn wrandawiad rhagarweiniol) gyda’r barnwr i benderfynu ar bethau fel: dyddiad ac amser y gwrandawiad pa mor hir dylai’r gwrandawiad bara Bydd y tribiwnlys yn rhoi gwybod ichi os bydd rhaid ichi roi tystiolaeth neu ddarparu unrhyw wybodaeth ychwanegol. Trefnu dogfennau Gallwch ofyn i’r hawlydd am ddogfennau a fydd yn eich helpu gyda’r achos, a gallant ofyn am ddogfennau gennych chi hefyd. Mae enghreifftiau o ddogfennau yn cynnwys: contract cyflogaeth slipiau cyflog manylion cynllun pensiwn nodiadau cyfarfodydd perthnasol Fel arfer bydd y tribiwnlys yn gwneud gorchymyn yn pennu amserlen ar gyfer pryd y dylech gyfnewid dogfennau. Byddwch yn cael llythyr yn dweud wrthych sawl copi o bob dogfen y dylech ddod gyda chi i’r gwrandawiad. Trefnu tystion Gallwch ddod â thystion i’r gwrandawiad os ydynt yn gallu rhoi tystiolaeth sy’n berthnasol yn uniongyrchol i’r achos. Os byddwch yn gofyn i dyst fod yn bresennol ac nid ydynt eisiau bod yn dyst, gallwch ofyn i’r tribiwnlys orchymyn iddynt fod yn bresennol. Mae’n rhaid ichi wneud cais ysgrifenedig i’r swyddfa tribiwnlys sy’n delio â’r achos, gan roi: enw a chyfeiriad y tyst manylion o ran beth all y tyst ddweud a sut bydd yn helpu’r achos y rheswm pam bod y tyst wedi gwrthod mynychu (os ydynt wedi rhoi rheswm) Mwy na thebyg, chi fydd yn gyfrifol am dalu costau’r tyst.

Fel arfer cynhelir achosion yn y swyddfa tribiwnlys cyflogaeth sydd agosaf at lle roeddech yn gweithio. Mae’n rhaid ichi ddod â’r dogfennau rydych yn eu defnyddio i gefnogi’r achos gyda chi. Ni allwch hawlio costau teithio am ddod i’r gwrandawiad. Beth fydd yn digwydd yn y gwrandawiad Byddwch yn cyflwyno’r achos i’r tribiwnlys - gall rhywun arall wneud hyn ar eich rhan, megis cyfreithiwr , ffrind neu aelod o’ch teulu. Bydd yr hawlydd yn cyflwyno eu hachos yn eich erbyn. Efallai bydd y bobl ganlynol yn gofyn cwestiynau ichi: y barnwr yr hawlydd y 2 aelod arall o’r panel tribiwnlys (dim ond mewn tribiwnlysoedd penodol) Cael penderfyniad Bydd y penderfyniad yn cael ei anfon atoch yn y post ychydig ddyddiau neu wythnosau ar ôl y gwrandawiad. Bydd y penderfyniad yn cael ei gyhoeddi ar GOV.UK . Mewn rhai achosion efallai byddwch yn cael y penderfyniad yn y gwrandawiad. Os byddwch yn ennill yr achos Gyda’r mwyafrif o achosion, ni fyddwch yn cael iawndal os byddwch yn ennill. Fodd bynnag, os bu i’r hawlydd ymddwyn yn afresymol neu os nad oedd unrhyw obaith y byddant yn llwyddiannus, gallwch ofyn i’r tribiwnlys ddyfarnu iawndal costau ichi.

Os ydych yn anghytuno â phenderfyniad y tribiwnlys

Gallwch ofyn i’r tribiwnlys ailystyried y penderfyniad os ydych yn colli’r achos. Mae’n rhaid ichi ysgrifennu i swyddfa’r tribiwnlys o fewn 14 diwrnod ichi gael y penderfyniad, gan ddweud pam eich bod eisiau i’r penderfyniad gael ei ailystyried. Mae rhaid ichi roi rhesymau da, er enghraifft: mae’r tribiwnlys wedi gwneud camgymeriad yn y ffordd y daeth i’w benderfyniad ni chawsoch eich hysbysu am y gwrandawiad mae tystiolaeth newydd wedi dod i’r amlwg ers y gwrandawiad Anfonwch eich llythyr i swyddfa’r tribiwnlys a wnaeth ddelio â’r achos. Apelio i’r Tribiwnlys Apeliadau Cyflogaeth Gallwch hefyd apelio i’r Tribiwnlys Apeliadau Cyflogaeth os ydych yn credu bod y tribiwnlys cyflogaeth wedi gwneud camgymeriad cyfreithiol.

Mae’r Tribiwnlys Cyflogaeth yn dilyn rheolau a phrosesau penodol a rhaid ichi eu dilyn hefyd. Gallwch hefyd ddarllen rheolau a rheoliadau tribiwnlys perthnasol eraill. Mae’r tribiwnlys wedi cyhoeddi arweiniad a chyfarwyddiadau ymarfer sy’n darparu rhagor o wybodaeth am feysydd penodol, fel gohirio gwrandawiadau a chyflwyno dogfennau. Gallwch hefyd ddarllen yr arweiniad am achosion penodol .

Rhywun yn mynd â chi i dribiwnlys cyflogaeth

Q: Os byddwch yn colli’r achos

Os byddwch yn colli, gall y tribiwnlys eich gorchymyn i wneud pethau penodol, yn ddibynnol ar y math o achos. Mae’r enghreifftiau yn cynnwys: ailbenodi’r hawlydd i’w swydd talu iawndal os nad yw’n bosib ailbenodi’r hawlydd i’w swydd talu treuliau tyst(ion) talu iawndal neu enillion a gollir Talu iawndal Talu iawndal yw’r canlyniad mwyaf cyffredin mewn achos tribiwnlys. Gall fod terfynau ar faint o arian gall tribiwnlys ei ddyfarnu. Nid oes terfyn mewn achosion gwahaniaethu . Fel arfer, bydd y tribiwnlys yn cyfrifo’r swm yn seiliedig ar y golled ariannol mae’r unigolyn wedi’i brofi o ganlyniad i’ch gweithredoedd. Cyfrifir llog o’r dyddiad cafwyd y dyfarniad, ond ni fydd rhaid ichi dalu llog os byddwch yn talu’r iawndal yn ei gyfanrwydd o fewn 14 diwrnod. Gallwch gael eich galw i’r llys a’ch gorfodi i dalu. Gallwch hefyd gael dirwy a’ch enwi ar-lein os na fyddwch yn talu. Ad-dalu budd-daliadau gwladol Efallai bydd rhaid ichi ad-dalu unrhyw Lwfans Ceisio Gwaith, Cymhorthdal Incwm neu Lwfans Cyflogaeth a Chymorth (ESA) mae’r hawlydd wedi hawlio wrth ddod a’u hachos i’r tribiwnlys. Mae hyn er mwyn osgoi eu bod yn cael eu talu ddwywaith. Bydd y tribiwnlys a’r Uned Adennill Iawndal yn dweud wrthych beth fydd rhaid ichi ei wneud a faint i’w dalu.

Trosolwg

Gall cyflogai neu rywun arall (er enghraifft ymgeisydd am swydd neu undeb llafur) fynd â chi i dribiwnlys cyflogaeth am amryw faterion, gan gynnwys:

cyflog
diswyddo
gwahaniaethu

Mae’r cyfarwyddyd hwn hefyd ar gael yn Saesneg (English).

Mae’r tribiwnlys yn annibynnol ar y llywodraeth a bydd yn gwrando arnoch chi (yr ‘atebydd’) a’r parti arall (yr ‘hawlydd’) cyn gwneud penderfyniad.

Os byddwch yn colli’r achos, efallai y bydd rhaid ichi dalu iawndal neu ailbenodi’r hawlydd i’w swydd.

Datrys yr anghydfod heb wrandawiad

Bydd y Gwasanaeth Cynghori, Cymodi a Chyflafareddu (Acas) yn cysylltu â chi os bydd rhywun eisiau gwneud hawliad yn eich erbyn. Byddant yn cynnig gweithio gyda chi a’r hawlydd i geisio datrys y broblem heb fynd i dribiwnlys - gelwir hyn yn ‘cymodi’.

Ffoniwch Acas i gael cymorth a chyngor.

Acas
Rhif ffôn: 0300 123 11 00
Ffôn testun: 18001 0300 123 1100
Dydd Llun i ddydd Gwener, 8am i 6pm
Gwybodaeth am gost galwadau

Ymateb i hawliad

Bydd y tribiwnlys yn anfon llythyr atoch (a elwir yn ‘pecyn ymateb’) os bydd hawliad wedi’i wneud yn eich erbyn ac nid yw cymodi wedi gweithio.

Cyn i chi ymateb, darllenwch y cyfarwyddyd ar ymateb i hawliad.

Wedyn gallwch ymateb un ai:

ar-lein drwy gyflwyno ffurflen ymateb ET3
trwy lenwi a dychwelyd y pecyn ymateb a gewch
trwy lawrlwytho a llenwi’r ffurflen ymateb a’i hanfon i’r swyddfa tribiwnlys sy’n delio â’r achos

Os ydych yn weithiwr proffesiynol ym maes y gyfraith neu’n fath arall o weithiwr proffesiynol a bod yna gyfeirnod 16 digid yn eich pecyn ymateb, gallwch ymateb ar-lein drwy ddefnyddio cyfrif MyHMCTS.

Rhaid i chi ymateb i’r hawliad o fewn 28 diwrnod.

Efallai byddwch yn gallu cael rhagor o amser i ymateb - holwch y tribiwnlys. Os byddwch yn hwyr yn ymateb neu ddim yn ymateb o gwbl, gall y tribiwnlys wneud penderfyniad yn eich erbyn heb gynnal gwrandawiad.

Cynnig iawndal i’r hawlydd

Gallwch geisio setlo’r achos unrhyw adeg trwy gynnig talu iawndal i’r hawlydd (a elwir yn ‘cytundeb setlo’).

Cael cymorth neu gyngor cyfreithiol

Efallai byddwch eisiau cael cyngor cyfreithiol os bydd hawliad yn cael ei wneud yn eich erbyn.

Ffoniwch linell ymholiadau’r tribiwnlys cyflogaeth i gael arweiniad cyffredinol ar sut mae’r broses yn gweithio. Ni allant roi cyngor cyfreithiol i chi.

Canolfan gyswllt cwsmeriaid y Tribiwnlys Cyflogaeth
Rhif ffôn: 0300 303 5176 (Llinell Iaith Gymraeg)
Rhif ffôn: 0300 123 1024 (Siaradwyr Saesneg yng Nghymru a Lloegr)
Rhif ffôn: 0300 790 6234 (Yr Alban)
Ffôn testun: 18001 0300 123 1024 (Cymru a Lloegr)
Ffôn testun: 18001 0300 790 6234 (Yr Alban)
Gwybodaeth am gost galwadau

Os ydych yn byw yng Ngogledd Iwerddon

Bydd Office of Industrial Tribunals and the Fair Employment Tribunal yn delio â’ch achos.

Argraffu'r canllaw cyfan

Rhywun yn mynd â chi i dribiwnlys cyflogaeth

Trosolwg

Datrys yr anghydfod heb wrandawiad

Ymateb i hawliad

Cynnig iawndal i’r hawlydd

Cael cymorth neu gyngor cyfreithiol

Os ydych yn byw yng Ngogledd Iwerddon

Is this page useful?

Help us improve GOV.UK

Help us improve GOV.UK

Cookies on GOV.UK

Rhywun yn mynd â chi i dribiwnlys cyflogaeth

Trosolwg

Datrys yr anghydfod heb wrandawiad

Ymateb i hawliad

Cynnig iawndal i’r hawlydd

Cael cymorth neu gyngor cyfreithiol

Os ydych yn byw yng Ngogledd Iwerddon

Is this page useful?

Help us improve GOV.UK

Help us improve GOV.UK