Talu eich bil TAW
Talu drwy Ddebyd Uniongyrchol
Defnyddiwch eich cyfrif TAW ar-lein er mwyn trefnu Debyd Uniongyrchol.
Dylech drefnu’r Debyd Uniongyrchol o leiaf 3 diwrnod gwaith cyn i chi gyflwyno’ch Ffurflen TAW. Fel arall, ni fydd y taliad yn cael ei gymryd o’ch cyfrif banc.
Os byddwch yn cyflwyno’ch Ffurflen TAW yn hwyr, bydd eich taliad yn cael ei gymryd 3 diwrnod ar ôl i chi ei chyflwyno.
Os nad ydych wedi defnyddio’ch Debyd Uniongyrchol am 2 flynedd neu fwy, gwiriwch â’ch banc ei fod wedi’i drefnu o hyd.
Sefydlu Debyd Uniongyrchol
Cyn i chi ddechrau
Bydd angen eich rhif cofrestru TAW 9 digid arnoch i wneud taliad.
Gallwch ddod o hyd i’ch rhif cofrestru:
-
yn eich cyfrif TAW ar-lein
-
ar eich tystysgrif cofrestru TAW
Peidiwch â rhoi unrhyw fylchau rhwng y digidau wrth dalu’ch bil TAW.
Os oes angen i chi dalu gordal TAW neu gosb
Bydd angen i chi ddefnyddio’ch cyfeirnod 14 o gymeriadau sy’n dechrau gydag X pan fyddwch chi’n talu.
Gallwch ddod o hyd iddo ar y llythyr a anfonodd Cyllid a Thollau EF (CThEF) atoch am eich gordal neu gosb.
Ar ôl i chi drefnu Debyd Uniongyrchol
Unwaith y byddwch wedi trefnu’r Debyd Uniongyrchol a chyflwyno’ch ffurflen TAW, cesglir taliadau yn awtomatig o’ch cyfrif banc 3 diwrnod gwaith ar ôl y dyddiad cau ar gyfer talu sydd ar eich Ffurflen TAW.
Pryd na allwch dalu drwy Ddebyd Uniongyrchol
Mae’n rhaid i chi dalu gan ddefnyddio dull arall os ydych yn gwneud y canlynol:
-
defnyddio cyfrif banc tramor i dalu’ch bil TAW
-
rydych yn ymarferwr ansolfedd
-
cael trefniant taliadau TAW ar gyfrif (yn agor tudalen Saesneg)
-
rydych chi’n cael eich cymeradwyo i anfon ffurflenni TAW ar bapur
Ni allwch sefydlu Debyd Uniongyrchol i gymryd taliadau yn awtomatig am ordal neu gosb TAW, gallwch dalu’r rhain mewn ffordd wahanol.