Defnyddiwch eich cyfrif TAW ar-lein i drefnu Debyd Uniongyrchol. Trefnwch y Debyd Uniongyrchol o leiaf 3 diwrnod gwaith cyn y dyddiad cau ar gyfer eich Ffurflen TAW . Fel arall, ni fydd y taliad yn cael ei gymryd o’ch cyfrif banc mewn pryd. Unwaith y byddwch wedi trefnu’r Debyd Uniongyrchol, cesglir taliadau yn awtomatig o’ch cyfrif banc 3 diwrnod gwaith ar ôl y dyddiad cau ar gyfer talu sydd ar eich Ffurflen TAW . Os byddwch yn cyflwyno’ch Ffurflen TAW yn hwyr , bydd eich taliad yn cael ei gymryd 3 diwrnod ar ôl i chi ei chyflwyno. Os nad ydych wedi defnyddio’ch Debyd Uniongyrchol am 2 flynedd neu fwy, gwiriwch â’ch banc ei fod wedi’i drefnu o hyd. Ni allwch dalu drwy Ddebyd Uniongyrchol os oes gennych drefniant ‘taliadau ar gyfrif’ (yn agor tudalen Saesneg) . Cyfeirnod Bydd angen eich rhif cofrestru TAW 9 digid arnoch i wneud taliad. Gallwch ddod o hyd i’ch rhif cofrestru: yn eich cyfrif TAW ar-lein ar eich tystysgrif cofrestru TAW Peidiwch â rhoi unrhyw fylchau rhwng y digidau wrth dalu’ch bil TAW . Os oes angen i chi dalu gordal TAW neu gosb Wrth dalu, bydd angen i chi ddefnyddio’ch cyfeirnod sy’n 14 o gymeriadau ac yn dechrau gydag ‘X’. Gallwch ddod o hyd i hwn ar y llythyr a anfonodd Cyllid a Thollau EF ( CThEF ) atoch ynghylch eich gordal neu gosb. Cael ad-daliadau TAW Ni fydd manylion y cyfrif banc a ddefnyddiwch i drefnu’ch Debyd Uniongyrchol yn cael eu defnyddio ar gyfer ad-daliadau TAW . I sicrhau y caiff ad-daliadau TAW eu talu i’ch cyfrif banc, diweddarwch y manylion cofrestru yn eich cyfrif TAW ar-lein . Fel arall, bydd CThEF yn anfon siec atoch.

Cymeradwyo taliad drwy’ch cyfrif banc ar-lein

Gallwch dalu’ch bil TAW yn uniongyrchol gan ddefnyddio’ch cyfrif banc ar-lein neu’ch cyfrif banc symudol. Bydd angen i chi fod â’ch manylion bancio wrth law cyn i chi ddechrau. Pan fyddwch yn barod, dechreuwch eich taliad TAW . Dewiswch yr opsiwn ‘talu drwy gyfrif banc’. Bydd gofyn i chi fewngofnodi i’ch cyfrif banc ar-lein neu’ch cyfrif banc symudol i gymeradwyo’ch taliad TAW. Gallwch ddewis dyddiad talu, cyn belled â’i fod cyn dyddiad dyledus eich taliad. Gwiriwch eich cyfrif i wneud yn siŵr bod y taliad wedi mynd allan ar y dyddiad cywir. Os nad yw’r taliad wedi mynd allan yn ôl y disgwyl, cysylltwch â’ch banc. Fel arfer, bydd y taliad yn digwydd ar unwaith, ond weithiau mae’n gallu cymryd hyd at 2 awr i ymddangos yn eich cyfrif banc. Cyfeirnod Bydd angen eich rhif cofrestru TAW 9 digid arnoch i wneud taliad. Gallwch ddod o hyd i’ch rhif cofrestru: yn eich cyfrif TAW ar-lein ar eich tystysgrif cofrestru TAW Peidiwch â rhoi unrhyw fylchau rhwng y digidau wrth dalu’ch bil TAW. Os oes angen i chi dalu gordal TAW neu gosb Bydd angen i chi ddefnyddio’ch cyfeirnod 14 o gymeriadau sy’n dechrau gydag X pan fyddwch chi’n talu. Gallwch ddod o hyd i hyn ar y llythyr a anfonodd Cyllid a Thollau EF ( CThEF ) atoch am eich gordal neu gosb.

Talu CThEF drwy drosglwyddiad banc

Gallwch dalu Cyllid a Thollau EF ( CThEF ) yn uniongyrchol o gyfrif banc yn y DU gan ddefnyddio Taliadau Cyflymach, CHAPS neu Bacs. Dylech gysylltu â’ch banc, neu ddefnyddio eich cyfrif banc ar-lein neu ap y banc i wneud y taliad. Defnyddiwch y manylion banc canlynol i dalu CThEF : Cod didoli - 08 32 00 Rhif y cyfrif - 11963155 Enw’r cyfrif - HMRC VAT Taliadau tramor Defnyddiwch y manylion banc canlynol i dalu CThEF o gyfrif banc tramor: Rhif y cyfrif ( IBAN ) - GB36BARC20051773152391 Cod adnabod y banc ( BIC ) - BARCGB22 Enw’r cyfrif - HMRC VAT Barclays Bank PLC 1 Churchill Place Llundain Y Deyrnas Unedig E14 5HP Cyfeirnod Defnyddiwch eich rhif cofrestru TAW 9 digid, heb fylchau, fel y cyfeirnod talu. Gallwch ddod o hyd i’ch rhif cofrestru: yn eich cyfrif TAW ar-lein ar eich tystysgrif cofrestru TAW Os oes angen i chi dalu gordal TAW neu gosb Bydd angen i chi ddefnyddio’ch cyfeirnod 14 o gymeriadau sy’n dechrau gydag X pan fyddwch chi’n talu. Gallwch ddod o hyd i hyn ar y llythyr a anfonodd CThEF atoch am eich gordal neu gosb. Gall eich taliad gael ei oedi os byddwch yn defnyddio’r cyfeirnod anghywir. Faint o amser y mae’n ei gymryd Gwiriwch amserau prosesu eich banc cyn i chi wneud taliad. Fel arfer, mae Taliadau Cyflymach yn cyrraedd CThEF ar yr un diwrnod neu’r diwrnod nesaf, gan gynnwys ar benwythnosau a gwyliau banc. Fel arfer, mae taliadau CHAPS yn cyrraedd CThEF ar yr un diwrnod gwaith os byddwch yn talu o fewn amserau prosesu’ch banc. Fel arfer, mae taliadau Bacs yn cymryd 3 diwrnod gwaith.

Talu ar-lein â cherdyn debyd neu gerdyn credyd corfforaethol

Gallwch dalu eich bil TAW ar-lein . Gallwch hefyd dalu unrhyw ordaliadau neu gosbau sydd arnoch. Gallwch dalu drwy un o’r dulliau canlynol: cerdyn credyd corfforaethol cerdyn debyd corfforaethol cerdyn debyd personol Ni allwch dalu â cherdyn credyd personol. Bydd ffi yn cael ei chodi arnoch os talwch â cherdyn credyd corfforaethol neu gerdyn debyd corfforaethol, ac ni chewch y ffi honno’n ôl. Ni fydd ffi yn cael ei chodi os talwch â cherdyn debyd personol. Bydd Cyllid a Thollau EF ( CThEF ) yn derbyn eich taliad ar y dyddiad y gwnewch y taliad (hyd yn oed ar wyliau banc a phenwythnosau) – nid y dyddiad y mae’n cyrraedd cyfrif CThEF . Os na allwch dalu eich bil TAW yn llawn â cherdyn, dylech ddefnyddio dull arall o dalu , megis trosglwyddiad banc. Cyfeirnod Bydd angen i chi roi’ch rhif cofrestru TAW 9 digid. Gallwch ddod o hyd i’ch rhif cofrestru TAW 9 digid: yn eich cyfrif TAW ar-lein ar eich tystysgrif cofrestru TAW Os oes angen i chi dalu gordal TAW neu gosb Bydd angen i chi ddefnyddio’ch cyfeirnod 14 o gymeriadau sy’n dechrau gydag X pan fyddwch chi’n talu. Gallwch ddod o hyd i hyn ar y llythyr a anfonodd CThEF atoch am eich gordal neu gosb. Gall eich taliad gael ei oedi os byddwch yn defnyddio’r cyfeirnod anghywir.

Yn eich banc neu’ch cymdeithas adeiladu

Bydd angen i chi archebu slipiau talu i mewn naill ai ar-lein neu dros y ffôn oddi wrth Gyllid a Thollau EF ( CThEF ) cyn i chi allu talu yn y modd hwn. Gall gymryd hyd at 6 wythnos iddynt gyrraedd. Defnyddiwch y slipiau talu i mewn i dalu yn eich banc neu’ch cymdeithas adeiladu eich hun ag arian parod neu siec. Gwnewch eich siec yn daladwy i ‘Cyllid a Thollau EF yn unig’. Ysgrifennwch eich rhif cofrestru TAW 9 digid ar gefn eich siec. Gallwch ddod o hyd i’ch rhif cofrestru: yn eich cyfrif TAW ar-lein ar eich tystysgrif cofrestru TAW Os oes angen i chi dalu gordal TAW neu gosb Bydd angen i chi ddefnyddio’ch cyfeirnod 14 o gymeriadau sy’n dechrau gydag X pan fyddwch chi’n talu. Gallwch ddod o hyd i hyn ar y llythyr a anfonodd CThEF atoch am eich gordal neu gosb. Gall eich taliad gael ei oedi os byddwch yn defnyddio’r cyfeirnod anghywir. Caniatewch 3 diwrnod gwaith i’ch taliad gyrraedd cyfrif banc Cyllid a Thollau EF.

Mae busnesau sy’n defnyddio’r Cynllun Cyfrifyddu Blynyddol (yn agor tudalen Saesneg) , neu sy’n gwneud taliadau ar gyfrif, yn gallu talu bil TAW drwy archeb sefydlog. Mae archebion sefydlog yn cymryd 3 diwrnod gwaith i gyrraedd cyfrif banc Cyllid a Thollau EF ( CThEF ). Cynllun Cyfrifyddu Blynyddol Gofynnwch am gael talu drwy archeb sefydlog ar eich ffurflen gais ar gyfer y Cynllun Cyfrifyddu Blynyddol (yn agor tudalen Saesneg) . Ar ôl i chi gael llythyr gan CThEF yn derbyn eich cais, ewch ati i drefnu archeb sefydlog gan naill ai: defnyddio ffurflen TAW 622 mynd trwy’ch banc – gan ddefnyddio’r un manylion i dalu drwy drosglwyddiad banc Taliadau ar gyfrif Gallwch drefnu archeb sefydlog gan naill ai: defnyddio ffurflen TAW 622 mynd trwy’ch banc – gan ddefnyddio’r un manylion ar gyfer talu drwy drosglwyddiad banc

Talu eich bil TAW

Trosolwg

Mae’n rhaid i chi dalu’ch bil TAW erbyn y dyddiad cau a ddangosir ar eich Ffurflen TAW.

Mae’n bosibl y bydd yn rhaid i chi dalu gordal neu gosb os na thalwch mewn pryd.

Mae dyddiadau cau gwahanol os ydych yn defnyddio:

Gwiriwch beth i’w wneud os na allwch dalu’ch bil treth mewn pryd.

Talu eich bil TAW ar-lein

Gallwch dalu Cyllid a Thollau EF (CThEF) ar-lein drwy’r dulliau canlynol:

cymeradwyo taliad drwy’ch cyfrif banc gan ddefnyddio’ch manylion bancio ar-lein
cerdyn debyd neu gerdyn credyd corfforaethol
Debyd Uniongyrchol

Bydd angen eich rhif cofrestru TAW 9 digid arnoch.

Talu nawr

Mae’r gwasanaeth hwn hefyd ar gael yn Saesneg.

Os na allwch dalu ar-lein, gallwch gysylltu â’ch banc er mwyn talu drwy drosglwyddiad banc.

Cadarnhad o’ch taliad

Os ydych yn talu drwy’r gwasanaeth ar-lein, byddwch yn cael cyfeirnod talu ar unwaith oddi wrth CThEF.

Nid oes angen i chi gysylltu â CThEF i gadarnhau bod eich taliad wedi dod i law.

Bydd eich taliad yn ymddangos ar eich cyfrif TAW ar-lein cyn pen 3 i 5 diwrnod.

Dulliau o dalu

Sicrhewch y bydd eich taliad yn cyrraedd cyfrif banc CThEF erbyn y dyddiad cau.

Gallwch gyfrifo’r dyddiad cau ar gyfer talu TAW, a faint o amser i’w ganiatáu, drwy ddefnyddio’r gyfrifiannell benodol hon (yn agor tudalen Saesneg).

Talu ar yr un diwrnod, neu’r diwrnod nesaf

drwy drosglwyddiad banc gan ddefnyddio Taliadau Cyflymach neu CHAPS – dylech wirio’r dulliau hyn gyda’ch banc
drwy’ch cyfrif banc ar-lein
ar-lein â cherdyn debyd neu gerdyn credyd corfforaethol

Talu ymhen 3 diwrnod gwaith

Debyd Uniongyrchol
drwy drosglwyddiad banc gan ddefnyddio Bacs
archeb sefydlog (dim ond ar gyfer busnesau sy’n defnyddio’r Cynllun Cyfrifyddu Blynyddol neu Daliadau ar Gyfrif)
yn eich banc neu’ch cymdeithas adeiladu

Os bydd y dyddiad cau ar benwythnos neu ŵyl banc, mae’n rhaid i’ch taliad gyrraedd cyfrif banc CThEF erbyn y diwrnod gwaith olaf cyn hynny (oni bai eich bod yn talu drwy Daliadau Cyflymach).

Gweld fersiwn argraffadwy o'r canllaw cyfan

Talu eich bil TAW

Trosolwg

Talu eich bil TAW ar-lein

Cadarnhad o’ch taliad

Dulliau o dalu

Talu ar yr un diwrnod, neu’r diwrnod nesaf

Talu ymhen 3 diwrnod gwaith

Is this page useful?

Help us improve GOV.UK

Help us improve GOV.UK

Cookies on GOV.UK

Talu eich bil TAW

Trosolwg

Talu eich bil TAW ar-lein

Cadarnhad o’ch taliad

Dulliau o dalu

Talu ar yr un diwrnod, neu’r diwrnod nesaf

Talu ymhen 3 diwrnod gwaith

Cynnwys cysylltiedig

Is this page useful?

Help us improve GOV.UK

Help us improve GOV.UK