Beth i’w gynnwys yn eich Ffurflen TAW

Bydd angen i chi gynnwys: cyfanswm eich gwerthiannau a phryniannau swm y TAW sydd arnoch swm y TAW y gallwch ei adhawlio swm y TAW sy’n ddyledus i chi gan Gyllid a Thollau EF ( CThEF ) (os ydych yn adennill TAW ar dreuliau busnes) Mae’n rhaid i chi gynnwys y TAW ar werth llawn yr hyn a werthwch, hyd yn oed os: ydych yn cael nwyddau neu wasanaethau yn lle arian - er enghraifft os ydych yn cael rhywbeth mewn rhan-gyfnewid nad ydych wedi codi unrhyw TAW ar y cwsmer - caiff pa bynnag bris y codwch ei drin fel pe bai’n cynnwys TAW Darllenwch yr arweiniad am lenwi eich Ffurflen TAW (yn agor tudalen Saesneg) . Os ydych wedi cofrestru ar gyfer TAW yng Ngogledd Iwerddon, mae’n rhaid i chi gynnwys gwerthiannau yn yr UE ar eich Ffurflen TAW a llenwi Rhestr Gwerthiannau yn y GE (yn agor tudalen Saesneg) . Bydd CThEF yn gallu codi cosb hyd at 100% o unrhyw dreth a danddatganwyd neu a or-hawliwyd os ydych yn anfon Ffurflen TAW anghywir. Rhoi cyfrif am TAW mewnforio Gallwch roi cyfrif am TAW mewnforio ar eich Ffurflen TAW drwy ddefnyddio ‘cyfrifyddu TAW gohiriedig’ . Mae hyn yn eich galluogi i ddatgan TAW mewnforio a’i hadennill fel traul busnes ar yr un Ffurflen TAW . Defnyddio ffigurau wedi’u hamcangyfrif Gofynnwch i CThEF am ganiatâd i ddefnyddio ffigurau wedi’u hamcangyfrif. Bydd angen rheswm da arnoch pam na allwch roi ffigurau cywir ar eich Ffurflen TAW . Os oes caniatâd gennych, ni chodir cosb arnoch oni bai eich bod yn methu’r dyddiad cau neu’n gwneud gwall esgeulus neu fwriadol. Fel arfer, bydd angen i chi roi’r ffigurau cywir yn eich Ffurflen TAW nesaf. Hawlio rhyddhad ar ddrwgddyledion Os nad yw cwsmer yn eich talu ar gyfer nwyddau neu wasanaethau, gallwch ddileu’r anfoneb fel ‘drwgddyled’. Os ydych yn y sefyllfa hon, mae’n bosibl y bydd modd i chi hawlio rhyddhad rhag TAW . Er mwyn bod yn gymwys am y rhyddhad: rhaid bod y ddyled yn hŷn na 6 mis rhaid i chi gyflwyno’ch hawliad cyn pen 4 blynedd a 6 mis o ddyddiad yr oedd y taliad yn ddyledus neu’r dyddiad cyflenwi (p’un bynnag oedd yn hwyrach) rhaid eich bod heb werthu’r ddyled yn ei blaen rhaid eich bod heb godi mwy na’r pris arferol am yr eitem Mae’n rhaid i chi gadw cofnodion o’r ddyled . Cyflwynwch eich hawliad am ad-daliad yn eich Ffurflen TAW .

Sut i anfon eich Ffurflen TAW

Mae’n rhaid i chi gyflwyno’ch Ffurflen TAW gan ddefnyddio meddalwedd sy’n cydweddu â’r cynllun Troi Treth yn Ddigidol. Gwiriwch pa feddalwedd y gallwch ei defnyddio i gyflwyno’ch Ffurflen TAW . Mae gwahanol ffyrdd o anfon eich Ffurflen TAW os yw’r canlynol yn berthnasol: rydych wedi canslo’ch cofrestriad TAW rydych wedi’ch esemptio rhag Troi Treth yn Ddigidol ar gyfer Treth Incwm mae’ch busnes yn destun gweithdrefn ansolfedd Os ydych wedi canslo’ch cofrestriad TAW Ni allwch anfon Ffurflenni TAW gan ddefnyddio meddalwedd sy’n cydweddu â’r cynllun Troi Treth yn Ddigidol os nad ydych bellach wedi cofrestru ar gyfer TAW . Bydd angen i chi anfon unrhyw ffurflenni gan ddefnyddio’ch cyfrif TAW ar-lein . Os ydych wedi’ch esemptio rhag Troi Treth yn Ddigidol ar gyfer Treth Incwm Gallwch gyflwyno’ch Ffurflen TAW drwy’r post neu drwy gyfrif TAW ar-lein dim ond os ydych wedi’ch esemptio rhag Troi Treth yn Ddigidol ar gyfer TAW (yn agor tudalen Saesneg) . Er enghraifft, os yw’r canlynol yn wir: rydych yn gwrthwynebu defnyddio cyfrifiaduron oherwydd rhesymau crefyddol nid oes modd i chi ddefnyddio’r rhyngrwyd Dysgwch sut i anfon ffurflenni TAW os ydych wedi’ch esemptio (yn agor tudalen Saesneg) . Gall Cyllid a Thollau EF godi cosb o hyd at £400 arnoch os byddwch yn cyflwyno Ffurflen TAW ar bapur ac nad ydych wedi’ch esemptio. Os yw’ch busnes yn destun gweithdrefn ansolfedd Mae’n rhaid i chi anfon Ffurflen TAW ar bapur (yn agor tudalen Saesneg) oni bai bod gennych y naill neu’r llall o’r canlynol: Trefniant Cwmni Gwirfoddol (yn agor tudalen Saesneg) Trefniant Unigol Gwirfoddol (yn agor tudalen Saesneg) Os oes gennych y naill drefniant neu’r llall, gallwch ddewis i anfon Ffurflen TAW ar bapur neu lenwi’r ffurflen gan ddefnyddio’ch cyfrif TAW ar-lein . Ar ôl i chi anfon eich Ffurflen TAW Mae’n rhaid i chi dalu’ch bil TAW erbyn y dyddiad dyledus a ddangosir ar eich Ffurflen TAW .

Cywiro camgymeriadau yn eich Ffurflen TAW

Gallwch gywiro camgymeriadau mewn Ffurflenni TAW am y 4 blynedd blaenorol, cyn belled â bod gwerth net y gwallau: yn £10,000 neu lai rhwng £10,000 a £50,000 ond yn llai nag 1% o gyfanswm gwerth eich gwerthiannau Ar gyfer camgymeriadau fel hyn, gwnewch addasiad neu gywiriad yn eich Ffurflen TAW nesaf. Mae’n rhaid i chi roi gwybod i Gyllid a Thollau EF ( CThEF ) ar wahân am unrhyw gamgymeriadau net sydd: dros £50,000 dros £10,000, os ydynt yn fwy nag 1% o gyfanswm gwerth y gwerthiannau yn gamgymeriadau bwriadol Gwirio sut i roi gwybod i CThEF am wallau yn eich Ffurflen TAW . Cyfrifo gwerth net y camgymeriadau I gyfrifo gwerth net y camgymeriadau: adiwch at ei gilydd y dreth ychwanegol sy’n ddyledus i CThEF tynnwch y dreth sy’n ddyledus i chi Mae’n rhaid i chi roi gwybod am gamgymeriadau bwriadol ar wahân - ni allwch gynnwys y rhain yn y cyfrifiad hwn. Sut i wneud yr addasiad yn eich Ffurflen TAW nesaf Pan fyddwch yn cyflwyno’ch Ffurflen TAW nesaf, ychwanegwch y gwerth net at flwch 1 ar gyfer y dreth sy’n ddyledus i CThEF , neu at flwch 4 ar gyfer y dreth sy’n ddyledus i chi. Mae’n rhaid i chi wneud y canlynol: cadw manylion am y camgymeriad (er enghraifft, y dyddiad y’i canfuwyd, sut y digwyddodd a swm y TAW sydd dan sylw) cynnwys gwerth y camgymeriad yn eich cyfrif TAW Darllenwch ragor am sut i gywiro camgymeriadau TAW a gwneud addasiadau neu hawliadau (yn agor tudalen Saesneg) . Cysylltwch â’r Tîm Ymholiadau TAW , Tollau ac Ecséis os oes angen help arnoch wrth wneud cywiriadau.

Ffurflenni TAW a thaliadau hwyr

Os byddwch yn methu’r dyddiad cau ar gyfer cyflwyno’ch Ffurflen TAW , bydd CThEF yn anfon ‘hysbysiad TAW o asesiad treth’ atoch yn rhoi gwybod i chi faint o TAW y maent yn credu sydd arnoch. Mae’n bosibl y bydd angen i chi dalu gordal neu gosb am gyflwyno’ch Ffurflen TAW ar ôl y dyddiad cau, neu os ydych yn ei thalu’n hwyr. Bydd y swm sydd arnoch yn cael ei gyfrifo’n wahanol, gan ddibynnu ar ba gyfnod cyfrifyddu y mae ar ei gyfer. Dylech gysylltu â Chyllid a Thollau EF ( CThEF ) cyn gynted â phosibl os ydych yn ei chael hi’n anodd talu erbyn y dyddiad cau. Os dechreuodd eich cyfnod cyfrifyddu ar neu ar ôl 1 Ionawr 2023 Byddwch yn cael cosbau ar wahân am gyflwyno’ch Ffurflen TAW yn hwyr ac am dalu’n hwyr. Os byddwch yn cyflwyno’ch Ffurflen TAW yn hwyr Am bob Ffurflen TAW yr ydych yn ei chyflwyno’n hwyr, byddwch yn cael pwynt cosb. Mae hyn yn cynnwys Ffurflenni TAW sy’n dangos ‘dim’ (lle nad oes gennych unrhyw beth i’w ddatgan). Unwaith y byddwch wedi cyrraedd eich trothwy pwyntiau cosb , cewch gosb o £200. Pennir y trothwy gan eich cyfnod cyfrifyddu (os ydych yn talu bob mis, yn chwarterol neu’n flynyddol). Byddwch yn cael cosb bellach o £200 am bob cyflwyniad hwyr dilynol tra byddwch ar y trothwy. Gallwch weld faint o bwyntiau sydd gennych yn eich cyfrif ar-lein . Cyflwynwch Ffurflenni TAW mewn pryd yn y dyfodol i ddileu pwyntiau cosb o’ch cyfrif. Os byddwch yn talu’n hwyr Mae’n bosibl y codir cosb arnoch os byddwch yn talu’n hwyr: ar eich Ffurflen TAW yn dilyn diwygiad neu gywiriad i Ffurflen TAW o asesiad TAW a anfonwyd gan CThEF pan na wnaethoch gyflwyno’ch Ffurflen TAW o asesiad TAW a anfonwyd gan CThEF am reswm arall Mae faint a godir arnoch yn dibynnu ar ba mor hwyr y byddwch yn talu (yn agor tudalen Saesneg) . Mae cyfanswm y gosb yn codi ar ôl 16 diwrnod, ac yn codi eto ar ôl 31 diwrnod. Codir llog am dalu’n hwyr arnoch o’r diwrnod cyntaf y bydd eich taliad yn hwyr, hyd nes y byddwch yn talu’r swm llawn. Mae hyn hefyd yn berthnasol os ydych yn talu mewn rhandaliadau. Os dechreuodd eich cyfnod cyfrifyddu ar neu cyn 31 Rhagfyr 2022 Bydd CThEF yn cofnodi ‘diffyg’ ar eich cyfrif os bydd eich Ffurflen TAW neu’ch taliad yn hwyr. Mae’n bosibl y bydd diffygdalu yn eich rhoi mewn ‘cyfnod gordal’ o 12 mis. Os byddwch yn diffygdalu eto yn ystod y cyfnod hwnnw o 12 mis, efallai y bydd yn rhaid i chi dalu swm ychwanegol (‘gordal’) ar ben y TAW sydd arnoch. Nid ydych yn talu gordal y tro cyntaf eich bod yn diffygdalu. Dechrau cyfnod gordal Byddwch yn dechrau cyfnod gordal o 12 mis os byddwch yn talu’n hwyr, ac os yw’ch trosiant yn £150,000 neu’n fwy. Os yw’ch trosiant yn llai na £150,000, byddwch yn dechrau cyfnod gordal o 12 mis os byddwch yn talu’n hwyr dwywaith o fewn 12 mis. Os byddwch yn cyflwyno’ch Ffurflen TAW neu’ch taliad yn hwyr yn ystod cyfnod gordal Os byddwch yn cyflwyno’ch Ffurflen TAW yn hwyr, bydd eich cyfnod gordal o 12 mis yn ailddechrau. Os byddwch yn talu’n hwyr, bydd eich cyfnod gordal o 12 mis yn ailddechrau ac efallai y bydd angen i chi dalu gordal. Faint rydych yn ei dalu Mae’r gordal yn ganran o’r TAW heb ei thalu ar gyfer y cyfnod dan ddifygdaliad. Mae’n cael ei gyfrifo ar y dyddiad cau. Mae’r tabl hwn yn dangos faint a godir arnoch os byddwch yn diffygdalu yn ystod cyfnod gordal. Bydd CThEF yn ysgrifennu atoch i esbonio unrhyw ordaliadau sydd arnoch. Diffygdaliadau cyn pen 12 mis Gordal os yw’r trosiant blynyddol yn llai na £150,000 Gordal os yw’r trosiant blynyddol yn £150,000 neu’n fwy 2il Dim gordal 2% (dim gordal os yw hwn yn llai na £400) 3ydd 2% (dim gordal os yw hwn yn llai na £400) 5% (dim gordal os yw hwn yn llai na £400) 4ydd 5% (dim gordal os yw hwn yn llai na £400) 10% neu £30 (p’un bynnag sydd fwyaf) 5ed 10% neu £30 (p’un bynnag sydd fwyaf) 15% neu £30 (p’un bynnag sydd fwyaf) 6 neu fwy 15% neu £30 (p’un bynnag sydd fwyaf) 15% neu £30 (p’un bynnag sydd fwyaf) Does dim cosb am gyflwyno Ffurflen TAW sy’n dangos dim (lle nad oes gennych unrhyw beth i’w ddatgan) yn hwyr. Os yw eich hysbysiad TAW o asesiad treth yn anghywir Os yw’r asesiad yn rhy uchel, anfonwch Ffurflen TAW gywir a thaliad TAW cywir. Os yw’r asesiad yn rhy isel, bydd angen i chi wneud un o’r canlynol: rhoi gwybod i CThEF cyn pen 30 diwrnod anfon Ffurflen TAW gywir a thaliad TAW cywir Fel arall, mae’n bosibl y codir cosb arnoch (hyd at 30% o’r asesiad). Sut i dalu gordal neu gosb Mae sawl ffordd y gallwch dalu eich bil TAW , gan gynnwys unrhyw ordaliadau a chosbau.

Llog ar TAW wedi’i thandalu neu ei gordalu

Bydd Cyllid a Thollau EF ( CThEF ) yn codi llog arnoch os na fyddwch yn talu’r swm cywir o TAW erbyn y dyddiad cau. Os oes arnoch ad-daliad TAW gan CThEF , mae’n bosibl y bydd gennych hawl i gael llog. Mae CThEF ond yn codi neu’n talu llog syml (llog ar y swm gwreiddiol, nid llog ar log). Mae cyfraddau llog gwahanol (yn agor tudalen Saesneg) ar gyfer treth a dandalwyd neu a ordalwyd cyn 26 Tachwedd 2024. Os dechreuodd eich cyfnod cyfrifyddu ar neu ar ôl 1 Ionawr 2023 Os nad ydych yn talu digon o TAW Bydd CThEF yn codi llog am dalu’n hwyr arnoch o’r diwrnod cyntaf y mae’ch taliad yn ddyledus nes i chi dalu’n llawn. Mae hyn yn cynnwys symiau sy’n hwyr ar ôl: Ffurflen TAW diwygiad neu gywiriad i Ffurflen TAW asesiad TAW a wnaed gan CThEF taliad ar gyfrif TAW sydd wedi’i fethu Darllenwch ragor am log am dalu’n hwyr os nad ydych yn talu TAW neu gosbau mewn pryd . Os ydych yn talu gormod o TAW Mae’n bosibl y bydd gennych hawl i log ar ad-daliadau ar unrhyw TAW sy’n ddyledus i chi. Nid oes angen i chi gyflwyno cais am log ar ad-daliadau. Os bydd CThEF yn canfod bod gennych hawl i gael llog ar ad-daliadau, byddwch yn ei gael yn awtomatig. Darllenwch ragor am log ar ad-daliadau ar gredydau TAW neu ordaliadau . Os dechreuodd eich cyfnod cyfrifyddu ar neu cyn 31 Rhagfyr 2022 Os nad ydych yn talu digon o TAW Mae’n bosibl y codir llog o 7.25% arnoch os ydych yn gwneud y canlynol: rhoi gwybod am lai o TAW na’r hyn a godoch, neu’n adhawlio mwy na’r hyn rydych yn ei thalu talu asesiad y gwnaeth CThEF ei ganfod yn rhy isel wedi hynny mae arnoch TAW i CThEF oherwydd camgymeriad ar eich Ffurflen TAW Defnyddio’ch cyfrif TAW ar-lein i wirio’r swm sydd arnoch. Bydd CThEF hefyd yn anfon hysbysiad atoch yn rhoi gwybod i chi faint sydd arnoch a sut y caiff ei gyfrifo. Os nad ydych yn talu cyn pen 30 diwrnod, codir llog pellach ar y TAW sy’n ddyledus o ddyddiad yr hysbysiad. Codir llog arnoch am yr holl amser nad ydych yn ei dalu, hyd at uchafswm o ddwy flynedd. Ni allwch ddidynnu’r llog y mae CThEF yn ei godi arnoch wrth gyfrifo’ch elw trethadwy. Os ydych yn talu gormod o TAW Mae’n bosibl y gallwch hawlio llog o 3.75% os yw camgymeriad CThEF yn golygu’r canlynol: rydych yn talu gormod o TAW nid ydych yn adennill digon o TAW cafodd eich taliad gan CThEF ei oedi Fel arfer, ni fydd CThEF yn ad-dalu llog os ydych wedi talu gormod o TAW o ganlyniad i gamgymeriad a wnaethoch. Fel arfer, caiff llog ei dalu am y cyfnod llawn, o’r cyfnod pan ordalwyd neu adenillwyd y TAW hyd at y dyddiad y caiff yr ad-daliad ei awdurdodi. Os gwnaethoch achosi oedi i unrhyw daliadau (er enghraifft, drwy beidio â hawlio ar unwaith), efallai y bydd CThEF yn hepgor yr amser hwn. Mae’n rhaid i chi hawlio’r llog ar wahân i’r ad-daliad ei hunan. Ysgrifennwch at CThEF gyda manylion yr ad-daliad, gan egluro pam bod llog yn ddyledus i chi. Mae’n rhaid i chi wneud hyn cyn pen 4 blynedd i’r dyddiad a awdurdododd CThEF yr ad-daliad yn wreiddiol. Defnyddiwch y cyfeiriad post ar y llythyr a gawsoch gan CThEF am eich TAW . Mae unrhyw log a gewch gan CThEF yn cyfrif fel incwm trethadwy. Talu llog i’ch cwsmeriaid Mae’n rhaid i chi dalu unrhyw log cysylltiedig i’ch cwsmeriaid os oes gennych gytundebau ad-dalu gyda nhw i ad-dalu unrhyw TAW iddynt. Cysylltwch â’r person yn CThEF a ddeliodd â’ch hawliad os oes angen i chi gael gwybod sut y cafodd y llog ei gyfrifo. Gall hyn eich helpu i gyfrifo faint sydd angen i chi ei ad-dalu i bob cwsmer. Mae’n rhaid i chi roi’r arian yn ôl i CThEF cyn pen 14 diwrnod os na allwch gysylltu â chwsmer i’w ad-dalu. Herio penderfyniad gan CThEF Ni allwch apelio yn erbyn y penderfyniad i godi llog arnoch ond gallwch herio’r swm o log a godir arnoch .

Cyflwyno Ffurflen TAW

Pryd i lenwi Ffurflen TAW

Mae Ffurflen TAW yn ffurflen rydych yn ei llenwi er mwyn rhoi gwybod i Gyllid a Thollau EF (CThEF) faint o TAW rydych wedi ei chodi a faint rydych wedi ei dalu i fusnesau eraill.

Fel arfer, mae angen i chi anfon Ffurflen TAW i CThEF bob 3 mis. Gelwir hyn eich ‘cyfnod cyfrifyddu’.

Os ydych wedi cofrestru ar gyfer TAW, mae’n rhaid i chi gyflwyno Ffurflen TAW hyd yn oed os nad oes gennych TAW i’w thalu neu ei hadennill.

Mae’r canllaw hwn hefyd ar gael yn Saesneg.

Dyddiadau cau

Fel arfer, y dyddiad cau ar gyfer cyflwyno’ch Ffurflen TAW ar-lein yw un mis calendr a 7 diwrnod ar ôl diwedd cyfnod cyfrifyddu. Dyma’r dyddiad cau ar gyfer talu CThEF hefyd. Dylech ganiatáu digon o amser i’r taliad gyrraedd cyfrif CThEF.

Gallwch ddefnyddio eich cyfrif ar-lein er mwyn:

cael gwybod pryd mae dyddiadau cau eich Ffurflenni TAW
cael gwybod pryd mae’n rhaid i’r taliad glirio cyfrif CThEF
gwirio ac apelio yn erbyn cosbau

Os ydych yn defnyddio’r Cynllun Cyfrifyddu Blynyddol TAW (yn agor tudalen Saesneg), gallwch drefnu e-bost atgoffa bob tro y bydd angen cyflwyno’ch Ffurflen TAW drwy eich cyfrif ar-lein.

Gweld fersiwn argraffadwy o'r canllaw cyfan

Cyflwyno Ffurflen TAW

Pryd i lenwi Ffurflen TAW

Dyddiadau cau

Is this page useful?

Help us improve GOV.UK

Help us improve GOV.UK

Cookies on GOV.UK

Cyflwyno Ffurflen TAW

Pryd i lenwi Ffurflen TAW

Dyddiadau cau

Cynnwys cysylltiedig

Is this page useful?

Help us improve GOV.UK

Help us improve GOV.UK