Budd-dal Plant pan fo’ch plentyn yn troi’n 16 oed

Mae’ch Budd-dal Plant yn dod i ben ar 31 Awst ar neu ar ôl pen-blwydd eich plentyn yn 16 oed os yw’n gadael addysg neu hyfforddiant. 

Mae Budd-dal Plant yn parhau os yw’ch plentyn yn parhau ag addysg neu hyfforddiant cymeradwy, ond mae’n rhaid i chi roi gwybod i Gyllid a Thollau EF (CThEF).

Cewch lythyr yn ystod blwyddyn olaf eich plentyn yn yr ysgol, a fydd yn gofyn i chi gadarnhau ei gynlluniau.  

Dim ond y person sy’n hawlio’r Budd-dal Plant sy’n gallu rhoi gwybod i CThEF am gynlluniau ei blentyn.

Mae’r canllaw hwn hefyd ar gael yn Saesneg.

Addysg gymeradwy

Mae’n rhaid i’r addysg fod yn amser llawn (mwy na 12 awr bob wythnos, ar gyfartaledd, o astudio dan oruchwyliaeth neu brofiad gwaith sy’n ymwneud â’r cwrs). Gall hyn gynnwys:

  • Lefelau A neu debyg – er enghraifft, y Fagloriaeth Ryngwladol

  • Lefelau T

  • Scottish Highers

  • NVQs a’r rhan fwyaf o gymwysterau galwedigaethol hyd at lefel 3

  • addysg yn y cartref – os y’i dechreuwyd naill ai cyn i’ch plentyn droi’n 16 oed neu ar ôl iddo droi’n 16 oed os oes ganddo ddatganiad o anghenion addysgol arbennig (yn agor tudalen Saesneg)

  • rhaglenni astudio yn Lloegr

  • cyn-brentisiaeth

Mae’n rhaid i’ch plentyn gael ei dderbyn ar y cwrs cyn iddo droi’n 19 oed.

Os yw’ch plentyn yn aros mewn addysg gymeradwy

Os yw’ch plentyn rhwng 16 ac 20 oed ac yn parhau ag addysg gymeradwy, rhowch wybod i CThEF gan ddefnyddio ffurflen CH297 ar-lein.

Os yw’ch plentyn yn gadael addysg gymeradwy

Rhowch wybod i CThEF os yw’ch plentyn yn gadael addysg gymeradwy gan ddefnyddio ffurflen CH459 ar-lein (yn agor tudalen Saesneg).

Addysg nad yw’n gymeradwy

Ni allwch gael Budd-dal Plant os yw’ch plentyn:

  • yn astudio ar gyfer gradd prifysgol neu Dystysgrif Genedlaethol Uwch BTEC (‘cwrs uwch’)

  • ar brentisiaeth (oni bai mai Prentisiaeth Sylfaenol yng Nghymru ydyw)

  • yn gwneud cwrs gyda chytundeb cyflogwr – er enghraifft, er mwyn cael swydd gyda’r cyflogwr hwnnw, neu er mwyn datblygu sgiliau ar gyfer swydd sydd ganddo yn barod

Hyfforddiant cymeradwy

Dylai hyfforddiant cymeradwy fod yn ddi-dâl a gall gynnwys y canlynol:

  • yng Nghymru: Prentisiaethau Sylfaenol, Hyfforddeiaethau neu gynllun Twf Swyddi Cymru+

  • yn yr Alban: rhaglen No One Left Behind

  • yng Ngogledd Iwerddon: ‘PEACEPLUS Youth Programme 3.2’, ‘Training for Success’ neu ‘Skills for Life and Work’

Nid yw cyrsiau sy’n rhan o gontract gwaith yn gymeradwy.

Os yw’ch plentyn yn aros mewn hyfforddiant cymeradwy

Rhowch wybod i CThEF os yw’ch plentyn yn parhau â hyfforddiant cymeradwy gan ddefnyddio ffurflen CH297 ar-lein.

Os yw’ch plentyn yn gadael hyfforddiant cymeradwy

Rhowch wybod i CThEF os yw’ch plentyn yn gadael hyfforddiant cymeradwy gan ddefnyddio ffurflen CH459 ar-lein (yn agor tudalen Saesneg).

Seibiannau dros dro

Cysylltwch â CThEF ynghylch seibiannau yn addysg neu hyfforddiant eich plentyn, er enghraifft os yw’n newid coleg. Efallai y cewch Fudd-dal Plant yn ystod y seibiant.

Pan fo addysg neu hyfforddiant cymeradwy yn dod i ben

Pan fo’ch plentyn yn gadael addysg neu hyfforddiant cymeradwy, bydd taliadau’n dod i ben ar ddiwedd mis Chwefror, 31 Mai, 31 Awst neu 30 Tachwedd (p’un bynnag ddaw gyntaf).

Gwneud cais am estyniad

Mae’n bosibl y gallech gael Budd-dal Plant am 20 wythnos (a elwir yn ‘estyniad’) os yw’ch plentyn yn gadael addysg neu hyfforddiant cymeradwy a’i fod naill ai’n:

Gallwch wneud un o’r canlynol:

I fod yn gymwys, mae’n rhaid i’ch plentyn fodloni’r canlynol:

  • bod yn 16 neu’n 17 oed

  • gweithio llai na 24 awr yr wythnos

  • peidio â chael budd-daliadau penodol (er enghraifft Cymhorthdal Incwm)

Mae’n rhaid i chi fod wedi bod â hawl i Fudd-dal Plant yn union cyn i’r plentyn adael yr addysg neu’r hyfforddiant cymeradwy a rhaid gwneud cais amdano cyn pen 3 mis ar ôl iddo adael.

Dulliau eraill o roi gwybod i ni

Cysylltwch â CThEF i roi gwybod am gynlluniau neu newidiadau.

Cynnwys cysylltiedig