Cyfnewid eich trwydded yrru bapur am drwydded cerdyn-llun

Mae’n rhaid ichi gael trwydded newydd os:

• ydych yn newid eich cyfeiriad
• yw’ch trwydded ar goll, wedi’i dwyn, ei difetha neu ei dinistrio
• ydych yn newid eich enw – mae’n rhaid ichi wneud cais drwy ddefnyddio ffurflen bapur D1W neu D2W, sydd ar gael o’r rhan fwyaf o Swyddfeydd Post
• ydych yn cael cerdyn cymhwyster gyrrwr (DQC) Tystysgrif Cymhwysedd Proffesiynol i Yrwyr (CPC)

Os nad yw unrhyw un o’r rhain yn berthnasol ac mae’ch trwydded yrru bapur yn parhau’n ddilys, nid oes angen ichi ei chyfnewid am fersiwn cerdyn-llun.

Mae’r gwasanaeth hwn hefyd ar gael yn Saesneg (English).

ar drwyddedu gyrru ar-lein

Cynnwys

Bydd DVLA yn anelu at anfon eich trwydded yrru o fewn 3 wythnos. Gall gymryd yn hirach os oes angen gwirio eich manylion meddygol neu bersonol.

Bydd angen ichi:

• gael eich trwydded yrru
• bod yn breswylydd ym Mhrydain Fawr
• bodloni’r safon golwg cyfreithiol
• peidio â bod wedi eich atal rhag gyrru am unrhyw reswm
• talu £20 gyda cherdyn debyd neu gredyd Mastercard, Visa, Electron neu Delta
• cael pasbort y DU dilys neu fath arall o brawf adnabod
• cael eich rhif Yswiriant Gwladol (os ydych yn ei wybod)
• rhoi cyfeiriadau lle rydych wedi byw dros y 3 blynedd diwethaf

Ni allwch wneud cais ar-lein os ydych chi wedi newid eich enw. Gwnewch gais drwy’r post gan ddefnyddio ffurflen D1W ar gyfer ceir a beiciau modur, neu ffurflen D2W ar gyfer lorïau a bysiau. Mae’r ddwy ffurflen ar gael yn y mwyafrif o Swyddfeydd Post.

Y ffotograff ar eich trwydded yrru

Bydd DVLA yn defnyddio’r ffotograff ar eich pasbort digidol y DU.

Bydd angen ichi anfon ffotograff drwy’r post os na all DVLA ddefnyddio’ch ffotograff pasbort digidol, neu os nad ydych am iddynt ei ddefnyddio. Ar ddiwedd eich cais bydd ffurflen yn cael ei hanfon atoch fel y gallwch ei dychwelyd gyda’ch ffotograff.

Gyrru cyn ichi gael eich trwydded newydd

Gallwch yrru tra bod eich trwydded yn cael ei hadnewyddu os ydych yn bodloni’r holl amodau canlynol:

• mae gennych gefnogaeth eich meddyg i barhau i yrru
• mae gennych drwydded ddilys
• rydych yn gyrru o dan amodau’r drwydded flaenorol yn unig
• mae eich cais yn llai na blwydd oed
• nid oedd eich trwydded flaenorol wedi cael ei diddymu na’i gwrthod am resymau meddygol
• nid ydych wedi cael eich gwahardd ar hyn o bryd
• nid oeddech wedi cael eich gwahardd fel troseddwr risg uchel ar neu ar ôl 1 Mehefin 2013

Darllen y canllaw ‘Gaf i yrru tra mae fy nghais gyda’r DVLA?’ am ragor o wybodaeth.

Bydd DVLA yn anfon e-bost atoch yn cadarnhau unwaith eich bod wedi gwneud cais. Efallai y gofynnir ichi gymryd rhan mewn ymchwil drwy e-bost, ond gallwch optio allan.

Gallwch hefyd wneud cais yn bersonol neu drwy’r post drwy gwblhau ffurflen D1W, sydd ar gael yn y mwyafrif o Swyddfeydd Post.

Bydd hefyd angen ichi gynnwys:

• dogfennau adnabod gwreiddiol
• ffotograff math pasbort mewn lliw
• y ffi o £20 (gwnewch sieciau ac archebion post yn daladwy i DVLA os ydych yn gwneud cais drwy’r post - peidiwch ag anfon arian parod)

Anfonwch eich holl ddogfennau i:

DVLA
Abertawe
SA99 1BU

Bydd DVLA yn anelu at anfon eich trwydded yrru o fewn 3 wythnos. Gall gymryd yn hirach os oes angen gwirio eich manylion meddygol neu bersonol.