Gweld neu rannu eich gwybodaeth trwydded yrru

Gallwch weld neu rannu eich gwybodaeth trwydded yrru os cyhoeddwyd eich trwydded yng Nghymru, Lloegr neu’r Alban.

Mae’n drosedd i gael gwybodaeth bersonol rhywun arall heb ei ganiatâd.

Defnyddiwch y gwasanaeth hwn i:

• weld eich cofnod gyrru, er enghraifft y cerbydau y gallwch eu gyrru
• gwirio eich pwyntiau cosb neu waharddiadau
• creu ‘cod gwirio’ trwydded i rannu eich cofnod gyrru gyda rhywun, er enghraifft cwmni llogi car

Bydd y cod gwirio yn ddilys am 21 diwrnod.

Cyn ichi ddechrau

Bydd arnoch angen:

• eich rhif trwydded yrru
• eich rhif Yswiriant Gwladol - dod o hyd i’ch rhif Yswiriant Gwladol os ydych wedi’i golli
• y cod post ar eich trwydded yrru

Mae’r gwasanaeth hwn ar gael hefyd yn Saesneg (English).

Ffyrdd eraill o wneud cais

Gallwch hefyd gael ‘cod gwirio’ trwydded:

• drwy eich cyfrif gyrwyr a cherbydau
• dros y ffôn

Canolfan Gyswllt DVLA
0300 083 0013
Dydd Llun i ddydd Gwener, 8am i 7pm
Dydd Sadwrn, 8am i 2pm
Cael gwybod mwy am gost galwadau