Cyfrif gyrwyr a cherbydau: mewngofnodi neu sefydlu

Defnyddiwch eich cyfrif i wirio eich manylion a gedwir gan yr Asiantaeth Trwyddedu Gyrwyr a Cherbydau (DVLA).

Gallwch:

  • weld eich cofnod gyrru, er enghraifft cerbydau y gallwch eu gyrru

  • gwirio eich pwyntiau cosb neu waharddiadau

  • ychwanegu a gweld manylion eich cerbydau - gan gynnwys pan fydd yr MOT yn dod i ben

  • gwirio’r cyfraddau treth ar gyfer eich cerbydau

  • sefydlu nodiadau atgoffa treth cerbyd drwy e-bost a neges destun - os ydych yn talu treth bob 6 neu 12 mis

  • dewis rhoi’r gorau i gael nodiadau atgoffa treth cerbyd drwy’r post

  • adnewyddu eich trwydded yrru cerdyn-llun

  • gweld ffotograff o’ch trwydded yrru (bydd arnoch angen trwydded yrru ffotograff dilys)

  • creu ‘cod gwirio’ trwydded i rannu eich cofnod gyrru gyda rhywun, er enghraifft cwmni llogi car

  • gweld gwybodaeth eich Tystysgrif Cymhwysedd Proffesiynol ar gyfer Gyrwyr (CPC) a thacograff, os oes gennych rhain

Mae’r gwasanaeth hwn hefyd ar gael yn Saesneg (English).

Pwy all ddefnyddio’r gwasanaeth hwn

I ddefnyddio’r gwasanaeth hwn mae’n rhaid ichi gael un o’r canlynol:

  • trwydded yrru a gyhoeddwyd yng Nghymru, Lloegr neu’r Alban
  • llyfr log cerbyd (V5CW) yn eich enw

Mae arnoch angen pasbort y DU neu’r ddogfen a ddefnyddiwyd gennych i sefydlu eich statws mewnfudo ar-lein.

Ni allwch sefydlu nodiadau atgoffa treth cerbyd os ydych yn talu drwy ddebyd uniongyrchol.

Mewngofnodi neu greu cyfrif

Bydd DVLA yn defnyddio eich cyfeiriad e-bost i wirio a oes gennych gyfrif gyrwyr a cherbydau.

Dechrau nawr

Cyn i chi ddechrau

I greu cyfrif bydd arnoch angen:

  • cyfeiriad e-bost

  • cyfeiriadau lle rydych wedi byw am y 3 blynedd diwethaf

  • eich pasbort y DU (naill ai’n gyfredol neu wedi dod i ben o fewn y 12 mis diwethaf) neu’r ddogfen a ddefnyddiwyd gennych i sefydlu eich statws mewnfudo ar-lein

Efallai y gofynnir ichi am wybodaeth ychwanegol, fel:

  • eich rhif trwydded yrru

  • eich rhif Yswiriant Gwladol

  • cyfeirnod y llyfr log cerbyd (tystysgrif gofrestru V5CW)

Fel arfer mae’n cymryd tua 5 munud i greu cyfrif. Bydd DVLA yn anfon e-bost cadarnhau atoch pan fyddwch wedi creu eich cyfrif.

Dogfennau a ddefnyddir i sefydlu statws mewnfudo ar-lein

Os nad ydych yn ddinesydd y DU, gallwch brofi eich hunaniaeth gan ddefnyddio’r cyfeirnod o’r ddogfen a ddefnyddiwyd gennych i sefydlu eich statws mewnfudo ar-lein. Bydd y ddogfen yn un o’r canlynol:

  • pasbort o’r tu allan y DU
  • caniatâd preswylio biometrig
  • cerdyn preswylio biometrig
  • cerdyn adnabod cenedlaethol

Ffyrdd eraill o wirio manylion gyrru neu gerbyd

Gallwch wneud y canlynol heb greu cyfrif:

Cael nodiadau atgoffa treth cerbyd drwy’r post

Os ydych yn talu am eich treth cerbyd bob 6 neu 12 mis, efallai y cewch nodyn atgoffa hefyd i drethu’ch cerbyd (llythyr V11W) drwy’r post.

Gallwch ddewis peidio â chael nodiadau atgoffa papur pan fyddwch yn sefydlu nodiadau atgoffa digidol yn eich cyfrif.

Cynnwys cysylltiedig