Cynllun Gostyngiad Cartrefi Cynnes

Sgipio cynnwys

Os ydych chi ar incwm isel yng Nghymru a Lloegr

Mae’r Cynllun Gostyngiad Cartrefi Cynnes ar gyfer gaeaf 2024-2025 wedi dod i ben. Bydd yn ailagor ym mis Hydref 2025.

Ewch i gael gwybod beth i’w wneud os oes gennych chi hawl i gael y gostyngiad ond nad ydych chi wedi’i gael eto.

Os nad ydych chi’n cael yr elfen Credyd Gwarant o’r Credyd Pensiwn, efallai y byddwch chi’n dal yn gymwys i gael y Gostyngiad Cartref Cynnes.

Efallai y byddwch chi’n gymwys os oedd y canlynol i gyd yn gymwys ar 11 Awst 2024:

  • bod eich cyflenwr ynni yn rhan o’r cynllun

  • eich bod chi (neu’ch partner) yn cael budd-daliadau neu gredydau treth penodol sydd â phrawf moddion

  • bod gan eich eiddo sgôr cost ynni uchel yn seiliedig ar ei nodweddion

  • bod eich enw chi (neu enw’ch partner) ar y bil trydan

Yr enw ar hyn yw ‘grŵp craidd 2’.

Y budd-daliadau a’r credydau treth cymwys

Y budd-daliadau cymwys sy’n seiliedig ar brawf modd yw:

  • Budd-dal Tai  

  • Lwfans Cyflogaeth a Chymorth sy’n gysylltiedig ag incwm (ESA)  

  • Lwfans Ceisio Gwaith ar sail incwm (JSA)  

  • Cymorth Incwm  

  • y rhan ‘Credyd Cynilion’ o Gredyd Pensiwn

  • Credyd Cynhwysol  

Fe allech chi fod yn gymwys hefyd os yw incwm eich aelwyd o dan drothwy penodol a’ch bod chi’n cael naill ai:

  • Credyd Treth Plant

  • Credyd Treth Gwaith

Eich sgôr cost ynni

Mae’n rhaid bod gan eich eiddo sgôr cost ynni uchel i fod yn gymwys ar gyfer y cynllun.

Nid yw hyn yn seiliedig ar y costau ynni gwirioneddol yn eich bil ynni. Mae’n cael ei gyfrifo yn seiliedig ar fath eich eiddo, ei oed a’i arwynebedd llawr.

Gwiriwch a ydych chi’n gymwys i gael y gostyngiad ar-lein.

Os ydych chi’n gymwys

Bydd eich cyflenwr trydan yn cymhwyso’r gostyngiad i’ch bil erbyn 31 Mawrth 2025. Dydy’r arian ddim yn cael ei dalu i chi.

Gweld fersiwn argraffadwy o'r canllaw cyfan