Troi Treth yn Ddigidol ar gyfer Treth Incwm i unigolion: cam wrth gam
Dysgwch sut i ddefnyddio’r cynllun Troi Treth yn Ddigidol ar gyfer Treth Incwm a sut i gofrestru’ch busnes os ydych yn gymwys.
Mae’r canllaw hwn hefyd ar gael yn Saesneg.
Mae’r cynllun Troi Treth yn Ddigidol ar gyfer Treth Incwm yn ffordd newydd o roi gwybod i CThEF am incwm a threuliau os ydych yn unig fasnachwr neu’n landlord.
Bydd angen i chi ddefnyddio meddalwedd sy’n cydweddu â’r cynllun Troi Treth yn Ddigidol ar gyfer Treth Incwm er mwyn:
- creu, cadw, a chywiro cofnodion digidol o incwm a threuliau eich busnes
- anfon eich diweddariadau chwarterol at CThEF
- cyflwyno’ch Ffurflen Dreth a thalu’r dreth sy’n ddyledus erbyn 31 Ionawr y flwyddyn ganlynol
Pwy fydd angen cofrestru
Bydd angen i chi gofrestru ar gyfer y cynllun Troi Treth yn Ddigidol ar gyfer Treth Incwm os yw’r canlynol i gyd yn berthnasol:
- rydych yn unigolyn sydd wedi cofrestru ar gyfer Hunanasesiad
- rydych yn cael incwm o hunangyflogaeth neu eiddo, neu’r ddau
- mae gennych incwm cymhwysol sy’n fwy na £30,000
Os yw’ch incwm cymhwysol yn fwy na £20,000, neu rydych yn unigolyn mewn partneriaeth fusnes, bydd angen i chi ddefnyddio’r cynllun Troi Treth yn Ddigidol ar gyfer Treth Incwm yn y dyfodol. Byddwn yn gosod yr amserlen ar gyfer hyn yn nes ymlaen.
1. Cyfrifwch eich incwm cymhwysol
Dysgwch am beth sydd wedi’i gynnwys yn eich incwm cymhwysol at ddibenion y cynllun Troi Treth yn Ddigidol ar gyfer Treth Incwm er mwyn gwirio a oes angen i chi gofrestru.
2. Dysgwch a oes angen i chi ddechrau defnyddio’r cynllun
Gwiriwch a oes angen i chi ddefnyddio’r gwasanaeth hwn i roi gwybod am eich busnes fel unig fasnachwr a’ch incwm o eiddo. Defnyddiwch ein gwasanaeth ar-lein i ddysgu pryd mae angen i chi ddechrau arni.
3. Cael meddalwedd gydnaws
Dysgwch am yr opsiynau sydd ar gael gan wahanol ddarparwyr o ran meddalwedd ar gyfer y cynllun Troi Treth yn Ddigidol ar gyfer Treth Incwm a sut i ddewis y feddalwedd gywir at eich anghenion. Cofiwch gysylltu’ch cyfrif presennol ar gyfer gwasanaethau ar-lein CThEF â’r feddalwedd o’ch dewis.
4. Cofrestrwch ar gyfer Troi Treth yn Ddigidol ar gyfer Treth Incwm
Dysgwch pa dasgau y mae angen i chi eu cwblhau cyn defnyddio’r gwasanaeth ar-lein i gofrestru ar gyfer y cynllun Troi Treth yn Ddigidol ar gyfer Treth Incwm.
5. Defnyddio’r cynllun Troi Treth yn Ddigidol ar gyfer Treth Incwm
Dysgwch am beth sydd angen i chi ei wneud ar ôl cofrestru a’r gwahanol dasgau y mae angen i chi eu gwneud yn ystod y flwyddyn dreth. Mae’r rhain yn cynnwys creu cofnodion digidol a’u cadw, anfon diweddariadau chwarterol, a beth i’w wneud os bydd newid yn eich amgylchiadau.