Pum person ifanc yn eu harddegau yn cael eu cydnabod gan Arglwydd Raglaw Ei Mawrhydi yng Nghlwyd
Mae pum cadét yn eu harddegau wedi cael eu cydnabod gan gynrychiolydd y Frenhines yng Nghlwyd.
Lord-Lieutenant of Clwyd Awards. Copyright: RFCA for Wales.
Mae’r Corporal Gadét Isabella Jones a’r Corporal Gadét Ciara Venables o Lu Cadetiaid y Fyddin Clwyd a Gwynedd; y Rhingyll Gadét Maddie Bunn a’r Rhingyll Gadét Bethan Shutt o Lu Cadetiaid Cyfunol Ysgol San Brigid a’r Awyr-ringyll Gadét Kristian Harrison o Gadetiaid Awyr Adain Cymru Rhif 2 yr Awyrlu Brenhinol wedi’u penodi fel cadetiaid yr Arglwydd Raglaw ar gyfer Clwyd yn 2022.
Penododd Is Arglwydd Raglaw Clwyd, Mr Lloyd FitzHugh OBE YH y pum cadét ar ran Arglwydd Raglaw Clwyd, Henry Fetherstonhaugh Esq OBE FRAgS, mewn seremoni wobrwyo ym Marics Hightown, Wrecsam.
Mae’r rôl sy’n para am flwyddyn yn cynnwys mynychu digwyddiadau swyddogol gyda’r Arglwydd Raglaw mewn dyletswyddau swyddogol fel digwyddiadau Coffa, ymweliadau Brenhinol a gorymdeithiau.
Daeth oddeutu 100 o bobl i’r digwyddiad ar 24 Mawrth i nodi’r penodiadau newydd. Nawr, bydd gan y cadetiaid gyfrifoldeb o gynrychioli eu cyfoedion a’u sefydliadau mewn achlysuron lleol a chenedlaethol.
Bydd y pump yn dilyn yn ôl troed Swyddog Cadét a Gwarant Oliver Heard-Edwards o Adain Gymreig Rhif 2 Cadetiaid Awyr y Llu Awyr a’r Swyddog Cadét a Gwarant Harriet Gaskin o Lu Cadetiaid Cyfun Ysgol St Brigid, y dyfarnwyd Tystysgrif a Bathodyn yr Arglwydd Raglaw iddyn nhw am fod yn gynrychiolwyr 2021.
Yn y seremoni a oedd yn cydnabod y rheini sydd wedi cyflawni’n uchel ymysg y cadetiaid a’r lluoedd wrth gefn, cafodd tri oedolyn eu cydnabod am eu gwasanaeth rhagorol a’u hymroddiad i ddyletswydd, a dyfarnwyd Tystysgrif Teilyngdod yr Arglwydd Raglaw i bob un.
Y rhain oedd Sarjant Hyfforddwr Staff Owen Peters o Lu Cadetiaid Byddin Clwyd a Gwynedd; Swyddog Gwarant Anthony Rutter a’r Parch (wedi ymddeol) Martin M’Caw, y ddau o Adain Gymreig Rhif 2 Cadetiaid Awyr y Llu Awyr.
Mae bron i 5,000 o gadetiaid yng Nghymru sy’n ennill sgiliau a chymwysterau trwy weithio gyda chymunedau lleol, elusennau a chymryd rhan mewn amrywiaeth o weithgareddau ymarferol. Mae maes llafur y cadetiaid yn cael ei gyflwyno gan 1,500 o hyfforddwyr gwirfoddol a chynorthwywyr sifil, sy’n rhoi o’u hamser rhydd gyda’r nos yn ystod yr wythnos ac ar benwythnosau.
Cafodd y digwyddiad gwobrwyo rhithiol ei drefnu gan Gymdeithas Cadetiaid a Lluoedd Wrth Gefn Cymru (RFCA) – sefydliad sydd wedi cefnogi’r Lluoedd Arfog ers dros 100 mlynedd.