Arglwydd Raglaw Morgannwg Ganol Ei Mawrhydi yn cydnabod pedwar ar ddeg o bobl
Mae ymdrechion pedwar ar ddeg o bobl o bob rhan o Morgannwg Ganol, gan gynnwys saith cadét ifanc, wedi cael eu cydnabod gan gynrychiolydd y Frenhines dros y sir.
Lord-Lieutenant of Mid Glamorgan Awards. Copyright: RFCA for Wales.
Mae’r Abl Gadét David Morgan o Gorfflu Cadetiaid Môr Porthcawl, Y Corporal Gadét Nyah Pope o Lu Cadetiaid y Fyddin Dyfed a Morgannwg, Sarjant Hedfan y Cadetiaid Garyn Kiff o Gadetiaid Awyr RAF Rhif 1 y Welsh Wing, a Sarjant Hedfan y Cadetiaid Corey Luke o Gadetiaid Awyr RAF Rhif 3 y Welsh Wing wedi cael eu penodi fel cadetiaid yr Arglwydd Raglaw ar gyfer Morgannwg Ganol yn 2022.
Penododd Mr Phil Hubbard, Is-Arglwydd Raglaw Morgannwg Ganol, y pedwar ar ran yr Arglwydd Raglaw, yr Athro Peter Vaughan QPM CStJ, mewn seremoni wobrwyo yng Nghanolfan Wrth Gefn y Fyddin ym Mhontypridd.
Daeth oddeutu 100 o bobl i’r digwyddiad ar 7 Ebrill i ddathlu’r penodiadau newydd ac i gydnabod y perfformwyr uchel yn y cymunedau milwyr wrth gefn a chadetiaid.
Mae rôl Arglwydd Raglaw y Cadetiaid yn para am flwyddyn ac mae’n cynnwys mynychu digwyddiadau swyddogol gyda’r Athro. Mae’r Athro yn gweithredu fel cynrychiolydd y Frenhines mewn dyletswyddau swyddogol fel digwyddiadau Cofio, ymweliadau Brenhinol a gorymdeithiau.
Bydd y pedwar yn dilyn ôl troed yr Abl Gadét Aaron Thomas o Bontypridd, o Gorfflu Cadetiaid Môr y Rhondda, Sarjant Hedfan y Cadetiaid Morgan Hunter-Smith o Ferthyr Tudful, o Gadetiaid Awyr RAF Rhif 1 y Welsh Wing, a’r Swyddog Cadét â Gwarant Maddison Parkhouse o Ben-y-bont ar Ogwr, o Gadetiaid Awyr RAF Rhif 3 y Welsh Wing, a enillodd Dystysgrif a Bathodyn yr Arglwydd Raglaw am gyflawni dyletswyddau cynrychiolwyr yn 2021.
Cafodd saith oedolyn eu cydnabod hefyd am eu gwasanaeth rhagorol a’u hymroddiad i ddyletswydd - a dyfarnwyd Tystysgrif Teilyngdod Arglwydd Raglaw iddyn nhw.
Sef: Swyddog Gwarant Dosbarth Cyntaf Mark Edwards o HMS CAMBRIA, Sarjant Lliw Andrew Jones o 3 y Cymry Brenhinol, Sarjant Jonathan Wood o Ysgol Hyfforddiant Hedfan Rhif 2 yr RAF, Swyddog Hedfan Matthew Hackett o Gadetiaid Awyr RAF Rhif 1 y Welsh Wing, Swyddog Gwarant Ian King o Gadetiaid Awyr RAF Rhif 1 y Welsh Wing, Hyfforddwr Sifil Karen Gough o Gadetiaid Awyr RAF Rhif 1 y Welsh Wing, a Mr Richard Jones o Gorfflu Cadetiaid Môr Porthcawl.
Mae dros 1,500 o wirfoddolwyr ledled Cymru sy’n helpu bron i 5,000 o Gadetiaid gweithredol. Maent yn cynnig cyfleoedd ac ysbrydoliaeth i’r genhedlaeth nesaf. Darperir hyn yn aml drwy brofiadau, sgiliau a chymwysterau sy’n newid bywydau. Cafodd y seremoni wobrwyo ei threfnu gan RFCA (Cymdeithas Cadetiaid a Lluoedd Wrth Gefn Cymru) – sefydliad sydd wedi cefnogi’r Lluoedd Arfog ers dros 100 mlynedd.