Canllawiau

Gwirio hawliad blaenorol drwy’r Cynllun Cadw Swyddi yn sgil Coronafeirws

Defnyddiwch y gwasanaeth er mwyn bwrw golwg dros neu ddileu hawliadau ffyrlo blaenorol. Gallwch hefyd ddarganfod sut i wirio arweiniad ar gyfer y cynllun.

Gan:
Cyllid a Thollau EF
Cyhoeddwyd
29 October 2021
Diweddarwyd ddiwethaf
18 August 2022 — Gweld pob diweddariad

Dychwelyd i’ch hawliad

Daeth y Cynllun Cadw Swyddi yn sgil Coronafeirws i ben ar 30 Medi 2021. 14 Hydref 2021 oedd y dyddiad olaf i wneud cais ar gyfer mis Medi.

Gallwch fynd yn ôl i’r gwasanaeth er mwyn bwrw golwg dros hawliad blaenorol.

Bydd angen y Dynodydd Defnyddiwr (ID) a’r cyfrinair Porth y Llywodraeth a gawsoch wrth gofrestru ar gyfer TWE ar-lein.

Dychwelyd i’r hawliad

Argaeledd y gwasanaeth

Gall gwasanaethau ar-lein fod yn araf yn ystod adegau prysur. Gwiriwch a oes unrhyw broblemau gyda’r gwasanaeth (yn Saesneg).

Gwirio arweiniad ar gyfer y cynllun

Gallwch ddarllen arweiniad i wirio’r canlynol:

  1. Os oeddech yn gymwys i hawlio.

  2. Pa gyflogeion y gallech fod wedi’u rhoi ar ffyrlo

  3. Camau i’w cymryd wrth gyfrifo hawliad.

  4. Sut i gyfrifo hawliad

  5. Arweiniad ar gyfer gwneud hawliad (pan oedd y cynllun ar agor).

  6. Sut i roi gwybod am daliadau drwy’r system Gwybodaeth Amser Real TWE.

Gallwch hefyd ddarllen fersiynau blaenorol o’r Cynllun Cadw Swyddi yn sgil Coronafeirws yn yr Archifau Gwladol.

Sut i ad-dalu’r grant

Dysgwch ragor am ad-dalu grantiau os ydych wedi:

  • gorhawlio
  • penderfynu gwneud taliad gwirfoddol

Os nad ydych wedi talu digon i’ch cyflogeion

Dysgwch sut i ychwanegu at gyflogau’ch cyflogeion os ydych wedi hawlio’r grant ond nad ydych wedi talu digon i’ch cyflogeion.

Cysylltu â CThEM

Gallwch gysylltu â CThEM os na allwch gael yr help sydd ei angen arnoch ar-lein.

Nid oes hawl i apelio os nad ydych yn gymwys ar gyfer y Cynllun Cadw Swyddi yn sgil Coronafeirws. Dylech gysylltu â ni os ydych o’r farn nad ydych yn bodloni’r meini prawf cymhwystra oherwydd:

  • gwall gan CThEM
  • oedi afresymol a achoswyd gan CThEM

Gallwch ddefnyddio ein gwasanaeth cwynion os nad ydych yn fodlon ar y ffordd y gwnaethom ymdrin â’ch cwyn.

Updates to this page

Cyhoeddwyd ar 29 October 2021
Diweddarwyd ddiwethaf ar 18 August 2022 + show all updates

  1. Information and link to HMRC's digital assistant removed from the 'Contacting HMRC' section.

  2. Added information on 'If you've underpaid employees.'

  3. Added translation

Sign up for emails or print this page

Cynnwys

Cynnwys cysylltiedig