Cyn i chi gofrestru
Gwiriwch a allwch gofrestru’n wirfoddol, dewis ac awdurdodi eich asiant a’ch meddalwedd.
Bydd angen i chi sicrhau eich bod yn gymwys i gofrestru’n wirfoddol a phenderfynu pa feddalwedd i’w defnyddio ar gyfer y cynllun Troi Treth yn Ddigidol ar gyfer Treth Incwm.
Gall eich asiant eich helpu gyda hyn, os oes gennych un.
Dylech wirio a ydych yn gymwys i’n helpu i brofi’r cynllun Troi Treth yn Ddigidol ar gyfer Treth Incwm.
Gofynnir ambell i gwestiwn i chi pan fyddwch yn cofrestru i wirfoddoli. Mae hyn er mwyn cadarnhau a allwch ein helpu i brofi a datblygu’r gwasanaeth.
Mae’n rhaid i chi ddefnyddio meddalwedd sy’n gweithio gyda’r cynllun Troi Treth yn Ddigidol ar gyfer Treth Incwm.
Mae yna nifer o ddarparwyr meddalwedd trydydd parti y gallwch ddewis ohonynt.
Dylech wirio â’r darparwr meddalwedd bob amser i wneud yn siŵr fod ei feddalwedd yn addas ar gyfer eich anghenion.
Gallwch adael i asiant weithredu ar eich rhan ar gyfer unrhyw wasanaeth Troi Treth yn Ddigidol.
Unwaith y bydd eich asiant wedi’i awdurdodi, bydd yn gallu gwneud y canlynol:
- cofrestru’ch busnes
- defnyddio meddalwedd i greu a chadw cofnodion digidol ar eich rhan
- defnyddio meddalwedd i weld, golygu ac anfon eich data atom
Os ydych eisoes wedi awdurdodi’ch asiant i weithredu ar eich rhan ar gyfer Hunanasesiad, ni fydd angen i chi wneud hyn eto ar gyfer y cynllun Troi Treth yn Ddigidol ar gyfer Treth Incwm.
Mae cofrestru yn ystod blwyddyn dreth 2024 i 2025 yn golygu y gallwch brofi’r gwasanaeth am gylchred treth lawn cyn iddo ddod yn orfodol.
Gallwch ymuno ar unrhyw adeg yn ystod y flwyddyn dreth. Bydd angen i chi gofio creu cofnodion digidol o ddechrau’r flwyddyn dreth a chyflwyno’ch diweddariadau chwarterol coll.
Canfyddwch sut i:
Ar ôl i chi gofrestru byddwch yn cael neges ar y sgrin yn cadarnhau eich bod yn barod i ddefnyddio’r cynllun Troi Treth yn Ddigidol ar gyfer Treth Incwm. Ni fyddwch yn cael e-bost ond bydd CThEF yn ysgrifennu atoch gyda chadarnhad.
Os oes gennych fwy nag un busnes
Os oes gennych sawl ffynhonnell incwm, bydd angen i chi gofrestru pob un ar gyfer y cynllun Troi Treth yn Ddigidol ar gyfer Treth Incwm. Er enghraifft, os ydych yn landlord neu’n adeiladwr.
Bydd angen i chi gysylltu’ch cyfrif gwasanaethau ar-lein CThEF presennol i’ch meddalwedd sy’n cydweddu i’w defnyddio ar gyfer y cynllun Troi Treth yn Ddigidol ar gyfer Treth Incwm.
-
Nodwch eich Dynodydd Defnyddiwr (ID) a chyfrinair ar gyfer Porth y Llywodraeth i mewn i’ch meddalwedd.
-
Dilynwch y cyfarwyddiadau ar gyfer eich meddalwedd er mwyn cwblhau’r broses sefydlu.
Mae’n rhaid i chi ddefnyddio’r ID Defnyddiwr ar gyfer Porth y Llywodraeth a defnyddiwyd gennych pan wnaethoch gofrestru ar gyfer y naill neu’r llall o’r canlynol:
- Hunanasesiad
- cyfrif gwasanaethau asiant, os ydych yn asiant
Mae angen i chi wneud hyn eto bob 18 mis. Dylai’ch meddalwedd eich atgoffa chi i ailgysylltu. Gofynnwch i’ch darparwr meddalwedd os oes angen help arnoch gyda hyn.
Ar ôl i chi gofrestru a chysylltu’ch meddalwedd, dysgwch yr hyn sydd angen i chi ei wybod a’r hyn sydd angen i chi ei wneud ar ôl i chi gofrestru.