Pryd mae angen i chi wirio eich hunaniaeth ar gyfer Tŷ'r Cwmnïau
Mae pryd y mae angen i chi wirio yn dibynnu ar eich rôl, a phryd y gwnaethoch ddechrau'r rôl honno.
Darparwyr Gwasanaeth Corfforaethol Awdurdodedig (DGCA)
Gelwir y rhain hefyd yn asiantau awdurdodedig Tŷ’r Cwmnïau, ac fel arfer mae ganddynt rolau fel cyfrifwyr, cyfreithwyr neu asiantau ffurfio cwmnïau.
O’r 18 Mawrth 2025, bydd angen i chi wirio’ch hunaniaeth os ydych am wneud cais i gofrestru fel asiant awdurdodedig Tŷ’r Cwmnïau.
Os ydych am allu gwirio hunaniaeth eich cleientiaid, gallwch wneud hyn o’r 8 Ebrill 2025 os ydych wedi cofrestru fel asiant awdurdodedig. Yn y dyfodol, bydd angen i fusnesau hefyd gofrestru fel asiant awdurdodedig i allu ffeilio ar ran cleientiaid.
Cyfarwyddwyr a phobl â rheolaeth arwyddocaol (PRhA)
O’r 8 Ebrill 2025, gallwch ddewis gwirio eich hunaniaeth. Yn y dyfodol, bydd yn ofyniad cyfreithiol.
Pobl sy’n ffeilio yn Nhŷ’r Cwmnïau
Nid oes angen i chi wirio eich hunaniaeth eto. Yn y dyfodol, bydd yn ofyniad cyfreithiol.