Creu cyfrif ar gyfer gwasanaethau ar-lein CThEF

Bydd angen i chi greu cyfrif Porth y Llywodraeth er mwyn cael mynediad at wasanaethau ar-lein CThEF . Mae 3 math o gyfrif: cyfrifon unigolion cyfrifon sefydliadau cyfrifon i asiantau Cyfrifon unigolion Er enghraifft, gallwch wneud y canlynol: creu cyfrif treth personol i wirio pethau fel eich Treth Incwm amcangyfrifedig a’ch cod treth, diweddaru’ch manylion personol, a hawlio ad-daliad treth os oes un yn ddyledus cofrestru ar gyfer Hunanasesiad os oes angen i chi anfon Ffurflen Dreth Hunanasesiad i roi gwybod am incwm rhent neu incwm o fuddsoddi Gallwch ddefnyddio’r un manylion mewngofnodi ar gyfer Porth y Llywodraeth i gael mynediad at y ddau gyfrif. Er enghraifft, os byddwch yn creu cyfrif treth personol gallwch wedyn ychwanegu Hunanasesiad at y cyfrif hwnnw. Cyfrifon sefydliadau Mae’r rhain yn cynnwys cyfrifon ar gyfer: busnesau, megis cwmnïau cyfyngedig, partneriaethau ac unig fasnachwyr (cyfrifon treth busnes) ymddiriedolaethau sydd angen eu cofrestru Creu cyfrif . Cyfrifon treth busnes Unwaith eich bod chi wedi creu eich cyfrif treth busnes, gallwch ei ddefnyddio, er enghraifft, i wneud y canlynol: cofrestru ar gyfer Hunanasesiad os ydych yn hunangyflogedig cofrestru ar gyfer TAW os yw’ch trosiant trethadwy dros y trothwy ar gyfer TAW trefnu TWE (yn agor tudalen Saesneg) gan eich bod wedi dechrau cyflogi pobl ychwanegu gwasanaethau Treth Gorfforaeth (yn agor tudalen Saesneg) os ydych wedi sefydlu cwmni cyfyngedig neu sefydliad arall sydd angen talu’r dreth hon Os ydych yn asiant Gallwch ddefnyddio gwasanaethau ar-lein CThEF ar ran eich cleientiaid (yn agor tudalen Saesneg) os ydych yn asiant treth neu’n ymgynghorydd treth.

Cael help wrth fewngofnodi i wasanaethau ar-lein CThEF

Gallwch gael help wrth fewngofnodi i wasanaethau ar-lein CThEF os ydych yn cael anawsterau. Dynodydd Defnyddiwr (ID) neu gyfrinair ar goll Os ydych wedi anghofio’r Dynodydd Defnyddiwr neu’r cyfrinair rydych yn ei ddefnyddio i fewngofnodi, gallwch wneud y canlynol: adfer eich Dynodydd Defnyddiwr ailosod eich cyfrinair adfer eich Dynodydd Defnyddiwr a’ch cyfrinair Os gofynnwyd i chi am god cychwyn Efallai y bydd angen i chi nodi cod cychwyn, sy’n 12 digid, pan fyddwch yn defnyddio gwasanaeth CThEF am y tro cyntaf. Byddwch wedi cael gwybod p’un a oes angen cod cychwyn arnoch pan fyddwch yn ymrestru ar gyfer y gwasanaeth. Bydd cod cychwyn yn eich cyrraedd drwy’r post cyn pen 10 diwrnod (neu 21 diwrnod os ydych yn byw dramor). Os bydd angen cod cychwyn newydd arnoch Os na allwch ddod o hyd i’ch cod cychwyn neu os yw’ch cod cychwyn wedi dod i ben, gallwch wneud cais am un newydd. Mewngofnodwch i wasanaethau ar-lein CThEF gan ddefnyddio’ch cyfrif Porth y Llywodraeth. Dewiswch ‘gwasanaethau gallwch eu hychwanegu’. Dewiswch ‘gwneud cais am god cychwyn newydd’ ac ymrestru ar gyfer y gwasanaeth eto. Byddwch yn cael cod cychwyn newydd cyn pen 28 diwrnod i ymrestru. Os ydych wedi’ch cloi allan o’ch cyfrif Os ydych yn nodi’r Dynodydd Defnyddiwr neu’r cyfrinair anghywir 5 gwaith, byddwch yn cael eich cloi allan o’ch cyfrif. Caiff eich cyfrif ei ddatgloi ar ôl 2 awr. Ni all ymgynghorwyr y ddesg gymorth ddatgloi’ch cyfrif. Argaeledd y gwasanaeth a phroblemau Gall gwasanaethau ar-lein fod yn araf yn ystod adegau prysur. Gwiriwch a oes problemau gyda’r gwasanaethau (yn agor tudalen Saesneg) . Cael help gyda phroblemau eraill Gallwch ofyn cynorthwyydd digidol CThEF (yn agor tudalen Saesneg) am help wrth ddefnyddio gwasanaethau ar-lein CThEF . Os na all y cynorthwyydd digidol helpu, gallwch ofyn i gael eich trosglwyddo i sgwrs dros y we ag ymgynghorydd CThEF , os yw’r ymgynghorydd ar gael. Gallwch hefyd gael help gyda’r canlynol: gwasanaethau TAW ar-lein problemau technegol gyda gwasanaethau ar-lein eraill CThEF

Gwasanaethau ar-lein CThEF: mewngofnodi neu greu cyfrif

Mewngofnodi i wasanaethau ar-lein CThEF

Unwaith eich bod chi wedi creu cyfrif, gallwch fewngofnodi ar gyfer pethau fel eich cyfrif treth personol neu’ch cyfrif treth busnes, Hunanasesiad, Treth Gorfforaeth, TWE i gyflogwyr a TAW.

Mae’r canllaw hwn hefyd ar gael yn Saesneg.

Mewngofnodi

Os na allwch fewngofnodi i’ch cyfrif

Dewch o hyd i help os ydych yn cael trafferthion wrth fewngofnodi i’ch cyfrif.

Gwasanaethau gyda manylion mewngofnodi gwahanol

Mae yna ffordd wahanol i fewngofnodi ar gyfer:

Gwasanaethau y gallwch eu defnyddio gyda’ch cyfrif ar-lein CThEF

Defnyddiwch eich cyfrif ar-lein Cyllid a Thollau EF (CThEF) i fewngofnodi ar gyfer:

Warysu Alcohol a Thybaco
Cynllun Cofrestru Cyfanwerthwyr Alcohol
Treth Flynyddol ar Anheddau sydd wedi’u Hamgáu
Cyfnewid Gwybodaeth yn Awtomatig (AEOI)
Cyfrif treth busnes
Elusennau Ar-lein
Cynllun y Diwydiant Adeiladu (CIS)
Treth Gorfforaeth
Cynllun Adeiladwyr Tai DIY
Datganiadau Electronig i Ohirio Tollau (DDES)
Gwybodaeth Electronig am Dariff sy’n Rhwymo (eBTI)
Cyfryngwyr Cyflogaeth
System Symudiadau a Rheolaeth Ecséis (EMCS)
Cynllun Diwydrwydd Dyladwy ar gyfer Busnesau Cyflawni
Gwasanaeth Treth Hapchwarae
Rhodd Cymorth
System Rheoli Mewnforion (ICS)
Toll Peiriannau Hapchwarae
Troi Treth yn Ddigidol ar gyfer Treth Incwm
Rheoli Cynlluniau Pensiwn
Goruchwyliaeth Gwyngalchu Arian
System Gludo Gyfrifiadurol Newydd (NCTS)
Cynllun Allforio Newydd (NES)
Hysbysiad o Gerbydau’n Cyrraedd (NOVA)
TWE i gyflogwyr
Cynlluniau Pensiwn Ar-lein
Cyfrif treth personol
Treth Deunydd Pacio Plastig
Gwasanaeth Ymholiadau Olew Ad-daledig
Hunanasesiad
Hunanasesiad ar gyfer partneriaethau ac ymddiriedolaethau
Gweithle sy’n cael ei Rannu
Ardoll y Diwydiant Diodydd Ysgafn
Trethi Stamp
Gwasanaeth Ymholiadau Olew ‘Tied’
TAW
Ad-daliadau TAW yr UE
Cynllun Gwasanaeth Un Cam ar gyfer TAW o ran Mewnforio (GUC Mewnforio)
Cynllun Gwasanaeth Un Cam ar gyfer TAW (GUC)
Cynllun Undeb y Gwasanaeth Un Cam ar gyfer TAW (GUC)

Gweld fersiwn argraffadwy o'r canllaw cyfan

Gwasanaethau ar-lein CThEF: mewngofnodi neu greu cyfrif

Mewngofnodi i wasanaethau ar-lein CThEF

Os na allwch fewngofnodi i’ch cyfrif

Gwasanaethau gyda manylion mewngofnodi gwahanol

Gwasanaethau y gallwch eu defnyddio gyda’ch cyfrif ar-lein CThEF

Is this page useful?

Help us improve GOV.UK

Help us improve GOV.UK

Cookies on GOV.UK

Gwasanaethau ar-lein CThEF: mewngofnodi neu greu cyfrif

Mewngofnodi i wasanaethau ar-lein CThEF

Os na allwch fewngofnodi i’ch cyfrif

Gwasanaethau gyda manylion mewngofnodi gwahanol

Gwasanaethau y gallwch eu defnyddio gyda’ch cyfrif ar-lein CThEF

Cynnwys cysylltiedig

Is this page useful?

Help us improve GOV.UK

Help us improve GOV.UK