Rhoi gwybod i DVLA eich bod wedi gwerthu, trosglwyddo neu brynu cerbyd

Rhoi gwybod i DVLA nad ydych yn berchen ar gerbyd bellach, neu eich bod yn prynu cerbyd fel ceidwad cofrestredig neu fasnachwr modur.

Mae’r dudalen hon hefyd ar gael yn Saesneg (English).

Defnyddiwch y gwasanaeth hwn i:

  • newid ceidwad cofrestredig cerbyd
  • anfon llyfr log at y ceidwad newydd

Ar ôl ichi roi gwybod i DVLA, bydd eich treth cerbyd yn cael ei ganslo. Byddwch yn cael ad-daliad am unrhyw fisoedd llawn o dreth cerbyd sy’n weddill.

Os nad oes gennych lyfr log

Rhaid ichi ysgrifennu i DVLA gyda’r canlynol:

  • eich enw a chyfeiriad
  • y rhif cofrestru cerbyd
  • y  gwneuthuriad a model
  • union ddyddiad y gwerthiant
  • enw a chyfeiriad y ceidwad newydd neu’r masnachwr moduron
     

DVLA
Abertawe
SA99 1BA

Cyn ichi ddechrau

Ni allwch ddefnyddio’r gwasanaeth hwn os ydych wedi anfon eich llyfr log (V5CW) yn barod drwy’r post.

Mae’r gwasanaeth hwn ar gael rhwng 7am i 7pm.

Mae’n rhaid ichi drethu cerbyd rydych wedi ei brynu cyn ichi ei yrru, neu ei ddatgan fel oddi ar y ffordd (HOS). Ni fydd y dreth yn trosglwyddo ichi pan rydych yn prynu’r cerbyd.

Dechrau nawr

Cynnwys cysylltiedig