Helpu rhywun gyda’i gais am fudd-dal
Rheoli cais ar ran rhywun
Gallwch reoli cais ar ran rhywun os oes gennych ‘awdurdod ysgrifenedig’. Mae hyn yn cynnwys:
- cael atwrneiaeth arhosol (LPA) neu atwrneiaeth barhaus (EPA) dros y person sy’n hawlio budd-daliadau.
- bod yn ddirprwy i’r sawl sy’n hawlio budd-daliadau
- bod yn berson penodedig am y person sy’n hawlio budd-daliadau
Gallwch eu helpu gydag unrhyw fath o gais budd-dal. Byddwch yn gallu gwneud pethau fel apelio yn erbyn penderfyniad ar eu rhan neu ddod â’u cais i ben.
Os nad oes gennych awdurdod ysgrifenedig
Gallwch barhau i reoli cais drwy ffonio’r llinell gymorth am y budd-dal. Bydd angen i’r person sy’n hawlio’r budd-dal fod gyda chi pan fyddwch yn ffonio er mwyn cwblhau’r gwiriadau diogelwch ac i gytuno ar unrhyw benderfyniadau.
Mae pa linell gymorth rydych chi’n ei defnyddio yn dibynnu ar y budd-dal. Am:
- Gredyd Cynhwysol – cysylltwch â llinell gymorth Credyd Cynhwysol
- Lwfans Gweini – cysylltwch â llinell gymorth Lwfans Gweini yn y Ganolfan Gwasanaeth Anabledd
- Lwfans Byw i’r Anabl – cysylltwch â llinell gymorth Lwfans Byw i’r Anabl yn y Ganolfan Gwasanaeth Anabledd
- Pensiwn y Wladwriaeth – cysylltwch â’r Gwasanaeth Pensiwn
- Taliad Annibyniaeth Personol – cysylltwch â llinell ymholiad PIP
- Budd-dal Plant – cysylltwch â llinell ymholiodau Budd-dal Plant
- Credyd Treth – cysylltwch â’r llinell ymholiadau cyffredinol Credyd Treth
- pob budd-dal arall (heblaw am Gredyd Cynhwysol, Budd-dal Plant a Chredyd Treth) – cysylltwch â’r Ganolfan Byd Gwaith