Treth ar ddifidendau
Sut i roi gwybod am dreth ar ddifidendau
Mae’n rhaid i chi roi gwybod i Gyllid a Thollau EF (CThEF) bob blwyddyn yr ydych yn cael difidendau y mae angen i chi dalu treth arnynt.
Mae’r ffordd y byddwch yn rhoi gwybod i CThEF am ddifidendau’n dibynnu ar faint y byddwch yn ei gael.
Rhoi gwybod am dreth ar incwm o ddifidendau hyd at £10,000
Os ydych yn anfon Ffurflen Dreth Hunanasesiad, mae’n rhaid i chi roi gwybod am unrhyw incwm o ddifidendau ar eich Ffurflen Dreth. Mae’n rhaid i chi wneud hyn erbyn y dyddiad cau.
Os nad ydych yn anfon Ffurflen Dreth Hunanasesiad, mae’n rhaid i chi roi gwybod i CThEF ar ôl diwedd y flwyddyn dreth (5 Ebrill) a chyn 5 Hydref. Gallwch wneud hyn drwy naill ai:
-
gofyn i CThEF i ddiweddaru’ch cod treth - byddwn yn cymryd y dreth o’ch cyflog neu’ch pensiwn
Nid oes angen i chi roi gwybod i CThEF os yw’ch difidendau o fewn y lwfans o ran difidendau ar gyfer y flwyddyn dreth.
Rhoi gwybod am dreth ar incwm o ddifidendau sydd dros £10,000
Bydd yn rhaid i chi lenwi Ffurflen Dreth Hunanasesiad.
Os nad ydych fel arfer yn anfon Ffurflen Dreth Hunanasesiad, bydd angen i chi gofrestru ar gyfer Hunanasesiad erbyn 5 Hydref ar ôl diwedd y flwyddyn dreth (5 Ebrill) pan oeddech wedi cael yr incwm dan sylw.