Pan fydd marwolaeth yn cael ei adrodd i grwner

Os rhoddir gwybod i grwner am farwolaeth, gall y dogfennau sydd eu hangen arnoch i gofrestru’r farwolaeth fod yn wahanol. Bydd y crwner yn penderfynu naill ai: bod achos y farwolaeth yn glir bod angen post-mortem i gynnal cwest Mae’r canllaw hwn hefyd ar gael yn Saesneg (English) . Mae achos y farwolaeth yn glir Os bydd y crwner yn penderfynu bod achos y farwolaeth yn glir: Byddant yn rhoi tystysgrif i’r cofrestrydd yn dweud nad oes angen post-mortem neu gwest. Bydd y cofrestrydd yn cofrestru’r farwolaeth. Mae angen post-mortem Efallai y bydd y crwner yn penderfynu bod angen post-mortem i ddarganfod sut y bu farw’r unigolyn. Gellir gwneud hyn naill ai mewn ysbyty neu fortiwari. Ni allwch wrthwynebu post-mortem crwner - ond os ydych wedi gofyn mae’n rhaid i’r crwner ddweud wrthych (a meddyg teulu’r unigolyn) pryd a ble y bydd yr archwiliad yn cael ei gynnal. Ar ôl y post-mortem Bydd y crwner yn rhyddhau’r corff ar gyfer angladd ar ôl iddynt gwblhau’r archwiliadau post-mortem ac nid oes angen archwiliadau pellach. Os caiff y corff ei ryddhau heb unrhyw gwest, bydd y crwner yn anfon ffurflen (‘Pink Form - form 100B’) at y cofrestrydd yn nodi achos y farwolaeth. Bydd y crwner hefyd yn anfon ‘Certificate of Coroner - form Cremation 6’ os yw’r corff i gael ei amlosgi. Mae’r crwner yn cynnal cwest Rhaid i grwner gynnal cwest os yw: achos y farwolaeth yn dal yn anhysbys gallai’r unigolyn fod wedi cael marwolaeth dreisgar neu annaturiol gallai’r unigolyn fod wedi marw yn y carchar neu ddalfa’r heddlu Tystysgrifau marwolaeth Os oes angen prawf o’r farwolaeth arnoch wrth i chi aros i’r cwest orffen, gofynnwch i’r crwner am dystysgrif marwolaeth interim. Unwaith y bydd y cwest drosodd, gallwch gael y dystysgrif marwolaeth derfynol gan y cofrestrydd. Gallwch ddefnyddio’r naill dystysgrif i: wneud cais am brofiant rhoi gwybod am y farwolaeth i fwy nag un sefydliad o’r llywodraeth gan ddefnyddio Dywedwch Wrthym Unwaith – gall y cofrestrydd eich helpu i wneud hyn Cael cymorth Gallwch gael cymorth annibynol rhad am ddim gan The Coroners’ Courts Support Service . The Coroners’ Courts Support Service Llinell Gymorth (Cymru a Lloegr) Ffôn: 0300 111 2141 Dydd Llun i ddydd Gwener, 9am i 7pm Dydd Sadwrn, 9am i 2pm Gwybodaeth am gostau galwadau

Beth i'w wneud os bydd rhywun yn marw dramor

Rhaid i chi gofrestru marwolaeth gyda’r awdurdodau lleol yn y wlad lle bu farw’r unigolyn. Mewn nifer o wledydd gallwch hefyd gofrestru’r farwolaeth gydag awdurdodau’r DU . Mae’r canllaw hwn hefyd ar gael yn Saesneg (English) . Mae’r rheolau hyn yn berthnasol os ydych yn byw yng Nghymru a Lloegr. Mae yna broses gwahanol yn yr Alban a Gogledd Iwerddon . Rhoi gwybod am y farwolaeth Mae’r gwasanaeth Dywedwch Wrthym Unwaith yn eich galluogi i roi gwybod am farwolaeth i’r rhan fwyaf o sefydliadau’r llywodraeth ar yr un pryd. Gallwch ddefnyddio Dywedwch Wrthym Unwaith os oedd yr unigolyn a fu farw: fel arfer yn byw yng Nghymru, Lloegr neu’r Alban tramor dros dro (er enghraifft, ar wyliau neu daith busnes) Cysylltwch â swyddfa gofrestru i ddefnyddio Dywedwch Wrthym Unwaith. Byddant naill ai’n: cwblhau’r gwasanaeth Dywedwch Wrthym Unwaith gyda chi rhoi rhif cyfeirnod unigryw i chi fel y gallwch ddefnyddio’r gwasanaeth eich hun ar-lein neu dros y ffôn Os na allwch ddefnyddio Dywedwch Wrthym Unwaith, rhowch wybod i sefydliadau am y farwolaeth eich hun Darganfyddwch fwy am ddelio â marwolaeth tramor . Dod â’r corff adref I ddod â’r corff adref mae’n rhaid i chi: cael cyfieithiad Saesneg ardystiedig o’r dystysgrif marwolaeth cael caniatâd i symud y corff, a gyhoeddwyd gan grwner (neu swyddog cyfatebol) yn y wlad lle bu farw’r unigolyn rhoi gwybod i grwner yng Nghymru neu Loegr os oedd y farwolaeth yn dreisgar neu’n annaturiol Darllenwch wybodaeth am y wlad lle bu farw’r unigolyn i ddarganfod beth sydd angen i chi ei wneud. Cysylltu â swyddfa gofrestru Unwaith y bydd y corff gartref, ewch â’r dystysgrif marwolaeth i’r swyddfa gofrestru yn yr ardal lle mae’r angladd yn cael ei gynnal. Gan fod y farwolaeth eisoes wedi’i chofrestru dramor, bydd y cofrestrydd yn rhoi ‘tystysgrif dim atebolrwydd i gofrestru’ i chi. Rhowch hon i’r trefnydd angladdau fel y gall yr angladd fynd yn ei flaen. Os ydych chi’n trefnu’r angladd eich hun, rhowch y dystysgrif yn ôl i’r cofrestrydd ar ôl i’r angladd gael ei gynnal. Rhaid i chi wneud hyn o fewn 96 awr i’r angladd. Pryd y bydd crwner yn gysylltiedig Bydd crwner fel arfer yn cynnal cwest yng Nghymru neu Loegr os nad yw achos y farwolaeth yn hysbys neu os oedd yn sydyn, yn dreisgar neu’n annaturiol. Mae angen tystysgrif gan y crwner arnoch (ffurflen ‘Cremation 6’) os yw’r unigolyn i gael ei amlosgi. Dod â lludw adref Wrth adael gwlad gyda lludw dynol fel arfer bydd angen i chi ddangos: y dystysgrif marwolaeth y dystysgrif amlosgi Mae gan bob gwlad ei rheolau ei hun ynghylch gadael gyda lludw dynol ac efallai y bydd gofynion ychwanegol. Darllenwch gwybodaeth am y wlad lle bu farw’r unigolyn i ddarganfod beth sydd angen i chi ei wneud. Bydd angen i chi lenwi ffurflen tollau safonol pan fyddwch yn cyrraedd adref. Cysylltwch â’ch cwmni hedfan i ddarganfod a allwch chi gario’r lludw fel bag llaw neu fel bag wedi’i gofrestru. Efallai y bydd yn gofyn i chi roi’r lludw mewn cynhwysydd anfetelaidd fel y gallant gael archwiliad pelydr-x. Ni ddylech gael yr unigolyn wedi’i amlosgi dramor os ydych am i grwner gartref gynnal cwest i’w farwolaeth.

Dywedwch Wrthym Unwaith

Mae’r gwasanaeth Dywedwch Wrthym Unwaith yn caniatáu i chi roi gwybod am farwolaeth i’r rhan fwyaf o sefydliadau’r llywodraeth ar yr un pryd. Mae’r canllaw hwn hefyd ar gael yn Saesneg (English) ac mewn fformat Hawdd ei Ddeall yn Saesneg Pryd i ddefnyddio Dywedwch Wrthym Unwaith Gallwch ddefnyddio Dywedwch Wrthym Unwaith os oedd yr unigolyn a fu farw yn byw yng Nghymru, Lloegr neu’r Alban. Mae hyn yn cynnwys os bu farw’r unigolyn tra roeddent dramor dros dro, er enghraifft ar wyliau neu daith fusnes. Mae’n rhaid bod y farwolaeth naill ai wedi: cael ei chofrestru cael ei hadrodd i grwner a bod gennych dystysgrif marwolaeth terfynol neu dystysgrif marwolaeth interim Ni allwch ddefnyddio Dywedwch Wrthym Unwaith os oedd yr unigolyn yn: byw yng Ngogledd Iwerddon pan fu farw byw dramor yn barhaol pan fu farw Sut i ddefnyddio Dywedwch Wrthym Unwaith Bydd cofrestrydd yn egluro’r gwasanaeth Dywedwch Wrthym Unwaith pan fyddwch yn cofrestru’r farwolaeth . Byddant naill ai’n: cwblhau’r gwasanaeth Dywedwch Wrthym Unwaith gyda chi rhoi cyfeirnod unigryw i chi fel y gallwch ddefnyddio’r gwasanaeth eich hun ar-lein neu dros y ffôn Bydd y cofrestrydd yn rhoi rhif i chi ei ffonio. Mae hyn yn cynnwys Relay UK os na allwch glywed neu siarad ar y ffôn. Os ydych yn ddefnyddiwr Iaith Arwyddion Prydain (BSL), mae yna wasanaeth cyfnewid fideo os ydych yn defnyddio cyfrifiadur - darganfyddwch mwy am sut i ddefnyddio’r gwasanaeth ar ffôn symudol neu dabled . Rhaid i chi ddefnyddio’r gwasanaeth o fewn 28 diwrnod ar ôl cael eich cyfeirnod unigryw. Os na allwch gofrestru’r farwolaeth oherwydd bod cwest ar y gweill, gallwch barhau i ofyn i gofrestrydd am gyfeirnod unigryw. Bydd angen i chi gael tystysgrif marwolaeth interim gan y crwner sy’n cynnal y cwest yn gyntaf. Cyn i chi ddefnyddio Dywedwch Wrthym Unwaith Byddwch angen y rhif cyfeirnod Dywedwch Wrthym Unwaith a gawsoch gan y Cofrestrydd. Byddwch hefyd angen manylion canlynol yr unigolyn a fu farw: cyfenw y dyddiad y bu farw enw, cyfeiriad a manylion cyswllt yr unigolyn neu’r cwmni sy’n delio â’i ystad (eiddo ac arian), a elwir yn ‘ysgutor’ neu ‘weinyddwr’ os oes priod neu bartner sifil sy’n goroesi, enw, cyfeiriad, rhif ffôn a rhif Yswiriant Gwladol neu ddyddiad geni’r priod neu bartner sifil os nad oes priod neu bartner sifil sy’n goroesi, neu os nad yw eu priod neu bartner sifil yn gallu delio â’u materion, enw a chyfeiriad eu perthynas agosaf os bu farw mewn ysbyty, cartref nyrsio, cartref gofal neu hosbis, enw a chyfeiriad y sefydliad hwnnw - gofynnir i chi hefyd a oedd yr arhosiad am 28 diwrnod neu fwy Efallai byddwch hefyd angen: os oedd ganddynt basbort, eu rhif pasbort a’u tref enedigol os oedd ganddynt drwydded yrru, rhif eu trwydded yrru os oedd yn berchen ar unrhyw gerbydau, y rhifau cofrestru cerbydau os oedd yn talu treth y cyngor neu’n cael gwasanaethau gan eu cyngor lleol, fel taliadau Budd-dal Tai, enw eu cyngor lleol a pha wasanaethau yr oedd yn eu cael os oedd ganddynt fathodyn glas, eu rhif bathodyn glas os ydych yn ei wybod os oedd yn cael unrhyw fudd-daliadau, credydau treth neu bensiwn y wladwriaeth, gwybodaeth am ba rai yr oedd yn eu cael os oedd yn cael arian o gynllun pensiwn neu iawndal lluoedd arfog, manylion y cynllun hwnnw os oedd yn cael arian neu’n talu i mewn i gynlluniau pensiwn y sector cyhoeddus, manylion y cynlluniau hynny Byddwch angen eu rhif Yswiriant Gwladol hefyd os oeddent yn cael arian neu’n talu i mewn i unrhyw un o’r cynlluniau pensiwn canlynol: Pensiynau GIG ar gyfer staff y GIG yng Nghymru a Lloegr Cynlluniau Asiantaeth Pensiwn Cyhoeddus yr Alban ar gyfer staff y GIG, athrawon, yr heddlu a diffoddwyr tân yn yr Alban Cronfa Diogelu Pensiynau a Chynllun Cymorth Ariannol Cynlluniau Pensiwn Llywodraeth Leol (CPLlL) Fel arall, nid oes angen eu rhif Yswiriant Gwladol arnoch. Fodd bynnag, os gallwch chi ei ddarparu o hyd, bydd yn helpu rhai sefydliadau i ddod o hyd i’w cofnodion yn gyflymach. Mae angen caniatâd arnoch gan unrhyw briod neu bartner sifil sydd wedi goroesi, y perthynas agosaf, ysgutor, gweinyddwr neu unrhyw un a oedd yn hawlio budd-daliadau neu hawliau ar y cyd gyda’r unigolyn a fu farw, cyn i chi roi eu manylion. Dywedwch Wrthym Unwaith ar-lein Dechrau nawr Sefydliadau y bydd Dywedwch Wrthym Unwaith yn cysylltu â nhw Bydd Dywedwch Wrthym Unwaith yn hysbysu: Cyllid a Thollau EF ( HMRC ) - i ddelio â threth bersonol ac i ganslo budd-daliadau a chredydau, er enghraifft Budd-dal Plant a chredydau treth. Yr Adran Gwaith a Phensiynau ( DWP ) - i ganslo budd-daliadau a hawliau, er enghraifft Credyd Cynhwysol neu Bensiwn y Wladwriaeth Swyddfa Basbort - i ganslo pasbort Prydeinig Asiantaeth Trwyddedu Gyrwyr a Cherbydau ( DVLA ) - i ganslo trwydded, dileu yr unigolyn fel ceidwad hyd at 5 cerbyd a chanslo treth cerbyd y cyngor lleol - i ganslo Budd-dal Tai, Gostyngiad Treth Cyngor (a elwir weithiau’n Cymorth Treth cyngor), Bathodyn Glas, hysbysu gwasanaethau tai y cyngor a thynnu manylion yr unigolyn oddi ar y gofrestr etholiadol Veterans UK - i ganslo neu ddiweddaru taliadau Cynllun Iawndal y Lluoedd Arfog Nawdd Cymdeithasol yr Alban - i ganslo budd-daliadau a hawliadau gan Lywodraeth yr Alban, er enghraifft Taliad Plant yr Alban Bydd CThEF a’r DWP yn cysylltu â chi ynglŷn â threth, budd-daliadau a hawliadau’r unigolyn a fu farw. Bydd Dywedwch Wrthym Unwaith hefyd yn cysylltu â rhai cynlluniau pensiwn sector cyhoeddus fel eu bod yn canslo taliadau pensiwn yn y dyfodol. Byddant yn rhoi gwybod i: Cynllun Pensiwn y Lluoedd Arfog Pensiynau’r GIG ar gyfer staff GIG yng Nghymru a Lloegr Cynlluniau pensiwn ar gyfer staff y GIG, athrawon, yr heddlu a diffoddwyr tân yn yr Alban Cronfa Amddiffyn Pensiwn a Chynllun Cymorth Ariannol Cynlluniau Pensiwn Awdurdodau Lleol (LGPS) Ar ôl i chi ddefnyddio Dywedwch Wrthym Unwaith I gau neu newid manylion cyfrifon ariannol yr unigolyn, bydd angen i chi gysylltu â sefydliadau fel: banciau darparwyr morgeisi darparwyr yswiriant cwmnïau yr oedd gan yr unigolyn gontractau â nhw, fel cwmnïau cyfleustodau, landlordiaid neu gymdeithasau tai cynlluniau pensiwn personol neu weithle, oni bai eu bod yn un o gynlluniau pensiwn y sector cyhoeddus y mae Dywedwch Wrthym Unwaith yn cysylltu â nhw Os oes angen help arnoch i ddod o hyd i fanylion cyswllt ar gyfer cynlluniau pensiwn yr unigolyn, gallwch chwilio am fanylion cyswllt pensiwn . Efallai y bydd angen i chi hefyd: ddiweddaru’r cofnodion eiddo , os oedd yr unigolyn yn berchen ar dir neu eiddo cysylltu â DVLA , os oedd yr unigolyn yn berchen ar gerbyd a’ch bod yn ei werthu neu’n ei gadw ac yn ei drethu yn eich enw eich hun cysylltu â CThEF , os oedd gan yr unigolyn drethi busnes fel TAW cysylltu â’r Cwmni Benthyciadau Myfyrwyr , os oedd gan yr unigolyn fenthyciad myfyriwr ganddynt Os nad ydych yn defnyddio Dywedwch Wrthym Unwaith Rhaid i chi roi gwybod i’r sefydliadau perthnasol am y farwolaeth eich hun .

Rhoi gwybod am farwolaeth heb gyfeirnod Dywedwch Wrthym Unwaith

Cysylltwch â’r sefydliadau canlynol os na allwch ddefnyddio’r gwasanaeth Dywedwch Wrthym Unwaith. Mae’r canllaw hwn hefyd ar gael yn Saesneg (English) . Cyllid a Thollau EF ( HMRC ) Cysylltwch â Chyllid a Thollau EF , a fydd yn gweithio allan a yw’r swm cywir o dreth wedi’i dalu gan yr unigolyn a fu farw. Byddant yn rhoi gwybod i chi: pa dreth sydd angen iddynt ei chasglu neu ei had-dalu a oes angen i chi lenwi ffurflen dreth Hunanasesiad ar ran yr unigolyn, er enghraifft pan fydd yr ystad yn parhau i gael incwm Gallwch hefyd ddefnyddio adnodd profedigaeth HMRC i weithio allan pa ffurflenni i’w llenwi a ble i’w hanfon. Efallai y bydd Treth Etifeddiant yn ddyledus ar ystad yr unigolyn ar ôl iddynt farw. Efallai y gallwch gael cyngor treth am ddim os ydych ar incwm isel. Swyddfa Cyfraniadau Yswiriant Gwladol ( NI ) Cysylltwch â Swyddfa Cyfraniadau i ganslo taliadau Yswiriant Gwladol yr unigolyn os oedd yn hunangyflogedig neu’n talu Yswiriant Gwladol gwirfoddol. Swyddfa Budd-dal Plant Cysylltwch â’r Swyddfa Budd-dal Plant os bydd plentyn neu’r rhiant yn marw . Mae angen i chi wneud hyn o fewn 8 wythnos ar ôl y farwolaeth. Swyddfa Credydau Treth Cysylltwch â’r Swyddfa Credydau Treth os yw’ch partner neu blentyn rydych yn gyfrifol amdano yn marw. Mae angen i chi wneud hyn o fewn 1 mis ar ôl y farwolaeth. Adran Gwaith a Phensiynau ( DWP ) Cysylltwch â’r gwasanaeth profedigaeth i ganslo budd-daliadau a hawliadau’r unigolyn, gan gynnwys eu Pensiwn y Wladwriaeth. Byddant hefyd yn gwirio a ydych yn gymwys i gael help gyda chostau angladd neu fudd-daliadau eraill. Gwasanaeth Profedigaeth yr Adran Gwaith a Phensiynau Ffôn: 0800 731 0453 Ffôn testun: 0800 731 0456 Relay UK (os na allwch glywed neu siarad ar y ffôn): 18001 yna 0800 151 2012 Gwasanaeth cyfnewid fideo ar gyfer defnyddwyr Iaith Arwyddion Prydain (BSL) os ydych yn defnyddio cyfrifiadur - darganfyddwch sut i ddefnyddio’r gwasanaeth ar ffôn symudol neu dabled Dydd Llun i ddydd Gwener, 8am i 6pm Llinell Saesneg: 0800 151 2012 Ffôn Testun Saesneg: 0800 731 0464 Gwybodaeth am gostau galwadau Os oeddent yn byw dramor pan fu farw, cysylltwch â’r Canolfan Bensiwn Rhyngwladol yn lle Pensiynau personol, gweithle a’r lluoedd arfog Bydd yr hyn sydd angen i chi ei wneud i atal taliadau pensiwn yn dibynnu ar y math o bensiwn. Defnyddiwch y Gwasanaeth Olrhain Pensiwn i ddod o hyd i fanylion pensiwn personol neu bensiwn gweithle’r unigolyn. Cysylltwch â Veterans UK os oedd gan yr unigolyn bensiwn lluoedd arfog. Cerbydau a thrwyddedau gyrru Cysylltwch â Asiantaeth Trwyddedu Gyrwyr & Cherbydau (DVLA) os oedd gan yr unigolyn drwydded yrru neu os oedd yn berchen ar gerbyd. HM Swyddfa Basport (HMPO) Llenwch y ffurflen ‘Beth i’w wneud pan fydd deiliad pasbort yn marw’ a’i hanfon i’r cyfeiriad ar y ffurflen. Nawdd Cymdeithasol yr Alban Cysylltwch â Nawdd Cymdeithasol yr Alban i ganslo budd-daliadau a hawliasau’r unigolyn gan Lywodraeth yr Alban, er enghraifft Taliad Plant yr Alban. Gallant hefyd wirio a ydych yn gymwys i gael help gyda chostau angladd. Rhadffôn: 0800 182 2222 Ffôn (os ydych y tu allan i’r DU): +44 (0)1382 931 000 - mae taliadau’n berthnasol ond gallwch ofyn iddynt eich ffonio’n ôl cysylltwch ag ap cyfnewid fideoSCOTLAND ar gyfer defnyddwyr Iaith Arwyddion Prydain (BSL) Dydd Llun i ddydd Gwener, 8am i 6pm\ Gwybodaeth am gostau galwadau Cwmni Benthyciadau Myfyrwyr ( SLC ) Cysylltwch â’r Cwmni Benthyciadau Myfyrwyr , os oedd yr unigolyn yn ad-dalu benthyciadau myfyriwr iddynt.

Fel arfer dim ond ar ôl i’r farwolaeth gael ei chofrestru y gellir cynnal yr angladd oni bai bod y farwolaeth wedi’i riportio i grwner . Gallwch dalu i drefnydd angladdau drefnu’r angladd neu ei wneud eich hun. Dylech wirio a oedd yr unigolyn a fu farw wedi gwneud trefniadau ar gyfer ei angladd - gallai hyn gynnwys cynlluniau angladd rhagdaledig neu yswiriant bywyd. Gallwch wirio hyn gyda threfnwyr angladdau lleol. Mae’r canllaw hwn hefyd ar gael yn Saesneg (English) . Trefnwyr angladdau Bydd trefnydd angladdau yn darparu cyngor a chymorth pan fyddwch yn trefnu angladd. Os ydych yn llogi trefnydd angladdau, gallwch ddewis trefnydd angladdau sy’n aelod o: National Association of Funeral Directors The National Society of Allied and Independent Funeral Directors ( SAIF ) Mae gan y sefydliadau hyn godau ymarfer - dylent roi rhestr o brisiau i chi pan fyddwch yn dewis eu gwasanaethau. Cysylltwch â’ch cyngor lleol i weld os oes ganddynt eu gwasanaeth angladdau eu hunain. Mae rhai cynghorau lleol yn gwneud hyn ochr yn ochr â threfnwyr angladdau lleol, er enghraifft, ar gyfer claddedigaethau digrefydd. Mae’r British Humanist Association a Institute of Civil Funerals hefyd yn gallu helpu gydag angladdau digrefydd. Trefnu’r angladd eich hun Gallwch ddewis trefnu angladd eich hun. Cysylltwch â’ch cyngor lleol i gael gwybodaeth am: brynu plotiau claddu cysylltu â gwasanaethau amlosgi costau angladdau Amlosgiadau Mae yna ffurflenni gwahanol i chi eu llenwi gan ddibynnu ar lle digwyddodd y farwolaeth. Cysylltwch â’ch cyngor neu amlosgfa leol os oes arnoch angen cymorth gyda’ch cais. Costau angladd Gall costau angladd gynnwys: ffioedd trefnydd angladdau pethau y mae’r trefnydd angladdau yn talu amdanynt ar eich rhan (a elwir yn ‘alldaliadau’ neu ‘gostau trydydd parti’), er enghraifft yr unigolyn fydd yn cynnal y gwasanaeth angladd, ffioedd yr amlosgfa neu fynwent neu gyhoeddiad papur newydd am y farwolaeth ffioedd claddu neu amlosgi awdurdodau lleol Yn gyfreithiol, mae’n rhaid i drefnwyr angladdau gyhoeddi rhestr brisiau ar gyfer y gwasanaethau a’r cynnyrch cyffredinol maent yn cynnig Mae gan MoneyHelper wybodaeth am gostau angladd a sut i’w lleihau . Talu am angladd Gellir talu am yr angladd: o gynllun ariannol roedd gan yr unigolyn, er enghraifft, cynllun angladd neu bolisi yswiriant wedi’i dalu ymlaen llaw gennych chi, neu aelodau eraill o’r teulu neu ffrindiau gydag arian o ystad yr unigolyn (cynilion, er enghraifft) - gelwir cael mynediad at hyn yn gwneud cais am ‘grant cynrychiolaeth’ (a elwir weithiau’n ‘gwneud cais am brofiant’ ) Gallwch wneud cais am Daliad Costau Angladd os ydych yn cael anhawster talu am yr angladd. Yn Lloegr, gall Children’s Funeral Fund for England helpu i dalu am rai o gostau angladd ar gyfer plentyn dan 18 oed neu baban marw-anedig ar ôl 24 wythnos y beichiogrwydd. Symud corff ar gyfer angladd dramor Rydych angen caniatâd gan grwner i symud corff ar gyfer angladd dramor. Rhaid i chi wneud hyn hyd yn oed os yw crwner yn ymchwilio i’r farwolaeth. Gwnewch gais o leiaf 4 diwrnod cyn eich bod am i’r corff gael ei symud. Dewch o hyd i grwner lleol gan ddefnyddio Coroners’ Society of England and Wales website . Mae yna broses wahanol ar gyfer: symud corff tramor o’r Alban symud corff tramor o Gogledd Iwerddon

Beth i'w wneud os bydd plentyn neu fabi yn marw

Beth i’w wneud os bydd plentyn neu fabi yn marw Rhaid i chi gofrestru’r farwolaeth yn y ffordd arferol, ond efallai y bydd angen i chi roi gwybod am farwolaeth plentyn i sefydliadau eraill yn dibynnu ar eich amgylchiadau. Mae gwahanol reolau ar gyfer cofrestru farw enedig . Mae’r canllaw hwn hefyd ar gael yn Saesneg (English) . Budd-dal Plant Dylech ddweud wrth y swyddfa Budd-dal Plant cyn gynted â phosibl os ydych chi’n hawlio Budd-dal Plant. Bydd taliadau Budd-dal Plant fel arfer yn parhau am 8 wythnos ar ôl marwolaeth plentyn. Efallai y byddwch yn dal i allu hawlio Budd-dal Plant os bu farw’ch plentyn cyn i chi wneud cais. Os bydd baban newydd-anedig yn marw Mae gennych hawl i hyd at 8 wythnos o Fudd-dal Plant os ydych yn gwneud cais o fewn 3 mis ar ôl y farwolaeth. Os bu farw’r plentyn cyn diwedd yr wythnos y cafodd ei eni ynddo, mae’r 8 wythnos yn dechrau o’r dydd Llun yn dilyn y farwolaeth. Os yw plentyn yn farwanedig Ni allwch wneud cais am Fudd-dal Plant os yw’r plentyn yn farwanedig. Credydau Treth Os ydych yn hawlio credydau treth a bod eich plentyn yn marw, gall eich taliadau newid. Bydd angen i chi ddweud wrth Gyllid a Thollau EF ( HMRC ) o fewn mis ar ôl y farwolaeth. Os na wnewch fe allech chi: orfod talu gordaliadau yn ôl peidio â chael yr holl arian sy’n ddyledus i chi Gallwch barhau i gael credydau treth am hyd at 8 wythnos yn dilyn y farwolaeth. Os bu farw’r plentyn cyn i chi hawlio credydau treth, gallwch ddal hawlio (oni bai bod y plentyn yn farw-anedig). Ffoniwch HMRC i wneud cais. Grant Mamolaeth Cychwyn Cadarn Gallwch gael y grant o hyd os ydych yn gymwys. Mae’n rhaid i chi wneud cais cyn pen 3 mis ar ôl yr enedigaeth. Absenoldeb a thâl mamolaeth a thadolaeth Byddwch yn dal yn gymwys i gael absenoldeb a thâl os yw eich baban: yn farw-anedig ar ôl dechrau 24ain wythnos y beichiogrwydd yn marw ar ôl cael ei eni Absenoldeb a Thâl Statudol Rhieni mewn Profedigaeth Efallai y byddwch chi a’ch partner yn gymwys ar gyfer absenoldeb a thâl statudol mewn profedigaeth os ydych yn gyflogedig a naill ai bod: bod eich plentyn yn marw cyn iddynt gyrraedd 18 oed yn farw enedig ar ôl 24 wythnos o feichiogrwydd Rhaid bod y farwolaeth neu’r farw enedig fod wedi digwydd ar neu ar ôl 6 Ebrill 2020. Taliadau Cronfa Ymddiriedolaeth Plant Pan fydd plentyn yn marw, mae unrhyw arian yn eu cyfrif Cronfa Ymddiriedolaeth Plant - gan gynnwys unrhyw daliadau gan y llywodraeth - fel arfer yn cael ei drosglwyddo i bwy bynnag sy’n etifeddu ystad y plentyn.

Cymorth a Chefnogaeth Profedigaeth

Mae profedigaeth yn brofiad personol a gall effeithio ar bobl mewn gwahanol ffyrdd. Mae’r canllaw hwn hefyd ar gael yn Saesneg (English) Gallwch ddod o hyd i gefnogaeth a gwybodaeth am brofedigaeth gan y sefydliadau a ganlyn: Cyngor y GIG ar ddelio â phrofedigaeth, galar a cholled Cruse Bereavement Care i ddysgu mwy am alaru National Bereavement Service am ffyrdd i reoli profedigaeth The Good Grief Trust am gefnogaeth os ydych newydd gael profedigaeth Gallwch ddod o hyd i rywun i siarad ag am brofedigaeth o’r sefydliadau canlynol: Cruse Bereavement Support am gefnogaeth un i un a sesiynau grŵp lleol Llinell gymorth Marie Curie am gymorth parhaus dros y ffôn Mae Sue Ryder’s Online Bereavement Support yn cynnwys cymuned ar-lein i siarad ag eraill sy’n galaru, gwasanaeth cwnsela sgwrs fideo a chymorth galar neges testun wedi’i bersonoli AtaLoss am sgwrs fyw am ddim gydag ymgynghorydd profedigaeth Mae gan Gyngor ar Bopeth ganllaw ar beth sy’n digwydd ar ôl marwolaeth a phethau y gallai fod angen i chi eu gwneud, yn dibynnu ar yr amgylchiadau

Beth i'w wneud ar ôl i rywun farw

Cofrestru y farwolaeth

Ar ôl i rywun farw, bydd archwilydd meddygol yn gwirio achos y farwolaeth i wneud yn siŵr ei fod yn gywir.

Byddant yn uwch feddyg ac ni fyddant wedi bod yn gysylltiedig â gofalu am yr unigolyn sydd wedi marw.

Yna bydd swyddfa’r archwilydd meddygol y cysylltu â chi i:

egluro achos y farwolaeth
ateb unrhyw gwestiynau sydd gennych am hyn neu’r gofal iechyd a roddwyd i’r unigolyn cyn iddynt farw

ond nid oes rhaid i chi siarad â nhw os nad ydych eisiau gwneud hynny.

Cofrestru’r farwolaeth

Bydd swyddfa’r archwilydd meddygol hefyd yn cysylltu â chi i gadarnhau y gallwch gofrestru’r farwolaeth.

Cofrestrwch y farwolaeth o fewn 5 diwrnod (8 diwrnod yn yr Alban) i’r swyddfa gysylltu â chi. Mae hyn yn cynnwys penwythnosau a gwyliau banc.

Ar ôl i chi gofrestru’r farwolaeth

Byddwch yn cael tystysgrif claddu neu amlosgi (a elwir yn aml yn ‘green form’).

Rhowch y dystysgrif i’ch trefnydd angladdau, amlosgfa neu awdurdod claddu. Mae’n rhaid i chi wneud hyn cyn y gellir cynnal yr angladd.

Mae’r canllaw hwn hefyd ar gael yn Saesneg (English).

Gweld fersiwn argraffadwy o'r canllaw cyfan

Beth i'w wneud ar ôl i rywun farw

Cofrestru y farwolaeth

Cofrestru’r farwolaeth

Ar ôl i chi gofrestru’r farwolaeth

Is this page useful?

Help us improve GOV.UK

Help us improve GOV.UK

Cookies on GOV.UK

Beth i'w wneud ar ôl i rywun farw

Cofrestru y farwolaeth

Cofrestru’r farwolaeth

Ar ôl i chi gofrestru’r farwolaeth

Is this page useful?

Help us improve GOV.UK

Help us improve GOV.UK