Gwneud cais am eich trwydded yrru dros dro gyntaf

Cael eich trwydded yrru dros dro gyntaf am gar, beic modur, moped neu gerbyd arall wrth DVLA ar-lein. I wneud cais mae’n rhaid ichi:

• fod o leiaf 15 mlwydd a 9 mis oed
• gallu darllen plât rhif o 20 metr i ffwrdd
• bod wedi cael caniatâd i fyw ym Mhrydain Fawr (Lloegr, Cymru a’r Alban) am o leiaf 185 diwrnod

Mae’n costio £34 pan rydych yn gwneud cais ar-lein.

Os gwnaethoch gais am drwydded yrru dros dro cyn 1 Mawrth 1973 bydd angen ichi ddefnyddio’r gwasanaeth hwn i gael trwydded newydd.

Mae’r gwasanaeth hwn hefyd ar gael yn Saesneg (English).

Mewngofnodi i wneud cais

Bydd angen ichi fewngofnodi i ddefnyddio’r gwasanaeth hwn. Os nad oes gennych fanylion mewngofnodi yn barod, byddwch yn gallu eu creu.

Byddwch yn cael gwybod pan rydych yn mewngofnodi os oes angen ichi brofi eich hunaniaeth. Mae hyn er mwyn cadw eich manylion yn ddiogel ac fel arfer mae’n golygu defnyddio dull adnabod â ffotograff fel pasbort.

Ar ôl ichi wneud cais

Bydd DVLA yn anfon e-bost cadarnhau atoch ar ôl ichi wneud cais.

Dylai eich trwydded gyrraedd o fewn un wythnos os ydych yn gwneud cais ar-lein. Gall gymryd yn hirach os oes angen i DVLA wneud gwiriadau ychwanegol.

Faint mae’n ei gostio

Mae’n costio £34 i wneud cais ar-lein. Gallwch dalu drwy gerdyn debyd neu gredyd MasterCard, Visa, Electron neu Delta.

Pryd y gallwch yrru gyda thrwydded dros dro

Mae rheolau gwahanol gan ddibynnu ar eich oed a’r math o gerbyd. Gwirio pa gerbydau rydych chi’n gallu eu gyrru a phryd cyn ichi ddechrau dysgu.

Os oes gennych drwydded dros dro yn barod

Os oes gennych drwydded dros dro yn barod, gallwch:

• adnewyddu eich trwydded dros dro
• amnewid eich trwydded yrru dros dro os yw ar goll, wedi’i dwyn, ei difetha neu ei dinistrio
• ailymgeisio am eich trwydded yrru dros dro os ydych wedi cael eich gwahardd
• newid y cyfeiriad ar eich trwydded yrru dros dro

Gwneud cais drwy’r post

Llenwch ffurflen D1W ‘Cais am drwydded yrru’, sydd ar gael o’r rhan fwyaf o Swyddfeydd Post.

Anfonwch eich cais i’r cyfeiriad ar y ffurflen, ynghyd â siec neu archeb bost am £43.