Newid y cyfeiriad ar eich trwydded yrru
Gwneud cais ar-lein
Newid y cyfeiriad ar naill ai:
- eich trwydded yrru lawn
- eich trwydded yrru dros dro
Ni chodir tâl i newid eich cyfeiriad gyda DVLA.
Gallwch barhau i yrru tra’ch bod yn aros am eich trwydded newydd.
Os ydych yn dymuno newid eich enw ar yr un pryd, bydd angen ichi wneud cais drwy’r post.
Mae’n rhaid ichi hefyd:
-
diweddaru eich Debyd Uniongyrchol treth cerbyd (os mai dyna sut rydych chi’n talu)
-
newid y cyfeiriad ar eich dogfen rhif cofrestru personol (V750W neu V778W) - os oes gennych un
Gallwch gael dirwy i fyny at £1,000 os nad ydych yn rhoi gwybod i DVLA pan fydd eich cyfeiriad yn newid.
Mae’r dudalen hon hefyd ar gael yn Saesneg (English).
Cyn ichi ddechrau
Mae arnoch angen:
- eich trwydded yrru
- bod yn breswylydd ym Mhrydain Fawr – mae proses gwahanol i gael yng Ngogledd Iwerddon
- rhoi’r cyfeiriadau lle rydych wedi byw yn y 3 mlynedd diwethaf
- peidio â bod wedi eich gwahardd rhag gyrru
Rhowch eich rhif trwydded yrru, rhif Yswiriant Gwladol a rhif pasbort os ydych yn eu gwybod.
Os ydych am newid eich ffotograff ar yr un pryd
Os yw eich trwydded yn ddilys am o leiaf 2 flynedd arall neu bydd rhaid ichi ei adnewyddu i newid eich ffotograff.
Os yw’n ddilys am lai na 2 flynedd, gallwch newid eich ffotograff pan fyddwch yn diweddaru’ch cyfeiriad.
Gallwch naill ai:
- ddewis defnyddio’r un ffotograff â’ch pasbort
- anfon ffotograff math pasbort diweddar - byddwch yn derbyn llythyr yn dweud wrthych sut i’w hanfon ar ôl ichi ddefnyddio’r gwasanaeth ar-lein
Y gost yw £14. Gallwch dalu drwy gerdyn credyd neu ddebyd MasterCard, Visa, Electron neu Delta. Nid oes ffi os ydych dros 70 neu os oes gennych drwydded cyfnod byr meddygol.
Os ydych yn symud dramor
Ni allwch gofrestru eich cyfeiriad newydd ar eich trwydded yrru Brydeinig. Cysylltwch â’r awdurdod trwyddedau gyrru yn eich gwlad breswyl newydd.
Beth sy’n digwydd nesaf
Byddwch yn cael e-bost o DVLA yn cadarnhau ar ôl ichi wneud cais. Mae’n bosib y byddwch yn cael eich gofyn i gymryd rhan mewn ymchwil drwy e-bost, ond gallwch optio allan.