Y gofrestr etholiadol a'r 'gofrestr agored'
Ychwanegu eich enw at y gofrestr etholiadol
Mae’r gofrestr etholiadol yn rhestru enwau a chyfeiriadau pawb sydd wedi cofrestru i bleidleisio.
Defnyddiwch y gwasanaeth cofrestru i bleidleisio i ychwanegu eich enw at y gofrestr etholiadol.
I ddiweddaru eich manylion (er enghraifft, newid eich enw neu eich cyfeiriad) dylech naill ai:
-
ddefnyddio’r gwasanaeth cofrestru i bleidleisio os ydych yn byw yn y DU
-
cysylltu â’r Swyddfa Cofrestru Etholiadol a gadarnhaodd eich bod wedi’ch cofrestru fel pleidleisiwr tramor os ydych yn byw dramor
I gadarnhau a ydych eisoes ar y gofrestr:
-
cysylltwch â’ch Swyddfa Cofrestru Etholiadol os ydych yn byw yng Nghymru, Lloegr neu’r Alban
-
defnyddiwch y gwasanaeth Am I Registered os ydych yn byw yng Ngogledd Iwerddon
Mae’r canllaw hwn hefyd ar gael yn Saesneg (English).
Y canfasiad blynyddol
O fis Gorffennaf bob blwyddyn, bydd Swyddogion Cofrestru Etholiadol yn cysylltu ag aelwydydd i gadarnhau a yw’r manylion ar y gofrestr etholiadol yn gywir. Gallant hefyd ddweud wrthych gofrestru i bleidleisio os nad ydych eisoes wedi cofrestru. Y canfasiad blynyddol yw’r enw ar hyn.
Byddant yn cysylltu â chi drwy’r post, drwy e-bost, dros y ffôn neu bydd rhywun yn curo ar eich drws.
Nid oes canfasiad blynyddol yng Ngogledd Iwerddon.
Beth sy’n digwydd os nad ydych yn cofrestru
Mae’n rhaid i chi gofrestru i bleidleisio os bydd Swyddog Cofrestru Etholiadol yn gofyn i chi wneud hynny a’ch bod yn bodloni’r amodau ar gyfer cofrestru.
Os na fyddwch yn cofrestru ar ôl cael cais i wneud hynny, gallech gael dirwy o hyd at £1,000.
Ni fyddwch yn cael dirwy os bydd gennych reswm dilys dros beidio â chofrestru, er enghraifft arhosiad hir yn yr ysbyty, neu os oes gennych anawsterau dysgu difrifol.
Pryd y gallwch gofrestru mewn mwy nag un lle
Mae weithiau’n bosibl cofrestru mewn dau gyfeiriad (er mai dim ond unwaith y gallwch bleidleisio mewn unrhyw etholiad).
Er enghraifft, os ydych yn fyfyriwr a bod cyfeiriad eich cartref yn wahanol i’ch cyfeiriad yn ystod y tymor, mae’n bosibl y gallwch gofrestru yn y ddau.
Cofrestru i bleidleisio ddwywaith os ydych yn byw mewn dau gyfeiriad.