Pleidleisio os byddwch yn symud dramor neu os ydych yn byw dramor

Gallwch gofrestru fel pleidleisiwr tramor os ydych wedi byw yn y DU yn flaenorol a’ch bod naill ai:  

  • yn ddinesydd Prydeinig
  • yn ddinesydd Gwyddelig cymwys sy’n cofrestru i bleidleisio yng Ngogledd Iwerddon

Os ydych am bleidleisio yng Nghymru, Lloegr neu’r Alban cofrestru i bleidleisio yn y ffordd arferol. 

Os ydych am bleidleisio yng Ngogledd Iwerddon, bydd angen i chi gofrestru gan ddefnyddio ffurflen bapur.

Mae trefniadau gwahanol os byddwch dramor dros dro ar ddiwrnod yr etholiad.

Mae’r canllaw hwn hefyd ar gael yn Saesneg (English).

Adnewyddu eich cofrestriad

Bydd eich cofrestriad yn para hyd at dair blynedd. Byddwch yn cael nodyn atgoffa pan fydd yn amser i chi ei adnewyddu.

Os na fyddwch yn adnewyddu eich cofrestriad, byddwch yn cael eich tynnu oddi ar y gofrestr a bydd yn rhaid i chi gwblhau cais o’r newydd er mwyn gallu pleidleisio eto.

Pleidleisio os ydych wedi’ch cofrestru fel pleidleisiwr tramor

Gallwch bleidleisio yn etholiadau Senedd y DU.

Mae’n bosibl y byddwch yn gallu pleidleisio mewn refferenda. Mae gan bob refferendwm reolau gwahanol o ran pwy all bleidleisio ynddo.

Os ydych wedi’ch cofrestru yng Nghymru, Lloegr neu’r Alban

Gallwch benderfynu a ydych am bleidleisio drwy ddirprwy (os ydych yn gymwys) neu bleidleisio drwy’r post.

Ar ôl i chi benderfynu, gallwch wneud y canlynol: 

Os ydych wedi’ch cofrestru yng Ngogledd Iwerddon

Gallwch bleidleisio drwy ddirprwy, os ydych yn gymwys. Mae angen i chi wneud cais gan ddefnyddio ffurflen bapur.

Ni chewch bleidleisio drwy’r post. 

Gwasanaethu dramor yn y lluoedd arfog

Cofrestrwch i bleidleisio gan ddefnyddio gwasanaeth cofrestru’r lluoedd arfog.

Os ydych yn gwasanaethu y tu allan i’r DU, gallwch gofrestru fel pleidleisiwr ‘yn y lluoedd arfog’. Mae hyn yn golygu mai dim ond unwaith bob pum mlynedd y mae’n rhaid i chi adnewyddu eich cofrestriad. Byddwch yn cael nodyn atgoffa pan fydd yn amser i chi ei adnewyddu.

Gweision y Goron ac aelodau o staff y British Council

Defnyddiwch y gwasanaeth cofrestru ar gyfer gweision y Goron ac aelodau o staff y British Council os ydych wedi’ch lleoli y tu allan i’r DU ac yn gweithio fel:

  • un o weision y Goron (er enghraifft, gwasanaeth sifil tramor neu wasanaeth diplomyddol)
  • aelod o staff y British Council