Help a chymorth
Cewch o hyd i help, gan gynnwys help gan CThEF, os oes ei angen arnoch.
Cyn cofrestru ar gyfer y cynllun Troi Treth yn Ddigidol ar gyfer Treth Incwm, mae’n bosibl y byddwch am gael rhagor o wybodaeth neu am gysylltu â CThEF am gymorth.
Dysgwch ragor am y cynllun Troi Treth yn Ddigidol ar gyfer Treth Incwm (yn agor tudalen Saesneg).
Mae’r arweiniad hwn yn cynnwys:
- pwy ddylai ddefnyddio’r gwasanaeth a phryd
- pwy all wirfoddoli i’n helpu gyda phrofi a datblygu’r gwasanaeth
- dewis meddalwedd sy’n cydweddu
- sut i gofrestru
Gallwch ddod o hyd i wybodaeth am pam mae’r cynllun Troi Treth yn Ddigidol ar gyfer Treth Incwm yn digwydd a’r manteision yn nhrosolwg o’r cynllun Troi Treth yn Ddigidol (yn agor tudalen Saesneg).
Gallwch hefyd ddysgu rhagor am y cynllun Troi Treth yn Ddigidol ar gyfer Treth Incwm drwy wneud y canlynol:
Ffoniwch CThEF i gael cyngor os na allwch ddatrys eich problem ar-lein neu drwy gysylltu â’ch darparwr meddalwedd.
Cyn eich bod yn ffonio
Os oes gennych rif Yswiriant Gwladol a Chyfeirnod Unigryw y Trethdalwr (UTR) ar gyfer Hunanasesiad, cadwch y rhain wrth law.
Mae’r llinell gymorth hon yn defnyddio meddalwedd adnabod lleferydd, felly gofynnir i chi am eich rheswm dros ffonio CThEF. Os na allwch ddefnyddio meddalwedd adnabod lleferydd, dysgwch sut i gael help gan CThEF os oes angen cymorth ychwanegol arnoch.
Mae’n bosibl y bydd y llinell gymorth hon hefyd yn gofyn rhai cwestiynau diogelwch i chi. Sicrhewch fod eich manylion a’ch cyfeiriad personol yn gyfredol yn eich cyfrif treth personol neu gallech fethu’r prawf diogelwch dros y ffôn. Os nad oes gennych gyfrif treth personol, gallwch greu un cyn i chi wirio’ch manylion.
Mae’n bosibl y bydd CThEF yn gofyn a ydych am ychwanegu’r feddalwedd adnabod lleferydd at eich cyfrif. Gallwch ddysgu rhagor yn yr Hysbysiad Preifatrwydd ynghylch data adnabod lleferydd (yn agor tudalen Saesneg).
Ffôn:
0300 200 1900
Oriau agor:
Dydd Llun i ddydd Gwener: 8am i 6pm
Ar gau ar benwythnosau a gwyliau banc.
Dysgwch am gostau galwadau.
Dylech gysylltu â’ch darparwr meddalwedd os oes gennych broblem gyda’i feddalwedd.