Canllawiau

Talu ffi’r Cynllun Dilysu Diodydd Gwirodol

Sut i dalu’ch ffi dilysu ar gyfer y Cynllun Dilysu Diodydd Gwirodol.

Gan:
Cyllid a Thollau EF
Cyhoeddwyd
30 October 2014
Diweddarwyd ddiwethaf
21 August 2023 — Gweld pob diweddariad

Os ydych yn gwneud cais i ymuno â’r Cynllun Dilysu Diodydd Gwirodol, bydd angen i chi dalu ffi. Gwiriwch faint bydd eich ffi dilysu ar gyfer:

Ni ellir ad-dalu’r ffi dilysu ac mae y tu allan i gwmpas TAW.

Pam y mae’n rhaid i chi dalu

Mae CThEF yn rheoli’r cynllun dilysu gyda’r bwriad o adennill ein costau gweinyddol yn unig bob blwyddyn ariannol. Mae’r rhain yn cynnwys:

  • cyflogau
  • gorbenion staff wrth iddynt gynnal y gwaith dilysu
  • costau teithio i staff

Caiff y ffioedd sy’n cael eu codi ar gyfer prosesau’r DU eu hadolygu’n flynyddol i sicrhau bod y taliadau’n cyfateb â chostau CThEF ar gyfer y cynllun dilysu. Mae’r ffioedd yn cael eu haddasu bob dwy flynedd er mwyn:

  • talu am gostau disgwyliedig y cynllun
  • rhoi cyfrif am unrhyw ddiffygion neu wargedau
  • rhoi ecwiti yn ystod rhaglen dreigl dwy flynedd yr ymweliadau dilysu

Byddwn yn cyhoeddi unrhyw newidiadau i’r ffioedd yn yr arweiniad technegol perthnasol ac yn anfon anfonebau atoch ar gyfer y ffioedd dilysu gan ddefnyddio’r wybodaeth a roesoch yn eich cais.

Bydd CThEF yn ymgynghori â’r diwydiant pe bai angen gwneud newidiadau sylweddol i’r strwythur ffioedd.

Pryd y mae’n rhaid i chi dalu

Ar ôl i chi wneud cais i ymuno â’r cynllun, neu gyflwyno Ymrwymiad (yn agor tudalen Saesneg), byddwn yn anfon anfoneb atoch sy’n cynnwys y ffi ar gyfer eich cofrestriad a’ch dilysiad.

Bydd angen i chi dalu’ch ffi:

  • cyn bod modd trefnu ymweliad dilysu, os yw’n berthnasol — dim ond os ydych yn gynhyrchydd yn y DU byddwch yn cael ymweliad
  • cyn pen 30 diwrnod i ddyddiad yr anfoneb hon

Os na fyddwch yn talu

Byddwch yn cael un nodyn i’ch atgoffa nad yw’ch anfoneb wedi’i thalu. Os na ddaw eich taliad i law:

  • ni fyddwch yn cael ymweliad dilysu, os yw’n berthnasol
  • cewch eich ystyried fel un nad yw’n cydymffurfio o’r dyddiad y byddwn yn ei roi i chi
  • caiff manylion eich cyfleusterau cynhyrchu dilys eu diwygio, eu dileu neu eu hepgor o’r gwasanaeth chwilio (yn agor tudalen Saesneg)
  • ni fydd unrhyw gynhyrchion sy’n cael eu cynhyrchu wedi’r dyddiad y byddwn yn ei roi i chi yn rhai dilys — caiff y manylion eu diwygio, eu dileu neu eu hepgor o’r rhestr o frandiau dilys yn y gwasanaeth chwilio
  • mae’n bosibl y byddwn yn hysbysu’r awdurdod gorfodi dynodedig

Yr hyn y bydd ei angen arnoch

Bydd arnoch angen y cyfeirnod 14 digid a roddwyd i chi ar ôl i chi wneud cais ar gyfer y Cynllun Dilysu Diodydd Gwirodol.

Gall eich taliad gael ei oedi os ydych yn defnyddio’r cyfeirnod anghywir.

Faint o amser i’w ganiatáu

Mae’r amser y mae angen i chi ei ganiatáu yn dibynnu ar eich dull o dalu. Dylech hefyd wirio terfynau trosglwyddo ac amserau prosesu’ch banc cyn i chi wneud taliad.

Dull talu Amser i’w ganiatáu
Cymeradwyo taliad drwy’ch cyfrif banc ar-lein Ar yr un diwrnod neu’r diwrnod nesaf
Bancio ar-lein neu dros y ffôn (Taliadau Cyflymach) Ar yr un diwrnod neu’r diwrnod nesaf
CHAPS (System Dalu Awtomataidd y Tŷ Clirio) Ar yr un diwrnod neu’r diwrnod nesaf
Bacs (System Glirio Awtomataidd y Bancwyr) 3 diwrnod gwaith

Os bydd y dyddiad cau ar benwythnos neu ar ŵyl y banc, gwnewch yn siŵr bod eich taliad yn dod i law CThEF erbyn y diwrnod gwaith olaf cyn hynny oni bai eich bod yn talu drwy ddefnyddio Taliadau Cyflymach (bancio ar-lein neu dros y ffôn).

Sut i dalu

Cymeradwyo taliad drwy’ch cyfrif banc ar-lein

Gallwch dalu’n uniongyrchol gan ddefnyddio’ch cyfrif banc ar-lein neu’ch cyfrif banc symudol.

Dewiswch yr opsiwn ‘talu drwy gyfrif banc’. Yna, gofynnir i chi fewngofnodi i’ch cyfrif banc ar-lein neu’ch cyfrif banc symudol i gymeradwyo’ch taliad.

Fel arfer, bydd y taliad yn digwydd ar unwaith, ond weithiau mae’n gallu cymryd hyd at 2 awr i ymddangos yn eich cyfrif banc.

Bydd angen i chi fod â’ch manylion bancio ar-lein wrth law er mwyn talu drwy’r dull hwn.

Talu nawr

Bancio ar-lein neu dros y ffôn, CHAPS neu Bacs

Defnyddiwch y manylion canlynol i dalu drwy Daliadau Cyflymach, CHAPS neu Bacs:

Cod didoli Rhif y cyfrif Enw’r cyfrif
20 50 46 73987795 HMRC Accounts Receivable Receipts

Taliadau tramor

Defnyddiwch y manylion hyn er mwyn talu o gyfrif tramor.

Cod adnabod y banc (BIC) / Cod Swift Rhif y cyfrif (IBAN) Enw’r cyfrif
BARCGB22 GB61 BARC 2050 4673 9877 95 HMRC Accounts Receivable Receipts

Cyfeiriad bancio CThEF yw:

Barclays Bank Plc
1 Churchill Place
Llundain
Y Deyrnas Unedig
E14 5HP

Updates to this page

Cyhoeddwyd ar 30 October 2014
Diweddarwyd ddiwethaf ar 21 August 2023 + show all updates

  1. Page updated to include references to Single Malt Welsh Whisky.

  2. You can now pay the Spirit Drinks Verification Scheme fee using your online or mobile bank account.

  3. Overseas payment details updated.

  4. First published.

Sign up for emails or print this page

Cynnwys

Cynnwys cysylltiedig