Carchar Stocken
Mae Carchar Stocken yn garchar i ddynion ger Oakham yn Rutland, Dwyrain Canolbarth Lloegr.
Yn berthnasol i England and Gymru
Helpwch ni i wella’r dudalen hon. Rhowch eich adborth i ni yn yr arolwg 2 funud hwn.
Bwcio a chynllunio eich ymweliad â Stocken
I ymweld â rhywun yng Ngharchar Stocken, rhaid i chi:
- bod ar restr ymwelwyr y person hwnnw
- bwcio eich ymweliad o leiaf 48 awr ymlaen llaw
- bod â’r ID gofynnol gyda chi pan fyddwch yn mynd
Mae lleoedd yn llenwi’n gyflym ac mae ymwelwyr yn cael eu hannog i fwcio lle cyn gynted â phosibl.
Rhaid i o leiaf un ymwelydd fod yn 18 oed neu’n hŷn ar bob ymweliad.
Cysylltwch â Stocken os oes gennych chi unrhyw gwestiynau am ymweld.
Help gyda chost eich ymweliad
Os ydych yn cael budd-daliadau penodol neu os oes gennych dystysgrif iechyd y GIG, efallai y gallwch gael cymorth gyda chostau eich ymweliad, gan gynnwys:
- teithio i Stockton
- rhywle i aros dros nos
- prydau bwyd
Sut i drefnu ymweliadau teulu a ffrindiau
Gallwch drefnu eich ymweliad ar-lein neu dros y ffôn.
Llinell archebu dros y ffôn: 01780 795 156
Mae’r llinell archebu ar agor: Dydd Llun i ddydd Gwener, 9am i 11am.
Costau galwadau
Amseroedd ymweld:
- Dydd Llun: 1:45pm i 3:45pm
- Dydd Mawrth: 1:45pm i 3:45pm
- Dydd Mercher: 1:45pm i 3:45pm
- Dydd Iau: 1:45pm i 3:45pm
- Dydd Sadwrn: 9am i 11am a 1:45pm i 3:45pm
- Dydd Sul: 9am i 11am a 1:45pm i 3:45pm
Rhaid i chi fod wedi cofrestru erbyn 9:45am ar gyfer ymweliadau yn y bore a 2:30pm ar gyfer ymweliadau yn y prynhawn, neu efallai na fyddwch chi’n cael mynd i mewn i’r neuadd ymweliadau.
Bydd yr ymweliadau’n para awr a byddan nhw’n digwydd o fewn yr amseroedd hyn. Ni fydd eich amser gyda’ch anwyliad yn dechrau nes byddwch chi yn y neuadd ymweliadau.
Sut i drefnu ymweliadau cyfreithiol a phroffesiynol
I drefnu ymweliad anfonwch e-bost at Officialvisits.Stocken@justice.gov.uk
Amseroedd ymweld:
- Dydd Mawrth: 8:30am i 11:30am
- Dydd Mercher: 8:30am i 11:30am
- Dydd Iau: 8:30am i 11:30am
Cyrraedd Carchar Stocken
Y gorsafoedd rheilffordd agosaf yw Stamford, Grantham a Oakham. Bydd angen i chi gael tacsi o’r orsaf i’r carchar.
I gynllunio eich taith ar drafnidiaeth gyhoeddus defnyddiwch:
Mae llefydd parcio ar gael yn y carchar gan gynnwys llefydd parcio ar gyfer deiliaid Bathodyn Glas.
Mynd i mewn i Garchar Stocken
Rhaid i bob ymwelydd, sy’n 16 oed neu’n hŷn, brofi pwy ydyw cyn mynd i’r carchar. Darllenwch y rhestr o fathau derbyniol o ID wrth ymweld â charchar.
Bydd angen i bob ymwelydd gael chwiliad drwy deimlo, gan gynnwys plant. Byddwch chi’n cerdded drwy synhwyrydd metel, neu’n cael eich sganio gan un. Efallai y cewch eich arogli gan gŵn diogelwch hefyd. Efallai y cewch eich archwilio eto ar ôl defnyddio’r toiledau.
Mae gan CEF Stocken bolisi cod gwisg i sicrhau bod amgylchedd ymweld sy’n addas i deuluoedd bob amser.
Felly, mae gwisgo’r dillad canlynol yn cael ei ystyried yn amhriodol:
- Topiau byr/wedi’u torri sy’n datgelu cnawd noeth
- Topiau neu grysau wedi’u torri’n isel sy’n dangos bronbant neu frest noeth
- Festiau (fel un dilledyn)
- Sgertiau bach sy’n fyrrach na hyd y pen-glin ac sy’n dangos y cluniau
- Trowsus byr sy’n fyrrach na hyd y pen-glin ac sy’n dangos y cluniau
- Pob math o ddillad y gellir gweld trwyddynt
- Penwisg (ac eithrio at ddibenion crefyddol)
- Dillad sy’n dramgwyddus o ran natur neu sy’n arddangos deunydd sarhaus, gwahaniaethol neu amhriodol
- Dillad wedi’u rhwygo neu wedi’u difrodi’n amhriodol
- Clogynnau, sgarffiau neu eitemau eraill a allai atal staff rhag arsylwi ymwelwyr a charcharorion yn ddigonol, mae hyn yn cynnwys hwdis/dillad gyda hwd
- Esgidiau â blaenau dur neu esgidiau seiclo/esgidiau beic modur
- Sbectolau heb fod yn bresgripsiwn h.y. sbectol haul
- Dim oriawr glyfar na thechnoleg y gellir ei gwisgo
Mae’n debygol iawn y bydd mynediad yn cael ei wrthod os bydd unrhyw un o’r eitemau uchod yn cael eu gwisgo.
Mae gan CEF Stocken bolisi dim cotiau ar gyfer ardal y neuadd ymweliadau, ac mae’n rhaid i ymwelwyr ddefnyddio bachau cotiau cyfyngedig ar eich risg eich hun yn yr ardal chwilio ymwelwyr wrth fynd i mewn i’r carchar.
Ni fydd y carchar yn derbyn cyfrifoldeb am unrhyw eitemau sy’n cael eu gadael yn yr ardal hon. Dim ond ar ôl i’r ymweliad ddod i ben y gellir casglu cotiau.
Mae lluniaeth ar gael yn ystod eich ymweliadau, gan gynnwys bwyd poeth ac oer a diodydd. Fodd bynnag, dylech chi nodi mai dim ond £50 a ganiateir fesul grŵp, argymhellir cymysgedd o ddarnau arian ac arian papur.
Oherwydd y cyfyngiadau ar eitemau sy’n gallu dod i mewn i’r carchar, bydd yn rhaid i chi adael yr holl bethau sydd gennych chi gyda chi mewn car/loceri (bydd angen blaendal o £5 arnoch chi ar gyfer y loceri).
Bydd swyddog yn dweud wrthych beth yw’r rheolau ar ddechrau eich ymweliad. Os byddwch yn torri’r rheolau, gallai eich ymweliad gael ei ganslo a gallech gael eich gwahardd rhag ymweld eto.
Cyfleusterau ymweld
Mae gan yr ystafell ymweld a’r ganolfan ymwelwyr gyfleusterau a mynediad i bobl anabl.
Cadw mewn cysylltiad â rhywun yn Stocken
Mae sawl ffordd y gallwch gadw mewn cysylltiad â rhywun yn ystod eu hamser y Stocken.
Galwadau fideo diogel
I gael galwad fideo ddiogel gyda rhywun yn y carchar hwn, mae angen i chi wneud y canlynol:
- Lawrlwytho ap Fideo’r Carchar
- Creu cyfrif
- Cofrestru pob ymwelydd
- Ychwanegu’r carcharor at eich rhestr cysylltiadau.
Sut i drefnu galwad fideo ddiogel
Dim ond carcharorion all wneud cais am alwadau fideo diogel yn y carchar hwn.
Byddwch yn cael hysbysiad os bydd carcharor wedi gofyn am alwad fideo gyda chi.
Rhagor o wybodaeth am sut mae’n gweithio
Galwadau ffôn
Nid yw’r ffonau y gall carcharorion eu defnyddio yn derbyn galwadau sy’n dod i mewn, felly bydd yn rhaid iddyn nhw eich ffonio chi bob amser. Rhaid iddynt brynu credydau ffôn i wneud hyn.
Gallant ffonio unrhyw un a enwir ar eu rhestr o ffrindiau a theulu. Caiff y rhestr hon ei gwirio gan y staff diogelwch pan fyddant yn cyrraedd am y tro cyntaf, felly gall gymryd ychydig ddyddiau cyn y gallant ffonio.
Mae gan bob carcharor mewn lleoliad arferol ffonau yn eu celloedd y gallan nhw eu defnyddio ar unrhyw adeg.
Gallwch hefyd gyfnewid negeseuon llais gan ddefnyddio gwasanaeth negeseuon llais y carchar.
Gall swyddogion wrando ar alwadau ffôn fel ffordd o atal troseddu a helpu i gadw pobl yn ddiogel.
E-bost
Gallwch anfon negeseuon e-bost at rywun yn Stocken drwy ddefnyddio’r gwasanaeth E-bostio Carcharor.
Efallai y byddwch hefyd yn gallu atodi lluniau a derbyn ymatebion gan y carcharor, yn dibynnu ar y rheolau yn Stocken.
Llythyrau
Gallwch ysgrifennu ar unrhyw adeg.
Dylech gynnwys enw a rhif y carcharor neu ddyddiad geni ar yr amlen. Ychwanegwch eich enw a’ch cyfeiriad eich hun ar gefn yr amlen.
Bydd pob llythyr yn y post, ar wahân i lythyrau cyfreithiol, yn cael eu gwirio gan swyddogion a’u sgrinio am gyffuriau.
Anfon arian a rhoddion
Gallwch ddefnyddio’r gwasanaeth ar-lein cyflym ac am ddim i anfon arian at rywun yn y carchar.
Ni allwch bellach anfon arian drwy drosglwyddiad banc, siec, archeb bost nac anfon arian parod drwy’r post.
Os na allwch ddefnyddio’r gwasanaeth ar-lein, efallai y gallwch wneud cais am eithriad - er enghraifft:
- os nad ydych yn gallu defnyddio cyfrifiadur, ffôn clyfar na’r rhyngrwyd
- os nad oes gennych chi gerdyn debyd
Bydd hyn yn caniatáu i chi anfon arian drwy’r post.
Rhoddion a pharseli
Caniateir i ffrindiau a theuluoedd carcharorion anfon llyfrau’n uniongyrchol at eu hanwyliaid, neu gallant archebu llyfrau gan fanwerthwyr cymeradwy, sy’n gallu dod o hyd i’r llyfrau a’u hanfon ymlaen at garcharorion. I weld y rhestr lawn o fanwerthwyr cymeradwy, gallwch ddarllen Polisi Cymhellion Gwasanaeth Carchardai a Phrawf EF, Atodiad F.
Cofiwch gynnwys enw a rhif y carcharor ar y parsel. Byddan nhw’n cael eu hagor a’u gwirio gan swyddogion.
Nid yw’n bosibl anfon unrhyw eitemau neu eiddo arall. Gallwch anfon arian at garcharorion yn lle hynny y gallant ei ddefnyddio i brynu eitemau drwy system gatalog.
Bywyd yn Stocken
Mae Stocken wedi ymrwymo i ddarparu amgylchedd diogel ac addysgol lle gall carcharorion ddysgu sgiliau newydd i’w helpu ar ôl cael eu rhyddhau. Mae’n darparu gweithgareddau pwrpasol i bob carcharor, gan gynnwys rhaglenni, addysg a chyflogaeth.
Mae cyngor cymuned rhagweithiol a thîm cydraddoldeb ymroddedig sy’n cynnig cymorth i garcharorion.
Diogelwch a diogelu
Mae gan bob carcharor yn Stocken hawl i deimlo’n ddiogel. Mae’r staff yn gyfrifol am eu diogelwch a’u lles bob amser.
I gael rhagor o wybodaeth am beth i’w wneud pan fyddwch chi’n poeni neu’n pryderu am rywun yn y carchar, ewch i wefan llinell gymorth Teuluoedd Carcharorion.
Mae rhwydweithiau cymorth ar gael i garcharorion, gan gynnwys cynllun gwrandawyr a rhwydwaith adfer.
Cyrraedd a’r noson gyntaf
Pan fydd rhywun yn cyrraedd Stocken am y tro cyntaf, bydd yn gallu cysylltu ag aelod o’r teulu dros y ffôn. Gallai hyn fod yn eithaf hwyr gyda’r nos, yn dibynnu ar yr amser maen nhw’n cyrraedd.
Byddan nhw’n cael siarad â rhywun a fydd yn gweld sut maen nhw’n teimlo ac yn gofyn am unrhyw anghenion iechyd a llesiant sydd ganddyn nhw bryd hynny.
Mae ganddyn nhw hefyd siop fach yn y dderbynfa, lle gallan nhw brynu eitemau hanfodol cyn y diwrnod archebu cyntaf yn y ffreutur.
Cynefino
Bydd pawb sy’n cyrraedd Stocken yn cael sesiwn gynefino sy’n para tua wythnos. Byddant yn cwrdd â gweithwyr proffesiynol a fydd yn eu helpu gyda’r canlynol:
- iechyd a lles, gan gynnwys iechyd meddwl a rhywiol
- unrhyw broblemau camddefnyddio sylweddau, gan gynnwys cyffuriau ac alcohol
- datblygiad personol yn y ddalfa ac ar ôl rhyddhau, gan gynnwys sgiliau, addysg a hyfforddiant
- mathau eraill o gymorth (a elwir weithiau’n ‘ymyriadau’), fel rheoli emosiynau anodd
Mae pawb hefyd yn cael gwybod am y rheolau, diogelwch tân, a sut mae pethau fel galwadau ac ymweliadau yn gweithio.
Llety
Mae tua 1,050 o garcharorion yn byw yn Stocken ar draws yr unedau canlynol:
- Adain F: ar gyfer carcharorion newydd sy’n mynd drwy’r broses gynefino
- Adain I: ar gyfer carcharorion sydd angen cymorth gyda defnyddio sylweddau
- Adain N: ar gyfer carcharorion ar y lefel uchaf o fraint, gyda ffonau yn y celloedd a chyfleusterau ychwanegol
- Unedau H, K, L a M: unedau safonol sy’n cynnwys rhwng 120 a 200 o garcharorion yr un
Mae gan bob uned gyfleusterau fel cawodydd a ffonau yn y celloedd.
Addysg a gwaith
Mae carcharorion yn Stocken yn gallu cymryd rhan mewn cyrsiau coleg amser llawn neu ran-amser neu gyflogaeth mewn gweithdai.
Mae cyrsiau hyfforddiant galwedigaethol ar gael sy’n cynnwys:
- ailgylchu
- arlwyo
- cynnal a chadw beiciau
- peintio
- gosod brics
- plymio
- torri gwallt
Mae campfa ar gael lle gall carcharorion hefyd gwblhau cyrsiau sy’n arwain at gymwysterau.
Mae’r gweithdai’n cynnwys:
- adwerthu a warysau gyda DHL
- pecynnu
- cydosodiad
- ailgylchu
- golchi dillad
- garddio
Mae Stocken yn cynnig cyrsiau ymddygiad troseddol achrededig ynghyd â gwasanaethau seicolegol eraill.
Ceir rhaglenni triniaeth cyffuriau, cyrsiau cyffuriau ac adain di-gyffuriau.
Sefydliadau y mae Stocken yn gweithio gyda nhw
Mae Ymddiriedolaeth Weithredu Swydd Lincoln yn helpu carcharorion a’u teuluoedd i gynnal perthnasoedd iach.
Mae ‘cynhwysiant’ yn gweithio gyda charcharorion i’w helpu i aros heb gyffuriau ac alcohol yn y ddalfa a’r tu hwnt.
Mae’r Lleng Brydeinig Frenhinol a’r barics cyfagos yn helpu i sicrhau bod cyn-filwyr yn cael cymorth yn ystod eu cyfnod yn y ddalfa.
Mae Cyngor Sir Rutland yn cefnogi gweithdy trwsio beiciau Stocken drwy ddarparu beiciau o ganolfannau ailgylchu lleol sydd wedyn yn cael eu hadnewyddu a’u rhoi yn ôl i’r gymuned.
Diwrnodau teulu
Rydym ni’n cynnig 12 diwrnod ymweld i deuluoedd bob blwyddyn, ac mae’r rhain ar gael drwy wneud cais drwy dîm teuluoedd Ymddiriedolaeth Gweithredu Swydd Lincoln.
Mae diwrnodau teulu ar gael i bawb, ond bydd blaenoriaeth yn cael ei roi i bobl sydd wedi bod yn Stocken dros 8 wythnos.
Gall hyd at 3 oedolyn ymweld gyda’r plant.
Bydd blaenoriaeth yn cael ei roi i’r rheini sydd heb gael ymweliad teuluol o’r blaen.
Cefnogaeth i deulu a ffrindiau
Cael gwybod am gyngor a llinellau cymorth ar gyfer teulu a ffrindiau.
I gysylltu â’r Arweinydd Teuluoedd a Phobl Eraill o Bwys , anfonwch e-bost at latfamilies.hmpstocken@justice.gov.uk
Cefnogaeth yn Stocken
Mae Ymddiriedolaeth Gweithredu Swydd Lincoln (LAT) yn darparu gwasanaeth plant a theuluoedd yn y neuadd ymweliadau a’r ganolfan ymwelwyr. Bydd LAT yn gweld pob ymwelydd newydd ar gyfer sesiwn gynefino i asesu eich anghenion.
Maen nhw’n darparu cefnogaeth i deuluoedd, a gweithgareddau a gemau i blant.
Pryderon, problemau a chwynion
Mewn argyfwng
Ffoniwch 01780 795 100 os ydych chi’n meddwl bod carcharor mewn perygl uniongyrchol o niwed. Gofynnwch am y Swyddog Trefniadol ac eglurwch fod eich pryder yn argyfwng.
| Categori cyswllt | Rhif ffôn | Gwybodaeth ychwanegol |
|---|---|---|
| Dim brys | 01780 795213 | Ffoniwch y rhif hwn os oes gennych chi bryderon difrifol am ddiogelwch neu lesiant carcharor ond nad yw’r pryderon yn peryglu bywyd, neu lenwi ffurflen gyswllt dalfa fwy diogel ar y wefan Llinell Gymorth Teuluoedd Carcharorion. |
| Llinell Gymorth Gonestrwydd Staff | 0800 917 6877 (peiriant ateb 24 awr) |
Gallwch ffonio’r rhif hwn yn ddienw. Os ydych chi’n poeni bod carcharor yn cael ei fwlio gan aelod o staff, gallwch ddefnyddio’r rhif hwn. Gan fod y llinell hon yn cael ei rheoli ar wahân i’r carchar, gallwch ffonio’r rhif hwn yn ddienw. |
| Llinell Gymorth Teuluoedd Carcharorion | 0808 808 2003 | Gall y Llinell Gymorth i Deuluoedd Carcharorion ddarparu cymorth, cyngor ac arweiniad cyfrinachol. |
| Cyswllt Digroeso gan Garcharor | 0300 060 6699 | Os yw carcharor yn cysylltu â chi a’ch bod am iddo roi’r gorau i wneud hyn, gallwch ddefnyddio’r Gwasanaeth Cyswllt Digroeso gan Garcharor. Gallwch lenwi’r ffurflen ar-lein ar gyfer atal cyswllt gan garcharor, anfon e-bost at unwantedprisonercontact@justice.gov.uk neu gysylltu dros y ffôn. |
Problemau a chwynion
Os oes gennych chi broblem arall cysylltwch â Stocken.
Adroddiadau arolygu
Mae Gwasanaeth Carchardai a Phrawf EF yn cyhoeddi cynlluniau gweithredu ar gyfer Stocken mewn ymateb i arolygiadau annibynnol.
Cysylltu â Charchar Stocken
Llywodraethwr: Russ Truman
Ffôn: 01780 795 100
Dydd Llun i ddydd Gwener, 7am i 8pm
Dydd Sadwrn a dydd Sul, 7am i 5pm
Ffacs: 01780 410 767
Gwybodaeth am gost galwadau
Cyfeiriad
HMP Stocken
Stocken Hall Road
Stretton
Nr Oakham
Rutland
LE15 7RD
Helpwch ni i wella’r dudalen hon. Rhowch eich adborth i ni yn yr arolwg 2 funud hwn.
Updates to this page
Diweddarwyd ddiwethaf ar 10 January 2023 + show all updates
-
Updated safer custody information
-
Updated visiting guidance based on 1 April COVID rule changes
-
Added link to new safer custody information under Security and safeguarding.
-
Updated visiting information: Reduced visit schedule and testing for visitors aged 12 and over.
-
Updated visiting information: Testing for visitors aged 12 and over.
-
Updated physical contact guidance
-
New visiting times and booking information added.
-
Prison moved into National Stage 3 framework and is now preparing to open visits for family, friends and significant others. We will update this page with specific visiting information as soon as possible.
-
Updated friends and family visiting information in line with national lockdown.
-
Updated visiting information in line with new local restriction tiers.
-
Updated visiting information in line with new local restriction tiers.
-
Updated visiting information in line with new national restrictions in England.
-
Updated: HMP Stocken visiting times and visiting procedure changes in line with coronavirus restrictions.
-
Updated information to include confirmation of secure video calls being available at this prison.
-
Added survey link
-
Covid19 update
-
First published.