Pensiwn y Wladwriaeth os ydych yn ymddeol dramor
Rhoi gwybod am newid yn eich amgylchiadau
Dylech roi gwybod am newidiadau (fel newid cyfeiriad neu fanylion banc) i’r Ganolfan Bensiwn Ryngwladol dros y ffôn neu’n ysgrifenedig - peidiwch ag anfon newidiadau drwy e-bost.
Os gofynnir i chi lenwi ‘tystysgrif bywyd’
Efallai y cewch ffurflen ‘tystysgrif bywyd’ gan yr Adran Gwaith a Phensiynau i wirio eich bod yn dal yn gymwys i gael Pensiwn y Wladwriaeth.
Mae angen i chi gael y ffurflen wedi’i llofnodi gan dyst. Gwiriwch pwy all llofnodi fel tyst a dilyn y cyfarwyddiadau ar y ffurflen.
Nid oes rhaid i’ch tyst fyw yn y DU na chael pasbort o unrhyw wlad benodol.
Efallai y bydd eich taliadau yn cael eu hatal os na fyddwch yn anfon y ffurflen yn ôl.
Dychwelyd i’r Deyrnas Unedig
Cysylltwch â’r Gwasanaeth Pensiwn - byddwch angen eich dyddiad dychwelyd a’ch manylion cyswllt, dramor ac yn y DU.
Ffoniwch Cyllid a Thollau EF (CThEF) i ddweud eich bod yn dychwelyd i’r DU.