Budd-dal Plant os bydd plentyn neu riant yn marw
Os bydd un rhiant yn marw, neu’r ddau ohonynt
Mae’n bosibl y gallwch gael Budd-dal Plant os ydych yn dod yn brif ofalwr plentyn neu blant i rywun sydd wedi marw.
Rhoi gwybod am y farwolaeth
Rhowch wybod i’r Swyddfa Budd-dal Plant am y farwolaeth cyn gynted â phosibl.
Does dim rhaid i chi roi gwybod i’r Swyddfa Budd-dal Plant os ydych eisoes wedi defnyddio’r gwasanaeth Dywedwch Wrthym Unwaith.
Mae’n rhaid i chi gynnwys union ddyddiad y farwolaeth, ble mae’r plentyn yn byw nawr a phwy sy’n gofalu amdano.
Gallwch wneud hyn naill ai:
-
drwy lenwi ffurflen ar-lein - bydd angen i chi fewngofnodi neu greu manylion mewngofnodi
Unwaith y byddwch yn rhoi gwybod am y farwolaeth, bydd y Swyddfa Budd-dal Plant yn:
-
canslo taliadau
-
ysgrifennu i gadarnhau hyn cyn pen 20 diwrnod
Gwneud hawliad
Ni fydd Budd-dal Plant yn cael ei drosglwyddo’n awtomatig i chi. Bydd angen i chi wneud hawliad newydd ar gyfer Budd-dal Plant os nad chi yw’r person sydd wedi’i enwi fel yr hawliwr ar y ffurflen hawlio wreiddiol.
Unwaith y rhoddir gwybod am y farwolaeth, bydd Budd-dal Plant yn stopio o’r dydd Llun canlynol. Dim ond hyd at 3 mis y gellir ôl-ddyddio Budd-dal Plant.
Cyfrifon banc
Gallwch gadarnhau’r cyfrif banc rydych am i’r arian gael ei dalu iddo ar y ffurflen hawlio.
Os mai chi yw’r person sy’n cael Budd-dal Plant ond cafodd yr arian ei dalu i gyfrif yr ymadawedig, dylech ddewis cyfrif gwahanol.
Cymorth ychwanegol
Mae’n bosibl y byddwch yn gymwys i gael naill ai’r Lwfans Gwarcheidwad neu’r Lwfans Rhiant Gweddw ar ben y Budd-dal Plant.
Mae’n bosibl y bydd yn rhaid i chi neu’ch partner dalu’r tâl treth Budd-dal Plant Incwm Uchel ar unrhyw Fudd-dal Plant y byddwch yn ei gael.