Pwy sy’n gorfod anfon Ffurflen Dreth

Mae’n rhaid i chi anfon Ffurflen Dreth os, yn ystod y flwyddyn dreth ddiwethaf (6 Ebrill i 5 Ebrill), roedd unrhyw un o’r canlynol yn berthnasol: roeddech yn hunangyflogedig fel ‘unig fasnachwr’ ac wedi ennill mwy na £1,000 (cyn didynnu unrhyw beth y gallwch hawlio rhyddhad treth arno) roeddech yn bartner mewn partneriaeth fusnes roedd cyfanswm eich incwm trethadwy yn fwy na £150,000 roedd yn rhaid i chi dalu Treth Enillion Cyfalaf pan wnaethoch werthu, neu ‘gael gwared ar’, rhywbeth a wnaeth gynyddu mewn gwerth roedd yn rhaid i chi dalu’r Tâl Treth Budd-dal Plant Incwm Uchel Efallai y bydd hefyd angen i chi anfon Ffurflen Dreth os oes gennych unrhyw incwm sydd heb ei drethu, megis: arian o roi eiddo ar osod cildyrnau a chomisiwn incwm o gynilion, buddsoddiadau a difidendau incwm tramor Gwirio a oes angen i chi anfon Ffurflen Dreth Gallwch wirio a oes angen i chi anfon Ffurflen Dreth os nad ydych yn siŵr. Mae’n rhaid i chi roi gwybod i CThEF erbyn 5 Hydref os oes angen i chi lenwi Ffurflen Dreth ac nid ydych wedi anfon un o’r blaen. Gallwch roi gwybod i CThEF drwy gofrestru ar gyfer Hunanasesiad. Rhesymau eraill dros anfon Ffurflen Dreth Gallwch ddewis llenwi Ffurflen Dreth er mwyn: hawlio rhai rhyddhadau Treth Incwm profi eich bod yn hunangyflogedig, er enghraifft i hawlio Gofal Plant sy’n Rhydd o Dreth neu Lwfans Mamolaeth talu cyfraniadau Yswiriant Gwladol gwirfoddol

Cofrestru ac anfon Ffurflen Dreth

Mae’n rhaid i chi gofrestru ar gyfer Hunanasesiad os oes angen i chi anfon Ffurflen Dreth ac nid ydych wedi anfon un o’r blaen. Gwiriwch sut i gofrestru ar gyfer Hunanasesiad . Os yw’r broses Hunanasesu yn newydd i chi, bydd angen i chi gadw cofnodion (yn agor tudalen Saesneg) (er enghraifft cyfriflenni banc neu dderbynebau) er mwyn i chi allu llenwi’ch Ffurflen Dreth yn gywir. Gallwch gael help i lenwi’ch Ffurflen Dreth . Unwaith y byddwch wedi cofrestru, bydd yn rhaid i chi anfon eich Ffurflen Dreth Hunanasesiad i CThEF erbyn y dyddiad cau. Anfon Ffurflen Dreth i CThEF Gallwch gyflwyno’ch Ffurflen Dreth Hunanasesiad ar-lein . Y dyddiad cau ar gyfer anfon Ffurflen Dreth Hunanasesiad ar-lein yw 31 Ionawr. Anfon Ffurflen Dreth bapur Os oes angen copi papur o’r brif Ffurflen Dreth Hunanasesiad arnoch, gallwch wneud y canlynol: lawrlwytho Ffurflen Dreth SA100 ffonio CThEF a gofyn am Ffurflen Dreth SA100 Os oes angen i chi anfon Ffurflen Dreth ar gyfer ymddiriedolwyr cynllun pensiwn cofrestredig, bydd yn rhaid i chi lawrlwytho ffurflen SA970 (yn agor tudalen Saesneg) . Gallwch lawrlwytho pob ffurflen a thudalen atodol arall . Y dyddiad cau ar gyfer anfon Ffurflen Dreth bapur yw 31 Hydref (neu 31 Ionawr os ydych yn ymddiriedolwr cynllun pensiwn cofrestredig neu’n gwmni dibreswyl). Ar ôl anfon eich Ffurflen Dreth bapur, gallwch wirio pryd y gallwch ddisgwyl ateb gan CThEF . Defnyddio meddalwedd fasnachol i anfon Ffurflen Dreth Gallwch ddefnyddio meddalwedd fasnachol: ar gyfer partneriaeth ar gyfer ymddiriedolaeth ac ystâd os ydych yn cael incwm o ymddiriedolaeth os oeddech yn byw dramor (yn agor tudalen Saesneg) fel unigolyn dibreswyl os ydych yn un o danysgrifenwyr Lloyd’s os ydych yn weinidog crefyddol i roi gwybod am elw a wnaed wrth werthu neu gael gwared ar fwy nag un ased (‘enillion trethadwy’) Dod o hyd i ddarparwr meddalwedd fasnachol (yn agor tudalen Saesneg) .

Os nad oes angen i chi anfon Ffurflen Dreth mwyach

Mae’n rhaid i chi roi gwybod i CThEF os ydych o’r farn nad oes angen i chi anfon Ffurflen Dreth mwyach. Os yw CThEF yn cytuno, bydd yn anfon llythyr atoch i gadarnhau nad oes angen i chi gyflwyno Ffurflen Dreth. Mae’n bosibl y bydd yn rhaid i chi dalu cosb os na fydd CThEF yn cytuno cyn y dyddiad cau ar gyfer Hunanasesiad , sef 31 Ionawr. Mae’n bosibl na fydd angen i chi anfon Ffurflen Dreth mwyach oherwydd, er enghraifft: nid ydych yn rhoi eiddo ar osod mwyach nid ydych yn talu’r Tâl Treth Budd-dal Plant Incwm Uchel mwyach mae eich incwm yn is na’r trothwy o £150,000 Gallwch wirio a oes angen i chi anfon Ffurflen Dreth os nad ydych yn siŵr. Os nad ydych yn hunangyflogedig mwyach Mae’n rhaid i chi roi gwybod i CThEF eich bod wedi rhoi’r gorau i fod yn hunangyflogedig . Os ydych eisoes wedi rhoi gwybod i CThEF fod eich hunangyflogaeth wedi dod i ben, mae’n bosibl y bydd CThEF yn dal i ofyn i chi anfon Ffurflenni Treth ar gyfer y blynyddoedd i ddod. Os ydych wedi gwirio ac nad oes angen i chi anfon Ffurflen Dreth, bydd angen i chi roi gwybod i CThEF . Rhoi gwybod i CThEF nad oes angen i chi anfon Ffurflen Dreth mwyach Gallwch roi gwybod i CThEF nad oes angen i chi anfon Ffurflen Dreth mwyach drwy un o’r dulliau canlynol: drwy lenwi ffurflen ar-lein - bydd angen i chi fewngofnodi er mwyn cyflwyno’r ffurflen ar-lein gan ddefnyddio cynorthwyydd digidol CThEF dros y ffôn neu drwy’r post Bydd angen i chi ddarparu eich rhif Yswiriant Gwladol a’ch rhif UTR .

Mae’n rhaid i’ch Ffurflen Dreth ac unrhyw arian sydd arnoch ddod i law Cyllid a Thollau EF ( CThEF ) erbyn y dyddiad cau. Dechreuodd y flwyddyn dreth ddiwethaf ar 6 Ebrill 2023 a daeth i ben ar 5 Ebrill 2024. Dyddiad cau ar gyfer rhoi gwybod i CThEF bod angen i chi lenwi Ffurflen Dreth Mae’n rhaid i chi roi gwybod i CThEF erbyn 5 Hydref os oes angen i chi lenwi Ffurflen Dreth ac nad ydych wedi anfon un o’r blaen. Gallwch roi gwybod i CThEF drwy gofrestru ar gyfer Hunanasesiad . Dyddiad cau ar gyfer cyflwyno Ffurflen Dreth bapur Os ydych yn llenwi Ffurflen Dreth bapur , mae’n rhaid i chi ei chyflwyno erbyn hanner nos 31 Hydref 2024. Dyddiad cau ar gyfer cyflwyno Ffurflen Dreth ar-lein Os ydych yn llenwi Ffurflen Dreth ar-lein , mae’n rhaid i chi ei chyflwyno erbyn hanner nos 31 Ionawr 2025. Dyddiadau cau ar gyfer talu treth sydd arnoch Mae’n rhaid i chi dalu’r dreth sydd arnoch erbyn canol nos ar 31 Ionawr 2025. Fel arfer, mae ail ddyddiad cau ar gyfer talu, sef 31 Gorffennaf, os ydych yn gwneud taliadau ymlaen llaw tuag at eich bil (gelwir y rhain yn ‘ daliadau ar gyfrif ’). Fel arfer, byddwch yn talu cosb os ydych yn hwyr. Gallwch apelio yn erbyn cosb os oes gennych esgus rhesymol . Os nad ydych yn gwybod eich elw ar gyfer y flwyddyn dreth gyfan Mae’n bosibl na fyddwch yn gwybod beth fydd eich elw ar gyfer y flwyddyn dreth gyfan, er enghraifft: os yw’ch ‘cyfnod cyfrifyddu’ yn dod i ben ar amser gwahanol i ddiwedd y flwyddyn dreth os yw’ch ‘cyfnod cyfrifyddu’ yn wahanol i’ch ‘cyfnod sail’ os ydych chi’n aros am brisiad ‘Cyfnod cyfrifyddu’ yw’r cyfnod y mae cyfrifon busnes yn cael eu cau (12 mis fel arfer) ac yn dod â’r flwyddyn busnes i ben. Gall hyn fod yn wahanol i’r cyfnod a ddefnyddir i nodi’r elw trethadwy mewn unrhyw flwyddyn dreth benodol (a elwir hefyd yn ‘gyfnod sail’). Os nad ydych yn gwybod beth fydd eich elw ar gyfer y flwyddyn dreth gyfan cyn y dyddiad cau, dylech ddefnyddio amcangyfrifon (a elwir hefyd yn ‘ffigurau dros dro’). Dylech roi gwybod i CThEF eich bod wedi defnyddio amcangyfrifon pan fyddwch yn cyflwyno’ch Ffurflen Dreth. Pan fyddwch yn darganfod beth oedd eich elw ar gyfer y flwyddyn dreth gyfan, bydd angen i chi newid eich Ffurflen Dreth . Mae gennych 12 mis o’r dyddiad cau ar gyfer Hunanasesiad i wneud y newidiadau hyn. Os oes rhagor o dreth yn ddyledus, bydd angen i chi dalu log ar y gwahaniaeth rhwng eich amcangyfrifon a’r ffigurau terfynol. Bydd y llog yn cael ei gyfrifo o’r dyddiad dyledus gwreiddiol ar gyfer talu. Os ydych wedi talu gormod o dreth, bydd llog yn cael ei dalu i chi. Pan fo’r dyddiad cau’n wahanol Cyflwynwch eich Ffurflen Dreth ar-lein erbyn 30 Rhagfyr os ydych eisiau i CThEF gasglu’r dreth sydd arnoch yn awtomatig o’ch cyflog a’ch pensiwn. Ewch ati i gael gwybod a ydych yn gymwys i dalu drwy’r dull hwn . Mae’n rhaid i Ffurflen Dreth bapur gyrraedd CThEF erbyn 31 Ionawr os ydych yn ymddiriedolwr cynllun pensiwn cofrestredig neu’n gwmni dibreswyl. Ni allwch anfon Ffurflen Dreth ar-lein. Mae’n bosibl y bydd CThEF hefyd yn eich e-bostio neu’n ysgrifennu atoch gan roi dyddiad cau gwahanol i chi. Ffurflenni Treth Partneriaeth os oes gennych gwmni fel partner Os yw dyddiad cyfrifyddu’ch cwmni’n syrthio rhwng 1 Chwefror a 5 Ebrill a bod un o’ch partneriaid yn gwmni cyfyngedig, mae’r dyddiadau cau ar gyfer y canlynol fel a ganlyn: Ffurflenni Treth ar-lein – 12 mis ar ôl y dyddiad cyfrifyddu Ffurflenni Treth papur – 9 mis ar ôl y dyddiad cyfrifyddu Blwyddyn dreth 2022 i 2023 a chynharach Mae’r dyddiad cau ar gyfer Hunanasesiad ar gyfer y blynyddoedd treth hyn wedi mynd heibio. Dylech anfon eich Ffurflen Dreth neu’ch taliad cyn gynted â phosibl – bydd yn rhaid i chi dalu cosb .

Codir cosb arnoch os oes angen i chi anfon Ffurflen Dreth a’ch bod yn colli’r dyddiad cau ar gyfer ei chyflwyno, neu ar gyfer talu’ch bil. Byddwch yn talu cosb o £100 am gyflwyno’n hwyr os yw’ch Ffurflen Dreth hyd at 3 mis yn hwyr. Bydd yn rhaid i chi dalu mwy os yw’n hwyrach, neu os ydych yn talu’ch bil treth yn hwyr. Codir llog arnoch ar daliadau hwyr. Amcangyfrifwch eich cosb (yn agor tudalen Saesneg) am Ffurflenni Treth Hunanasesiad sy’n fwy na 3 mis yn hwyr, a thaliadau hwyr. Gallwch apelio yn erbyn cosb os oes gennych esgus rhesymol . Cael gwybod sut i dalu cosb . Gellir codi cosb ar bob partner os yw Ffurflen Dreth Partneriaeth yn hwyr.

Os oes angen i chi newid eich Ffurflen Dreth

Gallwch wneud newid i Ffurflen Dreth ar ôl i chi ei chyflwyno, er enghraifft, am eich bod wedi gwneud camgymeriad. Caiff eich bil ei ddiweddaru yn seiliedig ar yr hyn yr ydych yn rhoi gwybod amdano. Mae’n bosibl y bydd yn rhaid i chi dalu mwy o dreth, neu mae’n bosibl y byddwch yn gallu hawlio ad-daliad . Diweddaru’ch Ffurflen Dreth Gallwch gywiro Ffurflen Dreth cyn pen 12 mis i’r dyddiad cau ar gyfer Hunanasesiad , a hynny ar-lein neu drwy anfon ffurflen bapur arall. Enghraifft Ar gyfer blwyddyn dreth 2022 i 2023, fel arfer bydd angen i chi newid eich Ffurflen Dreth erbyn 31 Ionawr 2025. Os byddwch yn methu’r dyddiad cau, neu os bydd angen i chi wneud newid i Ffurflen Dreth ar gyfer blwyddyn dreth gynharach, bydd angen i chi ysgrifennu at CThEF . Ffurflenni Treth ar-lein Mae’n rhaid i chi aros 3 diwrnod (72 awr) ar ôl cyflwyno’ch Ffurflen Dreth cyn ei diweddaru. Mewngofnodwch i’ch cyfrif . O ‘Eich cyfrif treth’, dewiswch ‘Cyfrif Hunanasesiad’. Dewiswch ‘Rhagor o fanylion Hunanasesiad’. Dewiswch ‘Ar gip’ o’r ddewislen ar y chwith. Dewiswch ‘Opsiynau Ffurflen Dreth’. Dewiswch y flwyddyn dreth ar gyfer y Ffurflen Dreth rydych am ei diwygio. Ewch i mewn i’r Ffurflen Dreth, ei chywiro a’i hailgyflwyno. Ffurflenni Treth papur Ar gyfer y brif Ffurflen Dreth Hunanasesiad, gallwch wneud y canlynol: lawrlwytho Ffurflen Dreth SA100 ffonio CThEF a gofyn am Ffurflen Dreth SA100 Gallwch lawrlwytho pob ffurflen a thudalen atodol arall . Yna, bydd angen i chi anfon y tudalennau wedi’u cywiro i’r cyfeiriad ar eich gwaith papur Hunanasesiad. Dylech ysgrifennu ‘diwygiad’ ar bob tudalen, a chynnwys eich enw a Chyfeirnod Unigryw y Trethdalwr ( UTR ) – mae hwn i’w weld ar Ffurflenni Treth blaenorol neu lythyrau gan CThEF . Os na allwch ddod o hyd i’r cyfeiriad, gallwch anfon eich tudalennau wedi’u cywiro i: Hunanasesiad Gwasanaeth Cwsmeriaid Cymraeg CThEF HMRC BX9 1ST Os gwnaethoch ddefnyddio meddalwedd fasnachol Cysylltwch â’r darparwr meddalwedd (yn agor tudalen Saesneg) i gael help i gywiro’ch Ffurflen Dreth. Cysylltwch â CThEF os nad yw’ch meddalwedd yn gallu gwneud cywiriadau. Newidiadau i’ch bil Byddwch yn gweld eich bil diwygiedig yn syth os gwnaethoch ddiweddaru’ch Ffurflen Dreth ar-lein. Cyn pen 3 diwrnod, bydd eich datganiad hefyd yn dangos y canlynol: yr hyn sy’n wahanol i’r hen un, fel y gallwch weld a oes arnoch fwy neu lai o dreth unrhyw log Er mwyn bwrw golwg dros hyn, mewngofnodwch i’ch cyfrif a dewiswch ‘Bwrw golwg dros ddatganiadau’ oʼr ddewislen ar y chwith. Os oes treth yn ddyledus i chi Mae’n bosibl y byddwch yn gallu hawlio ad-daliad treth . Os oes angen i chi dalu mwy o dreth Bydd eich bil sydd wedi’i ddiweddaru’n dangos y canlynol hefyd: y dyddiad cau ar gyfer talu yr effaith y mae’r diweddariad hwn wedi’i gael ar unrhyw daliadau ar gyfrif y mae’n rhaid i chi eu gwneud Os gwnaethoch anfon Ffurflen Dreth bapur wedi’i diweddaru Bydd CThEF yn anfon bil wedi’i ddiweddaru atoch. Gallwch wirio pryd y gallwch ddisgwyl ateb gan CThEF . Bydd CThEF yn talu unrhyw ad-daliad yn uniongyrchol i’ch cyfrif banc, cyn belled â’ch bod wedi rhoi’ch manylion banc ar eich Ffurflen Dreth. Os ydych wedi methu’r dyddiad cau ar gyfer newid eich Ffurflen Dreth Mae’n rhaid i chi ysgrifennu at CThEF os oes angen i chi wneud newidiadau i’ch Ffurflen Dreth dros 12 mis ar ôl y dyddiad cau ar gyfer Hunanasesiad. Mae hyn yn cynnwys gwneud newid i flwyddyn dreth gynharach. Bydd angen i chi hefyd ysgrifennu llythyr at CThEF i wneud y canlynol: rhoi gwybod am incwm na wnaethoch ei gynnwys yn eich Ffurflen Dreth hawlio rhyddhad gordaliad (os ydych o’r farn eich bod wedi gordalu treth) Gallwch hawlio rhyddhad gordaliad hyd at 4 blynedd ar ôl diwedd y flwyddyn dreth y mae’n berthnasol iddi. Yr hyn i’w gynnwys Mae’n rhaid i chi gynnwys: y flwyddyn dreth yr ydych yn ei chywiro pam yr ydych o’r farn eich bod wedi talu gormod o dreth, neu heb dalu digon faint yr ydych yn credu eich bod wedi’i ordalu neu ei dandalu eich llofnod (ni all neb arall lofnodi ar eich rhan) Os ydych yn gwneud hawliad am ryddhad gordaliad, mae’n rhaid i chi gynnwys y canlynol yn eich llythyr hefyd: y ffaith eich bod yn gwneud hawliad am ryddhad gordaliad a ydych wedi gwneud apêl ar gyfer yr un taliad o’r blaen datganiad wedi’i lofnodi sy’n nodi bod y manylion yr ydych wedi’u rhoi ‘yn gywir ac yn gyflawn hyd eithaf eich gwybodaeth a’ch cred’ Hefyd, mae angen i chi gadw tystiolaeth eich bod wedi talu treth drwy Hunanasesiad ar gyfer y cyfnod perthnasol, gan y gallai CThEF ofyn am hon yn nes ymlaen. Os na fyddwch yn cynnwys yr holl wybodaeth hon, bydd eich hawliad yn cael ei wrthod. Yn eich llythyr, gallwch hefyd roi gwybod i CThEF sut yr hoffech gael eich ad-dalu.

Hawlio ad-daliad treth

Mae’n bosibl y byddwch yn gallu cael ad-daliad treth os ydych wedi talu gormod o dreth. Gallwch wirio sut i hawlio ad-daliad treth yn lle . Mae’n bosibl na chewch ad-daliad os oes gennych dreth sy’n ddyledus yn ystod y 45 diwrnod nesaf (er enghraifft ar gyfer taliad ar gyfrif ). Yn hytrach, caiff yr arian ei ddidynnu oddi wrth y dreth sydd arnoch. Os ydych eisoes wedi hawlio ad-daliad treth Gallwch wirio pryd y gallwch ddisgwyl ateb gan CThEF ynghylch eich hawliad. Gall statws eich ad-daliad ddangos fel ‘wrthi’n aros’ yn eich cyfrif treth ar-lein. Mae hyn yn golygu bod yr ad-daliad wedi’i greu ond mae angen ei gymeradwyo a’i dalu o hyd.

Os oes angen help arnoch gyda Hunanasesiad, gallwch wneud y canlynol: penodi rhywun (yn agor tudalen Saesneg) i lenwi ac anfon eich Ffurflen Dreth, er enghraifft cyfrifydd, ffrind neu berthynas - gallwch ddod o hyd i gyfrifydd sydd wedi’i awdurdodi yn y DU gwylio fideos ac ymuno â gweminarau (yn agor tudalen Saesneg) gofyn i gynorthwyydd digidol CThEF cysylltu â Chyllid a Thollau EF ( CThEF ) ar gyfer ymholiadau cyffredinol ynghylch Hunanasesiad cael help technegol gyda’ch cyfrif ar-lein (yn agor tudalen Saesneg) Help i lenwi’ch Ffurflen Dreth Mae arweiniad cychwynnol ar GOV.UK ynghylch y canlynol: Treth Enillion Cyfalaf os ydych wedi gwerthu pethau penodol fel eiddo neu gyfranddaliadau treuliau os ydych yn gyflogai neu’n hunangyflogedig Budd-dal Plant os yw’ch incwm dros £60,000 treth ar incwm o roi eiddo ar osod (yn agor tudalen Saesneg) treth ar log ar gynilion treth ar incwm o dramor (yn agor tudalen Saesneg) – neu ar eich incwm o’r DU os ydych yn byw dramor (yn agor tudalen Saesneg) Nodiadau arweiniol a thaflenni cymorth Gallwch hefyd ddarllen arweiniad yn y canlynol: y nodiadau ar gyfer pob adran o’r Ffurflen Dreth, er enghraifft ‘ Nodiadau eiddo yn y DU ’ os ydych yn llenwi’r adran honno taflenni cymorth Hunanasesiad CThEF

Ffurflenni Treth ar gyfer rhywun sydd wedi marw

Os mai chi yw’r ‘cynrychiolydd personol’ (ysgutor neu weinyddwr) ar gyfer rhywun sydd wedi marw, mae’n bosibl y bydd angen i chi lenwi: Ffurflen Dreth Hunanasesiad ar gyfer incwm roedd y person wedi’i ennill cyn iddo farw Ffurflen Dreth Hunanasesiad ar wahân ar gyfer incwm yr ystâd a gynhyrchir ar ôl i’r person farw Mae cynrychiolydd personol yn gyfrifol yn gyfreithiol am ddelio ag arian, eiddo a meddiannau’r ymadawedig (ei ‘ystâd’). Os nad ydych eisoes wedi rhoi gwybod i CThEF am farwolaeth, mae’n rhaid i chi wneud hyn cyn gynted â phosibl. Defnyddiwch y gwasanaeth Dywedwch Wrthym Unwaith i roi gwybod i CThEF a sefydliadau eraill y llywodraeth am y farwolaeth. Ffurflen Dreth ar gyfer incwm roedd y person wedi’i ennill cyn iddo farw Bydd CThEF yn rhoi gwybod i chi a oes angen i chi lenwi Ffurflen Dreth Hunanasesiad ar ran yr ymadawedig. Os byddwch yn gwneud hynny, bydd yn anfon Ffurflen Dreth i’w llenwi a’i dychwelyd. Fel arfer, bydd angen manylion cyfrifon banc a chynilion yr ymadawedig arnoch – mae’r canlynol yn enghreifftiau: cyfriflenni banc paslyfrau cymdeithas adeiladu talebau difidend bondiau neu dystysgrifau Cynilion Cenedlaethol Os oedd yr ymadawedig yn gyflogedig, fel arfer bydd angen y canlynol arnoch: P45 gan ei gyflogwr - os yw’r Ffurflen Dreth ar gyfer y flwyddyn dreth y bu farw P60 gan ei gyflogwr - os yw’r Ffurflen Dreth ar gyfer blwyddyn dreth cyn y flwyddyn dreth y bu farw manylion unrhyw dreuliau a dalwyd gan y cyflogwr - er enghraifft ceir cwmni, yswiriant iechyd, treuliau teithio neu ofal plant Os oedd yr ymadawedig yn cael pensiwn, fel arfer bydd angen y canlynol arnoch: datganiad terfynol gan ei ddarparwr pensiwn - os yw’r Ffurflen Dreth ar gyfer y flwyddyn dreth y bu farw tystysgrif diwedd blwyddyn gan ei ddarparwr pensiwn - os yw’r Ffurflen Dreth ar gyfer blwyddyn dreth cyn y flwyddyn dreth y bu farw cadarnhad ynghylch unrhyw Bensiwn y Wladwriaeth Bydd hefyd angen manylion arnoch o unrhyw incwm arall a oedd gan yr ymadawedig, er enghraifft os oedd yr ymadawedig yn gosod eiddo neu’n rhedeg ei fusnes ei hun. Cysylltwch â Gwasanaeth Cwsmeriaid Cymraeg CThEF os oes angen help arnoch i lenwi Ffurflen Dreth ar gyfer rhywun sydd wedi marw, neu os na allwch ddod o hyd i’w gofnodion. Anfon y Ffurflen Dreth Anfonwch y Ffurflen Dreth Hunanasesiad wedi’i llenwi drwy’r post . Mae’n rhaid i’r Ffurflen Dreth gyrraedd CThEF erbyn y dyddiad a roddir yn y llythyr a gawsoch ynghyd â’r ffurflen. Gallwch gyflogi gweithiwr proffesiynol (fel cyfrifydd) i’ch helpu i gyflwyno Ffurflen Dreth ar ran yr ymadawedig. Ffurflenni Treth ar gyfer incwm yr ystâd a gynhyrchir ar ôl i’r person farw Os yw’r ystâd yn cynhyrchu unrhyw incwm newydd ar ôl y farwolaeth (yn agor tudalen Saesneg) , mae’n bosibl y bydd angen i chi wneud y ddau beth canlynol: cofrestru gyda CThEF anfon Ffurflen Dreth ar wahân ar ran yr ystâd Mae’n rhaid gwirio a oes angen i chi roi gwybod i CThEF am incwm yr ystâd (yn agor tudalen Saesneg) .

Ffurflenni Treth Hunanasesiad

Trosolwg

Mae Hunanasesiad yn system y mae Cyllid a Thollau EF (CThEF) yn ei defnyddio i gasglu Treth Incwm.

Fel arfer, didynnir treth yn awtomatig oddi wrth gyflogau a phensiynau. Mae’n rhaid i bobl a busnesau sydd ag incwm arall roi gwybod am yr incwm hwn mewn Ffurflen Dreth Hunanasesiad.

Os oes angen i chi anfon Ffurflen Dreth Hunanasesiad, dylech ei llenwi ar ôl diwedd y flwyddyn dreth (5 Ebrill) y mae’n berthnasol iddi.

Mae’n rhaid i chi anfon Ffurflen Dreth os bydd CThEF yn gofyn i chi wneud hynny.

Efallai y bydd yn rhaid i chi dalu llog a chosb os na fyddwch yn cyflwyno a thalu mewn pryd.

Mae’r canllaw hwn hefyd ar gael yn Saesneg.

Anfon eich Ffurflen Dreth

Gallwch gyflwyno’ch Ffurflen Dreth Hunanasesiad ar-lein.

Os oes angen ffurflen bapur arnoch, gallwch wneud y canlynol:

Dyddiadau cau

Anfonwch eich Ffurflen Dreth erbyn y dyddiad cau.

Mae’n rhaid i chi roi gwybod i CThEF erbyn 5 Hydref os oes angen i chi lenwi Ffurflen Dreth ac nid ydych wedi anfon un o’r blaen. Os na fyddwch yn gwneud hynny, gellir codi dirwy arnoch.

Gallwch roi gwybod i CThEF drwy gofrestru ar gyfer Hunanasesiad. Gwiriwch sut i gofrestru ar gyfer Hunanasesiad.

Llenwi’ch Ffurflen Dreth

Mae angen i chi gadw cofnodion (yn agor tudalen Saesneg) (er enghraifft cyfriflenni banc neu dderbynebau) fel eich bod yn gallu llenwi’ch Ffurflen Dreth yn gywir.

Gallwch gael help i lenwi’ch Ffurflen Dreth.

Talu’ch bil

Bydd CThEF yn cyfrifo’r hyn sydd arnoch yn seiliedig ar yr hyn yr ydych yn rhoi gwybod amdano.

Talwch eich bil Hunanasesiad erbyn 31 Ionawr.

Bydd faint o dreth a dalwch yn dibynnu ar eich haen Treth Incwm. Mae cyfradd wahanol ar gyfer Treth Enillion Cyfalaf os oes angen i chi ei thalu, er enghraifft os ydych yn gwerthu cyfranddaliadau neu ail gartref.

Gweld fersiwn argraffadwy o'r canllaw cyfan

Ffurflenni Treth Hunanasesiad

Trosolwg

Anfon eich Ffurflen Dreth

Dyddiadau cau

Llenwi’ch Ffurflen Dreth

Talu’ch bil

Is this page useful?

Help us improve GOV.UK

Help us improve GOV.UK

Cookies on GOV.UK

Ffurflenni Treth Hunanasesiad

Trosolwg

Anfon eich Ffurflen Dreth

Dyddiadau cau

Llenwi’ch Ffurflen Dreth

Talu’ch bil

Cynnwys cysylltiedig

Is this page useful?

Help us improve GOV.UK

Help us improve GOV.UK