Pwyntiau cosb (ardystiadau)
Codau ardystiadau a phwyntiau cosb
Mae gan bob ardystiad god arbennig a rhoddir ‘pwyntiau cosb’ iddo ar raddfa o 1 i 11. Rydych yn cael mwy o bwyntiau am droseddau mwy difrifol.
Mae’r tabl yn dangos y codau trosedd y gellir eu rhoi ar eich cofnod gyrru. Mae hefyd yn dangos faint o bwyntiau cosb y gallwch eu cael amdanynt. Gall rhai troseddau hefyd gynnwys gwaharddiad.
Rhaid i godau trosedd a phwyntiau cosb aros ar eich cofnod gyrru am 4 neu 11 mlynedd, yn dibynnu ar y drosedd.
Troseddau sy’n gysylltiedig â damweiniau
Rhaid i’r codau hyn aros ar gofnod gyrru am 4 blynedd o ddyddiad y drosedd.
| Cod | Trosedd | Pwyntiau cosb |
|---|---|---|
| AC10 | Methu â stopio ar ôl damwain | 5 i 10 |
| AC20 | Methu â rhoi manylion neu roi gwybod am ddamwain o fewn 24 awr | 5 i 10 |
| AC30 | Troseddau damwain heb eu diffinio | 4 i 9 |
Gyrrwr wedi’i wahardd
Rhaid i godau BA10 a BA30 aros ar gofnod gyrru am 4 blynedd o ddyddiad y drosedd.
| Cod | Trosedd | Pwyntiau cosb |
|---|---|---|
| BA10 | Gyrru tra’ch bod wedi’ch gwahardd gan orchymyn llys | 6 |
| BA30 | Ceisio gyrru tra’ch bod wedi’ch gwahardd gan orchymyn llys | 6 |
Rhaid i godau BA40 a BA60 aros ar gofnod gyrru am 4 blynedd o ddyddiad y drosedd.
| Cod | Trosedd | Pwyntiau cosb |
|---|---|---|
| BA40 | Achosi marwolaeth wrth yrru tra’ch bod wedi’ch gwahardd | 3 i 11 |
| BA60 | Achosi niwed difrifol wrth yrru tra’ch bod wedi’ch gwahardd | 3 i 11 |
Gyrru diofal
Rhaid i godau CD10 a CD33 aros ar gofnod gyrru am 4 blynedd o ddyddiad y drosedd.
| Cod | Trosedd | Pwyntiau cosb |
|---|---|---|
| CD10 | Gyrru heb ofal na sylw priodol | 3 i 9 |
| CD20 | Gyrru heb roi ystyriaeth resymol i ddefnyddwyr ffordd eraill | 3 i 9 |
| CD30 | Gyrru heb ofal na sylw priodol neu heb roi ystyriaeth resymol i ddefnyddwyr ffordd eraill | 3 i 9 |
| CD33 | Achosi niwed difrifol drwy yrru diofal neu anystyriol | 3 i 9 |
Rhaid i godau CD40 a CD70 aros ar gofnod gyrru am 11 blynedd o ddyddiad yr euogfarn.
| Cod | Trosedd | Pwyntiau cosb |
|---|---|---|
| CD40 | Achosi marwolaeth drwy yrru diofal pan fyddwch yn anghymwys oherwydd diod | 3 i 11 |
| CD50 | Achosi marwolaeth drwy yrru diofal pan fyddwch yn anghymwys oherwydd cyffuriau | 3 i 11 |
| CD60 | Achosi marwolaeth drwy yrru diofal gyda lefel alcohol uwchben y terfyn | 3 i 11 |
| CD70 | Achosi marwolaeth drwy yrru diofal ac yna methu â rhoi sbesimen ar gyfer dadansoddiad alcohol | 3 i 11 |
Rhaid i godau CD80 a CD90 aros ar gofnod gyrru am 4 blynedd o ddyddiad yr euogfarn.
| Cod | Trosedd | Pwyntiau cosb |
|---|---|---|
| CD80 | Achosi marwolaeth drwy yrru diofal neu anystyriol | 3 i 11 |
| CD90 | Achosi marwolaeth drwy yrru: gyrwyr heb drwydded, wedi’u gwahardd neu heb yswiriant | 3 i 11 |
Troseddau adeiladu a defnydd
Rhaid i’r codau hyn aros ar gofnod gyrru am 4 blynedd o ddyddiad y drosedd.
| Cod | Trosedd | Pwyntiau cosb |
|---|---|---|
| CU10 | Defnyddio cerbyd gyda breciau diffygiol | 3 |
| CU20 | Achosi neu’n debygol o achosi perygl oherwydd defnyddio cerbyd anaddas neu ddefnyddio cerbyd â rhannau neu ategion (ac eithrio breciau, llywio neu deiars) mewn cyflwr peryglus | 3 |
| CU30 | Defnyddio cerbyd gyda theiar(s) diffygiol | 3 |
| CU40 | Defnyddio cerbyd gyda llywio diffygiol | 3 |
| CU50 | Achosi neu’n debygol o achosi perygl oherwydd llwyth neu deithwyr | 3 |
| CU80 | Torri gofynion o ran rheoli’r cerbyd, fel defnyddio ffôn symudol | 3 i 6 |
Gyrru diofal/beryglus
Rhaid i’r codau hyn aros ar gofnod gyrru am 4 blynedd o ddyddiad yr euogfarn.
| Cod | Trosedd | Pwyntiau cosb |
|---|---|---|
| DD10 | Achosi niwed difrifol wrth yrru’n beryglus | 3 i 11 |
| DD40 | Gyrru peryglus | 3 i 11 |
| DD60 | Dynladdiad neu laddiad beius wrth yrru cerbyd | 3 i 11 |
| DD80 | Achosi marwolaeth wrth yrru’n beryglus | 3 i 11 |
| DD90 | Gyrru gwyllt | 3 i 9 |
Yfed
Rhaid i godau DR10 a DR61 aros ar gofnod gyrru am 11 blynedd o ddyddiad yr euogfarn.
| Cod | Trosedd | Pwyntiau cosb |
|---|---|---|
| DR10 | Gyrru neu geisio gyrru â lefel alcohol uwchben y terfyn | 3 i 11 |
| DR20 | Gyrru neu geisio gyrru tra’n anghymwys oherwydd diod | 3 i 11 |
| DR30 | Achosi marwolaeth drwy yrru diofal ac yna methu â rhoi sbesimen ar gyfer dadansoddiad alcohol | 3 i 11 |
| DR31 | Gyrru neu geisio gyrru ac yna’n gwrthod rhoi caniatâd ar gyfer dadansoddiad sampl gwaed a gymerwyd heb ganiatâd oherwydd anallu | 3 i 11 |
| DR61 | Gwrthod rhoi caniatâd ar gyfer dadansoddiad sampl gwaed a gymerwyd heb ganiatâd oherwydd anallu mewn amgylchiadau ac eithrio gyrru neu geisio gyrru | 10 |
Rhaid i godau DR40 i DR70 aros ar gofnod gyrru am 4 blynedd o ddyddiad y drosedd neu 4 blynedd o ddyddiad yr euogfarn lle mae gwaharddiad yn cael ei osod.
| Cod | Trosedd | Pwyntiau cosb |
|---|---|---|
| DR40 | Yn gyfrifol am gerbyd tra bod y lefel alcohol uwchben y terfyn | 10 |
| DR50 | Yn gyfrifol am gerbyd tra’n anghymwys oherwydd diod | 10 |
| DR60 | Methu â darparu sbesimen ar gyfer dadansoddiad mewn amgylchiadau ac eithrio gyrru neu geisio gyrru | 10 |
| DR70 | Methu â chydsynio â phrawf rhagarweiniol | 4 |
Cyffuriau
Rhaid i’r codau hyn aros ar gofnod gyrru am 11 blynedd o ddyddiad yr euogfarn.
| Cod | Trosedd | Pwyntiau cosb |
|---|---|---|
| DG10 | Gyrru neu geisio gyrru gyda lefel cyffuriau uwchben y terfyn a nodir | 3 i 11 |
| DG60 | Achosi marwolaeth drwy yrru diofal gyda lefel cyffuriau uwchben y terfyn | 3 i 11 |
| DR80 | Gyrru neu geisio gyrru tra’n anghymwys oherwydd cyffuriau | 3 i 11 |
Rhaid i’r codau hyn aros ar gofnod gyrru am 4 blynedd o ddyddiad y drosedd neu 4 blynedd o ddyddiad yr euogfarn lle mae gwaharddiad yn cael ei osod.
| Cod | Trosedd | Pwyntiau cosb |
|---|---|---|
| DG40 | Yn gyfrifol am gerbyd tra bod y lefel cyffuriau uwchben y terfyn | 10 |
| DR70 | Methu â chydsynio â phrawf rhagarweiniol | 4 |
| DR90 | Yn gyfrifol am gerbyd tra’n anghymwys oherwydd cyffuriau | 10 |
Troseddau yswiriant
Rhaid i god IN10 aros ar gofnod gyrru am 4 blynedd o ddyddiad y drosedd.
| Cod | Trosedd | Pwyntiau cosb |
|---|---|---|
| IN10 | Defnyddio cerbyd heb ei yswirio yn erbyn risgiau trydydd parti | 6 i 8 |
Troseddau trwydded
Rhaid i’r codau hyn aros ar gofnod gyrru am 4 blynedd o ddyddiad y drosedd.
| Cod | Trosedd | Pwyntiau cosb |
|---|---|---|
| LC20 | Gyrru mewn ffordd nad yw’n unol â thrwydded | 3 i 6 |
| LC30 | Gyrru ar ôl gwneud datganiad ffug ynghylch ffitrwydd wrth wneud cais am drwydded | 3 i 6 |
| LC40 | Gyrru cerbyd wedi methu â rhoi gwybod am anabledd | 3 i 6 |
| LC50 | Gyrru ar ôl i drwydded gael ei chanslo (diddymu) neu ei gwrthod ar sail feddygol | 3 i 6 |
Troseddau amrywiol
Rhaid i’r codau hyn aros ar gofnod gyrru am 4 blynedd o ddyddiad y drosedd.
| Cod | Trosedd | Pwyntiau cosb |
|---|---|---|
| MS10 | Gadael cerbyd mewn safle peryglus | 3 |
| MS20 | Reidio piliwn yn anghyfreithlon | 3 |
| MS30 | Troseddau stryd chwarae | 2 |
| MS50 | Rasio modur ar y briffordd | 3 i 11 |
| MS60 | Troseddau nad ydynt yn dod o dan godau eraill (gan gynnwys troseddau sy’n ymwneud â thorri gofynion o ran rheoli cerbyd) | 3 |
| MS70 | Gyrru gyda golwg diffygiol heb ei gywiro | 3 |
| MS80 | Gwrthod caniatáu cael prawf golwg | 3 |
| MS90 | Methu â rhoi gwybodaeth er mwyn adnabod gyrrwr ac ati | 6 |
Troseddau traffordd
Rhaid i god MW10 aros ar gofnod gyrru am 4 blynedd o ddyddiad y drosedd.
| Cod | Trosedd | Pwyntiau cosb |
|---|---|---|
| MW10 | Torri rheoliadau ffyrdd arbennig (ac eithrio terfynau cyflymder) | 3 |
Croesfannau i gerddwyr
Rhaid i’r codau hyn aros ar gofnod gyrru am 4 blynedd o ddyddiad y drosedd.
| Cod | Trosedd | Pwyntiau cosb |
|---|---|---|
| PC10 | Torri anniffiniedig o reoliadau croesfannau i gerddwyr | 3 |
| PC20 | Torri rheoliadau croesfannau i gerddwyr gyda cherbyd sy’n symud | 3 |
| PC30 | Torri rheoliadau croesfannau i gerddwyr gyda cherbyd sy’n llonydd | 3 |
Terfynau cyflymder
Rhaid i’r codau hyn aros ar gofnod gyrru am 4 blynedd o ddyddiad y drosedd.
| Cod | Trosedd | Pwyntiau cosb |
|---|---|---|
| SP10 | Gyrru’n gynt na therfynau cyflymder cerbydau nwyddau | 3 i 6 |
| SP20 | Gyrru’n gynt na’r terfyn cyflymder ar gyfer y math o gerbyd (ac eithrio cerbydau nwyddau neu gerbydau teithwyr) | 3 i 6 |
| SP30 | Gyrru’n gynt na’r terfyn cyflymder statudol ar ffordd gyhoeddus | 3 i 6 |
| SP40 | Gyrru’n gynt na’r terfyn cyflymder cerbyd teithwyr | 3 i 6 |
| SP50 | Gyrru’n gynt na’r terfyn cyflymder ar draffordd | 3 i 6 |
Cyfarwyddiadau ac arwyddion traffig
Rhaid i’r codau hyn aros ar gofnod gyrru am 4 blynedd o ddyddiad y drosedd.
| Cod | Trosedd | Pwyntiau cosb |
|---|---|---|
| TS10 | Methu â chydymffurfio ag arwyddion goleuadau traffig | 3 |
| TS20 | Methu â chydymffurfio â llinellau gwyn dwbl | 3 |
| TS30 | Methu â chydymffurfio ag arwydd ‘stop’ | 3 |
| TS40 | Methu â chydymffurfio â chyfarwyddyd gan gwnstabl/warden | 3 |
| TS50 | Methu â chydymffurfio ag arwydd traffig (ac eithrio arwyddion ‘stop’, goleuadau traffig neu linellau gwyn dwbl) | 3 |
| TS60 | Methu â chydymffurfio ag arwydd hebryngwr croesfan ysgol | 3 |
| TS70 | Methiant anniffiniedig i gydymffurfio ag arwydd cyfeirio traffig | 3 |
Cod arbennig
Rhaid i god TT99 aros ar gofnod gyrru am 4 blynedd o ddyddiad yr euogfarn.
Mae’n dangos gwaharddiad o dan weithdrefn ‘adio’ - os bydd cyfanswm y pwyntiau cosb yn cyrraedd 12 neu fwy o fewn 3 blynedd, gall y gyrrwr gael ei wahardd.
Dwyn neu gymryd heb awdurdod
Rhaid i god UT50 aros ar gofnod gyrru am 4 blynedd o ddyddiad y drosedd.
| Cod | Trosedd | Pwyntiau cosb |
|---|---|---|
| UT50 | Cymryd cerbyd yn waethygedig | 3 i 11 |
Codau ‘cydnabyddiaeth gilyddol’
Byddwch yn cael cod ‘MR’ ar eich cofnod gyrru os ydych yn cael eich gwahardd rhag gyrru yng Ngogledd Iwerddon neu Ynys Manaw. Bydd eich cyfnod gwahardd hefyd yn ddilys ym Mhrydain Fawr a bydd yn aros ar eich cofnod am 4 blynedd o ddyddiad yr euogfarn.
| Cod | Trosedd |
|---|---|
| MR09 | Gyrru yn ddi-hid neu’n beryglus (p’un a yw’n arwain at farwolaeth, anaf neu risg ddifrifol ai peidio) |
| MR19 | Methiant bwriadol i gyflawni’r rhwymedigaeth a osodwyd ar yrrwr ar ôl cymryd rhan mewn damweiniau ffordd (taro neu ffoi) |
| MR29 | Gyrru car tra o dan ddylanwad alcohol neu sylwedd arall yn effeithio ar neu’n lleihau galluoedd meddyliol a chorfforol gyrrwr |
| MR39 | Gyrru cerbyd yn gyflymach na’r cyflymder a ganiateir |
| MR49 | Gyrru cerbyd tra’ch bod wedi eich gwahardd |
| MR59 | Ymddygiad arall sy’n cynnwys trosedd lle mae gwaharddiad gyrru wedi’i roi gan ffurf y drosedd |
Troseddau helpu, annog, cwnsela neu beri
Yr gyfer y troseddau hyn, mae’r codau’n debyg, ond gyda’r rhif 0 ar y cod wedi newid i 2.
Er enghraifft, mae cod LC20 (gyrru mewn ffordd nad yw’n unol â thrwydded) yn dod yn god LC22 ar eich cofnod gyrru os ydych wedi helpu rhywun i wneud hyn.
Troseddau achosi neu ganiatáu
Yr gyfer y troseddau hyn, mae’r codau’n debyg, ond gyda’r rhif 0 ar y cod wedi newid i 4.
Er enghraifft, mae LC20 (gyrru mewn ffordd nad yw’n unol â thrwydded) yn dod yn LC24 ar eich trwydded os ydych wedi achosi neu ganiatáu i rywun wneud hyn.
Troseddau ysgogi
Yr gyfer y troseddau hyn, mae’r codau’n debyg, ond gyda’r rhif 0 ar y cod wedi newid i 6.
Er enghraifft, mae DD40 (gyrru peryglus) yn dod yn DD46 ar eich cofnod gyrru os ydych wedi ysgogi rhywun i wneud hyn.