Rhoi gwybod i CThEF am newid i’ch manylion personol

Skip contents

Newidiadau incwm

Mae’n rhaid i chi roi gwybod i Gyllid a Thollau EF (CThEF) am newidiadau i’ch incwm trethadwy.

I wneud hyn, gallwch wneud y naill neu’r llall o’r canlynol:

• gwirio’ch Treth Incwm a rhoi gwybod i CThEF am newid

• ffonio CThEF

Os na fyddwch yn gwneud hyn, gallech dalu gormod o dreth neu gael bil treth ar ddiwedd y flwyddyn.

Yr hyn y mae’n rhaid i chi roi gwybod i CThEF amdano

Mae’ch cyflogwr neu’ch darparwr pensiwn yn rhoi gwybod i CThEF:

• pan fyddwch yn dechrau neu’n gorffen eich swydd

• pan fo newid yn yr arian yr ydych yn ei ennill o’ch swydd neu’n ei gael o’ch pensiwn

Ond mae’n rhaid i chi roi gwybod i CThEF am unrhyw newidiadau eraill, er enghraifft pan fyddwch yn dechrau neu’n gorffen cael y canlynol:

• incwm o ffynhonnell newydd, megis arian o hunangyflogaeth neu rent o eiddo

• budd-daliadau trethadwy, megis Pensiwn y Wladwriaeth, Lwfans Ceisio Gwaith a Lwfans Gofalwr neu (dim ond yn yr Alban) Daliad Cymorth Gofalwr

• buddiannau o’ch swydd, megis car cwmni (yn agor tudalen Saesneg)

• incwm sydd dros eich Lwfans Personol

• arian dros £90,000 o hunangyflogaeth (mae’n rhaid i chi gofrestru ar gyfer TAW dros y swm hwn)

• cyfandaliadau o werthu pethau yr ydych yn talu Treth Enillion Cyfalaf arnynt, megis cyfranddaliadau neu eiddo nad yw’n brif gartref i chi

• incwm o eiddo, arian neu gyfranddaliad yr ydych yn eu hetifeddu (yn agor tudalen Saesneg), megis difidendau o gyfranddaliadau neu rent o eiddo

Os ydych yn cael credydau treth

Rhowch wybod i CThEF ar wahân am newidiadau sy’n effeithio ar eich credydau treth.

Os yw’ch priod neu’ch partner sifil yn marw

Rhowch wybod i CThEF am newidiadau i’ch incwm (yn agor tudalen Saesneg) ar ôl marwolaeth eich gŵr, gwraig neu bartner sifil.

Os ydych yn gwneud ‘taliadau ar gyfrif’ ar gyfer Hunanasesiad

Rhowch wybod i CThEF os ydych yn disgwyl gostyngiad mawr yn eich incwm a’ch bod yn talu’ch bil treth Hunanasesiad o flaen llaw (‘taliadau ar gyfrif’). Mae’n bosibl y bydd CThEF yn penderfynu gostwng eich taliadau.

Ar ôl i chi roi gwybod i CThEF

Gall CThEF wneud y canlynol:

• newid eich cod treth ac anfon Hysbysiad Cod TWE atoch

• dweud wrthych am anfon Ffurflen Dreth Hunanasesiad er mwyn iddynt allu anfon bil atoch ar gyfer y dreth sydd arnoch

• anfon ad-daliad atoch os ydych wedi talu gormod o dreth

Argraffu'r canllaw cyfan