Sut i gofrestru ar gyfer TAW

Fel arfer, gallwch gofrestru ar gyfer TAW ar-lein. Gallwch ddechrau codi TAW ar eich gwerthiannau ac adennill TAW ar eitemau a brynoch o’r dyddiad y daw’ch cofrestriad i rym. Yr hyn y bydd ei angen arnoch i gofrestru ar gyfer TAW Mae’r wybodaeth y bydd ei hangen arnoch i gofrestru ar gyfer TAW yn dibynnu ar eich math o fusnes. Cofrestru cwmni cyfyngedig Bydd angen y canlynol arnoch: rhif cofrestru eich cwmni manylion cyfrif banc eich busnes eich Cyfeirnod Unigryw y Trethdalwr ( UTR ) manylion eich trosiant blynyddol Bydd angen gwybodaeth arnoch hefyd am y canlynol: eich Hunanasesiad eich Treth Gorfforaeth Talu Wrth Ennill (TWE) Cofrestru fel unigolyn neu fel partneriaeth Bydd angen y canlynol arnoch: eich rhif Yswiriant Gwladol dogfen adnabod, megis pasbort neu drwydded yrru manylion eich cyfrif banc eich Cyfeirnod Unigryw y Trethdalwr ( UTR ), os oes un gennych manylion eich trosiant blynyddol Bydd angen gwybodaeth arnoch hefyd am y canlynol: eich Ffurflen Dreth Hunanasesiad slipiau cyflog P60 Cofrestru ar gyfer TAW ar-lein Dechrau nawr Mae angen Dynodydd Defnyddiwr (ID) a chyfrinair Porth y Llywodraeth arnoch er mwyn cofrestru ar gyfer TAW . Os nad oes gennych ID Defnyddiwr eisoes, gallwch greu un pan fyddwch yn mewngofnodi am y tro cyntaf. Nid oes rhaid i chi gwblhau’ch cofrestriad cyfan ar un tro. Gallwch gadw’ch cofnod a mynd yn ôl ato’n ddiweddarach os oes angen. Bydd angen i chi lenwi ffurflenni ychwanegol yn ystod eich cofrestriad ar-lein, yn dibynnu ar y math o fusnes sydd gennych. Pan na allwch gofrestru ar-lein Mae’n rhaid i chi gofrestru drwy’r post gan ddefnyddio VAT1 os ydych: am wneud cais am ’ eithriad rhag cofrestru ’ oherwydd bod eich trosiant trethadwy wedi mynd dros y trothwy dros dro yn ymuno â’r Cynllun Cyfradd Unffurf Amaethyddol (yn agor tudalen Saesneg) yn gwmni partneriaeth atebolrwydd cyfyngedig sy’n cofrestru fel aelod cynrychiadol o grŵp TAW yn cofrestru adrannau neu unedau busnes corff corfforaethol o dan rifau cofrestru TAW gwahanol yn gwneud cais i gofrestru partneriaeth tramor yn awdurdod lleol, yn gyngor plwyf neu’n gyngor dosbarth Defnyddio asiant Gallwch benodi cyfrifydd (neu asiant) (yn agor tudalen Saesneg) i gyflwyno’ch Ffurflenni TAW a delio â CThEF ar eich rhan. Os ydych yn defnyddio asiant, byddwch yn dal i allu cofrestru ar gyfer cyfrif TAW ar-lein pan fyddwch yn cael eich rhif TAW . Ar ôl i chi gofrestru Ar ôl i chi gofrestru ar gyfer TAW byddwch yn cael y canlynol: rhif cofrestru TAW 9 digid y mae’n rhaid i chi ei gynnwys ar bob anfoneb a godwch gwybodaeth am sut i drefnu’ch cyfrif treth busnes (os nad oes gennych un eisoes) - bydd angen hyn arnoch i gael mynediad i’r gwasanaeth TAW ar-lein gwybodaeth am pa bryd y bydd angen i chi gyflwyno’ch Ffurflen TAW gyntaf a’ch taliad cyntaf cadarnhad o’ch dyddiad cofrestru (y cyfeirir ato fel y ‘dyddiad y daw’r cofrestriad i rym’ ) Byddwch yn cael yr wybodaeth hon drwy’r post. Cofrestru ar gyfer cyfrif TAW ar-lein Pan fyddwch wedi cael eich gwybodaeth TAW drwy’r post, mae angen i chi gofrestru ar gyfer cyfrif TAW ar-lein . Mewngofnodi i gyfrif Porth y Llywodraeth. Dewiswch ‘Ychwanegu treth, toll neu gynllun nawr’. Dewiswch ‘TAW a Gwasanaethau TAW’. Dewiswch o’r rhestr o wasanaethau. Os ydych eisoes wedi cofrestru ar gyfer TAW a’ch bod yn aros i glywed yn ôl am hynny, gwiriwch pryd y gallwch ddisgwyl ateb . Rhoi cyfrif am TAW tra ydych yn aros am eich rhif cofrestru TAW Ni allwch gynnwys TAW ar eich anfonebau hyd nes eich bod yn cael eich rhif cofrestru TAW , ond gallwch godi’ch prisiau i roi cyfrif am y TAW y bydd angen i chi ei thalu i CThEF . Enghraifft Ar 1 Mai, rydych yn trefnu contract gwerth £100,000 i ddarparu gwasanaethau i gwsmer newydd. Rydych yn cofrestru ar gyfer TAW gan eich bod yn gwybod y byddwch yn mynd dros y trothwy yn ystod y 30 diwrnod nesaf. 1 Mai yw’r dyddiad y daw’ch cofrestriad i rym. Mae hyn yn golygu y bydd yn rhaid i chi dalu TAW i CThEF ar unrhyw anfonebau a godwch o’r dyddiad hwnnw. I roi cyfrif am y TAW y bydd angen i chi ei thalu, rhowch wybod i’ch cwsmer y byddwch yn ychwanegu 20% at swm gwreiddiol y contract o £100,000 ac yna codwch anfoneb am £120,000. Ar ôl i chi gael eich rhif cofrestru TAW , ailanfonwch yr anfoneb gan ddangos y swm llawn gan gynnwys y TAW o £20,000. Nid oes angen i’ch cwsmer wneud taliad ychwanegol ond mae bellach yn gallu adennill yr £20,000 ychwanegol oddi wrth CThEF ar ei Ffurflen TAW nesaf.

Mae’n rhaid i chi gadw’ch manylion cofrestru TAW yn gyfredol. Mae rhai newidiadau’n golygu bod yn rhaid i chi ganslo’ch cofrestriad TAW neu drosglwyddo’ch cofrestriad TAW . Rhowch wybod i Gyllid a Thollau EF ( CThEF ) cyn pen 30 diwrnod i unrhyw newidiadau i’r canlynol: enw, enw masnachu neu brif gyfeiriad eich busnes y cyfrifydd neu’r asiant sy’n delio â’ch TAW aelodau partneriaeth, neu enw neu gyfeiriad cartref unrhyw un o’r partneriaid Efallai y bydd yn rhaid i chi dalu cosb os na rowch wybod i CThEF am newidiadau cyn pen 30 diwrnod. Newid eich manylion banc Mae’n rhaid i chi roi gwybod i CThEF o leiaf 14 diwrnod cyn i chi newid eich manylion banc. Os ydych yn talu’ch TAW drwy Ddebyd Uniongyrchol, bydd angen i chi roi gwybod i’ch banc hefyd. Peidiwch â gwneud hyn yn y 5 diwrnod banc cyn neu ar ôl dyddiad dyledus eich Ffurflen TAW – gallai olygu y byddwch yn talu ddwywaith. Os ydych yn defnyddio’r Cynllun Cyfrifyddu Blynyddol (yn agor tudalen Saesneg) , mae’n rhaid i chi ysgrifennu at yr Uned Gofrestru ar gyfer Cyfrifyddu Blynyddol (yn agor tudalen Saesneg) er mwyn newid manylion eich Debyd Uniongyrchol. Cofiwch gynnwys eich rhif cofrestru. Sut i roi gwybod i CThEF Gallwch newid eich manylion: ar-lein – drwy’ch cyfrif TAW ar-lein drwy’r post – gan ddefnyddio ffurflen VAT484 Mae’n rhaid i chi anfon ffurflen VAT2 i’r Gwasanaeth Cofrestru TAW (yn agor tudalen Saesneg) er mwyn rhoi gwybod am unrhyw newidiadau i bartneriaeth. Os byddwch yn cymryd cyfrifoldebau TAW rhywun arall drosodd Mae’n rhaid i chi roi gwybod i CThEF cyn pen 21 diwrnod os byddwch yn cymryd drosodd gyfrifoldebau TAW rhywun sydd wedi marw neu sy’n sâl ac nad yw’n gallu rheoli ei faterion ei hun. Defnyddiwch ffurflen VAT484 a’i phostio i’r cyfeiriad ar y ffurflen. Cofiwch nodi manylion dyddiad y farwolaeth neu’r dyddiad y dechreuodd y salwch. Os byddwch yn ymuno â grŵp TAW Os ydych yn ymuno â grŵp TAW , mae’n rhaid i’r grŵp lenwi ffurflen VAT50-51 . Bydd angen i chi ddefnyddio rhif cofrestru TAW y grŵp unwaith y byddwch wedi ymuno ag ef. Dylai’r grŵp TAW roi gwybod i CThEF am yr aelod newydd . Os byddwch yn newid strwythur eich busnes Mae’n rhaid i chi roi gwybod i CThEF drwy’r gwasanaeth cofrestru TAW (yn agor tudalen Saesneg) . Gallwch drosglwyddo’ch cofrestriad TAW os ydych am gadw’r un rhif cofrestru TAW .

Canslo’ch cofrestriad

Mae’n rhaid i chi ganslo’ch cofrestriad os nad ydych bellach yn gymwys i fod wedi’ch cofrestru ar gyfer TAW . Er enghraifft: rydych yn rhoi’r gorau i fasnachu neu’n rhoi’r gorau i wneud cyflenwadau sy’n agored i TAW rydych yn ymuno â grŵp TAW Mae’n rhaid i chi ganslo cyn pen 30 diwrnod os nad ydych yn gymwys mwyach, neu gallech wynebu cosb. Os yw’ch trosiant trethadwy yn mynd o dan £88,000, gallwch ofyn i Gyllid a Thollau EF ( CThEF ) ganslo’ch cofrestriad, oni bai bod pob un o’r canlynol yn wir: rydych chi a’ch busnes wedi’ch lleoli y tu allan i’r DU rydych yn cyflenwi unrhyw nwyddau neu wasanaethau i’r DU (neu rydych yn disgwyl gwneud hynny yn ystod y 30 diwrnod nesaf) Os oes gennych rif EORI Bydd CThEF yn canslo’ch Rhif Cofrestru ac Adnabod Gweithredwyr Economaidd (EORI) yn awtomatig ac ar yr un pryd yn canslo’ch cofrestriad TAW . Dysgwch beth i’w wneud os oes dal angen rif EORI arnoch, a sut i barhau i ddefnyddio trwyddedau neu awdurdodiadau . Pryd nad oes yn angen i chi ganslo Does dim angen i chi ganslo’ch cofrestriad TAW os yw’r canlynol yn wir: rydych yn newid statws cyfreithiol y busnes, neu’n ei werthu, a’ch bod am gadw’r un rhif cofrestru TAW (dylech drosglwyddo’ch cofrestriad ) mae cwmni unigol mewn grŵp TAW yn cau i lawr (rhaid i chi lenwi ffurflen VAT50-51 i newid eich grŵp TAW ) rydych yn ymuno â grŵp TAW (rhaid i chi lenwi ffurflen VAT50-51 ) rydych yn creu grŵp TAW newydd (rhaid i chi gofrestru ar gyfer TAW a llenwi ffurflen VAT50-51 ) Canslo ar-lein Gallwch ganslo’ch cofrestriad TAW ar-lein os yw’r canlynol yn wir: rydych wedi rhoi’r gorau i fasnachu ac nid ydych yn rhan o grŵp TAW mae’ch trosiant trethadwy yn is na £88,000 rydych wedi rhoi’r gorau i wneud nwyddau neu wasanaethau sy’n agored i TAW rydych yn gwneud cais am eithriad os yw’r rhan fwyaf o’r hyn rydych yn ei werthu, neu’r cyfan, ar gyfradd sero TAW I ganslo’ch cofrestriad TAW ar-lein, bydd angen eich Dynodydd Defnyddiwr (ID) a’ch cyfrinair ar gyfer Porth y Llywodraeth arnoch. Dechrau nawr Pryd na allwch ganslo ar-lein Mae’n rhaid i chi ganslo drwy’r post os yw’r canlynol yn wir: mae’ch statws cyfreithiol wedi newid a’ch bod am gael rhif cofrestru TAW newydd rydych wedi gwerthu’ch busnes ac nid yw’r perchennog yn cadw’r rhif cofrestru TAW mae’ch grŵp TAW yn cau (‘diddymu’) – bydd hefyd angen i chi lenwi ffurflen VAT50-51 ac anfon y ddwy ffurflen gyda’i gilydd at CThEF stopiodd eich busnes fasnachu ar ôl diddymiad Canslwch eich cofrestriad drwy’r post gan ddefnyddio ffurflen VAT7 . Bydd angen i chi lenwi’r ffurflen yn ei chyfanrwydd cyn i chi allu ei hargraffu. Ni allwch gadw ffurflen sydd wedi’i llenwi’n rhannol. Argraffwch eich ffurflen VAT7 wedi’i llenwi, a’i hanfon - ynghyd ag unrhyw ffurflenni eraill sydd wedi’u llenwi - at CThEF . Mae’r cyfeiriad y dylid anfon y VAT7 iddo yn y ffurflen. Yr hyn sy’n digwydd nesaf Fel arfer, mae’n cymryd 3 wythnos i CThEF gadarnhau bod eich cofrestriad wedi’i ganslo ac i gadarnhau’ch dyddiad canslo swyddogol. Dyma naill ai’r dyddiad pan ddaeth y rheswm dros ganslo’ch cofrestriad i rym (er enghraifft, pan wnaethoch roi’r gorau i fasnachu), neu’r dyddiad pan wnaethoch ofyn am gael canslo. Bydd CThEF yn anfon cadarnhad i’ch cyfrif TAW ar-lein neu drwy’r post os na fyddwch yn gwneud cais ar-lein. Mae’n rhaid i chi roi’r gorau i godi TAW o’r dyddiad canslo ymlaen. Bydd angen i chi gadw’r holl gofnodion TAW am chwe blynedd. Bydd CThEF yn eich ailgofrestru’n awtomatig os bydd yn sylweddoli na ddylech fod wedi canslo. Bydd yn rhaid i chi roi cyfrif am unrhyw TAW y dylech fod wedi’i thalu yn y cyfamser. TAW ar ôl i chi ganslo Bydd yn rhaid i chi gyflwyno Ffurflen TAW derfynol ar gyfer y cyfnod hyd at a chan gynnwys y dyddiad canslo. Mae’n rhaid i chi roi cyfrif am unrhyw stoc ac asedion eraill sydd gennych ar y dyddiad hwn os yw’r ddau beth canlynol yn wir: gwnaethoch adhawlio TAW pan brynoch yr asedion, neu gallech fod wedi’i adhawlio mae cyfanswm y TAW sy’n ddyledus ar yr asedion hyn dros £1,000 Mae’n rhaid i chi gyflwyno’ch Ffurflen TAW derfynol cyn pen mis i’r dyddiad canslo, oni bai eich bod yn rhan o’r Cynllun Cyfrifyddu Arian Parod (yn agor tudalen Saesneg) . Os ydych yn rhan o’r Cynllun Cyfrifyddu Arian Parod, cyflwynwch eich Ffurflen TAW derfynol cyn pen 2 fis i’r dyddiad canslo. Peidiwch ag aros hyd nes i chi gael eich holl anfonebau cyn cyflwyno’ch Ffurflen TAW derfynol. Pan fyddwch yn eu cael, byddwch yn dal i allu adhawlio TAW .

Trosglwyddo’ch cofrestriad

Gallwch drosglwyddo rhif cofrestru TAW os oes newid mewn perchnogaeth busnes neu statws cyfreithiol. Er enghraifft: os byddwch yn cymryd busnes drosodd a’ch bod am barhau i ddefnyddio’i rif cofrestru TAW os bydd eich busnes yn newid o fod yn bartneriaeth i fod yn unig fasnachwr Mae hyn yn golygu y bydd y busnes yn cadw’r un rhif cofrestru TAW . Gwneud cais am drosglwyddiad Newid statws cyfreithiol eich busnes I drosglwyddo’ch rhif cofrestru TAW pan fydd statws cyfreithiol eich busnes yn newid (a elwir hefyd yn ‘newid endid cyfreithiol’): argraffwch, llenwch a phostiwch ffurflen VAT68 i Gyllid a Thollau EF ( CThEF ) cofrestrwch ar gyfer TAW Gallwch wirio cynnydd eich cais . Prynu busnes I drosglwyddo’r rhif cofrestru TAW : mae’n rhaid i chi a’ch gwerthwr gwblhau ffurflen VAT68 - argraffu, llenwi a phostio’r ffurflen i CThEF cofrestrwch ar gyfer TAW Bydd CThEF yn trin y ffurflen VAT68 fel y gwerthwr yn canslo ac yn trosglwyddo i chi. Nid oes angen i chi lenwi ffurflen TAW7. Gallwch wirio cynnydd eich cais . Yr hyn sy’n digwydd nesaf Os ydych yn gwerthu’ch busnes: canslwch fynediad eich cyfrifydd at eich cyfrif TAW ar-lein – er enghraifft, os gwnaethoch ei awdurdodi i ddelio â’ch TAW canslwch unrhyw Ddebydau Uniongyrchol ar eich cyfrif TAW ar-lein Hefyd, mae’n rhaid i chi roi’ch cofnodion i’r prynwr os ydych yn pasio’ch rhif TAW ymlaen. Os ydych yn prynu busnes: cysylltwch â CThEF cyn pen 21 diwrnod i’r cais i drosglwyddo os ydych am gadw cyfrifydd y gwerthwr newidiwch unrhyw drefniadau hunan-filio (yn agor tudalen Saesneg) am rai newydd trefnwch Ddebydau Uniongyrchol newydd ar eich cyfrif TAW ar-lein Os yw’n well gennych gael rhif TAW newydd Os ydych am gael rhif TAW newydd yn hytrach na chadw’r un presennol, mae angen i chi ganslo’r cofrestriad TAW presennol a chofrestru ar gyfer TAW .

Cofrestru ar gyfer TAW yng ngwledydd yr UE

Mae’r hyn y mae angen i chi ei wneud yn dibynnu a ydych yn gwerthu nwyddau neu wasanaethau ac o ble rydych yn gwerthu. Os ydych yn gwerthu nwyddau o Ogledd Iwerddon i’r UE Os ydych wedi gwerthu dros gyfanswm o £8,818 mewn nwyddau i gwsmeriaid yn yr UE (y ‘trothwy ar gyfer gwerthu o bell’), mae’n rhaid i chi dalu TAW yn y gwledydd y mae’r nwyddau’n cael eu hanfon iddynt. Cofrestru ar gyfer TAW naill ai: drwy’r cynllun undeb y Gwasanaeth Un Cam (GUC) ar gyfer TAW (yn agor tudalen Saesneg) ym mhob gwlad lle rydych yn cyflenwi nwyddau Gwiriwch sut i roi gwybod am TAW a’i thalu ar nwyddau rydych yn eu gwerthu o bell o Ogledd Iwerddon i’r UE (yn agor tudalen Saesneg) . Os ydych yn gwerthu nwyddau o’r DU i’r UE Fel arfer nid oes angen i chi godi TAW ar nwyddau rydych yn eu gwerthu i unrhyw gwsmeriaid y tu allan i’r DU. Dim ond gyda Chyllid a Thollau EF ( CThEF ) y mae angen i chi fod wedi’ch cofrestru ar gyfer TAW . Gallwch godi TAW ar gyfradd sero am y gwerthiannau hyn. Dysgwch ragor am godi TAW ar nwyddau rydych yn eu hallforio (yn agor tudalen Saesneg) . Os ydych yn cyflenwi gwasanaethau o’r DU i’r UE Os ydych yn cyflenwi gwasanaethau o’r DU i gwsmeriaid yn yr UE , gallwch gofrestru ar gyfer cynllun di-undeb y GUC TAW . Dysgwch ragor am cynllun di-undeb y GUC TAW ar wefan y Comisiwn Ewropeaidd. Dysgwch beth i wneud os ydych yn cyflenwi gwasanaethau digidol i gwsmeriaid yn yr UE (yn agor tudalen Saesneg) .

Gwerthu neu symud nwyddau rhwng Gogledd Iwerddon a’r UE

Mae angen rhif cofrestru TAW arnoch sy’n dechrau gydag XI i fasnachu o dan Brotocol Gogledd Iwerddon. Rydych yn gymwys i weithredu o dan delerau Protocol Gogledd Iwerddon os yw unrhyw un o’r canlynol yn berthnasol: mae’ch nwyddau wedi’u lleoli yng Ngogledd Iwerddon ar adeg eu gwerthu rydych yn cael nwyddau yng Ngogledd Iwerddon gan fusnesau yn yr UE sydd wedi’u cofrestru ar gyfer TAW at ddibenion busnes rydych yn gwerthu neu’n symud nwyddau o Ogledd Iwerddon i wlad yn yr UE Gwiriwch a ydych eisoes wedi’ch adnabod fel masnachu o dan Brotocol Gogledd Iwerddon. Bydd rhoi gwybod i Gyllid a Thollau EF ( CThEF ) yn ei helpu i nodi eich bod yn masnachu o dan Brotocol Gogledd Iwerddon. Bydd hyn yn golygu’r canlynol: gallwch ddefnyddio symleiddiadau TAW wrth i chi fasnachu â’r UE gall eich cyflenwyr godi tâl ar nwyddau y maent yn eu hanfon atoch o’r UE ar gyfradd sero gall eich masnach â’r UE gael ei rhestru o hyd fel ‘caffaeliadau ac anfoniadau’ ar eich Ffurflen TAW Rhoi gwybod i CThEF eich bod yn gymwys Defnyddiwch y gwasanaeth hwn i roi gwybod i CThEF eich bod yn gymwys . Bydd angen y canlynol arnoch: y Dynodydd Defnyddiwr (ID) a’r cyfrinair ar gyfer Porth y Llywodraeth a ddefnyddioch wrth gofrestru ar gyfer TAW eich rhif cofrestru TAW enw’ch busnes Ar ôl i chi roi gwybod i CThEF Cewch e-bost gan CThEF i gadarnhau eich bod wedi cael eich cofnodi fel un sy’n gweithredu o dan Brotocol Gogledd Iwerddon. Ar ôl i chi gael yr e-bost, bydd angen i chi ddechrau defnyddio’r rhagddodiad XI cyn eich rhif cofrestru TAW arferol – er enghraifft, XI 123456789 yn lle GB 123456789. Defnyddio’ch rhif cofrestru TAW XI Mae’n rhaid i chi ddefnyddio’ch rhif cofrestru TAW XI ar bob dogfen wrth gyfathrebu â chwsmeriaid neu gyflenwyr yn yr UE (er enghraifft, ar anfonebau). Os ydych yn gwerthu nwyddau o Ogledd Iwerddon i gwsmeriaid sydd wedi’u cofrestru ar gyfer TAW yn yr UE, cwblhewch Restr Gwerthiannau yn y GE (yn agor tudalen Saesneg) . Os na fyddwch yn rhoi gwybod i CThEF neu’n defnyddio rhif cofrestru TAW XI, gallai olygu eich bod yn talu neu’n codi’r TAW anghywir ar nwyddau. Os ydych wedi rhoi’r gorau i werthu neu symud nwyddau yng Ngogledd Iwerddon Defnyddiwch y gwasanaeth hwn i roi gwybod i CThEF eich bod wedi rhoi’r gorau i werthu neu symud nwyddau yng Ngogledd Iwerddon . Mae’n rhaid i chi gwblhau unrhyw rwymedigaethau sydd gennych ar gyfer y cynlluniau canlynol cyn i chi ddirymu’ch statws masnachwr yng Ngogledd Iwerddon: Ffurflenni Treth cynllun undeb y Gwasanaeth Un Cam (GUC) ar gyfer TAW rhestr gwerthiannau yn y GE ad-daliadau TAW yr UE Ni fyddwch yn gallu cwblhau unrhyw rwymedigaethau ar gyfer y cynlluniau hyn unwaith y byddwch wedi rhoi gwybod i CThEF eich bod yn dymuno dirymu’ch statws.

Cofrestru ar gyfer TAW

Pryd i gofrestru ar gyfer TAW

Mae’n rhaid i chi gofrestru os yw naill neu’r llall canlynol yn wir:

mae cyfanswm eich trosiant trethadwy ar gyfer y 12 mis diwethaf yn mynd dros £90,000 (y trothwy TAW)
rydych yn disgwyl i’ch trosiant trethadwy fod yn fwy nag £90,000 yn ystod y 30 diwrnod nesaf

Mae’r canllaw hwn hefyd ar gael yn Saesneg.

Mae’n rhaid i chi hefyd gofrestru (ni waeth beth fo’r trosiant trethadwy) os yw pob un o’r canlynol yn wir:

rydych wedi’ch lleoli y tu allan i’r DU
mae’ch busnes wedi’i leoli y tu allan i’r DU
rydych yn cyflenwi unrhyw nwyddau neu wasanaethau i’r DU (neu rydych yn disgwyl gwneud hynny yn ystod y 30 diwrnod nesaf)

Os nad ydych yn sicr a yw hyn yn berthnasol i chi, darllenwch yr arweiniad ar bersonau sy’n agored i dreth y DU, ond heb eu sefydlu yma (NETPs) - gwybodaeth sylfaenol (yn agor tudalen Saesneg).

Gallwch ddewis cofrestru ar gyfer TAW os yw’ch trosiant yn llai nag £90,000 (‘cofrestriad gwirfoddol’).

Mae’n rhaid i chi dalu unrhyw TAW sydd arnoch i Cyllid a Thollau EF (CThEF) o’r dyddiad y mae’n eich cofrestru.

Nid oes rhaid i chi gofrestru os ydych ond yn gwerthu nwyddau a gwasanaethau sydd wedi’u heithrio rhag TAW neu ‘y tu allan i gwmpas’ TAW.

Cyfrifo’ch trosiant

Trosiant trethadwy yw cyfanswm gwerth popeth rydych yn ei werthu sydd ddim yn nwyddau a gwasanaethau sydd wedi’u heithrio rhag TAW neu ‘y tu allan i gwmpas’ TAW.

Mae hefyd yn cynnwys:

nwyddau cyfradd sero
nwyddau ar gyfradd is
nwyddau cyfradd safonol
nwyddau a logwyd neu a roddwyd ar fenthyg gennych i gwsmeriaid
nwyddau busnes a ddefnyddiwyd at ddibenion personol
nwyddau y gwnaethoch eu ffeirio, eu rhan-gyfnewid (yn agor tudalen Saesneg) neu eu rhoi yn rhodd
gwasanaethau rydych wedi’u cael gan fusnesau mewn gwledydd eraill yr oedd rhaid i chi ddefnyddio’r ’tâl gwrthdro’ arnynt (yn agor tudalen Saesneg)
nwyddau a gwasanaethau sy’n destun ‘tâl gwrthdro domestig’(yn agor tudalen Saesneg)
gwaith adeiladu dros £100,000 (yn agor tudalen Saesneg) a wnaeth eich busnes drosto’i hun

Os aethoch y tu hwnt i’r trothwy yn ystod y 12 mis diwethaf

Mae’n rhaid i chi gofrestru os oedd cyfanswm eich trosiant trethadwy ar gyfer y 12 mis diwethaf yn mynd dros £90,000.

Mae’n rhaid i chi gofrestru cyn pen 30 diwrnod i ddiwedd y mis yr aethoch dros y trothwy. Y dyddiad y daw’ch cofrestriad i rym yw diwrnod cyntaf yr ail fis ar ôl i chi fynd dros y trothwy.

Enghraifft

Ar 15 Gorffennaf, cyfanswm eich trosiant trethadwy am y 12 mis diwethaf yw £100,000. Dyna’r tro cyntaf iddo fynd dros y trothwy TAW. Mae’n rhaid i chi gofrestru erbyn 30 Awst. 1 Medi yw’r dyddiad y daw’ch cofrestriad i rym.

Os ydych yn mynd i fynd y tu hwnt i’r trothwy yn ystod y 30 diwrnod nesaf

Mae’n rhaid i chi gofrestru os sylweddolwch fod cyfanswm eich trosiant trethadwy blynyddol yn mynd i fynd dros y trothwy £90,000 yn ystod y 30 diwrnod nesaf.

Mae’n rhaid i chi gofrestru erbyn diwedd y cyfnod 30 diwrnod hwnnw. Mae’r dyddiad y daw’r cofrestriad i rym yn cyfateb i’r dyddiad y gwnaethoch sylweddoli, nid y dyddiad yr aeth eich trosiant dros y trothwy.

Enghraifft

Ar 1 Mai, rydych yn trefnu contract gwerth £100,000 i ddarparu gwasanaethau. Cewch eich talu ar ddiwedd mis Mai. Mae’n rhaid i chi gyflwyno’ch cais i gofrestru ar gyfer TAW erbyn 30 Mai. 1 Mai yw’r dyddiad y daw’ch cofrestriad i rym.

Os ydych wedi’ch lleoli yng Ngogledd Iwerddon ac yn gwerthu nwyddau neu wasanaethau sydd wedi’u heithrio rhag TAW

Bydd yn rhaid i chi gofrestru os ydych dim ond yn gwerthu nwyddau neu wasanaethau sydd wedi’u heithrio rhag TAW neu sydd ‘y tu allan i gwmpas’ TAW, ond eich bod yn prynu nwyddau am fwy nag £90,000 mewn unrhyw gyfnod o 12 mism oddi wrth gyflenwyr sydd wedi’u cofrestru ar gyfer TAW yn yr UE i’w defnyddio yn eich busnes.

Os ydych yn cymryd busnes drosodd sydd wedi’i gofrestru ar gyfer TAW

Mae’n rhaid i chi gofrestru ar gyfer TAW os yw trosiant trethadwy cyfunol y busnes newydd a’ch busnes presennol dros y trothwy.

Cofrestru’n hwyr

Os ydych yn cofrestru’n hwyr, mae’n rhaid i chi dalu TAW ar unrhyw werthiannau rydych wedi’u gwneud ers y dyddiad y dylech fod wedi’ch cofrestru.

Mae’n bosibl y bydd yn rhaid i chi dalu cosb, yn dibynnu ar faint sydd arnoch a pha mor hwyr yw’ch cofrestriad.

Os byddwch yn mynd dros y trothwy dros dro

Gallwch wneud cais am ‘eithriad’ rhag cofrestru os bydd eich trosiant trethadwy yn mynd dros y trothwy dros dro.

Cysylltwch â CThEF i ofyn am y ffurflen gofrestru VAT1. Bydd angen i chi roi tystiolaeth sy’n dangos pam eich bod yn credu na fydd eich trosiant trethadwy yn mynd dros y trothwy datgofrestru o £88,000 yn y 12 mis nesaf.

Bydd CThEF yn ystyried eich eithriad ac yn rhoi gwybod i chi’n ysgrifenedig os byddwch yn cael un. Os na fyddwch yn cael eithriad, bydd CThEF yn eich cofrestru ar gyfer TAW.

Eithrio rhag cofrestru

Os oes gan y rhan fwyaf o’ch nwyddau neu wasanaethau trethadwy gyfradd TAW o 0% (cyflenwadau cyfradd sero), mae’n bosibl na fydd angen i chi gofrestru ar gyfer TAW. Bydd angen i chi ofyn i CThEF am ganiatâd - gelwir hyn yn eithriad rhag cofrestru.

Os ydych chi’n berson trethadwy sydd heb ei sefydlu, mae’n rhaid i’ch holl nwyddau neu wasanaethau trethadwy bod yn gyfradd sero er mwyn bod yn gymwys i gael eich eithrio rhag cofrestru.

Gwnewch gais am eithriad rhag cofrestru naill ai:

ar-lein gan ddefnyddio’r gwasanaeth cofrestru ar gyfer TAW ar-lein
drwy’r post - cysylltwch â CThEF i ofyn am y ffurflen gofrestru VAT1

Os ydych yn gwaredu asedau ac wedi hawlio ad-daliad TAW arnynt, bydd angen i chi lenwi ffurflen VAT1C a y ffurflen gofrestru VAT1.

Yr hyn sy’n digwydd nesaf

Bydd CThEF yn ysgrifennu atoch i roi gwybod i chi a yw eich cais i eithrio wedi’i gymeradwyo. Os gwrthodir eich cais, bydd CThEF yn eich cofrestru ar gyfer TAW.

Gweld fersiwn argraffadwy o'r canllaw cyfan

Cofrestru ar gyfer TAW

Pryd i gofrestru ar gyfer TAW

Cyfrifo’ch trosiant

Os aethoch y tu hwnt i’r trothwy yn ystod y 12 mis diwethaf

Enghraifft

Os ydych yn mynd i fynd y tu hwnt i’r trothwy yn ystod y 30 diwrnod nesaf

Enghraifft

Os ydych wedi’ch lleoli yng Ngogledd Iwerddon ac yn gwerthu nwyddau neu wasanaethau sydd wedi’u heithrio rhag TAW

Os ydych yn cymryd busnes drosodd sydd wedi’i gofrestru ar gyfer TAW

Cofrestru’n hwyr

Os byddwch yn mynd dros y trothwy dros dro

Eithrio rhag cofrestru

Yr hyn sy’n digwydd nesaf

Is this page useful?

Help us improve GOV.UK

Help us improve GOV.UK

Cookies on GOV.UK

Cofrestru ar gyfer TAW

Pryd i gofrestru ar gyfer TAW

Cyfrifo’ch trosiant

Os aethoch y tu hwnt i’r trothwy yn ystod y 12 mis diwethaf

Enghraifft

Os ydych yn mynd i fynd y tu hwnt i’r trothwy yn ystod y 30 diwrnod nesaf

Enghraifft

Os ydych wedi’ch lleoli yng Ngogledd Iwerddon ac yn gwerthu nwyddau neu wasanaethau sydd wedi’u heithrio rhag TAW

Os ydych yn cymryd busnes drosodd sydd wedi’i gofrestru ar gyfer TAW

Cofrestru’n hwyr

Os byddwch yn mynd dros y trothwy dros dro

Eithrio rhag cofrestru

Yr hyn sy’n digwydd nesaf

Cynnwys cysylltiedig

Is this page useful?

Help us improve GOV.UK

Help us improve GOV.UK