Y Cynllun Rhentu Ystafell

Mae’r Cynllun Rhentu Ystafell yn eich galluogi i ennill hyd at uchafswm o £7,500 y flwyddyn yn rhydd o dreth drwy roi llety wedi’i dodrefnu yn eich cartref ar osod. Bydd y swm hwn yn cael ei haneru os ydych yn rhannu’r incwm â’ch partner neu rywun arall. Eich penderfyniad chi yw faint o’ch cartref rydych am roi ar osod. Sut mae’n gweithio Mae’r eithriad rhag treth yn awtomatig os ydych yn ennill llai na £7,500. Mae hyn yn golygu nad oes angen i chi wneud dim byd. Os ydych yn ennill yn fwy na’r swm hwn, bydd yn rhaid i chi lenwi Ffurflen Dreth Hunanasesiad . Gallwch wedyn fynd ati i optio i mewn i’r cynllun a hawlio’ch lwfans rhydd o dreth. Gallwch wneud hyn ar eich Ffurflen Dreth Hunanasesiad. Gallwch ddewis peidio ag optio i mewn i’r cynllun, a chadw cofnod o’ch incwm a’ch treuliau ar dudalennau ‘eiddo’ eich Ffurflen Dreth Hunanasesiad yn lle. Rhagor o wybodaeth I gael rhagor o wybodaeth fanwl ynghylch sut i lenwi’r ffurflen, a phryd mae’n synhwyrol i chi optio allan o’r cynllun, darllenwch daflen gymorth Rhentu Ystafell (yn agor tudalen Saesneg) . Cymhwystra Gallwch ddewis optio i mewn i’r cynllun ar unrhyw adeg os yw’r canlynol yn berthnasol: rydych yn landlord preswyl, p’un a ydych yn berchen ar eich cartref ai peidio rydych yn rhedeg eiddo gwely a brecwast neu dŷ gwesteion Ni allwch ddefnyddio’r cynllun ar gyfer cartrefi a droswyd yn fflatiau ar wahân.

Y math o denantiaeth sydd gan eich lojer

Mae’r ffordd yr ydych yn rhannu’ch cartref â lojer yn cael effaith ar y math o denantiaeth sydd ganddo. Bydd hyn, yn ei dro, yn cael effaith ar hawliau’r lojer a’r ffordd y gallwch ddod â’r denantiaeth i ben. Mae’ch lojer yn feddiannydd sydd wedi’i eithrio Mae’n debygol bod eich lojer yn feddiannydd sydd wedi’i eithrio os yw’r canlynol yn wir: mae’n byw yn eich cartref chi rydych chi, neu aelod o’ch teulu, yn rhannu cegin, ystafell ymolchi neu ystafell fyw ag ef Yn yr achos hwn, dim ond rhoi ‘hysbysiad rhesymol’ iddo y mae angen i chi ei wneud er mwyn dod â’i denantiaeth i ben – ac ni fydd angen i chi fynd i’r llys i’w droi allan. Fel arfer, mae ‘hysbysiad rhesymol’ yn golygu hyd y cyfnod ar gyfer talu’r rhent. Er enghraifft, os telir y rhent yn fisol, dylech roi un mis o rybudd. Mae gan eich lojer ddiogelwch sylfaenol Mae’n debygol bod eich lojer yn feddiannydd â diogelwch sylfaenol os yw’r canlynol yn wir: mae’n byw yn eich cartref chi nid yw’n rhannu unrhyw ystafelloedd â chi na’ch teulu Os na fydd eich lojer yn gadael pan fyddwch yn gofyn iddo adael, bydd angen i chi gael gorchymyn llys er mwyn ei droi allan . Mae gan yr elusen, Shelter, gyngor ynghylch meddianwyr sydd wedi’u heithrio (yn agor tudalen Saesneg) a meddianwyr sydd â diogelwch sylfaenol (yn agor tudalen Saesneg) . Hyd y denantiaeth Gall tenantiaeth neu drwydded redeg am: gyfnod amhenodol – hynny yw, yn rhedeg am gyfnod amhenodol o 1 cyfnod rhentu i’r nesaf cyfnod penodol – hynny yw, yn para am nifer benodol o wythnosau, misoedd neu flynyddoedd Os nad ydych yn cytuno ar gyfnod penodol ar gyfer tenantiaeth, bydd y denantiaeth yn cael ei thrin fel un ‘cyfnod amhenodol’ yn awtomatig. Gall trwyddedau fod yn benagored ar gyfer trefniadau anffurfiol, megis os ydych yn caniatáu i ffrind aros dros dro o bryd i’w gilydd.

Rhenti, biliau, trethi

Rhent Eich penderfyniad chi yw faint o rent yr ydych am ei godi, ond dylech gytuno’r swm hwn â’ch tenant ymlaen llaw. Gallwch hefyd ofyn am flaendal a derbyn Budd-dal Tai ar gyfer rhent. Mae’n rhaid i chi roi llyfr rhent i denantiaid sy’n talu’n wythnosol. Treth Gyngor Byddwch yn gyfrifol am dalu’r Dreth Gyngor (yn agor tudalen Saesneg) , a gallwch gynnwys rhan o’r gost hon fel rhan o’r rhent y byddwch yn ei godi. Mae’n rhaid i chi roi gwybod i’ch cyngor os bydd cael tenant yn golygu nad ydych yn gymwys i gael gostyngiad fel person sengl mwyach. Os nad ydych yn siŵr pwy y dylai talu’r Dreth Gyngor, gwiriwch â’ch cyngor lleol (yn agor tudalen Saesneg) . Biliau cyfleustodau Os mai chi sy’n talu’r biliau cyfleustodau ar gyfer y tŷ cyfan, gallwch gynnwys tâl fel rhan o’r rhent neu osod mesuryddion rhagdaledig. Ni allwch godi tâl ond am y swm a dalwyd gennych am nwy a thrydan (gan gynnwys TAW), neu gallech wynebu achosion sifil. I gael rhagor o wybodaeth, darllenwch reolau Ofgem ynghylch ailwerthu nwy a thrydan (yn agor tudalen Saesneg) . Treth Incwm Mae Treth Incwm yn daladwy ar yr incwm rhent y byddwch yn ei gael. Os nad ydych yn rhan o’r Cynllun Rhentu Ystafell, bydd Treth Incwm yn cael ei chodi ar unrhyw incwm rhent y byddwch yn ei gael ar ôl tynnu treuliau busnes gosod eiddo (yn agor tudalen Saesneg) . Mae enghreifftiau o dreuliau busnes yn cynnwys: yswiriant cynnal a chadw atgyweiriadau (ond nid gwelliannau) biliau cyfleustodau Os ydych yn rhan o’r Cynllun Rhentu Ystafell , byddwch yn talu Treth Incwm mewn ffordd wahanol. Treth Enillion Cyfalaf Mae’n bosibl y bydd yn rhaid i chi dalu Treth Enillion Cyfalaf pan fyddwch yn gwerthu’ch cartref os: ydych yn rhoi’r eiddo cyfan, neu ran ohono, ar osod oes gennych fwy nag 1 tenant neu lojer ar y tro Fodd bynnag, mae’n bosibl bod gennych hawl i gael Rhyddhad Man Preswylio Preifat a Rhyddhad Gosod (yn agor tudalen Saesneg) . Blaendaliadau Nid yw’n ofynnol yn ôl y gyfraith i landlordiaid preswyl ddiogelu blaendaliadau eu tenantiaid (yn agor tudalen Saesneg) drwy un o’r cynlluniau a gymeradwywyd gan y llywodraeth. Gall eich cyngor lleol warantu rhent ar gyfer tenant posibl sy’n methu fforddio blaendal. Mae’n bosibl y bydd yn rhaid i chi dalu trethi eraill os ydych yn rhedeg eiddo gwely a brecwast, neu os ydych yn darparu gwasanaethau glanhau a phrydau o fwyd i’ch gwesteion. I gael rhagor o wybodaeth, cysylltwch â Gwasanaeth Cwsmeriaid Cymraeg CThEF .

Dod â thenantiaeth i ben

Sut i ddod â thrwydded neu denantiaeth sydd wedi’i heithrio i ben Os yw’ch lojer yn feddiannydd sydd wedi’i eithrio , dim ond rhoi ‘hysbysiad rhesymol’ iddo y mae angen i chi ei wneud cyn dod â’r denantiaeth i ben. Fel arfer, mae’r ‘hysbysiad rhesymol’ yn golygu hyd y cyfnod ar gyfer talu’r rhent – felly, os telir y rhent yn wythnosol, bydd angen i chi roi un wythnos o rybudd. Nid oes rhaid i’r hysbysiad fod yn ysgrifenedig. Gallwch wedyn fynd ati i newid y cloeon ar ddrws ystafell eich lojer, hyd yn oed os yw ei bethau yn yr ystafell o hyd. Mae’n rhaid i chi roi ei bethau yn ôl iddo. Sut i ddod â thrwydded neu denantiaeth sydd heb ei heithrio i ben Os yw’ch lojer yn feddiannydd â diogelwch sylfaenol , mae’n rhaid i chi roi hysbysiad ysgrifenedig iddo cyn dod â’r denantiaeth i ben. Yn aml, mae’r cyfnod rhybudd yn 4 wythnos, ond bydd hyn yn dibynnu ar y denantiaeth neu’r cytundeb. Os na fydd eich lojer yn gadael, bydd angen i chi gael gorchymyn llys er mwyn ei droi allan (yn agor tudalen Saesneg) . Sut y gall eich lojer ddod â’r denantiaeth i ben Gall eich lojer ddod â’r denantiaeth i ben gan roi cyfnod o rybudd i chi. Ni all eich lojer wneud hyn yn ystod cyfnod penodol y denantiaeth, oni bai bod cymal terfynu. Bydd y cyfnod o rybudd y mae angen i’r tenant ei roi yn dibynnu ar y cytundeb tenantiaeth, os oes un i’w gael. Fel arall, mae’n rhaid rhoi cyfnod rhybudd o 4 wythnos o leiaf (os yw’r lojer yn talu’n wythnosol), neu 1 mis (os yw’n talu’n fisol). Gallwch chi a’ch tenant ddod â’r denantiaeth i ben ar unrhyw adeg os yw’r ddau ohonoch yn cytuno i wneud hynny. Newid perchnogaeth Os ydych yn rhoi’r gorau i fyw yn eich cartref, gall y tenant barhau i aros yno, ond mae’n bosibl y bydd y math o denantiaeth sydd ganddo yn newid er mwyn adlewyrchu’r ffaith nad ydych yn byw yno bellach. Os ydych yn gwerthu’ch cartref, a bod y perchennog newydd yn bwriadu byw yn yr eiddo fel landlord preswyl, bydd yn rhaid iddo wneud y canlynol: rhoi gwybod i’r tenant cyn pen 28 diwrnod am ei fwriad i fyw yn yr eiddo symud i mewn cyn pen 6 mis i’r dyddiad gwerthu Hyd nes y bydd y perchennog newydd yn symud i mewn, bydd gan y tenant fwy o ddiogelwch drwy gyfraith tenantiaeth oherwydd does dim landlord preswyl yn ystod y cyfnod hwn. Bydd hawliau’r tenant yn dibynnu ar bryd y symudodd i mewn. Gallwch gael rhagor o wybodaeth am hawliau tenantiaid drwy ddarllen Rhentu preifat: cytundebau tenantiaeth (yn agor tudalen Saesneg) . Os byddwch yn marw, bydd y denantiaeth fel arfer yn parhau fel petaech yn breswyl o hyd, a hynny hyd nes y bydd rhywun arall yn dod yn berchennog ar yr eiddo.

Mae’n bosibl y bydd eich tŷ yn cael ei ystyried yn Dŷ Amlbreswyliaeth ( HMO ) (yn agor tudalen Saesneg) os ydych yn rhoi ystafelloedd ar osod i fwy na 2 berson. Mae gofynion diogelwch a safonau ychwanegol yn berthnasol i HMOs ac, yn aml, bydd angen trwydded arnoch.

Rhoi ystafell yn eich cartref ar osod

Dod yn landlord preswyl

Rydych yn landlord preswyl os ydych yn rhoi rhan o’ch prif gartref, neu’ch unig gartref, ar osod.

Os mai dim ond yn achlysurol y byddwch yn rhoi rhan o’ch cartref ar osod (er enghraifft drwy apiau rhentu tymor byr), gwiriwch a oes angen i chi roi gwybod i CThEF am yr incwm hwn.

Os felly, bydd gennych gyfrifoldebau a hawliau penodol:

byddwch yn gyfrifol am gadw’r eiddo yn ddiogel ac mewn cyflwr da (yn agor tudalen Saesneg)
nid oes gan denant neu lojer yr hawl i herio’r rhent a gytunwyd arno
mae’n bosibl y gallwch ennill hyd at £7,500 y flwyddyn yn rhydd o dreth o dan y Cynllun Rhentu Ystafell
gallwch roi llai o rybudd pan fyddwch yn dod â thenantiaeth i ben o gymharu â’r rhybudd y mae’n rhaid i chi ei roi os ydych yn rhoi’r holl eiddo ar osod

Mae’r canllaw hwn hefyd ar gael yn Saesneg.

Gofynnwch am eirda gan denantiaid neu lojers posibl, a gwirio’r rhain cyn llofnodi unrhyw gytundeb. I gael rhagor o wybodaeth, darllenwch y canllaw ynghylch rhoi ystafelloedd yn eich cartref ar osod (yn agor tudalen Saesneg).

Gweld fersiwn argraffadwy o'r canllaw cyfan

Rhoi ystafell yn eich cartref ar osod

Dod yn landlord preswyl

Is this page useful?

Help us improve GOV.UK

Help us improve GOV.UK

Cookies on GOV.UK

Rhoi ystafell yn eich cartref ar osod

Dod yn landlord preswyl

Cynnwys cysylltiedig

Is this page useful?

Help us improve GOV.UK

Help us improve GOV.UK