Sut mae TAW yn gweithio
Faint o TAW y mae’n rhaid i chi ei chodi
Mae 3 gwahanol fath o gyfraddau TAW (yn agor tudalen Saesneg) y gellir eu hychwanegu at gynhyrchion. Mae pa un sy’n berthnasol yn dibynnu ar y nwyddau a’r gwasanaethau, a sut maent yn cael eu defnyddio.
Codir y gyfradd safonol o 20% ar y rhan fwyaf o nwyddau a gwasanaethau. Dylech godi’r gyfradd hon oni bai bod y nwyddau neu’r gwasanaethau’n cael eu hystyried yn rhai ar gyfradd is neu gyfradd sero.
Mae enghreifftiau o eitemau ar gyfradd sero’n cynnwys:
- llyfrau a phapurau newydd
- dillad ac esgidiau i blant
- helmedau beiciau modur
- y rhan fwyaf o nwyddau rydych yn eu hallforio o Gymru, Lloegr a’r Alban (Prydain Fawr) i wlad y tu allan i’r DU
- y rhan fwyaf o nwyddau rydych yn eu hallforio o Ogledd Iwerddon i wlad y tu allan i’r UE a’r DU
- nwyddau rydych yn eu cyflenwi o Ogledd Iwerddon i fusnes yn yr UE sydd wedi’i gofrestru ar gyfer TAW - gallwch wirio a yw’r rhif TAW yn ddilys