Trefnwch Ddebyd Uniongyrchol drwy’ch cyfrif ar-lein Cyllid a Thollau EF ( CThEF ) i wneud taliadau unigol ar gyfer 31 Ionawr. Gallwch hefyd drefnu Debyd Uniongyrchol arall os oes angen i chi wneud taliad ar gyfrif . Os ydych am wneud mwy nag un taliad cyn y dyddiad cau, bydd angen i chi drefnu taliadau unigol bob tro y byddwch am dalu drwy Ddebyd Uniongyrchol. Er mwyn gwneud taliadau Debyd Uniongyrchol wythnosol neu fisol tuag at eich bil treth Hunanasesiad nesaf, trefnwch Gynllun Talu Cyllidebol . Os nad ydych wedi defnyddio’ch Debyd Uniongyrchol am 2 flynedd neu fwy, gwiriwch â’ch banc ei fod wedi’i drefnu o hyd. Dod o hyd i’r cyfeirnod ar gyfer eich Debyd Uniongyrchol Bydd angen i chi ddefnyddio’ch cyfeirnod talu, sy’n 11 o gymeriadau. Dyma’ch Cyfeirnod Unigryw y Trethdalwr ( UTR ), sy’n 10 digid, wedi’i ddilyn gan y llythyren ‘K’. Bydd hwn naill ai: yn eich cyfrif ar-lein gyda CThEF ar eich slip talu, os ydych yn cael datganiadau papur Gall eich taliad gael ei oedi os byddwch yn defnyddio’r cyfeirnod anghywir. Caniatewch 5 diwrnod gwaith i brosesu Debyd Uniongyrchol pan fyddwch yn trefnu un am y tro cyntaf. Dylai gymryd 3 diwrnod gwaith y tro nesaf os ydych yn defnyddio’r un manylion banc.

Cymeradwyo taliad drwy’ch cyfrif banc ar-lein

Gallwch dalu’ch bil Hunanasesiad yn uniongyrchol drwy ddefnyddio’ch cyfrif banc ar-lein neu’ch cyfrif banc symudol. Pan fyddwch yn barod i dalu, dechreuwch eich taliad Hunanasesiad . Dewiswch yr opsiwn ‘talu drwy gyfrif banc’. Yna, gofynnir i chi fewngofnodi i’ch cyfrif banc ar-lein, neu’ch cyfrif bancio drwy ffôn symudol, i gymeradwyo taliad i ‘HMRC Shipley’. Fel arfer, bydd y taliad yn digwydd ar unwaith, ond mae’n gallu cymryd hyd at 2 awr i ymddangos yn eich cyfrif banc. Gallwch wneud mwy nag un taliad tuag at eich bil cyn y dyddiad dyledus. Gallwch ddewis dyddiad talu, cyn belled â’i fod cyn dyddiad dyledus eich taliad. Gwiriwch eich cyfrif i wneud yn siŵr bod y taliad wedi mynd allan ar y dyddiad cywir. Os nad yw’r taliad wedi mynd allan yn ôl y disgwyl, cysylltwch â’ch banc. Bydd angen i chi fod â’ch manylion bancio ar-lein wrth law er mwyn talu drwy’r dull hwn.

Gwneud trosglwyddiad banc ar-lein neu dros y ffôn

Gallwch dalu’ch bil Hunanasesiad drwy ddefnyddio Taliadau Cyflymach, CHAPS neu Bacs. Gallwch wneud mwy nag un taliad tuag at eich bil cyn y dyddiad dyledus. Talu gan ddefnyddio Taliadau Cyflymach, CHAPS neu Bacs Bydd eich bil yn rhoi gwybod pa gyfrif banc i dalu i mewn iddo. Os nad oes gennych fil, neu os nad ydych yn siŵr, gallwch dalu i mewn i’r naill gyfrif neu’r llall. Manylion y cyfrif i’w defnyddio Talwch i mewn i un o’r cyfrifon canlynol: cod didoli - 08 32 10 rhif y cyfrif - 12001039 enw’r cyfrif - HMRC Cumbernauld cod didoli - 08 32 10 rhif y cyfrif - 12001020 enw’r cyfrif - HMRC Shipley Os yw’ch cyfrif dramor Talwch i mewn i un o’r cyfrifon canlynol: Cod Adnabod y Banc ( BIC ) - BARCGB22 rhif y cyfrif ( IBAN ) - GB62BARC20114770297690 enw’r cyfrif - HMRC Cumbernauld Cod Adnabod y Banc ( BIC ) - BARCGB22 rhif y cyfrif ( IBAN ) - GB03BARC20114783977692 enw’r cyfrif - HMRC Shipley Bydd rhai banciau yn codi tâl arnoch os nad ydych yn talu mewn punnoedd sterling. Yr hyn y bydd ei angen arnoch Wrth dalu, bydd angen i chi ddefnyddio’ch cyfeirnod talu, sy’n 11 o gymeriadau. Dyma’ch Cyfeirnod Unigryw y Trethdalwr ( UTR ), sy’n 10 digid, wedi’i ddilyn gan y llythyren ‘K’. Bydd hwn naill ai: yn eich cyfrif ar-lein CThEF ar eich slip talu, os ydych yn cael datganiadau papur Gall eich taliad gael ei oedi os ydych yn defnyddio’r cyfeirnod anghywir. Faint o amser y mae’n ei gymryd Fel arfer, bydd Taliadau Cyflymach (bancio ar-lein neu dros y ffôn) yn cyrraedd Cyllid a Thollau EF ( CThEF ) ar yr un diwrnod neu’r diwrnod nesaf, gan gynnwys ar benwythnosau a gwyliau banc. Fel arfer, bydd taliadau CHAPS yn cyrraedd CThEF ar yr un diwrnod gwaith os byddwch yn talu o fewn amserau prosesu’ch banc. Fel arfer, bydd taliadau Bacs yn cymryd 3 diwrnod gwaith. Gall taliadau o dramor gymryd mwy o amser – holwch eich banc. Taliadau lluosog drwy CHAPS Anfonwch ffurflen CHAPS ar-lein os hoffech wneud taliad CHAPS unigol i dalu mwy nag un bil Hunanasesiad gan ddefnyddio mwy nag un cyfeirnod talu. Cyfeiriad bancio CThEF yw: Barclays Bank PLC 1 Churchill Place Llundain / London Y Deyrnas Unedig E14 5HP

Â cherdyn debyd neu gerdyn credyd corfforaethol ar-lein

Gallwch dalu ar-lein . Bydd ffi yn cael ei chodi os talwch â cherdyn credyd corfforaethol neu gerdyn debyd corfforaethol. Nid yw’r ffi yn ad-daladwy. Nid oes ffi yn cael ei chodi os ydych yn talu â cherdyn debyd personol. Ni allwch dalu â cherdyn credyd personol. Wrth dalu, defnyddiwch eich cyfeirnod talu, sy’n 11 o gymeriadau. Dyma’ch Cyfeirnod Unigryw y Trethdalwr ( UTR ), sy’n 10 digid, wedi’i ddilyn gan y llythyren ‘K’. Bydd hwn naill ai: yn eich cyfrif ar-lein CThEF ar eich slip talu, os ydych yn cael datganiadau papur Bydd CThEF yn derbyn eich taliad ar y dyddiad y gwnewch y taliad, nid y dyddiad y mae’n cyrraedd ei gyfrif banc – gan gynnwys ar benwythnosau a gwyliau banc. Os na allwch dalu’ch bil treth Hunanasesiad yn llawn â cherdyn, dylech ddefnyddio dull talu arall megis trosglwyddiad banc.

Yn eich banc neu’ch cymdeithas adeiladu

Dim ond os yw’r ddau amod isod yn berthnasol y gallwch dalu ag arian parod neu siec yn eich cangen: rydych yn dal i gael datganiadau papur oddi wrth Gyllid a Thollau EF ( CThEF ) mae gennych y slip talu a anfonwyd atoch gan CThEF Gwnewch eich siec yn daladwy i ‘Cyllid a Thollau EF yn unig’. Ysgrifennwch eich cyfeirnod talu, sy’n 11 o gymeriadau, ar gefn y siec. Dyma’ch Cyfeirnod Unigryw y Trethdalwr ( UTR ), sy’n 10 digid, wedi’i ddilyn gan y llythyren ‘K’. Bydd y cyfeirnod i’w weld ar y slip talu. Bydd CThEF yn derbyn eich taliad ar y dyddiad y gwnewch y taliad, ac nid y dyddiad y mae’n cyrraedd ei gyfrif banc (cyn belled â’ch bod yn talu o ddydd Llun i ddydd Gwener). Os nad oes gennych slip talu Bydd angen i chi dalu drwy ddull arall yn lle hynny, er enghraifft: cymeradwyo taliad gan ddefnyddio’ch cyfrif banc ar-lein cerdyn debyd neu gerdyn credyd corfforaethol ar-lein bancio ar-lein neu dros y ffôn Debyd Uniongyrchol

Talu â siec drwy’r post

Gallwch anfon siec i Gyllid a Thollau EF ( CThEF ) drwy’r post. CThEF /HMRC Direct BX5 5BD Nid oes angen i chi gynnwys enw stryd, enw dinas na blwch Swyddfa’r Post gyda’r cyfeiriad hwn. Caniatewch 3 diwrnod gwaith i’ch taliad gyrraedd CThEF . Gallwch wneud mwy nag un taliad tuag at eich bil cyn y dyddiad dyledus. Yr hyn i’w gynnwys Gwnewch eich siec yn daladwy i ‘Cyllid a Thollau EF yn unig’. Ysgrifennwch eich cyfeirnod talu, sy’n 11 o gymeriadau, ar gefn y siec. Dyma’ch Cyfeirnod Unigryw y Trethdalwr ( UTR ), sy’n 10 digid, wedi’i ddilyn gan y llythyren ‘K’. Bydd hwn ar eich slip talu. Dylech gynnwys y slip talu a anfonwyd atoch gan CThEF (os ydych yn dal i gael datganiadau papur). Peidiwch â phlygu’r slip talu na’r siec, a pheidiwch â’u glynu wrth ei gilydd. Gall eich taliad gael ei oedi os na fyddwch yn llenwi’ch siec yn gywir. Gallwch gynnwys llythyr ynghyd â’ch taliad er mwyn gofyn i CThEF am dderbynneb. Os nad oes gennych slip cyflog CThEF Gallwch argraffu slip (yn agor tudalen Saesneg) i’w ddefnyddio i dalu drwy’r post. Ni allwch ddefnyddio hwn mewn banc.

Talu’n wythnosol neu’n fisol

Gallwch drefnu cynllun Talu Cyllidebol i wneud taliadau Debyd Uniongyrchol wythnosol neu fisol er mwyn talu’ch bil treth Hunanasesiad nesaf. Bydd eich taliadau yn cael eu defnyddio yn erbyn eich bil treth nesaf – mae hyn yn golygu y bydd gennych lai i’w dalu erbyn y dyddiad cau ar gyfer talu . Trefnu’ch Cynllun Talu Cyllidebol I greu cynllun mae’n rhaid i’ch taliadau o’ch bil treth Hunanasesiad diweddaraf fod yn gyfredol. Mae taliadau Hunanasesiad yn ddyledus erbyn: 31 Ionawr ar gyfer treth sydd arnoch ar gyfer y flwyddyn dreth flaenorol (a elwir yn daliad mantoli), a’ch taliad ar gyfrif cyntaf 31 Gorffennaf ar gyfer eich ail daliad ar gyfrif Os yw’ch taliadau’n gyfredol Mewngofnodwch i’ch cyfrif ar-lein . Dewiswch ‘Debyd Uniongyrchol’ ac ewch i’r opsiwn Cynllun Talu Cyllidebol. Penderfynwch a ydych am wneud taliadau wythnosol neu fisol a faint rydych am ei dalu. Os nad yw’r swm yr ydych wedi’i dalu yn cynnwys eich holl fil nesaf, bydd angen i chi dalu’r gwahaniaeth. Os oes gennych gredyd, gallwch ofyn am ad-daliad. Gallwch oedi taliadau am hyd at 6 mis os oes angen. Os na allwch dalu’ch bil treth Os ydych wedi methu’ch dyddiad cau ar gyfer talu Hunanasesiad neu os na allwch dalu’r swm sy’n ddyledus gennych, efallai y byddwch yn gallu trefnu cynllun talu (a elwir hefyd yn drefniant ‘Amser i Dalu’) . Gwirio pa gynllun talu sy’n iawn i chi Defnyddiwch yr offeryn hwn i wirio a allwch drefnu taliadau rheolaidd tuag at eich bil treth Hunanasesiad . Yr hyn y bydd ei angen arnoch i greu cynllun talu Bydd angen i chi ddefnyddio’ch cyfeirnod talu, sy’n 11 o gymeriadau, pan fyddwch yn trefnu Debyd Uniongyrchol newydd. Hynny yw, eich Cyfeirnod Unigryw y Trethdalwr ( UTR ) sy’n 10 digid, wedi’i ddilyn gan y llythyren ‘K’. Bydd hwn naill ai: yn eich cyfrif ar-lein CThEF ar eich slip talu, os ydych yn cael datganiadau papur

Gallwch dalu’ch bil treth Hunanasesiad drwy’ch cod treth TWE , cyn belled â bod yr holl amodau isod yn berthnasol: mae arnoch lai na £3,000 ar eich bil treth (ni allwch wneud taliad rhannol er mwyn cyrraedd y trothwy hwn) rydych eisoes yn talu treth drwy TWE , er enghraifft, rydych yn gyflogai neu’n cael pensiwn cwmni gwnaethoch gyflwyno’ch Ffurflen Dreth ar bapur erbyn 31 Hydref, neu’ch Ffurflen Dreth ar-lein erbyn 30 Rhagfyr Sut mae’n gweithio Bydd Cyllid a Thollau EF ( CThEF ) yn casglu’r hyn sydd arnoch yn awtomatig drwy’ch cod treth os ydych yn bodloni pob un o’r 3 amod, oni bai eich bod wedi gofyn yn benodol iddynt beidio â gwneud hynny (ar eich Ffurflen Dreth). Os nad ydych yn gymwys, ni fyddwch yn gallu talu yn y ffordd hon. Pryd na allwch dalu drwy’ch cod treth Ni fyddwch yn gallu talu’ch bil treth drwy’ch cod treth TWE os yw’r amodau isod yn berthnasol: nid oes gennych ddigon o incwm TWE i CThEF allu casglu’r dreth sydd arnoch byddech yn talu mwy na 50% o’ch incwm TWE mewn treth yn y pen draw, byddech yn talu mwy na dwywaith cymaint o dreth ag yr ydych yn ei thalu fel arfer roedd arnoch £3,000 neu fwy, ond gwnaethoch daliad rhannol i ostwng y swm sydd arnoch i lai na £3,000 Os ydych yn hunangyflogedig, ni allwch dalu Yswiriant Gwladol Dosbarth 2 drwy’ch cod treth, oni bai bod yr Yswiriant Gwladol wedi bod yn ddyledus ers cyn 6 Ebrill 2015. Mae’n rhaid i chi ddefnyddio un o’r dulliau talu eraill erbyn y dyddiad cau yn lle hynny. Sut y gwneir didyniadau Bydd y dreth sydd arnoch yn cael ei thynnu oddi wrth eich cyflog neu’ch pensiwn fesul rhandaliad cyfartal dros 12 mis, ynghyd â’ch didyniadau treth arferol.

Gwirio bod eich taliad wedi dod i law

Mewngofnodwch i’ch cyfrif ar-lein Cyllid a Thollau EF i weld a yw’ch taliad wedi dod i law. Bydd unrhyw daliad a wnaed gennych ar-lein neu’n electronig yn ystod y 7 diwrnod diwethaf yn dangos yn yr adran ‘Eich balans’ yn eich cyfrif ar-lein. Bydd taliadau eraill yn cymryd yn hirach i ymddangos. Ar ôl i Gyllid a Thollau EF ( CThEF ) brosesu eich taliad, bydd yn dangos yn yr adran ‘Bwrw golwg dros daliadau a chredydau’ o’ch cyfrif ar-lein CThEF . Gall gymryd hyd at 7 diwrnod ar ôl i’ch taliad gael ei anfon i ddangos yn eich cyfrif ar-lein CThEF . Os nad ydych yn gallu gweld eich taliad yn eich cyfrif ar-lein CThEF ar ôl 7 diwrnod, gwiriwch gyda’ch banc i wneud yn siŵr bod y taliad wedi’i anfon.

Talu’ch bil treth Hunanasesiad

Trosolwg

Fel arfer, mae’r dyddiadau cau ar gyfer talu’ch bil treth fel a ganlyn:

31 Ionawr – ar gyfer treth sydd arnoch ar gyfer y flwyddyn dreth flaenorol (a elwir yn daliad mantoli) a’ch taliad ar gyfrif cyntaf
31 Gorffennaf – ar gyfer eich ail daliad ar gyfrif

Mae’r canllaw hwn hefyd ar gael yn Saesneg.

Talu’ch bil treth

Talu Hunanasesiad nawr

Gallwch hefyd ddefnyddio ap CThEF i dalu’ch bil gan ddefnyddio gwasanaeth bancio ar-lein eich banc, neu ap eich banc.

Gallwch dalu’r swm sydd arnoch mewn rhandaliadau cyn y dyddiad dyledus, os yw’n well gennych. Gallwch wneud hyn drwy’r dulliau canlynol:

trefnu taliadau wythnosol neu fisol tuag at eich bil
gwneud taliadau untro drwy’ch cyfrif banc ar-lein, gan ddefnyddio bancio ar-lein neu dros y ffôn (Taliadau Cyflymach), trefnu taliadau unigol drwy Ddebyd Uniongyrchol neu drwy bostio sieciau

Gallwch gael help os na allwch dalu’ch bil treth mewn pryd.

Dulliau o dalu

Sicrhewch eich bod yn talu Cyllid a Thollau EF (CThEF) erbyn y dyddiad cau. Bydd llog yn cael ei godi arnoch, ac efallai y bydd cosb yn cael ei chodi arnoch os yw’ch taliad yn hwyr.

Mae’r amser y mae angen i chi ei ganiatáu yn dibynnu ar eich dull o dalu.

Ni allwch dalu yn Swyddfa’r Post mwyach.

Ar yr un diwrnod neu’r diwrnod nesaf

Gallwch dalu drwy gyfrwng y dulliau canlynol:

drwy’ch cyfrif banc ar-lein
gan ddefnyddio bancio ar-lein neu dros y ffôn (Taliadau Cyflymach)
drwy CHAPS
â cherdyn debyd neu gerdyn credyd corfforaethol ar-lein
yn eich banc neu gymdeithas adeiladu

Mae’n rhaid i chi gael slip talu oddi wrth CThEF er mwyn talu mewn banc neu gymdeithas adeiladu.

3 diwrnod gwaith

Gallwch dalu drwy’r dulliau canlynol:

Bacs
Debyd Uniongyrchol (os ydych wedi trefnu un gyda CThEF yn y gorffennol)
drwy siec yn y post

5 diwrnod gwaith

Gallwch dalu drwy’r dulliau canlynol:

Debyd Uniongyrchol (os nad ydych wedi trefnu un gyda CThEF yn y gorffennol)

Os yw’r dyddiad cau ar benwythnos neu ŵyl banc, sicrhewch fod eich taliad yn cyrraedd CThEF ar y diwrnod gwaith olaf cyn y dyddiad hwnnw (oni bai eich bod yn talu drwy gyfrwng Taliadau Cyflymach neu â cherdyn debyd neu gerdyn credyd).

Problemau â gwasanaethau talu

Gall gwasanaethau talu ar-lein fod yn araf yn ystod adegau prysur. Edrychwch i weld a oes problemau ar hyn o bryd, neu adegau pan na fyddant ar gael (yn agor tudalen Saesneg).

Argraffu'r canllaw cyfan

Talu’ch bil treth Hunanasesiad

Trosolwg

Talu’ch bil treth

Dulliau o dalu

Ar yr un diwrnod neu’r diwrnod nesaf

3 diwrnod gwaith

5 diwrnod gwaith

Problemau â gwasanaethau talu

Is this page useful?

Help us improve GOV.UK

Help us improve GOV.UK

Cookies on GOV.UK

Talu’ch bil treth Hunanasesiad

Trosolwg

Talu’ch bil treth

Dulliau o dalu

Ar yr un diwrnod neu’r diwrnod nesaf

3 diwrnod gwaith

5 diwrnod gwaith

Problemau â gwasanaethau talu

Cynnwys cysylltiedig

Is this page useful?

Help us improve GOV.UK

Help us improve GOV.UK