Treth Enillion Cyfalaf: yr hyn yr ydych yn talu’r dreth arno, cyfraddau a lwfansau

Sgipio cynnwys

Cyfraddau Treth Enillion Cyfalaf

Rydych yn talu cyfradd dreth ar enillion o eiddo preswyl sy’n wahanol i’r gyfradd rydych yn ei thalu ar asedion eraill.

Fel arfer, nid ydych yn talu treth pan fyddwch yn gwerthu’ch cartref (yn agor tudalen Saesneg).

Os ydych yn talu Treth Incwm cyfradd uwch

Os ydych yn drethdalwr cyfradd uwch neu’n drethdalwr cyfradd ychwanegol, bydd y swm yr ydych yn ei dalu yn dibynnu ar ddyddiad a math eich ennill.

Enillion o 30 Hydref 2024 ymlaen 

Byddwch yn talu’r canlynol: 

Enillion rhwng 6 Ebrill 2024 a 29 Hydref 2024

Byddwch yn talu’r canlynol:

Gallwch weld y cyfraddau a lwfansau ar gyfer blynyddoedd treth blaenorol (yn agor tudalen Saesneg).

Os ydych yn talu Treth Incwm cyfradd sylfaenol

Os ydych yn drethdalwr cyfradd sylfaenol, mae’r gyfradd rydych yn ei thalu yn dibynnu ar faint o ennill a gewch, ar eich incwm trethadwy, ac ar p’un a yw’ch ennill o eiddo preswyl neu o asedion eraill.

  1. Cyfrifwch faint o incwm trethadwy sydd gennych – dyma’ch incwm llai’ch Lwfans Personol ac unrhyw ryddhad Treth Incwm arall y mae gennych hawl iddo.

  2. Cyfrifwch gyfanswm eich enillion trethadwy.

  3. Didynnwch eich lwfans rhydd o dreth oddi wrth gyfanswm eich enillion trethadwy.

  4. Adiwch y swm hwn at eich incwm trethadwy.

  5. Os yw’r swm hwn o fewn y band Treth Incwm sylfaenol, byddwch yn talu 18% ar yr enillion a wnewch o 30 Hydref 2024 ymlaen. Ar gyfer enillion a wnaed rhwng 6 Ebrill 2024 a 29 Hydref 2024, byddwch yn talu 10% ar eich enillion (neu 18% ar eiddo preswyl a buddiant a drosglwyddir).

  6. Ar gyfer unrhyw swm sydd dros y band Treth Incwm sylfaenol, byddwch yn talu 24% ar enillion a wneir o 30 Hydref 2024 ymlaen (neu 28% ar fuddiant a drosglwyddir). Ar gyfer enillion a wnaed rhwng 6 Ebrill 2024 a 29 Hydref 2024, byddwch yn talu 20% (neu 24% ar eiddo preswyl a 28% ar fuddiant a drosglwyddir).

Enghraifft 1 

Rydych yn gwneud ennill ar neu ar ôl 30 Hydref 2024. Mae’ch incwm trethadwy (sef eich incwm llai’ch Lwfans Personol ac unrhyw ryddhad Treth Incwm) yn £20,000, ac mae’ch enillion trethadwy yn £12,600.  

Yn gyntaf, didynnwch y lwfans rhydd o Dreth Enillion Cyfalaf oddi wrth eich ennill trethadwy. Ar gyfer blwyddyn dreth 2024 i 2025, y lwfans yw £3,000 sy’n gadael £9,600 i dalu treth arno.  

Adiwch hwn at eich incwm trethadwy. Oherwydd bod y swm cyfunol, sef £29,600, yn llai na £37,700 (sef y band cyfradd sylfaenol ar gyfer blwyddyn dreth 2024 i 2025), rydych yn talu Treth Enillion Cyfalaf ar gyfradd o 18%.  

Mae hyn yn golygu y byddwch yn talu £1,728 mewn Treth Enillion Cyfalaf.

Enghraifft 2

Rydych yn gwneud ennill rhwng 6 Ebrill 2024 a 29 Hydref 2024. Mae’ch incwm trethadwy (sef eich incwm llai’ch Lwfans Personol ac unrhyw ryddhad Treth Incwm) yn £20,000, ac mae’ch enillion trethadwy yn £12,600. Nid yw’ch enillion o eiddo preswyl. 

Yn gyntaf, didynnwch y lwfans rhydd o Dreth Enillion Cyfalaf oddi wrth eich ennill trethadwy. Ar gyfer blwyddyn dreth 2024 i 2025, y lwfans yw £3,000 sy’n gadael £9,600 i dalu treth arno. 

Adiwch hwn at eich incwm trethadwy. Oherwydd bod y swm cyfunol, sef £29,600, yn llai na £37,700 (sef y band cyfradd sylfaenol ar gyfer blwyddyn dreth 2024 i 2025), rydych yn talu Treth Enillion Cyfalaf ar gyfradd o 10%. 

Mae hyn yn golygu y byddwch yn talu £960 mewn Treth Enillion Cyfalaf.

Os oes gennych enillion o eiddo preswyl ac o asedion eraill

Gallwch ddefnyddio’ch lwfans rhydd o dreth yn erbyn yr enillion a fyddai’n cael eu trethu ar y cyfraddau uchaf (er enghraifft, lle y byddech yn talu treth ar gyfradd o 24% neu 28%). 

Gallwch weld y cyfraddau a lwfansau ar gyfer blynyddoedd treth blaenorol (yn agor tudalen Saesneg).

Os ydych yn ymddiriedolwr, yn gynrychiolydd personol neu’n fusnes

Mae ymddiriedolwyr, neu gynrychiolwyr personol rhywun sydd wedi marw, yn talu:

  • 24% ar eiddo preswyl 

  • 24% ar asedion trethadwy eraill (neu 20% ar enillion rhwng 6 Ebrill 2024 a 29 Hydref 2024)

Mae cynrychiolwyr personol rhywun sydd wedi marw yn talu 28% ar fuddiant a drosglwyddir.

Byddwch yn talu 10% os ydych yn unig fasnachwr neu’n bartneriaeth a bod eich enillion yn gymwys ar gyfer Rhyddhad Gwaredu Ased Busnes (yn agor tudalen Saesneg).

Gallwch weld y cyfraddau a lwfansau ar gyfer blynyddoedd treth blaenorol (yn agor tudalen Saesneg).

Gweld fersiwn argraffadwy o'r canllaw cyfan

Cynnwys cysylltiedig