Mathau o ymddiriedolaethau

Y prif fathau o ymddiriedolaethau yw: ymddiriedolaethau gwag ymddiriedolaethau buddiant mewn meddiant ymddiriedolaethau amodol ymddiriedolaethau cronnol ymddiriedolaethau cymysg ymddiriedolaethau pan fo buddiant gan setlwr ymddiriedolaethau ar gyfer pobl nad ydynt yn breswyl Trethir bob math o ymddiriedolaeth yn wahanol. Mae ymddiriedolaeth yn cynnwys ‘ymddiriedolwr’, ‘setlwr’ a ‘buddiolwr’ . Ymddiriedolaethau gwag Cedwir asedion mewn ymddiriedolaethau gwag yn enw ymddiriedolwr. Fodd bynnag, mae’r buddiolwr â’r hawl i gael holl gyfalaf ac incwm yr ymddiriedolaeth ar unrhyw adeg os yw’n 18 neu’n hŷn (yng Nghymru neu Lloegr), neu 16 neu’n hŷn (yn yr Alban). Mae hyn yn golygu bod yr asedion sydd wedi’u neilltuo gan setlwr bob tro’n mynd yn uniongyrchol i’r buddiolwr arfaethedig. Defnyddir ymddiriedolaeth wag yn aml i drosglwyddo asedion i bobl ifanc - mae’r ymddiriedolwyr yn gofalu amdanynt hyd nes bod y buddiolwr yn ddigon hen. Enghraifft Rydych y gadael arian i’ch chwaer yn eich ewyllys. Cedwir yr arian mewn ymddiriedolaeth. Mae hawl gan eich chwaer i’r arian ac i unrhyw incwm (er enghraifft llog) y mae’n ennill. Gall hi hefyd gymryd meddiant o’r arian ar unrhyw adeg. Ymddiriedolaethau buddiant mewn meddiant Mae’r rhain yn ymddiriedolaethau lle bo’r ymddiriedolwr yn gorfod trosglwyddo holl incwm yr ymddiriedolaeth i’r buddiolwr fel y mae’n codi (llai unrhyw dreuliau). Enghraifft Rydych yn creu ymddiriedolaeth ar gyfer pob cyfranddaliad roeddech yn berchen arno. Yn ôl telerau’r ymddiriedolaeth, mae’r incwm o’r cyfranddaliadau hynny yn mynd at eich gwraig am weddill ei hoes ar adeg eich marwolaeth. Pan mae hi’n marw, bydd y cyfranddaliadau yn mynd at eich plant. Eich gwraig yw buddiolwr yr incwm ac mae ganddi ‘fuddiant mewn meddiant’ yn yr ymddiriedolaeth. Nid oes ganddi hawl i’r cyfranddaliadau eu hunain. Ymddiriedolaethau amodol Yn y rhain, gall ymddiriedolwyr wneud penderfyniadau penodol ynghylch sut i ddefnyddio incwm yr ymddiriedolaeth, ac weithiau’r cyfalaf. Yn ddibynnol ar y weithred ymddiriedolaeth, gall ymddiriedolwyr benderfynu: beth sy’n cael ei dalu allan (incwm neu gyfalaf) pa fuddiolwr i wneud taliadau iddo pa mor aml y gwneir taliadau unrhyw amodau i’w gosod ar y buddiolwyr Crëir ymddiriedolaeth amodol weithiau er mwyn neilltuo asedion ar gyfer: angen yn y dyfodol, megis ar gyfer ŵyr a allai fod angen mwy o help ariannol na buddiolwyr eraill ar ryw adeg yn ei fywyd buddiolwyr sydd ddim â’r gallu, neu sydd ddim digon cyfrifol, i ddelio â’r arian eu hunain Ymddiriedolaethau cronnol Yn y rhain, gall yr ymddiriedolwyr gronni incwm o fewn yr ymddiriedolaeth a’i ychwanegu at gyfalaf yr ymddiriedolaeth. Mae’n bosibl y gallant hefyd dalu incwm allan, fel gydag ymddiriedolaeth amodol. Ymddiriedolaethau cymysg Mae’r rhain yn gyfuniad o fwy nag un math o ymddiriedolaeth. Mae’r rhannau gwahanol o’r ymddiriedolaeth yn cael eu trin yn ôl y rheolau treth sy’n gymwys i bob rhan. Ymddiriedolaethau pan fo buddiant gan setlwr Yn y rhain mae’r setlwr neu ei briod neu ei bartner sifil yn elwa o’r ymddiriedolaeth. Gall yr ymddiriedolaeth fod yn: ymddiriedolaeth buddiant mewn meddiant ymddiriedolaeth gronnol ymddiriedolaeth amodol Enghraifft Ni allwch weithio mwyach o ganlyniad i salwch. Gwnaethoch greu ymddiriedolaeth amodol er mwyn sicrhau bod gennych arian yn y dyfodol. Chi yw’r setlwr - mae’n bosibl y byddwch hefyd yn elwa o’r ymddiriedolaeth oherwydd gall yr ymddiriedolwyr wneud taliadau i chi. Ymddiriedolaethau ar gyfer pobl nad ydynt yn breswyl Dyma ymddiriedolaeth lle nad yw’r ymddiriedolwyr yn preswylio yn y DU at ddibenion treth. Mae’r rheolau treth ar gyfer ymddiriedolaethau ar gyfer pobl nad ydynt yn breswyl (yn agor tudalen Saesneg) yn gymhleth iawn.

Ymddiriedolaethau rhieni ar gyfer plant

Ymddiriedolaethau yw’r rhain a grëir gan rieni ar gyfer plant sydd o dan 18 oed ac nad ydynt erioed wedi bod yn briod neu mewn partneriaeth sifil. Nid ydynt yn fath o ymddiriedolaeth yn eu hunain ond byddant yn un o’r canlynol: ymddiriedolaeth wag ymddiriedolaeth buddiant mewn meddiant ymddiriedolaeth gronnol ymddiriedolaeth amodol Darllenwch yr wybodaeth ar y mathau o ymddiriedolaeth i ddysgu rhagor. Treth Incwm Caiff Treth Incwm ar incwm o’r ymddiriedolaeth ei thalu gan yr ymddiriedolwyr, ond y ‘setlwr’ sy’n gyfrifol amdani. Mae hyn yn golygu: Mae’r ymddiriedolwyr yn talu Treth Incwm ar incwm yr ymddiriedolaeth drwy lenwi Ffurflen Dreth Ymddiriedolaeth ac Ystâd. Maent yn rhoi datganiad i’r setlwr o’r holl incwm a’r cyfraddau treth a godir arno. Mae’r setlwr yn rhoi gwybod i Gyllid a Thollau EF (CThEF) am y dreth mae’r ymddiriedolwyr wedi’i thalu ar ei ran wrth lenwi’i Ffurflen Dreth Hunanasesiad .

Ymddiriedolaethau ar gyfer pobl sy’n agored i niwed

Mae rhai ymddiriedolaethau ar gyfer plant neu bobl ag anabledd yn cael triniaeth treth arbennig. Gelwir y rhain yn ‘ymddiriedolaethau ar gyfer buddiolwyr sy’n agored i niwed’. Pwy sy’n gymwys fel buddiolwr sy’n agored i niwed Buddiolwr sy’n agored i niwed yw rhywun sydd naill ai o dan 18 oed sydd â rhiant wedi marw neu berson anabl sy’n gymwys ar gyfer unrhyw un o’r budd-daliadau canlynol (hyd yn oed os nad yw’n eu cael): Taliad Anabledd Oedolion Taliad Annibyniaeth y Lluoedd Arfog (yn agor tudalen Saesneg) Lwfans Gweini Taliad Anabledd Plant Lwfans Gweini Cyson (yn agor tudalen Saesneg) Lwfans Byw i’r Anabl ar gyfer oedolion neu Lwfans Byw i’r Anabl ar gyfer plant (naill ai’r elfen gofal ar y gyfradd ganolig neu’r gyfradd uwch, neu’r elfen symud ar y gyfradd uwch) Budd-dal Anabledd Anafiadau Diwydiannol Taliad Anabledd Oedran Pensiwn Taliad Annibyniaeth Personol Gall buddiolwr sy’n agored i niwed hefyd fod yn rhywun na all reoli’i faterion ei hun oherwydd cyflwr iechyd meddwl - gwiriwch gyda gweithiwr meddygol proffesiynol ei fod wedi’i gwmpasu gan Ddeddf Iechyd Meddwl 1983. Ymddiriedolaethau sy’n gymwys ar gyfer triniaeth treth arbennig Nid yw ymddiriedolaeth yn gymwys ar gyfer triniaeth Treth Incwm arbennig os yw’r person sy’n ei chreu yn gallu elwa o incwm yr ymddiriedolaeth. Fodd bynnag, o 2008 i 2009 byddai’n gymwys ar gyfer triniaeth Treth Enillion Cyfalaf arbennig. Fel arfer caiff ymddiriedolaethau ar gyfer plant sydd wedi colli rhiant eu creu yn ôl ewyllys rhiant, neu yn ôl rheolau arbennig etifeddiaeth os nad oes ewyllys. Os yw rhywun yn marw heb ewyllys yn yr Alban, mae ymddiriedolaeth a grëwyd yno ar gyfer eu plant fel arfer yn cael ei thrin fel ymddiriedolaethau gwag at ddibenion treth. Os oes mwy nag un buddiolwr Os oes buddiolwyr sydd ddim yn agored i niwed, mae’n rhaid i’r asedion a’r incwm ar gyfer y buddiolwr sy’n agored i niwed: wedi eu nodi a’u cadw ar wahân eu defnyddio ar gyfer y person hwnnw yn unig Dim ond y rhan honno o’r ymddiriedolaeth sy’n cael triniaeth treth arbennig. Hawlio triniaeth treth arbennig Er mwyn hawlio triniaeth arbennig ar gyfer Treth Incwm a Threth Enillion Cyfalaf, rhaid i’r ymddiriedolwyr lenwi’r ffurflen ‘Dewis Person sy’n Agored i Niwed’ . Os oes mwy nag un buddiolwr sy’n agored i niwed, mae angen ffurflen ar wahân ar bob un ohonynt. Rhaid i’r ymddiriedolwyr a’r buddiolwr lofnodi’r ffurflen. Os yw’r person sy’n agored i niwed yn marw neu os nad yw’n agored i niwed mwyach, mae’n rhaid i’r ymddiriedolwyr roi gwybod i CThEF (yn agor tudalen Saesneg) . Treth Incwm Mewn ymddiriedolaeth sydd â buddiolwr sy’n agored i niwed, mae’r ymddiriedolwyr â’r hawl i gael didyniad yn eu Treth Incwm. Fe’i cyfrifir drwy’r dull canlynol: Mae ymddiriedolwyr yn cyfrifo beth fyddai Treth Incwm eu hymddiriedolaeth os nad oedd hawliad am driniaeth arbennig - bydd hyn yn newid yn ôl pa fath o ymddiriedolaeth ydyw. Maent wedyn yn cyfrifo’r Dreth Incwm y byddai’r person sy’n agored i niwed wedi ei thalu pe bai incwm yr ymddiriedolaeth wedi’i dalu yn uniongyrchol iddynt fel unigolyn. Gallant yna hawlio’r gwahaniaeth rhwng y 2 ffigur hyn fel didyniad o’u rhwymedigaeth Treth Incwm eu hunain. Mae hwn yn gyfrifiad cymhleth ond mae enghraifft fanwl wedi’i chyfrifo (yn agor tudalen Saesneg) ar wefan CThEF . Treth Enillion Cyfalaf Mae’n bosibl y bydd Treth Enillion Cyfalaf yn ddyledus os bydd asedion yn cael eu gwerthu, eu rhoi i ffwrdd, eu cyfnewid neu eu trosglwyddo drwy ddull arall, a bod eu gwerth wedi cynyddu ers iddynt gael eu rhoi mewn ymddiriedolaeth. Yr unig adeg y mae ymddiriedolwyr yn talu’r dreth yw pan fo gwerth yr asedion wedi cynyddu i fod dros lwfans rhydd o dreth yr ymddiriedolaeth (sef y ‘swm eithriedig blynyddol’). Ar gyfer blwyddyn dreth 2024 i 2025, y lwfans rhydd o dreth ar gyfer ymddiriedolaethau yw: £3,000 ar gyfer buddiolwyr sy’n agored i niwed £1,500 ar gyfer ymddiriedolwyr eraill Gallwch weld y lwfans rhydd o dreth ar gyfer blynyddoedd treth blaenorol (yn agor tudalen Saesneg) . Mae ymddiriedolwyr yn gyfrifol am dalu unrhyw Dreth Enillion Cyfalaf sy’n ddyledus. Os yw’r ymddiriedolaeth ar gyfer pobl sy’n agored i niwed, gall ymddiriedolwyr hawlio gostyngiad, a hynny drwy’r dull canlynol: Maent yn cyfrifo’r hyn y byddent yn ei dalu pe na bai gostyngiad. Maent wedyn yn cyfrifo beth byddai’n rhaid i’r buddiolwr ei dalu pe bai’r enillion wedi dod yn uniongyrchol ato. Gallant hawlio’r gwahaniaeth rhwng y 2 ffigur hyn fel gostyngiad ar yr hyn y mae’n rhaid iddynt ei dalu mewn Treth Enillion Cyfalaf drwy ddefnyddio ffurflen SA905 (yn agor tudalen Saesneg) . Nid yw’r driniaeth Treth Enillion Cyfalaf arbennig hon yn berthnasol yn y flwyddyn dreth y bu farw’r buddiolwr ynddi. Treth Etifeddiant Dyma’r sefyllfaoedd pan mae ymddiriedolaethau ar gyfer pobl sy’n agored i niwed yn cael triniaeth Treth Etifeddiant (yn agor tudalen Saesneg) arbennig: ar gyfer person anabl sydd ag ymddiriedolaeth a grëwyd cyn 8 Ebrill 2013 - rhaid i o leiaf hanner y taliadau o’r ymddiriedolaeth fynd at y person anabl yn ystod ei oes ar gyfer person anabl sydd ag ymddiriedolaeth a grëwyd ar ôl 8 Ebrill 2013 - rhaid i’r taliadau fynd at y person anabl, ar wahân i £3,000 y flwyddyn (neu 3% o’r asedion, os yw’n is) a all gael eu defnyddio er budd rhywun arall pan mae rhywun sydd â chyflwr a ddisgwylir eu gwneud yn anabl yn sefydlu ymddiriedolaeth drosto’i hun ar gyfer plentyn dan oed a brofodd brofedigaeth - rhaid iddynt gymryd yr asedion a’r incwm i gyd pan mae’n troi’n 18 oed (neu cyn troi’n 18 oed) Ni chodir Treth Etifeddiant: os yw’r person a wnaeth greu’r ymddiriedolaeth yn dal i fyw 7 mlynedd ar ôl y dyddiad creu ar drosglwyddiadau a wnaed allan o ymddiriedolaeth i fuddiolwr sy’n agored i niwed Pan mae buddiolwr yn marw, caiff unrhyw asedion a ddelir yn yr ymddiriedolaeth ar ei ran eu trin fel rhan o’r ystâd a gellir codi Treth Etifeddiant. Fel arfer mae Treth Etifeddiant yn cael ei chodi bob 10 mlynedd ar ymddiriedolaethau, ond mae eithriad o ran ymddiriedolaethau sydd â buddiolwyr sy’n agored i niwed.

Ymddiriedolaethau a Threth Incwm

Nid yw’r rhan fwyaf o ymddiriedolaethau yn talu Treth Incwm ar incwm hyd at swm rhydd o dreth (sef £500, fel arfer). Mae treth yn ddyledus ar y swm llawn, os yw’r incwm yn fwy na’r swm rhydd o dreth. Nid yw ymddiriedolwyr yn gymwys ar gyfer y lwfans difidend . Mae incwm o wahanol fathau o ymddiriedolaethau yn agored i gyfraddau gwahanol o Dreth Incwm. Trethir pob math o ymddiriedolaeth yn wahanol. Mae ymddiriedolaethau yn cynnwys ‘ymddiriedolwr’, ‘setlwr’ a ‘buddiolwr’ . Ymddiriedolaethau cronnol neu amodol Mae ymddiriedolwyr yn gyfrifol am dalu treth ar incwm a gafwyd gan ymddiriedolaethau cronnol neu ymddiriedolaethau amodol. Os oes gan y setlwr fwy nag un ymddiriedolaeth gronnol neu amodol, rhennir y swm rhydd o dreth, sef £500, rhwng nifer yr ymddiriedolaethau cronnol neu amodol sydd gan y setlwr. Os yw’r setlwr wedi sefydlu 5 neu fwy o ymddiriedolaethau cronnol neu amodol, y swm rhydd o dreth ar gyfer pob ymddiriedolaeth yw £100. Mae’r cyfraddau treth i’w gweld isod. Math o incwm Cyfradd dreth Incwm o fath difidend 39.35% Pob incwm arall 45% Y gyfradd dreth ar gyfer incwm a ddefnyddir i dalu am gostau rheoli cymhwysol yr ymddiriedolaeth yw 8.75% ar gyfer incwm difidend a 20% ar gyfer incwm arall. Dysgwch am eitemau trethadwy, cronfeydd treth a didyniadau ar gyfer ymddiriedolaethau a Threth Incwm (yn agor tudalen Saesneg) . Ymddiriedolaethau buddiant mewn meddiant Yr ymddiriedolwyr sy’n gyfrifol am dalu Treth Incwm ar y cyfraddau isod. Math o incwm Cyfradd Treth Incwm Incwm o fath difidend 8.75% Pob incwm arall 20% Weithiau, mae ymddiriedolwyr yn ‘mandadu’ incwm i’r buddiolwr. Mae hyn yn golygu bod yr incwm yn mynd yn syth i’r buddiolwr yn hytrach na mynd drwy’r ymddiriedolwyr. Os bydd hyn yn digwydd, mae’n rhaid i’r buddiolwr ei gynnwys ar ei Ffurflen Dreth Hunanasesiad a thalu treth arno. Ymddiriedolaethau gwag Os ydych yn fuddiolwr ymddiriedolaeth wag, chi sy’n gyfrifol am dalu treth ar incwm ohoni. Mae angen i chi roi gwybod i CThEF am yr incwm ar Ffurflen Dreth Hunanasesiad . Nid yw’r swm rhydd o dreth ar gyfer ymddiriedolaethau, sef £500, yn berthnasol, ond efallai y bydd modd i chi ddefnyddio’ch Lwfans Personol. Os nad ydych yn anfon Ffurflen Dreth fel arfer, mae’n rhaid i chi gofrestru ar gyfer Hunanasesiad erbyn 5 Hydref yn dilyn y flwyddyn dreth y cawsoch yr incwm. Ymddiriedolaethau pan fo buddiant gan setlwr Mae’r setlwr yn gyfrifol am Dreth Incwm ar yr ymddiriedolaethau hyn, hyd yn oed os nad yw peth o’r incwm yn cael ei dalu allan iddo. Fodd bynnag, caiff y Dreth Incwm ei thalu gan yr ymddiriedolwyr fel y maent yn cael yr incwm. Mae’r ymddiriedolwyr yn talu Treth Incwm ar incwm yr ymddiriedolaeth drwy lenwi Ffurflen Dreth Ymddiriedolaeth ac Ystâd. Maent yn rhoi datganiad i’r setlwr o’r holl incwm a’r cyfraddau treth a godir arno. Mae’r setlwr yn rhoi gwybod i CThEF am y dreth y mae’r ymddiriedolwyr wedi’i thalu ar ei ran ar Ffurflen Dreth Hunanasesiad. Mae’r gyfradd Treth Incwm yn ddibynnol ar ba fath o ymddiriedolaeth yw’r ymddiriedolaeth pan fo buddiant gan setlwr. Mathau eraill o ymddiriedolaethau Mae rheolau arbennig ar gyfer ymddiriedolaethau rhieni ar gyfer plant , ymddiriedolaethau ar gyfer pobl sy’n agored i niwed ac ymddiriedolaethau lle nad yw’r ymddiriedolwyr yn preswylio yn y DU at ddibenion treth. Gelwir y rhain yn ymddiriedolaethau ar gyfer pobl nad ydynt yn breswyl (yn agor tudalen Saesneg) . Os mai chi yw’r buddiolwr Yn dibynnu ar y math o ymddiriedolaeth ac ar eich incwm, mae’n bosibl y byddwch yn gallu hawlio peth o’r Dreth Incwm yn ôl . Os mai chi yw’r ymddiriedolwr Gallwch gael help wrth lenwi’r Ffurflen Dreth Ymddiriedolaeth ac Ystâd (yn agor tudalen Saesneg) . Os oes angen rhagor o help arnoch Mae arweiniad mwy manwl ar ymddiriedolaethau a Threth Incwm (yn agor tudalen Saesneg) . Cysylltwch â CThEF neu ceisiwch gyngor treth proffesiynol (yn agor tudalen Saesneg) os oes angen help arnoch.

Ymddiriedolaethau a Threth Enillion Cyfalaf

Treth Enillion Cyfalaf (yn agor tudalen Saesneg) yw treth ar yr elw (‘enillion’) pan fo rhywbeth (‘ased’) sydd wedi cynyddu mewn gwerth yn cael ei gymryd allan o ymddiriedolaeth neu’n cael ei roi i mewn i un. Pryd mae’n bosibl y bydd Treth Enillion Cyfalaf yn daladwy Os rhoddir asedion i mewn i ymddiriedolaeth Caiff treth ei thalu gan naill y person sy’n: gwerthu’r ased i’r ymddiriedolaeth trosglwyddo’r ased (y ‘ setlwr ’) Os cymerir asedion allan o ymddiriedolaeth Fel arfer, rhaid i’r ymddiriedolwyr dalu’r dreth os ydynt yn gwerthu neu’n trosglwyddo asedion ar ran y buddiolwr. Nid oes treth i’w thalu mewn ymddiriedolaethau gwag os yw’r asedion yn cael eu trosglwyddo i’r buddiolwr. Weithiau, efallai y caiff ased ei drosglwyddo i rywun arall ond nid yw Treth Enillion Cyfalaf yn daladwy. Mae hyn yn digwydd pan fo rhywun yn marw ac mae ‘ buddiant mewn meddiant ’ yn dod i ben. Mae buddiolwr yn cael rhywfaint o’r asedion, neu’r holl asedion, sydd mewn ymddiriedolaeth Weithiau, daw ‘hawl absoliwt’ i fuddiolwr ymddiriedolaeth, a gall roi gwybod i’r ymddiriedolwyr beth i’w wneud â’r asedion, er enghraifft pan fyddant yn cyrraedd oedran penodol. Yn yr achos hwn, mae’r ymddiriedolwyr yn talu Treth Enillion Cyfalaf yn seiliedig ar werth marchnadol (yn agor tudalen Saesneg) yr asedion pan fo’r buddiolwr yn cael yr hawl iddynt. Ymddiriedolaethau ar gyfer pobl nad ydynt yn breswyl yn y DU Mae’r rheolau ar gyfer Treth Enillion Cyfalaf ar ymddiriedolaethau ar gyfer pobl nad ydynt yn breswyl yn y DU (yn agor tudalen Saesneg) yn gymhleth. Gallwch gael help gyda’ch treth (yn agor tudalen Saesneg) . Cyfrifo cyfanswm yr enillion Rhaid i ymddiriedolwyr gyfrifo cyfanswm yr enillion trethadwy (yn agor tudalen Saesneg) er mwyn gwybod a oes angen iddynt dalu Treth Enillion Cyfalaf. Costau a ganiateir Gall ymddiriedolwyr ddidynnu costau er mwyn lleihau enillion - mae hyn yn cynnwys y canlynol: cost yr eiddo (gan gynnwys unrhyw ffioedd gweinyddu) ffioedd proffesiynol, er enghraifft ar gyfer cyfreithiwr neu brocer stoc costau gwella eiddo neu dir er mwyn cynyddu ei werth, er enghraifft adeiladu ystafell wydr (ond nid atgyweirio neu gynnal a chadw rheolaidd) Rhyddhad Treth Mae’n bosibl y bydd ymddiriedolwyr yn gallu lleihau neu ohirio swm y dreth y mae’r ymddiriedolaeth yn ei thalu os yw’r enillion yn gymwys ar gyfer ryddhad treth. Rhyddhad Disgrifiad Rhyddhad Preswylfan Preifat (yn agor tudalen Saesneg) Nid yw ymddiriedolwyr yn talu unrhyw Dreth Enillion Cyfalaf pan fyddant yn gwerthu eiddo y mae’r ymddiriedolaeth yn berchen arno. Mae’n rhaid iddo fod y prif fan preswylio ar gyfer rhywun sy’n cael byw yno o dan reolau’r ymddiriedolaeth. Rhyddhad Gwaredu Ased Busnes (yn agor tudalen Saesneg) Mae ymddiriedolwyr yn talu Treth Enillion Cyfalaf o 10% ar enillion cymwys os ydynt yn gwerthu asedion a ddefnyddir ym musnes buddiolwr, sydd bellach wedi dod i ben. Mae’n bosibl iddynt hefyd cael rhyddhad pan fyddant yn gwerthu cyfranddaliadau mewn cwmni lle’r oedd gan y buddiolwr o leiaf 5% o’r cyfranddaliadau a’r hawliau pleidleisio. Rhyddhad Daliol (yn agor tudalen Saesneg) Nid yw ymddiriedolwyr yn talu unrhyw dreth os ydynt yn trosglwyddo asedion i’r buddiolwyr (neu ymddiriedolwyr eraill mewn rhai achosion). Mae’r derbynnydd yn talu treth pan fydd yn gwerthu neu’n gwaredu’r asedion, oni bai ei bod hefyd yn hawlio rhyddhad. Lwfans rhydd o dreth Yr unig adeg y mae’n rhaid i ymddiriedolwyr dalu Treth Enillion Cyfalaf yw pan fo cyfanswm yr enillion trethadwy yn fwy na lwfans rhydd o dreth yr ymddiriedolaeth (sef y ‘swm eithriedig blynyddol’). Ar gyfer blwyddyn dreth 2024 i 2025, y lwfans rhydd o dreth ar gyfer ymddiriedolaethau yw: £1,500 £3,000 os yw’r buddiolwr yn agored i niwed – person anabl neu blentyn sydd wedi colli rhiant Os oes yna fwy nag un buddiolwr, gall y lwfans uwch fod yn berthnasol hyd yn oed os mai dim ond un ohonynt sy’n agored i niwed. Gweler lwfansau rhydd o dreth ar gyfer blynyddoedd treth blaenorol (yn agor tudalen Saesneg) . Gall y lwfans rhydd o dreth gael ei ostwng os yw setlwr yr ymddiriedolaeth wedi creu mwy nag un ymddiriedolaeth (‘setliad’) ers 6 Mehefin 1978. Mae yna wybodaeth fwy manwl am Dreth Enillion Cyfalaf a Hunanasesiad ar gyfer ymddiriedolaethau (yn agor tudalen Saesneg) . Rhoi gwybod i CThEF am enillion Mae’n rhaid i ymddiriedolwyr roi gwybod am unrhyw dreth sy’n ddyledus ar eiddo preswyl yn y DU, a’i thalu, gan ddefnyddio cyfrif Treth Enillion Cyfalaf ar eiddo yn y DU (yn agor tudalen Saesneg) . Mae’n rhaid iddynt wneud hyn cyn pen: 60 diwrnod o werthu’r eiddo, os oedd y dyddiad cwblhau ar neu ar ôl 27 Hydref 2021 30 diwrnod o werthu’r eiddo, os oedd y dyddiad cwblhau rhwng 6 Ebrill 2020 a 26 Hydref 2021 Mae’n rhaid i ymddiriedolwyr roi gwybod am asedion eraill sy’n cael eu gwerthu neu eu trosglwyddo ar Ffurflen Dreth Hunanasesiad Ymddiriedolaeth ac Ystâd . Ewch ati i lawrlwytho a llenwi ffurflen Treth Enillion Cyfalaf Ymddiriedolaeth ac Ystâd (SA905) (yn agor tudalen Saesneg) os ydych yn ymddiriedolwr ac yn anfon Ffurflen Dreth drwy’r post. Mae’r rheolau’n wahanol ar gyfer rhoi gwybod am golled . Os oes angen rhagor o help arnoch Mae yna arweiniad mwy manwl ar Dreth Enillion Cyfalaf (yn agor tudalen Saesneg) . Cysylltwch â CThEF neu ceisiwch gyngor treth proffesiynol (yn agor tudalen Saesneg) os oes angen help arnoch.

Ymddiriedolaethau a Threth Etifeddiant

Mae’n bosibl y bydd yn rhaid talu Treth Etifeddiant ar ystâd person (ei arian a’i eiddo) pan fydd yn marw. Mae Treth Etifeddiant yn ddyledus ar 40% ar unrhyw beth sydd dros y trothwy (yn agor tudalen Saesneg) - ond mae yna gyfradd is, sef 36%, os yw ewyllys y person yn gadael mwy na 10% o’i ystâd i elusen. Gall Treth Etifeddiant hefyd fod yn berthnasol pan eich bod yn fyw os ydych yn trosglwyddo peth o’ch ystâd i mewn i ymddiriedolaeth. Pryd mae Treth Etifeddiant yn ddyledus Y prif sefyllfaoedd lle mae Treth Etifeddiant yn ddyledus yw: pan fo asedion yn cael eu trosglwyddo i mewn i ymddiriedolaeth (yn agor tudalen Saesneg) pan mae ymddiriedolaeth yn cyrraedd 10 mlynedd oed (yn agor tudalen Saesneg) ar ôl ei greu (mae yna daliadau Treth Etifeddiant bob 10 mlynedd) pan fo asedion yn cael eu trosglwyddo allan o ymddiriedolaeth (yn agor tudalen Saesneg) (a elwir ‘taliadau ymadael’) neu pan fo ymddiriedolaeth yn dod i ben pan fo rhywun yn marw (yn agor tudalen Saesneg) ac mae ymddiriedolaeth yn ymwneud â delio â’r ystâd (yn agor tudalen Saesneg) Yr hyn yr ydych yn talu Treth Etifeddiant arno Rydych yn talu Treth Etifeddiant ar ‘eiddo perthnasol’ (yn agor tudalen Saesneg) - asedion megis arian, cyfranddaliadau, tai neu dir. Mae hyn yn cynnwys yr asedion yn y rhan fwyaf o ymddiriedolaethau. Mae yna rai achlysuron pan efallai na fydd yn rhaid i chi dalu Treth Etifeddiant - er enghraifft pan fo’r ymddiriedolaeth yn cynnwys eiddo wedi’i eithrio (yn agor tudalen Saesneg) . Rheolau arbennig Mae rhai mathau o ymddiriedolaethau yn cael eu trin yn wahanol ar gyfer Treth Etifeddiant. Ymddiriedolaethau gwag Gyda’r rhain, mae asedion mewn ymddiriedolaeth yn cael eu cadw yn enw ymddiriedolwr, ond maent yn mynd yn uniongyrchol i’r buddiolwr, sydd â hawl i asedion ac incwm yr ymddiriedolaeth. Gall trosglwyddiadau i mewn i ymddiriedolaethau gwag hefyd fod wedi’u heithrio rhag Treth Etifeddiant, cyn belled â bod y person sy’n gwneud y trosglwyddiad dal yn fyw 7 mlynedd ar ôl gwneud y trosglwyddiad. Ymddiriedolaethau buddiant mewn meddiant Yn yr ymddiriedolaethau hyn, mae gan y buddiolwr hawl i incwm yr ymddiriedolaeth wrth iddo gael ei gynhyrchu - gelwir hyn yn ‘fuddiant mewn meddiant’. Nid oes Treth Etifeddiant i’w thalu ar asedion a drosglwyddwyd i mewn i’r math hwn o ymddiriedolaeth cyn 22 Mawrth 2006. Gall y tâl Treth Etifeddiant bob 10 mlynedd fod yn ddyledus ar asedion a drosglwyddwyd ar neu ar ôl 22 Mawrth 2006. Yn ystod oes yr ymddiriedolaeth, nid oes Treth Etifeddiant i’w thalu cyn belled â bod yr ased yn aros yn yr ymddiriedolaeth ac yn parhau i fod yn ‘fuddiant’ y buddiolwr. Rhwng 22 Mawrth 2006 a 5 Hydref 2008: gall buddiolwyr ymddiriedolaethau buddiant mewn meddiant drosglwyddo’u buddiant mewn meddiant i fuddiolwyr eraill, megis eu plant gelwid hyn yn gwneud ‘buddiant cyfresol trosiannol’ does dim Treth Etifeddiant i’w thalu yn y sefyllfa hon O 5 Hydref 2008 ymlaen: ni all buddiolwyr ymddiriedolaethau buddiant mewn meddiant drosglwyddo’u buddiant fel buddiant cyfresol trosiannol os yw buddiant yn cael ei drosglwyddo ar ôl y dyddiad hwn, mae’n bosibl y bydd tâl o 20% a thâl Treth Etifeddiant bob 10 mlynedd yn daladwy oni bai ei fod yn ymddiriedolaeth ar gyfer person anabl Os ydych yn etifeddu ymddiriedolaeth buddiant mewn meddiant oddi wrth rywun sydd wedi marw, nid oes Treth Etifeddiant i’w thalu ar achlysur 10 mlynedd. Yn lle hynny, bydd treth o 40% yn ddyledus pan fyddwch yn marw. Os sefydlwyd yr ymddiriedolaeth gan ewyllys Efallai y bydd rhywun yn gofyn bod rhai o’u hasedion, neu eu hasedion i gyd, yn cael eu rhoi i mewn i ymddiriedolaeth. Gelwir hyn yn ‘ymddiriedolaeth ewyllys’. Rhaid i gynrychiolydd personol yr ymadawedig sicrhau bod yr ymddiriedolaeth wedi’i chreu yn y ffordd gywir, a bod yr holl drethi yn cael eu talu, a rhaid i’r ymddiriedolwyr sicrhau bod Treth Etifeddiant yn cael ei thalu ar unrhyw daliadau yn y dyfodol. Os yw’r ymadawedig wedi trosglwyddo asedion i mewn i ymddiriedolaeth cyn iddo farw Os ydych yn prisio ystâd rhywun sydd wedi marw, bydd angen i chi gael gwybod p’un a ydyw wedi gwneud unrhyw drosglwyddiadau yn ystod y 7 mlynedd cyn iddo farw. Os yw wedi gwneud hynny, ac mae wedi talu Treth Etifeddiant o 20%, bydd angen i chi dalu 20% ychwanegol o’r ystâd. Hyd yn oed os nad oedd Treth Etifeddiant i’w thalu ar y trosglwyddiad, mae’n dal yn rhaid i chi ychwanegu ei werth at ystâd y person pan fyddwch yn ei phrisio at ddibenion Treth Etifeddiant. Ymddiriedolaethau ar gyfer plant dan oed mewn profedigaeth Plentyn dan oed mewn profedigaeth yw person o dan 18 oed sydd wedi colli o leiaf un rhiant neu lys riant. Pan fo ymddiriedolaeth wedi’i chreu ar gyfer plentyn dan oed mewn profedigaeth, nid oes taliadau Treth Etifeddiant os yw’r canlynol yn berthnasol: mae’r asedion yn yr ymddiriedolaeth wedi’u neilltuo ar gyfer y plentyn dan oed mewn profedigaeth yn unig mae’n cael hawl llwyr i’r asedion erbyn iddo droi’n 18 oed Gall ymddiriedolaeth ar gyfer plentyn dan oed mewn profedigaeth gael ei chreu fel ymddiriedolaeth 18 i 25 oed - nid yw’r tâl bob 10 mlynedd yn berthnasol. Fodd bynnag, dyma’r prif wahaniaethau: rhaid i’r buddiolwr gael hawl llwyr i’r asedion yn yr ymddiriedolaeth erbyn iddo droi’n 25 oed pan fo’r buddiolwr rhwng 18 oed a 25 oed, gall taliadau ymadael Treth Etifeddiant fod yn berthnasol Ymddiriedolaethau ar gyfer buddiolwyr sy’n anabl Nid oes tâl bob 10 mlynedd na thâl ymadael ar y math hwn o ymddiriedolaeth, cyn belled â bod yr ased yn aros yn yr ymddiriedolaeth ac yn parhau i fod yn ‘fuddiant’ y buddiolwr. Hefyd, nid oes rhaid i chi dalu Treth Etifeddiant wrth drosglwyddo asedion i mewn i ymddiriedolaeth ar gyfer person anabl cyn belled â bod y person sy’n gwneud y trosglwyddiad dal yn fyw 7 mlynedd ar ôl gwneud y trosglwyddiad. Talu Treth Etifeddiant Rydych yn talu Treth Etifeddiant (yn agor tudalen Saesneg) drwy ddefnyddio ffurflen IHT100. Os ydych yn prisio ystâd rhywun sydd wedi marw , efallai y bydd angen i chi brisio asedion eraill ar wahân i ymddiriedolaethau i weld a oes Treth Etifeddiant yn ddyledus. Rhagor o help a gwybodaeth Mae yna arweiniad mwy manwl ar ymddiriedolaethau a Threth Etifeddiant (yn agor tudalen Saesneg) . Cysylltwch â CThEF neu ceisiwch gyngor treth proffesiynol (yn agor tudalen Saesneg) os oes angen help arnoch.

Buddiolwyr - talu ac adennill treth ar ymddiriedolaethau

Os ydych yn fuddiolwr ymddiriedolaeth, mae yna reolau gwahanol yn dibynnu ar y math o ymddiriedolaeth. Mae’n bosibl y bydd yn rhaid i chi dalu treth drwy Hunanasesiad neu mae’n bosibl y bydd gennych hawl i ad-daliad treth. Os nad ydych yn anfon Ffurflen Dreth fel arfer, a bod angen i chi wneud hynny, mae’n rhaid i chi gofrestru ar gyfer Hunanasesiad erbyn 5 Hydref yn dilyn y flwyddyn dreth y cawsoch yr incwm. Darllenwch yr wybodaeth ar y gwahanol fathau o ymddiriedolaeth er mwyn deall y prif wahaniaethau rhyngddynt. Os nad ydych yn siŵr pa fath o ymddiriedolaeth sydd gennych, gofynnwch i’r ymddiriedolwyr. Os ydych yn fuddiolwr ymddiriedolaeth wag, chi sy’n gyfrifol am ddatgan a thalu treth ar ei hincwm. Gwnewch hyn ar Ffurflen Dreth Hunanasesiad . Os nad ydych yn anfon Ffurflen Dreth fel arfer, a bod angen i chi wneud hynny, mae’n rhaid i chi gofrestru ar gyfer Hunanasesiad erbyn 5 Hydref yn dilyn y flwyddyn dreth y cawsoch yr incwm. Ymddiriedolaethau buddiant mewn meddiant Os mai chi yw buddiolwr y math hwn o ymddiriedolaeth, mae gennych hawl i’w hincwm (ar ôl treuliau) wrth iddo godi. Os ydych yn gwneud cais am ddatganiad, mae’n rhaid i’r ymddiriedolwyr roi gwybod i chi am y canlynol: y gwahanol ffynonellau o incwm faint o incwm rydych wedi ei gael faint o dreth sydd wedi’i thalu ar yr incwm Fel arfer, byddwch yn cael yr incwm drwy law yr ymddiriedolwyr, ond mae’n bosibl y byddant yn ei roi yn uniongyrchol i chi, heb dalu treth yn gyntaf. Os bydd hyn yn digwydd, mae’n rhaid i chi ei gynnwys ar eich Ffurflen Dreth Hunanasesiad . Os nad ydych yn anfon Ffurflen Dreth fel arfer, mae’n rhaid i chi gofrestru ar gyfer Hunanasesiad erbyn 5 Hydref y flwyddyn ar ôl i chi gael yr incwm. ###Enghraifft Cawsoch incwm o’r ymddiriedolaeth ym mis Awst 2023. Rhaid i chi gofrestru ar gyfer Hunanasesiad cyn 5 Hydref 2024. Os ydych yn drethdalwr cyfradd sylfaenol Ni fydd arnoch unrhyw dreth ychwanegol. Bydd yn dal i fod yn rhaid i chi lenwi Ffurflen Dreth Hunanasesiad er mwyn dangos yr incwm yr ydych yn ei gael o ymddiriedolaeth buddiant mewn meddiant, ond byddwch yn cael credyd ar gyfer y dreth y mae’r ymddiriedolwyr yn ei thalu. Mae hyn yn golygu nad yw’r incwm yn cael ei drethu dwywaith. Os ydych yn drethdalwr cyfradd uwch Bydd yn rhaid i chi dalu treth ychwanegol ar y gwahaniaeth rhwng y dreth y mae’r ymddiriedolwyr wedi’i thalu a’r hyn yr ydych chi, fel trethdalwr cyfradd uwch, yn agored iddi. Bydd hyn yn cael ei gyfrifo pan fyddwch yn gwneud eich Hunanasesiad. Sut i adennill treth Gallwch adennill y dreth a dalwyd ar y canlynol: difidendau (os oes hawl gennych i lwfans difidend (yn agor tudalen Saesneg) ) llog ar gynilion (os oes hawl gennych i lwfans cynilion personol (yn agor tudalen Saesneg) ) incwm o fasnachu neu o eiddo (os oes hawl gennych i lwfans masnachu neu lwfans eiddo (yn agor tudalen Saesneg) ) Bydd swm y lwfans yn cael ei ostwng os yw wedi cael ei ddefnyddio eisoes yn erbyn peth o’r incwm. Gelwir y lwfans sydd gennych dros ben yn ‘lwfans sydd ar gael’. Os yw swm yr incwm yr ydych yn ei gael yn llai na’r lwfans sydd ar gael, neu’n gyfartal ag ef, gallwch adennill yr holl dreth a dalwyd. Os yw swm yr incwm yr ydych yn ei gael yn fwy na’r lwfans sydd ar gael, gallwch ond hawlio’r dreth a dalwyd ar y lwfans sydd ar gael. Os ydych yn drethdalwr Hunanasesiad bydd yr ad-daliad yn cael ei gyfrifo fel rhan o’ch Ffurflen Dreth. Os nad ydych yn drethdalwr Hunanasesiad, gallwch adennill y dreth drwy ddefnyddio ffurflen R40 . Mae angen i chi wneud hawliad ar wahân ar gyfer pob blwyddyn dreth. Ymddiriedolaethau cronnol neu amodol Yn yr ymddiriedolaethau hyn, caiff yr holl incwm a gafwyd gan fuddiolwyr ei drin fel petai wedi ei drethu eisoes ar 45%. Os ydych yn drethdalwr cyfradd ychwanegol, ni fydd rhagor o dreth i’w thalu. Mae’n bosibl y byddwch yn gallu hawlio treth yn ôl ar incwm yr ymddiriedolaeth yr ydych wedi ei gael os yw unrhyw un o’r canlynol yn berthnasol: nid ydych yn drethdalwr rydych yn talu treth ar y gyfradd sylfaenol, sef 20% rydych yn talu treth ar y gyfradd uwch, sef 40% Gallwch adennill y dreth sydd wedi’i thalu drwy ddefnyddio ffurflen R40. Os ydych yn llenwi Ffurflen Dreth, gallwch hawlio drwy Hunanasesiad. Ymddiriedolaethau amodol pan fo buddiant gan setlwr Os yw’r ymddiriedolaeth pan fo buddiant gan setlwr yn ymddiriedolaeth amodol, caiff taliadau a wnaed i briod neu bartner sifil y setlwr eu trin fel petaent wedi’u trethu eisoes ar 45%. Does dim rhagor o dreth i’w thalu. Fodd bynnag, yn wahanol i daliadau a wnaed o fathau eraill o ymddiriedolaethau, ni all y credyd treth gael ei hawlio’n ôl. Ymddiriedolaethau ar gyfer pobl nad ydynt yn breswyl Dyma ymddiriedolaeth lle nad yw’r ymddiriedolwyr yn preswylio yn y DU at ddibenion treth. Mae’r rheolau treth ar gyfer y math hwn o ymddiriedolaeth yn gymhleth iawn - mae arweiniad manwl ar gael yn ymddiriedolaethau ar gyfer pobl nad ydynt yn breswyl (yn agor tudalen Saesneg) . Os yw cynllun pensiwn yn talu i mewn i ymddiriedolaeth Pan fo cynllun pensiwn yn talu cyfandaliad trethadwym (yn agor tudalen Saesneg) i mewn i ymddiriedolaeth ar ôl i ddeiliad y pensiwn farw, trethir y taliad ar 45%. Os ydych yn fuddiolwr sy’n cael taliad a ariannir gan y cyfandaliad hwn, byddwch chi’n cael eich trethu hefyd. Gallwch hawlio’n ôl y dreth a dalwyd ar y cyfandaliad gwreiddiol - gwnewch hyn ar eich Ffurflen Dreth Hunanasesiad os ydych yn llenwi un, neu defnyddiwch ffurflen R40 . Bydd yr ymddiriedolaeth yn rhoi gwybod i chi beth yw’r swm sydd angen i roi gwybod amdano - fel arfer, bydd hwn yn fwy na’r swm rydych yn ei gael mewn gwirionedd.

Ymddiriedolwyr - cyfrifoldebau treth

Fel yr ymddiriedolwr, rydych yn gyfrifol am roi gwybod am dreth a’i thalu ar ran yr ymddiriedolaeth. Os oes 2 neu fwy o ymddiriedolwyr, enwebwch un fel yr ‘ymddiriedolwr sy’n gweithredu’n bennaf’ i reoli treth yr ymddiriedolaeth. Mae’r ymddiriedolwyr eraill yn dal i fod yn atebol, a gellir codi treth a llog arnynt os nad yw’r ymddiriedolaeth yn talu. Cofrestru ymddiriedolaeth Ar ôl i ymddiriedolaeth ddod yn agored i dreth, rhaid i chi gofrestru ymddiriedolaeth gyda Chyllid a Thollau EF. Anfon Ffurflenni Treth Rhaid i chi roi gwybod am incwm ac enillion yr ymddiriedolaeth ar Ffurflen Dreth Hunanasesiad ymddiriedolaeth ac ystâd ar ôl diwedd bob blwyddyn dreth. Gallwch wneud y naill neu’r llall o’r canlynol: prynu meddalwedd (yn agor tudalen Saesneg) i’w hanfon drwy ddull electronig erbyn 31 Ionawr llenwi ffurflen bapur SA900 (yn agor tudalen Saesneg) a’i phostio i CThEF erbyn 31 Hydref (3 mis yn gynharach) Gallwch hefyd cael help , er enghraifft gan CThEF neu drwy gael cyfrifydd i wneud eich Ffurflen Dreth ar eich rhan. Ar ôl i chi anfon eich Ffurflen Dreth, bydd CThEF yn rhoi gwybod i chi faint sydd arnoch. Bydd angen i chi dalu’r bil Hunanasesiad erbyn y dyddiad cau. Bydd angen i chi gasglu a chadw cofnodion (yn agor tudalen Saesneg) (er enghraifft, cyfriflenni banc) er mwyn llenwi’ch Ffurflen Dreth. Rhoi gwybod i fuddiolwyr am dreth ac incwm Os yw’r buddiolwr yn gwneud cais am un, mae’n rhaid i chi roi datganiad iddo sy’n dangos swm yr incwm a’r dreth a dalwyd gan yr ymddiriedolaeth. Gallwch ddefnyddio ffurflen R185 (trust) (yn agor tudalen Saesneg) i wneud hyn. Mae yna ffurflen wahanol os oes angen i chi roi datganiad i setlwr sy’n cadw buddiant (yn agor tudalen Saesneg) . Os oes mwy nag un buddiolwr, mae’n rhaid i chi roi’r wybodaeth hon i bob un ohonynt mewn perthynas â’r swm y mae bob un yn ei gael. Taliadau budd-dal marwolaeth o gynllun pensiwn Rhaid i chi roi gwybodaeth ychwanegol i’r buddiolwr os yw’r ddau beth canlynol yn berthnasol: rydych yn gwneud taliad a ariannir gan gyfandaliad trethadwy (yn agor tudalen Saesneg) o gynllun pensiwn mae deiliad y pensiwn wedi marw Defnyddiwch ffurflen R185 (LSDB) os ydych yn ymddiriedolwr. Mae yna ffurflen wahanol os ydych yn weinyddwr pensiwn . Mae’n rhaid i chi roi gwybod i’r buddiolwr cyn pen 30 diwrnod. Cyfrifoldebau eraill Mae’n bosibl y bydd angen i chi roi gwybod i CThEF am bethau eraill. Mae angen i chi wneud y canlynol: defnyddiwch y gwasanaeth ar-lein er mwyn rhoi gwybod i CThEF os oes yna unrhyw newidiadau i’r ymddiriedolaeth (yn agor tudalen Saesneg) llenwch ffurflen IHT100 (yn agor tudalen Saesneg) pan fo angen i’r ymddiriedolaeth dalu Treth Etifeddiant . Mae’ch cyfrifoldebau eraill fel ymddiriedolwr yn dibynnu ar y math o ymddiriedolaeth ac unrhyw gyfarwyddiadau gan y person a greodd yr ymddiriedolaeth yn y weithred ymddiriedolaeth.

Pryd y mae’n rhaid i chi gofrestru ymddiriedolaeth

Mae’n rhaid cofrestru’r rhan fwyaf o ymddiriedolaethau. Mae rhai achosion lle na fydd yn rhaid i chi gofrestru. Nid oes yn rhaid i chi byth gofrestru ymddiriedolaeth a orfodwyd gan lys neu a grëwyd drwy ddeddfwriaeth. Gallwch gael cyngor gan gyfreithiwr (yn Saesneg) neu ymgynghorydd treth (yn Saesneg) ynghylch pryd y dylid cofrestru ymddiriedolaeth. Os yw’ch ymddiriedolaeth yn agored i drethi’r DU Fel arfer, mae’n rhaid i chi gofrestru’ch ymddiriedolaeth gyda Chyllid a Thollau EF ( CThEF ) os daw’n agored i unrhyw un o’r canlynol: Treth Enillion Cyfalaf Treth Incwm Treth Etifeddiant Treth Tollau Stamp Wrth Gefn Treth Dir y Tollau Stamp neu Dreth Trafodiadau Tir ac Adeiladau (yn yr Alban) Treth Trafodiadau Tir (yng Nghymru) Mae’n rhaid i chi hefyd gofrestru ymddiriedolaeth er mwyn hawlio rhyddhad treth. Ymddiriedolaethau dibreswyl Mae’n rhaid i chi gofrestru ymddiriedolaeth ddibreswyl (yn Saesneg) os daw’n agored i’r canlynol: treth ar incwm yn y DU treth ar asedion yn y DU Os nad yw’ch ymddiriedolaeth yn agored i drethi’r DU Mae’n rhaid i chi gofrestru’ch ymddiriedolaeth, hyd yn oed os nad yw’n agored i drethi’r DU – oni bai bod unrhyw un o’r canlynol yn wir. Nid oes yn rhaid i chi gofrestru’ch ymddiriedolaeth os yw’r canlynol yn wir: mae’r ymddiriedolaeth yn dal arian neu asedion cynllun pensiwn cofrestredig yn y DU – megis cynllun pensiwn galwedigaethol mae’r ymddiriedolaeth yn dal polisïau bywyd neu ymddeoliad (ar yr amod mai dim ond yn sgil marwolaeth, salwch angheuol neu ddifrifol, neu anabledd parhaol y mae’r polisi’n talu, neu i dalu costau gofal iechyd y person sydd wedi’i yswirio) mae’r ymddiriedolaeth yn dal buddiannau polisi yswiriant a gafwyd ar ôl marwolaeth y person sydd wedi’i yswirio (cyn belled â bod y buddiannau’n cael eu talu gan yr ymddiriedolaeth cyn pen 2 flynedd i’r farwolaeth) mae’r ymddiriedolaeth yn ymddiriedolaeth elusennol sydd wedi’i chofrestru fel elusen yn y DU neu nad yw’n ofynnol iddi gofrestru fel elusen mae’r ymddiriedolaeth yn ymddiriedolaeth ‘beilot’ a sefydlwyd cyn 6 Hydref 2020 ac nid yw’n dal mwy na £100 – bydd angen i ymddiriedolaethau peilot a sefydlwyd ar neu ar ôl 6 Hydref 2020 gofrestru mae’r ymddiriedolaeth yn ymddiriedolaeth gydberchnogol a sefydlwyd i ddal cyfrannau o eiddo neu asedion eraill a berchenogir ar y cyd gan 2 neu fwy o bobl ar eu rhan eu hunain fel ‘tenantiaid cydradd’ mae’r ymddiriedolaeth yn ymddiriedolaeth ewyllys a grëwyd gan ewyllys person ac sy’n dod i rym adeg ei farwolaeth (ar yr amod mai dim ond am hyd at 2 flynedd ar ôl i’r person farw y mae’r ymddiriedolaeth yn dal asedion yr ystâd) mae’r ymddiriedolaeth yn ymddiriedolaeth ar gyfer plant mewn profedigaeth o dan 18 oed, neu oedolion 18 i 25 oed, a sefydlwyd o dan ewyllys (neu ddiewyllysedd) rhiant ymadawedig neu’r Cynllun Digolledu am Anafiadau Troseddol mae’r ymddiriedolaeth yn ymddiriedolaeth ‘ariannol’ neu ‘fasnachol’ a grëwyd wrth ddarparu gwasanaethau proffesiynol neu gynnal trafodion busnes er mwyn dal arian neu asedion eraill i gleientiaid Nid yw rhai cynhyrchion a threfniadau ariannol sydd ag ‘Ymddiriedolaeth’ yn eu disgrifiad (megis y Gronfa Ymddiriedolaeth Plant neu Ymddiriedolaethau Cyfalaf Menter) yn ymddiriedolaethau mewn gwirionedd. Mynnwch gyngor gan gyfreithiwr (yn Saesneg) neu ymgynghorydd treth (yn Saesneg) os nad ydych yn siŵr. Sut i gofrestru Mae sut rydych yn cofrestru ymddiriedolaeth yn dibynnu a ydych yn: ymddiriedolwr (yn Saesneg) asiant sy’n cofrestru ymddiriedolaeth ar gyfer cleient (yn Saesneg) Mae yna broses wahanol os oes angen i chi gofrestru ystâd rhywun sydd wedi marw.

Ymddiriedolaethau a threthi

Trosolwg

Mae ymddiriedolaeth yn ddull o reoli asedion (arian, buddsoddiadau, tir neu eiddo) ar gyfer pobl. Mae gwahanol fathau o ymddiriedolaethau ac maent yn cael eu trethu’n wahanol.

Mae ymddiriedolaeth yn cynnwys:

y ‘setlwr’ - y person sy’n rhoi asedion i mewn i ymddiriedolaeth
yr ‘ymddiriedolwr’ - y person sy’n rheoli’r ymddiriedolaeth
y ‘buddiolwr’ - y person sy’n elwa o’r ymddiriedolaeth

Mae’r canllaw hwn hefyd ar gael yn agor tudalen Saesneg (English).

Yr hyn y mae ymddiriedolaethau ar ei gyfer

Caiff ymddiriedolaethau eu creu am nifer o resymau, gan gynnwys:

er mwyn rheoli a diogelu asedion teuluol
pan mae rhywun yn rhy ifanc i ddelio â materion treth ei hunain
pan na all rhywun ddelio â materion treth ei hunain oherwydd analluogrwydd
er mwyn trosglwyddo asedion tra’ch bod dal yn fyw
er mwyn trosglwyddo asedion pan eich bod yn marw (‘ymddiriedolaeth ewyllys’)
o dan reolau etifeddiaeth os yw rhywun yn farw heb ewyllys (yng Nghymru a Lloegr)

Yr hyn y mae setlwr yn ei wneud

Mae setlwr yn penderfynu sut y dylai asedion mewn ymddiriedolaeth gael eu defnyddio - fel arfer nodir hyn mewn dogfen o’r enw ‘gweithred ymddiriedolaeth’.

Weithiau gall y setlwr hefyd gael buddiant o’r asedion mewn ymddiriedolaeth - gelwir hyn yn ymddiriedolaeth ‘pan fo buddiant gan y setlwr’ ac mae ganddo reolau treth arbennig. Dysgwch ragor drwy ddarllen yr wybodaeth am wahanol fathau o ymddiriedolaethau.

Yr hyn y mae ymddiriedolwyr yn ei wneud

Yr ymddiriedolwyr yw perchnogion cyfreithlon yr asedion a ddelir mewn ymddiriedolaeth. Eu rôl yw:

delio â’r asedion yn unol â dymuniadau’r setlwr, fel y nodir yn y weithred ymddiriedolaeth neu ei ewyllys
rheoli’r ymddiriedolaeth o ddydd i ddydd a thalu unrhyw dreth sy’n ddyledus
penderfynu sut i fuddsoddi neu ddefnyddio asedion yr ymddiriedolaeth

Os yw’r ymddiriedolwyr yn newid, gall yr ymddiriedolaeth barhau o hyd, ond mae rhaid bod yna o leiaf un ymddiriedolwr drwy’r amser.

Buddiolwyr

Efallai y bydd mwy nag un buddiolwr, megis teulu cyfan neu grŵp penodol o bobl. Mae’n bosibl iddynt elwa o’r canlynol:

incwm o ymddiriedolaeth yn unig, er enghraifft o roi tŷ a ddelir mewn ymddiriedolaeth ar osod
y cyfalaf yn unig, er enghraifft cael cyfranddaliadau a ddelir mewn ymddiriedolaeth wrth iddynt gyrraedd oedran penodol
yr incwm a’r cyfalaf a ddelir mewn ymddiriedolaeth

Os oes angen help arnoch

Cysylltwch â ymgynghorydd cyfreithiol (yn agor tudalen Saesneg) neu ymgynghorydd treth (yn agor tudalen Saesneg). Gallant hefyd siarad â Chyllid a Thollau EF (CThEF) ar eich rhan os ydych yn rhoi caniatâd iddynt wneud hynny.

Gallwch hefyd gael help gan y Gymdeithas Ymarferwyr Ymddiriedolaethau ac Ystadau.

Argraffu'r canllaw cyfan

Ymddiriedolaethau a threthi

Trosolwg

Yr hyn y mae ymddiriedolaethau ar ei gyfer

Yr hyn y mae setlwr yn ei wneud

Yr hyn y mae ymddiriedolwyr yn ei wneud

Buddiolwyr

Os oes angen help arnoch

Is this page useful?

Help us improve GOV.UK

Help us improve GOV.UK

Cookies on GOV.UK

Ymddiriedolaethau a threthi

Trosolwg

Yr hyn y mae ymddiriedolaethau ar ei gyfer

Yr hyn y mae setlwr yn ei wneud

Yr hyn y mae ymddiriedolwyr yn ei wneud

Buddiolwyr

Os oes angen help arnoch

Is this page useful?

Help us improve GOV.UK

Help us improve GOV.UK